Siam 28

营业中

休息中

Set lunch was just ordinary. The beef noodles looked dark and not fresh. Also ordered curry soft shell crabs while the curry was not impressive at all. Also feel disgusting when we finally saw those posters on the walls and entrance. No reason to visit again.

呢間餐廳開係銅鑼灣祟光百貨隔離既澳門逸園中心，成棟大廈都係餐廳林立。午餐同晚餐我都曾經幫襯過，午餐非常抵食，set lunch唔使加錢有齊湯（可以揀冬陰功蔬菜湯），主菜同特飲（有青檸梳打）。最鍾意食佢個泰式海鮮粉絲，酸酸辣辣好開胃😋。另外啲咖喱同炒野都好好味。侍應又細心，雖然客人好多，但都會留意住你時需要，會轉登換個隻碟畀你食甜品。甜品方面，佢個芒果糯米飯係香煎，比較有特色👍🏻可惜係上次個芒果冇味道，唔甜又唔酸，有啲失色。

Siam 28依間餐廳一直都喺我哋個list度，又有一排冇食過泰國菜想食下啲酸酸辣辣嘅食物，最後決定試一試，睇下質素如何。泰式鳳爪 (辣) ($69)：無骨鳳爪果然食得過癮，撈埋酸酸辣辣嘅汁好開胃！燒豬頸肉 ($89)：肉質夠爽口，仲有一陣炭燒嘅香味，配埋佢哋特制嘅辣醬汁，一流！泰北牛腩湯 ($109)：員工提醒我地依款湯係會好辣，雖然我地都係食得辣之人，不過比佢嚇一嚇之後我哋就表示可以減低少少個辣度。果然一飲真係幾猛料，而湯嘅味道就好似加左辣同加左牛腩嘅冬陰功😂 至於牛腩嘅質素就不過不失啦炒鮮蝦金邊粉 ($122)：無論係個調味或者麵嘅硬度都做得幾好！麵唔會太腍亦唔會黐埋一舊，而且每條麵都掛汁，唔錯！如果一定要“挑剔” 下就可能係啲蝦唔夠新鮮啦

叫左個辣豬肉生菜包 金邊粒同埋紅咖哩鴨胸配薄餅個辣豬肉生菜包叫左小辣但都幾辣 但好好食 食到停唔到口 除左辣味之外仲有啲香料味 啲味道好有層次好豐富 勁正 男朋友話好似落左罌粟粉咁 食到上左癮 佢差啲連碟都奶埋之後個紅咖哩都好食 食埋啲鴨皮超香🤤 同埋入面有個泰式嘅蕃茄完全唔似蕃茄 我都食 佢似係椒/瓜多啲最後金邊粉都唔錯 啲蝦好爽 👍👍 總結間野好食 可以推介其他人一試👍👍👍

星期五同朋友來呢間泰國餐廳食lunch，叫咗軟殼蟹配薄餅+香茅豬肉碎炒飯+芒果香煎糯米飯，Set Lunch仲包埋餐湯同飲品添。上菜速度快，服務態度好好👍🏻食物質素高，影相都好靚，大力推薦！

今日同朋友食lunch, 叫左泰式咖哩蟹飯。性價比高，包埋冬蔭公湯同野飲，飯亦夠大，最緊要冇味精，因為我係一食味精就會肚痛既人。環境都舒適，岩朋友聚會傾偈。最加分係個男經理服務一流。食完飯我朋友再叫多杯野飲，我冇叫，而我跟餐杯野飲亦飲晒，經理細心地自動俾左杯暖水我。其實呢d 小小既舉動在lunch time 呢d 時候真係會感動。最後我地坐左2 個鐘都冇催我地走。

今晚同朋友慶祝生日就揀咗呢間食泰國菜，環境方便OK整潔衛生，Total點咗4樣嘢，青咖喱雞配薄餅,柚子沙律,泰式鳳爪,豬肉生菜包,食物方面我覺得ok,另外仲叫咗一個椰青同埋一杯香茅冰，埋單都係$600，但最令人深刻印象就係非常好嘅服務態度，店員細心而且又好笑容，呢一點真係大大力咁讚，完全冇諗過一間小店嘅服務可以做得咁足，總之性價比就係高，呢一餐我同我朋友都有讚冇彈👍🏽👍🏽👍🏽一定唔會再返嚟食過

有日即興想係銅鑼灣食泰國菜 結果一搵就搵到sogo隔黎大廈呢間💛良心泰國餐廳 閒日lunch都幾旺場-Lunch set 除左主菜 仲包埋例湯同指定飲品（青檸梳打係正常😙）就算叫特飲都係加$12 加$20就有兩款泰式小食 價錢嚟講可以接受📌泰式咖喱軟殼蟹配薄餅 $88黃咖哩唔會好辣 食到少少甜味 軟殼蟹比較細件 由於咖哩汁索晒入去 食落唔係特別香脆 薄餅入口比想像中油膩 如果轉印度薄餅果種酥脆啲 或者變返蒜茸包可能效果更好📌炒鮮蝦金邊粉 $98賣相係幾值得打卡 用蔥串住幾隻茄汁蝦係幾搞笑以lunch嚟講分量都比得多 味道中規中矩無特別📌餐湯：冬蔭功；冬瓜胡椒清湯冬陰功味道偏酸 冬瓜湯嘅話胡椒味好濃 不過不失整體嚟講味道合格 無咩驚喜 咖喱方面感覺似食葡汁多啲 同埋薄餅唔吸引🥺

環境唔錯 係枱與枱之間逼左少少 服務方面一定要讚 侍應好貼心提我個湯儘快飲 又好勤力要斟水 埋單臨走仲會幫手禁𨋢炸蝦餅 $92即叫即炸五大件 每件都厚身彈牙 炸粉唔會過厚 食落都有蝦味 十分正常紅咖哩燒鴨配薄餅 $139咖哩重椰奶香 偏甜身 鴨都有9件小小件正方粒 肉質正常 鴨皮有一層薄薄既脂肪 都食到油香 仲有菠蘿 青豆 栗米仔 跟咖喱既薄餅有五件 每件都好薄 食唔到煙韌既感覺 份量同埋口感有少少失望炒鮮蝦金邊粉 $122每次食泰國菜都會必嗌 依個係幾唔錯既 上碟靚靚仔仔 用蛋絲整左個網包住成個粉 又有幾樣配料比你選擇落幾多 金邊粉炒得偏濕潤 每條都掛左汁 食落去個粉好入味 最令我覺得驚喜係個粉擺左好耐都唔會痴埋一舊 條條分明 依一點好加分冬蔭公 $109個湯係有蠟燭保溫 唔洗驚凍哂 湯裡面都足料 有4隻蝦 好多菇 兩粒車厘茄 蝦冇雪味 大大隻一直都好鍾意飲冬陰功但依到唔係我鍾意既口味...已經叫左少辣 但一飲落去好嗆喉既酸同辣 見其他食評話重椰香味 但我飲落一d椰奶都飲唔到 唔知係咪因為落少左或者冇落到 如果落番多少少椰奶應該會中和過酸過辣既問題

暫時去唔到旅行, 而最近想去泰國旅行既想法愈嚟愈強烈, 呢日平日中午嚟到呢間泰菜尋找泰國既味道店既環境好有特色, 有置身泰國既感覺, 枱與枱之間有一定距離, 我哋一行4人坐得舒服,適合大家傾計我哋各自點既食物大家都好满意, 外表同味道都好好, 上菜時間快, 餐廳值得推介有2款湯可選 - 選擇左冬蔭公, 同一般冬蔭公比唔算太辣泰式咖哩軟殼蟹+白飯 (可選薄餅) 泰式海南雞飯+油飯 (可選白飯) 乾炒香辣香葉河粉-牛 (另可選雞/豬) 炒鮮蝦金邊粉 下次想念泰國旅行既時候, 會再嚟呢度尋找泰國既味道.

由於同朋友一齊都係喺港島放工所以係前幾日就搵定有咩好食預備幫朋友慶祝生日推咗幾個選擇出嚟之後其中一位朋友話食過呢間感覺都唔錯於是乎就book咗嚟試吓啦.我同另一位朋友早啲到所以已經叫定waiter準備蠟燭留定一份煎芒果糯米飯等一陣可以影相呃下like.同朋友商量好之後我哋就嗌左1. 冬陰功2. 蝦醬炒飯3. 炒通菜4. 生蝦5. 青咖喱雞肉薄餅6. 煎芒果糯米飯嘢飲就分別嗌左1. 香茅特飲2. 椰青3. 泰茶.啲嘢食都黎得幾快唔使話等好耐.首先講吓冬陰功先味道都非常之惹味又唔會辣到飲唔到裏面仲有幾隻大蝦眼見都香料好齊同埋仲有啲菇好足料三個人嗌啱啱好同埋佢冬陰功下面會有蠟燭煲住唔會凍唔錯唔錯.第二碟嚟嘅就係生蝦幾甜又新鮮佢有得order8隻或者12隻咁你可以depends 有幾多一個人我覺得呢個都幾體貼同埋佢有兩個醬俾你選擇紅色嗰隻會相對辣啲青色嗰隻就會相對比較溫和你可以自己選擇口味總括都唔差.然後就都炒通菜我覺得正常發揮可以嘅.青咖喱雞肉薄餅俾我哋想像之中青咖喱好希如果沾薄餅嚟食唔夠掛汁不過佢嘅味道係幾唔錯嘅個雞肉都幾嫩如果個汁再結啲就Perfect.再嚟就係佢嘅蝦醬炒飯我覺得係必須要

由於太耐冇得去旅行今次開始食不同國家菜式第一站就是泰國菜從店舖的名字就即時諗起泰國siam這兒位置不是很多環境也很有泰國feel一攞到菜牌就點了很多小吃味道也不錯冬陰功湯，味道剛剛好不會太辣但兩個人叫的話差不多每日四碗湯，值得推介蝦沙律蝦很大隻份量足素春卷意外地有驚喜串燒就普通了一點炸軟殼蟹配啤酒一流成晚最奇怪的就是這碟咖喱雞一上枱時以為是中式菜，未到我還是可以的但如果你是來食泰國菜感覺上就有少少格格不入其實仲有很多小吃未食值得再嚟嘅地方

喺銅鑼灣返工，當然唔少得周圍搵食重點1: 叫SET好perfect😝大部分嘅lunch set都係$78， 有啲就可能貴少少。每set都包一碗湯，一碟飯麵，仲有一飲品！咁睇落唔算好吸引，但啲選擇好豐富👍🏻好似飲品咁，叫荔枝梳打呢啲飲品係唔需要額外加錢！ 又好似餐湯咁，有兩款選擇！識得揀一定飲冬蔭公🥫冬蔭公湯細細碗，好足料！ 想飲正宗啲嘅朋友就不太推薦，因為佢偏酸少辣，但我唔食得辣就岩岩好😜青咖喱雞配薄餅🍕 咖喱偏甜，薄餅剛剛好脆得嚟唔油😝肉碎炒飯 🍚 泰菜必叫食物， 個人認為略少肉碎☹️但隻半熟蛋係perfect😍炒牛肉河粉🍝 最推呢款😍 啲泰式辣味慢慢進攻味蕾，滲入口腔！ 辣得嚟又好想繼續食🤣豬手飯🍖 呢款都唔差，豬手夠淋身，啲肉唔算老，佢嘅醬汁配埋白飯係非常夾總括嚟講：又食得飽 味道唔差 價錢係合理會再食💛

向來都好鍾意食泰國野，隨左係返工個頭不斷搵，隨左係返工個頭不斷搵泰國餐廳，仲有試過香港既泰國九龍城既泰國菜，今次反而係唔多泰國菜既銅鑼灣搵到。今次呢間餐廳Siam 28，見到個名已經好親切，即刻諗起曼谷既暹羅廣場，令人好掛住泰國，。今次喺銅鑼灣食嘢，苦惱緊食咩嗰時，喺泰國菜同日本菜中間揀咗呢一間，銅鑼灣成日食日本嘢，第一次試泰國嘢，尤其係呢一座澳門逸園中心，入面九成都係日本餐廳，呢間Siam 28係唯一一間泰國菜，28意思就係佢係28樓，食得太多日本野既人，開胃既泰國菜係呢一刻好吸引。當日係星期六夜晚八點幾上去，但發覺人唔算好多，可能坐唔夠一半，唔知平時午市晚市係咪都係咁小人。餐廳裝潢時尚，一出lift門映入眼簾既係色彩繽紛既瓦磚牆身，再加上一個燈箱招牌，非常奪目。餐廳內以綠白色為主調，地下用上彩色階磚，入面設計較清新，最引人注目既係邊邊既落地玻璃窗，可以包攬銅鑼灣繁華既街景 地方唔算大，大約有十張四至六人位，但座位寬敞舒適，枱同枱之間距離適中，夜晚入面既位會暗啲，窗邊位燈光較光，幾有氣氛。餐廳既菜式好多樣化，睇過MENU，曼谷菜同泰北菜既選擇都係琳瑯滿目，而且有大大張菜式相片，菜式上

每年最少會飛一轉泰國嘅我，已經超過1年半無去過泰國，非常掛念泰國嘅食物、地方同人情味。約朋友食飯，就一於食泰菜，一解相思之苦。係OpenRice 搵嚟依間人氣泰菜，果然無令人失望，服務好，食物水準高，值得推介。我哋四個人，叫咗以下一堆食物：先嚟泰式炸蝦餅，好彈牙，份量十足。👍🏼再嚟泰式鳳爪，order咗小辣，真係小辣，好醒胃！👍🏼特式雞翼(胡椒味)，依個好一般，無味嘅！？失望！😩乾炒香辣香葉河粉(豬)，依個正常水準，都係唔錯！唔記得係炒咩菜😅，正常！青咖喱雞配薄餅，呢個好味！👍🏼我哋仲叫咗兩杯泰式凍奶茶同一支啤酒。埋單唔使$800，每人平均$200，加上食物整體水準都中上，服務又好，呢餐抵食喎！👍🏼👍🏼👍🏼