SAKEH

营业中

休息中

今晚約咗閨蜜喺Sakeh食飯傾偈，本身諗住就咁食串燒，但見到Openrice book Sakeh Set Menu有七折喎，咁即刻試試佢啦！前菜係蟹肉胡麻菠菜沙律，有滿滿嘅蟹肉，好味道。蟹膏豆腐配上咗綠色嘅蟹籽，賣相幾特別。三款前菜我最鍾意檸檬水母😍 酸酸甜甜好有驚喜，作為前菜好清新好開胃～刺身有日本生蠔同埋池魚。日本生蠔真係好好食，大隻又肥美，食落好新鮮，有海水味😋😋😋 池魚刺身他他混合咗啲薑蓉同埋蔥，薑味比較重，唔係幾啱我口味😛 重點！呢度嘅串燒好出色！雞肝 ：好好食，唔會燒到好乾，入口即溶，口感軟滑~荔枝豬肉卷：係豬肉片捲住荔枝燒，呢個配搭幾特別，淡淡嘅荔枝味，甜甜地幾特別～牛肋燒到啱啱好幾入味，配酒就一流～自家製免治雞肉軟骨，沾蛋黃，幾好食～軟骨脆卜卜好有層次感👍牛脷芯，好厚，燒到剛剛好，入邊好軟熟，唔會好乾！必食推介！最後食埋茶漬飯同埋蝦味噌烏冬，仲有甜品，好飽好滿足呀🙂

慶祝終於忙完一輪工作，今次揀左間居酒屋主打串燒及清酒。近排有訂座套餐七折優惠，就在平日晚上試下佢地嘅set menu。整體食物質素滿意，環境氣氛良好，店員服務有禮，其中有啲食物味道頗有驚喜。Set Menu 有前菜、刺身、兩個set共12款自選串燒、main course及甜品，$880一位有7折另加服務費。前菜有三品︰右邊係蟹膏豆腐，嫩滑嘅豆腐有微蟹膏香，加上上面嘅蟹籽及蟹肉，係層次幾豐富嘅口感。左邊係蟹肉胡麻菠菜沙律，而我最鍾意中間嘅檸檬水母，彈牙嘅海蜇配以清新嘅檸檬汁酸得嚟好開胃！刺身有生蠔及池魚他他。生蠔新鮮，上有蔥花、蘿蔔蓉及一個啫喱狀醬汁，對我地嘅講都係幾新奇嘅食法。池魚切丁混合調味料，魚肉鮮嫩，入口清新，朋友最滿意。坐吧枱位可以見到師傅在爐上不停地燒串燒，最先燒好嘅係汁燒牛肋（上圖中間）及厚切牛脷芯（上圖下方），熱辣辣上枱。汁燒牛肋外面微焦，裡面肉質鮮嫩，加上甜甜嘅燒汁係幾惹味，牛脷芯好淋但有仍有彈牙口感，味道濃郁，鍾意食牛嘅揀呢兩樣都應該會好滿意。大漢燒羊皮：喺日式居酒屋食有孜然味嘅燒羊皮都係第一次！燒羊皮就唔係好似雞皮咁脆，不過好香羊脂味都係一試難忘。雞翼免治雞肉軟骨

建議搭車到餐廳門口，如果唔係應該都要向上行條斜路（哩個天氣行完咩胃口都冇了lol）。初頭入到餐廳見個環境都幾ok，但當想落單嗰陣，侍應唔知係咪發緊夢，見住我哋揮手都豪冇反應，最後朋友要行去「邀請」佢過嚟幫我哋落單。仲有餐牌上邊串燒標註嘅係一串嘅價錢嚟㗎！唔係一份啊！餐廳有要求大部份串燒種類都必須係按兩串起先可以嗌。。🙂所以一個或者兩個人嚟食飯嘅話可能會比較少選擇或者受限制，性價比低。比較適合一大班friend去飲酒chill。

喺尖沙咀飲酒食串燒有啲咩好選擇？我哋就選擇咗位於天文臺圍嘅樓上串燒店 「SAKEH」喜歡這裏的環境，坐得舒服有一排座位可以望住街景，一邊飲酒、嘆串燒和朋友傾吓偈，而且這裏的串燒質素非常多好評，而且酒品種類繁多，一定有啱你心水👍🏻最近餐廳推出咗一個非常吸引嘅Menu，這個套餐有齊前菜三款、刺身、串燒選六款、主食和甜品，而且菜式非常吸引，今日就約咗朋友仔放工鬆一鬆😋🌟Sakeh Set Menu $ 880▪️前菜三品拼盤🫶蟹膏豆腐、檸檬水母、蟹肉胡麻菠菜沙律三款前菜賣相精緻，味道清新，特別喜歡檸檬水母，超級爽口鮮味而且味道酸酸甜甜胃口瞬間大開😋▪️刺身🦪日本生蠔～超級巨型飽滿，配上蘿蔔溶、酸醋啫喱和香蔥，入口鮮味無窮🐟原條福岡產池魚刺身他他～好少會食到呢個食法，池魚切咗粒粒，伴上香蔥、薑蓉、wasabi，再沾上酸汁，口感豐富又鮮味，非常推薦▪️串燒/燒物（任選六款）兩個人總共可以揀12款，可以一起分享🫶以下都是我們心水推介，師傅火候掌握得非常好，基本上絕無失手，特別喜歡雞翼、雞皮紫蘇蝦卷、雞腿肉和自家制免治雞肉軟骨，雞皮燒得特別焦香，肉質嫩滑👍🏻🔥鷄翼🔥厚切牛脷芯 + $28🔥雞皮紫蘇蝦卷+$

SAKEH位於尖沙咀天文壹圍，即諾士佛臺最尾再上多一條街，都幾入，平時無咩人會專登走上黎，但出奇地餐廳又坐滿曬人，看來人氣甚高。定位中高檔，二人套餐$880/位，但暫時訂座有七折優惠，折後連加一$704原條福岡產池魚刺身他他 （兩位一條）： 池魚肉質爽實，含豐富油脂，味道甘甜鮮味，加入蔥粒及薑蓉拌勻做刺身他他，再配以日式酸汁，蠻出色。日本生蠔：生蠔肉質飽滿，爽實鮮甜，帶微微咸香，食落仲有少少creamy口感。前菜三品拼盤（蟹膏豆腐、檸檬水母、蟹肉胡麻菠菜沙律）： 豆腐嫩滑鮮甜、檸檬水母酸酸甜甜，口感非常Q彈有嚼勁。串燒（雞肝、荔枝豬肉卷、自家製免治雞肉軟骨）： 雞肝以類似日式照燒汁調味，味道微甜，質感滑嫩，內含肉汁；荔枝豬肉卷即以豚肉裹著荔枝肉來燒製，爆曬汁之餘，又有種咸甜咸甜嘅風味；然而免治雞肉軟骨就拌蛋黃及日式醬油享用，其質感外脆內軟，含粒粒軟骨，口質唔錯，仲幾Juicy添。汁燒牛肋： 醬汁香甜，食落幾有肉汁，牛味濃郁，口感都幾軟腍幼滑。大漠燒羊皮、鹽燒牛沙瓜： 羊皮脆香，連同少許皮下脂肪，帶微微羊羶香，但唔會太重，加左少少辣粉燒，幾惹味；牛沙瓜即牛嘅第四個胃，其帶豐富膠質，口感極

⭐️Set Menu $880/位 (兩位起）呢間居酒屋🏮主打輕奢串燒，所以環境非常寧靜有格調，而家OpenRice訂座會有七折優惠✍🏻，快啲Save低呢個post！⭐️前菜：蟹膏豆腐&檸檬水母&蟹肉胡麻菠菜沙律水母口感爽脆，配上清爽的檸檬酸味下一個非常開胃嘅小菜蟹膏豆腐上仲配有蟹肉同蟹籽，蟹膏嘅味道意外濃郁，同滑豆腐非常夾！⭐️刺身：日本生蠔&原條池魚刺身他他⭐️串燒/燒物：汁燒牛肋、鹽燒牛沙瓜、羊架、雞腿肉、荔枝豬肉卷、自家製雞肉軟骨棒、銀鱈魚西京燒鹽燒牛沙瓜同埋雞肉軟骨棒係餐廳推介特有嘅串燒，牛沙瓜係牛嘅第四個胃，口感爽口，餐廳加上麵包糠，但有脆脆的口感自家製的雞肉軟骨棒比例啱啱好配上濃郁蛋黃醬油汁，而比較推薦嘅就有羊架，燒得啱啱好，淡淡羊羶味而肉質軟嫩Juicy⭐️一品料理：三文魚茶漬飯&蝦味噌稻庭烏冬⭐️精選甜品

今日同朋友去尖沙咀吃串燒😌職員會介紹不同sake，再給我們揀杯🍶 我哋點選食物後，職員會因應我們的食物推介sake🍶再給我們揀杯子。最後叫左【二粒米原酒】因為口感會更香更甘潤，很配串燒啊🥰米崎生蠔好重海水味🌊磯煮鮑魚肉質鮮嫩彈牙，而醬汁鮮甜香濃燒日本魷魚一夜干平時去迪士尼喺遠處都聞到嘅燒魷魚味，今日終於食到啦！聞好香而食入口都好濃，口感彈牙。西京燒銀鱈魚燒到有點乾🥺其實正宗是不是這樣（請留言告訴我知）😿海膽松葉蟹蓋甲羅燒職員會處理好再上台😶🦀甲羅燒内包含海膽、蟹膏、蟹肉、三文魚籽、鵪鶉蛋。材料豐富，味道亦非常濃郁，每次食都停唔到口🤤🌟香煎鵝肝野菌飯鵝肝好肥美～還有很多野菌🍄‍🟫米飯已吸收晒所有鵝肝的精華，攪拌後每一口都是很香鵝油的味道👅再配上鵝肝一起吃，簡直是絕配😋🌟澳洲特級龍蝦啖啖肉唔使剝殼超正‼️肉質結實又彈牙‼️🐮🌟厚切牛脷芯師傅燒得岩岩好，厚切就好有口感。所以忍唔住再encore食多次🌟鹽燒牛沙瓜 第一次食牛沙瓜，即是牛的胃部😂原來內臟冇我想像之中咁難食😶‍🌫️口感很彈牙，可能係串燒的關係就很惹味🙂‍↕️🐷荔枝豚肉卷荔枝可解油膩，係一個好好的配搭鹽燒西班牙豬腩肉油脂很香，但味道偏鹹

今日同朋友去左SAKEH食晚餐。每人叫左一個set! 食物質素高，用料新鮮！前菜係三品拼盤:-蟹膏豆腐 (正！喺香港好少地方食到)-檸檬水母(口感爽脆，酸味開胃)-蟹肉胡麻菠菜沙律（好岩口味！）刺身：-日本生蠔(鮮甜！)-池魚刺身他他(刺身他他份量十足！薑蓉略厭太多😅）主角-燒物！必點：荔枝豬肉卷、自家製免治雞肉軟骨、鹽燒牛沙瓜、芝士年糕😍🥰另外仲有汁燒牛肋、雞翼、大漠燒羊皮、雞腿肉，都好味！🥰全部食物材料都食得出好新鮮！一品料理：-三文魚茶漬飯（好夾！好味！）-冷稻庭(個汁好正！鮮甜😍）最後仲有甜品添！滿足！

最近成日見人去呢間餐廳食，今日終於去左，果然非常高質😋夜晚去兩個人點左兩個SAKEH SET，唔洗諗咩都有好豐富👍🏻首先係前菜三品拼盤，分別有蟹膏豆腐、檸檬水母、同埋蟹肉胡麻菠菜沙律，最有驚喜係檸檬水母，水母質感好爽而且酸酸地好開胃，另外蟹膏豆腐同蟹肉沙律都足料好有蟹鮮味之後SASHIMI就有日本生蠔同埋原條福岡產池魚刺身他他（每兩位一條），生蠔大大隻好肥美🤩面頭鋪左少少明太子吊一吊味，但食落一啲都無海水腥，池魚刺身他他同樣份量都多，口感鮮嫩之後係最令人期待嘅串燒/燒物（任選六款），有部份要另外加錢，串燒我地揀左汁燒牛肋、羊架、荔枝豬肉卷、自家制免治雞肉軟骨、鷄翼、秋葵、翠玉瓜，牛肋同羊架燒得入味得離肉唔會太韌，另外中意荔枝豬肉卷，荔枝肉甜甜地外面豬肉燒到微脆成樣野好juicy，自家制免治雞肉軟骨都好足料啖啖都食到軟肉口感豐富😋燒物點左芝士年糕同銀鱈魚西京燒半份，芝士年糕估唔到一份有兩粒，size比平時見個啲迷你但keep到入面爆芝，西京燒都係燒得岩岩好，皮脆肉嫩MAIN COURSE三選二，分別係三文魚茶漬飯、蝦味噲雜菜稻庭，三文魚茶漬飯茶底清甜，另外有少少wasabi可以mix埋食

約咗舊同事餐敘慶祝升遷之喜🍾特意搵咗一間高雅嘅日本居酒屋🏮可以小酎一番🤭Sakeh 隱身於寶軒酒店入面，木系設計🪵加上日式紙傘、燈籠🏮裝飾，和風色彩鮮明。偏廳位置仲可以因應需求間開成小房間，過嚟傾公事都唔錯🤓Sakeh 主打串燒，另有少量主食、前菜、甜品等，仲可以叫店員介紹合適嘅清酒🍶除咗餐牌上嘅美食，仲會有不定時季節限定隱藏Menu，店員都會主動介紹，唔怕會走寶🤭🤭店員會按照喜好推介清酒，我哋今次就試咗鳴子母深海酒槽榨特別純米，味道較為辛烈，飲落口仲會有米香餘韻，配上教濃味嘅串燒就💯💯日本生蠔🦪 （贈送）日本生蠔超級新鮮，加上柚子啫喱，酸酸嘅味道配上海鮮，自然鹹香一流蒜蓉牛油燒日本元貝手掌咁大個嘅日本元貝，加上大量蒜蓉牛油燒香，未上枱已經聞到香味澳洲特級龍蝦串🦞已經拆肉嘅龍蝦燒熟後加上鹹蛋黃醬😋😋雞肩肉🐔啖啖肉燒雞串，呢個係其中一款季節限定之選荔枝豚肉卷🐷最愛必點之選，五花腩肉片包住甜甜荔枝，一齊食去反而冇咁油膩🤭雞皮紫蘇蝦卷🦐雞皮微脆包住帶少少芝麻香嘅紫蘇葉同彈牙蝦滑，一串真係唔夠喉自製免治雞肉軟骨🐔免治雞肉串沾上日本🥚蛋黃汁超滋味汁燒牛肋🐮牛肋啖啖肉，牛味濃郁澳洲牛小排🐮牛小排有

今日放工同朋友去左尖沙咀日式居酒屋飲野，店內氣氛輕鬆，坐得舒服。荔枝豚肉卷：豚肉切到薄片，配搭清甜既荔枝，感覺好新鮮！豬腸：腍滑軟身，又不失嚼勁，佐酒一流。自家製免治雞肉軟骨：香脆既外皮加上軟骨既爽脆咬口，層次感好豐富。網燒鹿兒島A5和牛西冷：和牛肉質軟嫩，加上炸蒜和自家製醬汁，口感極佳。米崎生蠔：蠔肉新鮮肥厚，入口juicy。蒜蓉牛油燒日本元貝：蒜蓉量十足，味道夠哂惹味之餘，又唔會蓋過元貝本身既鮮甜。澳洲特級龍蝦：龍蝦肉質爽彈，配埋個醬汁，讓你欲罷不能。三文魚燒飯團：飯團燒得非常出色，飯焦夠煙韌，三文魚燒過之後油脂更充沛，裡面既蟹子帶來爽脆口感。蝦味噌雜菜稻庭：稻庭烏冬彈牙兼有嚼勁，個味噌湯好香濃。總結，餐廳地點便利，食物有水準，我哋邊食邊飲，過左一個愉快既晚上。

餐廳裝修具日本風格，簡約而舒適，營造一個輕鬆嘅用餐環境，好適合放工後同朋友喺度食飯傾偈⋯我哋揀咗個晚市套餐，無論前菜至甜品都已經有齊⋯前菜蟹膏豆腐，香濃嘅蟹膏味，非常好食，下次一定要encore！檸檬水母，酸酸嘅檸檬配上爽脆嘅水母，特別開胃之餘，仲可以清一清味蕾，準備之後豐富嘅食物⋯刺身生蠔肥美、creamy，配上柚子啫喱，非常清新。池魚清甜爽脆，脂肪比例適中，肉質紮實，口感唔錯⋯串燒燒得恰到好處，肉質鮮嫩，滋味豐富！當中令我哋最回味係荔枝豬肉卷、自家制免治雞肉軟骨、澳洲牛小排、燒汁牛肋⋯荔枝豬肉卷荔枝清甜爽口，配上豬肉，食起嚟冇咁油膩，估唔到呢個配搭可以咁夾！自家制免治雞肉軟骨綿滑嘅免治雞肉同爽脆嘅雞軟骨混合埋一齊，口感非常豐富，配上蛋汁，非常好食！澳洲牛小排 / 燒汁牛肋兩者都燒得恰到好處，鮮嫩多汁⋯講到牛味香濃，就推介澳洲牛小排。一品料理我揀咗蝦味噌雜菜稻庭，湯底鮮甜，烏冬煙煙韌韌，口感唔錯⋯甜品甜品有兩款，香蕉蛋糕同蘋果蛋糕，兩款都非常好食！今晚嘅晚餐我哋十分滿意！每一款食物都係極致享受，令人回味。而家星期六至四晚市套餐有七折，趁仲有優惠，快啲約埋朋友食多次先！

咁既價錢。伏！今日3個人book左枱20:30食飯諗住傾下計，上到去枱都未Set就全場得4枱好啦。睇下Menu有咩食，諗住價位都唔係叫低都唔會點出事，睇睇下有個呀姐行埋黎介紹是日精選，點知佢一口氣講左10樣野？唔係覺得我會記得晒？ 冇理佢之下叫左自己食既野，round 1 食食下冇啦啦隊左3隻雞翼上黎，我地成頭問號❓佢放低左講「雞翼」就走左，叫都叫唔切😱明明我都冇叫？跟著叫返佢返黎啦⋯⋯話我都冇叫過，佢下一句就話咁要唔要？ 唔要幫你Cancel, Btw唔係要唔要既問題，不如你睇下單先，你叫佢去睇單～點知原來佢落錯枱！我真係成頭問號！計埋我先得6枱，有3個Staff , 試下唔好rush到好似食緊紅茶咁👀之後叫左個Menu試寫既日本蕃薯串，明明Menu上面圖都係日本蕃薯🍠點個黎到係甜著粒，我問呀姐係咪黎錯左佢答我：係呀，我地轉左用呢個甜薯粒，因為冇日本蕃薯呀，重點Menu冇寫轉左，落單冇講，落單淨係講左一定要兩串起，我話咁幫我Cancel佢，根本圖文不符，唔好是但俾d類似既野我當係，本人都係做飲食，甜薯我叫貨$19@1包，你冇賣你一係係Menu寫sold out,一係落單時麻煩叫同事講

天文臺道有間隱世的日式居酒屋《Sakeh》，今次用openrice訂枱，就會送日本生蠔🦪，真係唔講得笑😆堅野超新鮮，二來超甜，加入柚子啫喱，好醒神😋。而且訂枱安全啲，今晚都爆滿👍🏻。日本生蠔威力真大😂。來到居酒屋，梗係要飲酒先過癮，店員介紹咗一支鳴子舞的sake，話用深海酒槽榨，特別純米👍🏻。點了胡麻菠菜蟹肉沙律配搭又幾夾，食落好舒服好清爽的感覺。龍蝦串 - 第一次見龍蝦拎黎做串燒，幾特別，咬落去少少脆口之餘淡淡肉，大大舊，口感非常豐富，應該用龍蝦頭內的膏做醬汁，好鬼惹味😋海膽松葉蟹蓋甲羅燒 - 蟹膏加海膽真係絕配，兩個都好純😋，再攪勻真係不得了，分量仲不少，堅正👍🏻👍🏻。鹽燒牛沙瓜串 - 又名牛的第四個胃，咬落既係軟骨又係牛肚質感，又有彈牙的口感。免治雞肉串+日本生蛋 - 我見到每一枱都必叫的串燒👍🏻，配上蛋+少少甜醬油，加上有咬口的雞肉，絕配。厚燒牛舌芯 - 話明厚肉，咬落質感真係好正，有點鹽調味已經好足夠👍🏻。西京燒銀鱈魚 - 睇落去立立令，因為魚油非常豐富，但食落一啲都唔油膩，調味也做得好好👍🏻。大滿足的一餐。值得再來😋😋

依度嘅串燒種類有好多，整體來講質素都好高，有啲可以單叫一串有啲就要最少叫兩串。部分串燒食材出面好少見，又或者未必敢食，今次見餐廳話係用日本華味鳥或者阿波尾雞，所以多份信心去試下雞冠、雞腳根，雞冠嘅口感有啲似豬耳咁彈牙，比想像中容易接受，雞腳根係連埋軟骨所以脆口，本身想試埋提燈，可惜侍應話因為係新鮮食材唔係成日有貨...另外有啲串燒嘅配搭都幾特別，皮蛋芫茜豚肉卷係估唔到咁夾，雞皮紫蘇蝦卷嘅口感味道有唔同層次😋海鮮方面叫咗白鱔同埋蟶子，白鱔肉厚皮脆，蟶子唔會燒得太乾🥢其他串燒仲叫咗雞心、雞肝、厚切牛脷芯、汁燒牛肋，同樣燒得啱啱好👍除咗串燒，sake都係今晚嘅重點，揀咗偏向辛口嘅鳴子舞，一邊飲酒一邊食串燒最適合不過！