Shine (已結業)

這天和朋友相約於尖沙咀吃飯，朋友仲要訂位 ，前往一間位於尖沙咀購物地段的餐廳， 餐廳名為Shine。 這是暴露年齡的，全因為這個組合我也認識了很多年。餐廳裝潢方面， 清新簡約，配合半開放式的水吧， 看起來廚師們的一舉一動，也清晰可見， 透明度甚高。除了一般的非酒精飲品，餐廳更有酒精飲品 ，供喜愛喝酒的人士享用，可惜我是無酒精人士，和朋友也只是為了吃飯。我們點算了一個德國咸豬手， 豬手外皮香脆可口， 最重要不油膩， 骨膠原十足， 充滿彈力。真是美好的一餐， 謝謝朋友的安排。

手指魚一共八條，全部都即叫即炸，入面既魚肉係一絲絲結實既魚肉Burger 一黎到已經好震撼，size非常巨大，配以芝士、牛油、蕃茄、青瓜、洋蔥、啡菇及生菜，當然唔少得重量級既安格斯牛排，上面仲有幾塊洋蔥圈，新鮮熱辣即炸薯條，口感豐富又美味，係我今晚最滿意的菜式！好多好多鮮甜蜆肉，而且意粉硬度適中，感極煙韌意粉，加左辣椒，配上香辣嘅醬汁，仲加左辣椒，辣得非常惹味！Mix Berry Yogurt由多種不同新鮮雜莓打成，上面放上忌廉、士多啤梨和藍莓，入口酸酸甜甜，酸甜度適中，質地結實，所以飲完都有少少飽肚。最後再加多球雪糕，應該係dreyers既石板街

辛苦搵黎自在食，偶爾跟老公都喜歡浪漫一下，走來尖沙咀這間樓下西餐廳食飯～這間餐廳位置易搵，在地鐵站附近，環境優雅富現代感，燈光昏暗營造浪漫的氛圍！食物種類多，都是以西餐為主～煙三文魚凱撒沙律$128凱撒沙律🥗內的沙律新鮮爽口，伴著微酸的沙律汁，內有煙肉脆，口感豐富開胃～而煙三文魚份量不分，肉質鮮嫩，配上沙律很清新！火辣辣雞翼$118這份火辣辣雞翼十分驚喜，全隻雞翼就好似浸泡落七味粉內一樣，表面佈滿辣粉，食落又不是想像中的辣，但就帶著麻辣的味道，刺激味蕾！黑松露大啡菇意大利飯$168這份是素食都可以食的，陣陣的黑松露香，醬汁不會大水或太杰，很Creamy，而大啡菇很淋身多汁～意大利飯煮得軟硬適中，整體很滿意！青醬蝴蝶粉配香煎雞胸$188以蝴蝶粉為主，用了青醬，味道有點濃，不過幾惹味，伴入橄欖油，味道幾Fresh 幾清新～香煎雞胸比較「鞋」口，略為欠缺雞肉味，不過配上青醬蝴蝶粉配也不錯，至少味道不會太重口味！心太軟 $80這份心太軟幾特別，雪糕放左心太軟上面，好處係可以一啖食到不同溫度同口感的，個口感幾得意～而朱古力味都幾香濃，焗的程度適中，流心跟蛋糕的部分比例不錯！

喺尖沙咀當然就要食下西餐 扮下高級人士 XDD 今日就黎左呢間 星期三平日嘅夜晚人流都算多 keep住有人入 impressive!一開始當然要食啲沙律 叫左煙鴨胸無花果沙律 因為好似幾特別咁 上枱發現好大碟🤩 鴨胸煎得好香口 仲有少少脆 未食過新鮮無花果嘅我心心眼左 好清甜 令到成件事好清新然後就到重點了 豪豪地咁叫左個10oz嘅牛扒 七成熟 肉質好稔滑 毫不費力就切開左同咬得輕鬆 汁嘅味道亦調得吾錯 同埋欣賞佢連焗著呢個細緻位都照顧周到 切到薄薄的 調完味再焗 令佢好似薯片咁 好正正哦最後要讚佢嘅cocktail 我地叫左tequila sunrise 佢酒味濃啲 偏苦啲啲 以橙味為主題 吾中意太甜嘅可以試下 仲有 shining darkness 呢個以黑加倫子為主題 偏甜 入面仲有爆珠 幾特別 中意甜嘅朋友仔必試

今晚同朋友食生日飯，帶佢食豬手。平時嘅德國餐廳豬手佢都食過，所以今日帶佢去其他地方試下。呢間不是德國餐廳，即管試試佢。餐牌都多選擇，又有甜品。意大利飯都有。Mixed Berry Yogurt $68感覺好清新，又唔算好沙冰，飲咗好清涼。豬手出場脆炸德國咸豬手配蜜糖芥末醬 $278個皮都算脆，啖啖肉。幾飽肚。黃金手工蟹波配菠蘿酸忌廉 $128蟹肉份量都幾多，炸得幾香口。最特別都係佢個汁，酸酸甜甜幾醒胃。芝士焗加拿大龍蝦意大利飯 $218芝士起哂絲，醬汁好濃，岩哂重口味嘅人。

Shine呢間餐廳環境浪漫，職員有禮貌，成個氣氛好舒服。呢度真係好啱傾計，夠晒Relaxing～（除咗食物，仲有好多酒呀！😄）今晚叫咗：《墨汁海鮮意大利飯》～有大蝦，帶子，青口，魷魚🦑好足料。肉質鮮，夠爽口，食材夠新鮮！！唔怕咀仔👄充滿墨汁，絕對可以試吓👍🏻《芝士焗加拿大龍蝦意大利飯》～龍蝦🦞啖啖肉，肉質又夠爽，好正！！每粒意大利飯都充斥著甜得嚟帶少酸嘅蕃茄味～Nice🥰甜品🍮《Tiramisu又名-請把我帶走》😆一上枱依然係好驚喜，賣相好靚，有少量金箔+士多啤梨。Tiramisu 好Creamy質地軟身唔會太甜～職員仲好細心比咗２個靚碟我哋Share 👍🏻最後兩杯飲品分別係：《1664》 ＆ 《Orange Juice》👍🏻連個杯都雪凍，令到杯1664更加正呀🤤Menu好多款食物都好吸引🥺不過已經好飽喇！留番下次再黎過啦❤️

Blue Tuesday 放假後遺症，放工要食餐好d 放下疲憊既心情呢😋揀左係I square 附近的Shine 🍽🍽餐廳充滿浪漫🌹情調，好吧先放鬆下心情👍🏻6:45pm 就黎到餐廳🍴暫時都未Full 🔸Fruit tea☕️唔會太甜水果都幾豐富🍓🥝🍎🍋，清清地refresh一下👍🏻🔸Lychee Rose Soda淡淡既玫瑰🌹味加入荔枝的清香，甜甜地幾夾同埋粉紅色好靚💕先點了兩款小食前菜及一客龍蝦湯🔸龍蝦湯 Lobster Bisque 龍蝦湯應該是加了點花奶，好夠滑而且味濃而不太咸加了香草🌿來點綴一下good😋🔸脆炸魚柳條配他他醬Fish finger with Tar Tar source魚柳條好香，皮夠酥脆而且是薄薄的，魚柳入味夠鬆軟配埋個他他醬好 prefect，就是熱氣了一點🤣🔸甜蜜蜜雞翼份糧夠灑，足足有八隻之多！雞翼肉夠厚皮脆香口又甜甜地加埋芥辣醬就很完美呢！最期待的Main course 來了😋🔸芝士焗加拿大🇨🇦龍蝦意大利飯Canadian lobster risotto 芝士味好濃好夠味配合埋龍蝦鮮甜啖啖肉👍🏻💯分！意大利飯濕度岩岩好，帶點甜甜酸酸蕃茄味，整體好好食，正

今日大約7:30左右到餐廳，比較少人，裝修好舒服，成個環境用左比較柔和的燈光再加上背景音樂令人可以完全放鬆享受美食哦，非常適合收工後的飯局🥰入正題！前菜🥑牛油果大蝦沙律🥗入面用左柚子醋，食落去味道好清爽，沙律菜好新鮮，蝦大隻🦐彈牙新鮮👍🏻主菜有《香煎太平洋鱸魚配普羅旺斯燉菜》，鱸魚嫩滑，黑椒味濃，配菜有啲紅蕃薯蓉甜甜地，燉菜入面有啲洋蔥，青椒等，酸酸甜甜。另外《法式寶雲酥焗羊架配薄荷醬》羊架好好好大舊！每塊都有手掌咁大👍🏻我地叫左7成熟，煮得岩岩好。肉質軟，蘇味濃👍🏻點薄荷醬可以令味道更突出🥰餐廳8點左右已經滿座，有興趣記得早啲到哦🙂

上網見到有好多人like所以試下加慶祝朋友生日❤️❤️首先講下前菜，我地點左火辣辣雞翼同鵝肝多士個雞翼辣到喊😂😂一上枱已經聞到個麻辣味，食落更加辣，不過好食好入味，需然食左一隻已經食唔到😂😂😂前菜仲有鵝肝多士，做到哂鵝肝多士應有嘅味道啦，煎到多面脆脆地，多士唔會好硬，都ok ge.黎到主菜，我地叫左個三文魚子忌廉飯，成餐飯最推薦呢個！飯唔會太硬，忌廉汁好香但唔會太膩，加埋啲三文魚子卜卜卜嘅口感同鮮味，成件事中和左忌廉汁食得多會好濟嘅缺點，值得一試👍🏻👍🏻主菜仲有豬手同牛扒，兩樣野都normal la...豬手皮同肉分離哂之餘個皮仲要好硬，而個扒都係正常五成熟嘅扒，食落冇乜味，所以唔多講😂😂😂

今晚係朋友生日，接佢放工之後，就決定同朋友食返餐好慶祝一下。我哋來到尖沙咀位於北京道附近的太子集團中心6樓 Shine 餐廳。之前食過覺得食物質素不錯，所以決定再來一次。這裏的環境非常優雅別緻，很適合慶祝節日。食物款式有很多選擇，絕對是晚飯的好地方。我哋兩個女仔都好大食，決定先點一個沙律，再每人一個主菜。北海道帶子配三文魚籽沙律 $128賣相十分精緻，北海道帶子夠大粒，而且很新鮮，鮮甜。三文魚籽鹹香的口感再配上新鮮生菜，味道很夾。沙律菜甜甜酸酸，很惹味。不過這個沙律份量有點小，兩個人吃絕對不夠喉。卡邦尼意粉$168卡邦尼醬汁很濃稠，每一條意粉都掛滿了醬汁，有很香的忌廉和芝士香氣，更有洋蔥煙肉作配菜，香氣十足。洋蔥配合得剛剛好，它鮮甜的味道和爽脆的質感剛好能減低卡邦尼醬汁的膩感。法式寶雲酥焗羊架配薄荷醬$298羊架點了七成熟，上面沾滿了香草🌿，香氣十足，而且香料味道濃郁，帶有香酥口感。羊肉質感一絲絲的，不會有騷味，帶有羊肉應有的甘香。接近羊架骨的地方更好吃，因為帶有些少筋，食落更加有口感同彈牙。Mr. Cool $68這個是有荔枝，薄荷和薑一起調配的mocktail，飲落很清涼，在這個夏

一直都聽其他朋友介紹呢間shine,前幾日終於黎試吓，果然冇令人失望🤤🤤飲品就叫左杯virgin mojito 呢杯飲品有好多粒青檸，而且超多薄荷葉，所以飲落除咗好清涼，亦都感覺好清新，食飯前飲真係好開胃🤤🤤燒原隻波士頓龍蝦 17oz 17oz係細份既size,但上枱之後，我哋發現佢嘅size一啲都唔細，而且龍蝦蝦肉好結實，亦都好爽甜，食得出夠晒新鮮，而且配嘅芝士汁，好濃郁亦都好香，抵讚！！香煎三文魚配青瓜檸檬乳酪呢份三文魚嘅魚皮煎得好香脆，而且調味都好好，魚肉配上檸檬乳酪，酸酸地飲超開胃，而且第一次食咁樣嘅配搭，覺得好特別😍😍

前幾日同朋友就黎左tst呢間shine食晚餐，餐廳除左好有feel之外，食物質素同員工服務態度都好好😍龍蝦湯🦞呢個湯好高質，除左個湯好濃郁之外，仲有唔少既龍蝦肉係入面，龍蝦肉夠曬爽同彈牙，食得出好新鮮，而且湯都做到好creamy,配埋舊多士食好夾🤤🤤黑松露大啡菇意大利飯呢個飯一上枱已經士有陣陣既黑松露香，而且飯都煮得岩岩好，口感👍🏻👍🏻大啡菇好有驚喜，咬落好多汁，好juicy請把我帶走（tiramisu)呢個甜品真係可以同時滿足甜品控既三個願望，除左tiramisu之外，仲有macaron同brownies；tiramisu既咖啡味好濃好香，而且啲cream都打得好滑，macaron既甜度都做到岩岩好，唔會過甜👍🏻👍🏻brownies既朱古力味好濃，而且口感好正🤤🤤

新年過後 同朋友第一餐大家都想食好D估唔到食物質素咁高質唔係一面倒讃嘅呢個帶子配三文魚沙律黎到係O咀 因為好似只係得1人份量咁好似都成百蚊架 感覺就唔抵囉炸魷魚圈 我見好多檯都有點到係好食 脆口又唔會好油膩雞翼無論賣相味道都唔錯薯條唔記得左影相我地選左配黑松露醬但味道就唔夠濃烈可能下次叫三重芝士會好D墨汁海鮮意大利飯軟硬剛剛好絕對啱香港人口味明太子海膽意粉 So Yummy其實飯同意粉嘅份量都好好6個人分 唔會話食唔飽燒安格斯肉眼扒本身塊扒已經好食係略嫌筋嘅位太多 同埋左右兩邊熟過頭野菌紅酒燒汁味道比較怪 個人不太喜歡 食原味就已經夠德國咸豬手Highly Recommend好好食 食完想再食尖沙咀 鬧市旺區 有個咁嘅地方 都算隱世秘景有機會會再去!

今晚約咗閨蜜喺尖沙咀食好浪漫情調既西餐😚呢度環境好適合傾計，如果喺卡位嘅話張sofa好高，好有privacy😁兩個女仔叫咗個奇津薯條，鵝肝多士，芝士焗加拿大龍蝦意大利飯，三文魚扒配青瓜檸檬乳酪同埋一杯mix Berry yogurt🙈奇津薯條新鮮炸起，唔油膩，調味粉好香口😀鵝肝多士好有誠意！😮 鵝肝勁厚身，上面有啲酸瓜幫助解鵝肝嘅少少油膩，底下又有多士幫手吸下油，脆卜卜勁好食😋個意大利飯軟硬啱啱好，啲汁味道都恰到好處唔會太咸，龍蝦多肉👍好新鮮三文魚扒好厚身，完全冇腥味，配嗰個檸檬青瓜乳酪醬幾特別👏 伴菜嘅薯仔好淋幾好食杯yogurt有好香既berry味，上面既藍莓同士多啤梨好甜，唔錯，佢啲飲品配搭好吸引，好多都想試🙈見左邊同右邊兩檯都係女仔幫朋友慶祝生日， 店員送上蛋糕時會講生日快樂，幫手點埋蠟燭，配合埋呢個浪漫既環境非常適合，下次可以黎呢度幫朋友慶祝😁

之前想同女朋友食餐好嘅，所以就揀咗呢間係尖沙咀嘅Shine。呢到地方唔錯，感覺好chill，而且食物嘅質素都唔差首先就叫咗個煙三文魚凱撒沙律，份量都幾大下仲有好多芝士添跟住仲有個雞翼，個汁真係好正啊，辣辣地夠晒嘢味，加埋岩岩炸起嘅雞翼 正呀。我哋分別叫左兩個主菜，首先就係佢嘅特級安格斯漢堡配薯條，個burger極大一份，麵包都脆脆地，加埋芝士煙肉簡直係絕配呀而且個安格斯漢堡扒，烤得非常好味，食落仲好juicy。另一個主菜就係明太子海膽三文魚子意粉呀，聽到個名已經覺得好吸引啦，濃濃嘅明太子醬配邪惡嘅海膽仲有一粒一粒嘅三文魚子，嘩食落個口感好Rich又有好香嘅海膽味，加埋啲三文魚子好有口感，真係好好食野飲都有好多選擇，冇酒精有酒精嘅都有我叫咗杯朱古力奶，朱古力味好重，而且啲奶味都好香，好飲呀最後仲叫咗個甜品，係自製嘅芝士蛋糕，上到先發現原來佢係溝左blueberry嘅~ 唔係我心目中嘅New York cheesecake ，不過都同樣好食