Rustico

营业中

休息中

為了嵐嵐，長途跋涉穿州過省遠赴荔枝角。人生路不熟，幾十年來踏足此地可能無 5 次，唯用高科技 GPS 尋找方向，我好迷失呢！發現依條直路有大量中高檔食肆，似乎區銷費力不弱。排除萬難終終到達，舖面有點細，檯椅密度極高，坐得不太舒服。給我二人迷你檯，您認真的嗎？那夠我放食物。幸好最後都拍埋兩張檯，怨氣全消。傳統香烤八爪魚，來個開胃頭盤熱熱身先。撈上紅椒粉及初榨橄欖油。紅辣椒粉鋪滿爽脆嚥韌八爪魚，海味咸香鮮甜，伴著炆薯仔齊咬，薯仔粉腍味濃，美味食到停不下來。Sangria 西班牙特飲，混入切切鮮果的紅酒賓治。夠冰凍透心涼，紅酒不澀，散發點點鮮果味道。白松露片配黑松露醬炒蛋伴蘆筍，季節限定。經理在面前即刨白松露片，每克 $33 蚊，依度已經 2 gms 咯。一刨香味薰芳濃厚撲面而來，香到您不敢相信，食落沒什麼味道，不過有濃味黑松露醬，嫩滑炒蛋濕潤，非常好味呀！最後以爽甜多汁煎蘆筍作結，幸福啊。蕃茄爐魚濃湯，為何可以如此可口，天堂的味道。質感幼滑，香濃無比甜美，帶少少煎魚焦香味道，仲有少少似龍蝦湯味道，真心堅正，有添飲的衝動。西班牙燒乳豬，本來係配焗薯，但我不愛薯仔，所以想轉西班牙沙律呢。年輕 

荔枝角 D2 Place 的 Rustico，一間有質素的高級餐廳，在同區當中巳算是有級數，當然在食物上和價錢上一樣高級啦。食物的外觀、味道和名字上，都很有心思。食物的名字太複雜，我也記不起來。先上麵包，傳統美麗的擺設。麵包很鬆軟，點上橄欖油不錯。這一份生牛肉 (Raw Beef)，切上薄薄的一層，含在口裏，慢慢品嚐肉質的鮮味，絕對美味！蜆肉也有水準，不過有一小點沙。這一份辣肉腸，酸酸辣辣，幾野味。這一份蝦肉丸，內有千島醬的味道，滲出鮮甜的肉味，融合得一流。這一份牛肋骨湯，絕對是精華所在，份量很充實，湯也很鮮甜，肉也很嫩滑。這一碟燒雞肉質很香，皮也很脆，薯條也炸得很香口。豬手也不能小看，皮脆肉香，吃得令人非常飽足，真的很飽了。整體來說，非常不錯。當然價錢也哈哈哈哈。

本來約了久未見面的舊同事在littlebreak and coffee下午茶， 可能因為星期日 ，太嘈 、地方又細 ，所以轉陣地來了這間， 竟然有意外驚喜。 今時今日出街食飯，我個人比較著重service 多過食物質素。 admittedly, 我們落單的過程，其實都幾混亂， 但 waiter非常有耐性 ，畀我哋改完又改， 一改再改， 換著其他食肆， 可能已經黑面 。不得不提 tea set燒春雞， 雞肉嫩滑， 香草味濃 ，醃又入味， 食完又唔會勁口渴， 每個餐包一杯飲品。 我就加錢 改飲 mojito。我哋本來只係order咗一個燒春雞set,但最後好味道前後order咗三次另外仲有即製pizza ,勁多芝士,食到lum lum利, 而家一路寫食評， 仍然一路回味緊個燒春雞……😅 雖然荔枝角離我家極遙遠， 不過我估我應該會喺短時間再去食一次。

話說生日飯 男友揀左間西班牙餐廳試下門口無menu 唯有入去座下望一望 都幾貴 心諗應該好好食先收呢個價最後散叫 叫左6樣野薯球 本身唔錯 不過個泡泡蜜糖 同佢唔夾呢係野雞千層麵 味道幾特別 不過好細份只能當係前菜西班牙海鮮飯 男友話唔正宗 無啦啦加左黑毛豬 個飯好濕 蜆有沙 一般般呢兩塊麵包超crunchy 但配原粒生蒜加海鹽 呢個玩法 味道普普通通佢份糧大部份都好細 我地決定叫左兩個甜品填補下空虛感 呢個churros好重玉桂味 好多糖係底 熱辣辣炸起 好似麵包軟林林 再配朱古力cream and icecream 好出色 下一道就叫左紅酒薈梨配雪葩 ，雪葩超級酸 反而個梨唔錯 唔太甜 60幾蚊呢個價錢算係抵食整體來講 西班牙菜唔算差 只係唔夠正宗 唔算好抵食 無令人想一試再試的衝動話哂荔枝角又未算係高檔地區，硬係覺得唔太抵食 ，不過服務就不錯 ，會換碟 ，主動加水 ，值唔值得再去就見仁見智了

要數最喜歡的餐廳，一定會想到這家。位於長沙灣D2，地鐵站附近，交通方便。雖然坐得迫迫地，但食物同服務都喺一般水準以上的。餐廳實在有太多好味菜色，試過嘅全部都無令人失望（除咗今次個生蠔）。麵包有欖油同醋點嚟食，熱辣辣香噴噴好新鮮。生蠔好瘦同埋有蠔殻，開得唔喺幾乾淨。前菜個薯仔波炸得好好，外脆內軟。主菜乳豬仔，哩個喺每枱必叫嘅菜。豬皮脆到「kwok kwok」聲，豬肉一絲絲，好嫩好有肉汁。而且啖啖肉，一個人食會飽到反肚。墨魚汁海鮮飯都做得好出色，飯粒軟硬適中，啖啖夾雜住忌廉、牛油、墨汁同海鮮嘅美味，所有味道互相融和混合埋一齊；喺好令人感動嘅一個飯呀.......甜品個朱古力蛋榚夠濃夠滑，唔會過甜，我哋雖然已經好飽，但為表對食物及廚師嘅尊重同敬意，我哋全部都食晒.......必定會再幫襯.....

同朋友滿心期待 book 位去食呢間餐廳裝修係幾靚，但食物真係普通今日試左過 paella 說真的 飯粒能做到外熟內小小生，粒粒分明，有口感係值得一讚 ! paella d 飯唔係黃禁禁 (同之前相片介紹不同)  請問saffron在那裏??味到略喊 及 汁勁多 再叫左個脆薯絲味道普通 無咩特別再叫左杯 class sangria red wine一 d 果香味都冇 完全係失望咁就食左6百幾蚊不過呢間西班牙餐廳比起好多出面街食算係好好多未試過 可以去試下 

簡直一肚氣，沒有注明下午茶時間均不能提供散叫餐牌，一心去試西班牙海鮮炒飯卻失望而回。向經理查詢，卻讓你火上加油，非常hea, 完全唔match 整間店以歐陸小花園的裝潢，但服務態度卻得過且過.所以如果大家想一肚火就去食啦。反而大廚卻能樂意聆聽，並表示會改進。否則，如果有人請客，我都不會考慮再去！

一晚食兩餐晚飯都係第一次！仲要係同一班人喎！！先黎講吓第一餐，我地去咗D2 Place嘅西班牙菜。餐廳嘅佈置的確好有西班牙feel，無論係牆身嘅裝飾，同埋枱櫈，都好有風味。而且侍應都好誠實，會提醒我哋芝士拼盤嘅芝士超濃，一般香港人都食唔慣，所以我哋就無叫到喇。😅我哋叫咗一個特色西班牙炸蛋”Broken Egg”伴香脆薯絲及辣肉腸碎，個名夠晒特別，我哋都非常好奇咩叫炸蛋，原來係多大量油去煎炸隻蛋，配埋炸到脆卜卜嘅薯絲同辣肉碎，味道還可以，不過就唔係好特別咋。另一個頭盤西班牙燴牛肚鷹咀豆辣肉腸醬汁。牛肚就係我哋平時食嘅金錢肚，用上西班牙辣肉腸醬去煮，味到有少少似蕃茄肉醬，都幾入味嘅，不過份量就好少，好快就一掃而空！食西班牙嘢Paella係唔少得架！侍應話份量一般都唔算好大，同我哋喺西班牙食嘅唔同，如果需要大份量的話，需要預先落訂。Paella一送到，都真係嚇咗一跳，個盤嘅大細同一個普通批嘅盤差不多大，啡色嘅飯只係薄薄嘅一層，海鮮亦唔算多，都幾失望架。味道就不過不失。最後就係西班牙烤乳豬伴焗馬鈴薯。依個係我最欣賞嘅一道，大約係四分之一隻烤乳豬，個皮都少少脆，而肉嘅部分好林，一切落去就切到，烤

十日前已在網上訂了枱， 一天前才打電話叫你改時間和日期，但是早早已約好， 改不了，之後就發電郵過來取消訂枱，但訂枱原因是客人自己要求取消，簡直無理取鬧，未食就已經令人失望，這間餐館的員工需要接受專業訓練，出了錯竟然把錯誤推給客人， 未前來都不想試菜，也不會推介給別人

成日講“食好西”今日終於响朋友嘅帶領吓食到喇!朋友生日話想食西班牙菜，仲以為要去中環嗰啲高檔名店，原來响荔枝角D2就有!店內裝潢充滿異國風情，柔和燈光，情調十足，啱晒情侶拍拖食飯。第一次食西班牙菜，都唔知食咩好，印象中只知道海鮮飯。打開 Menu 至知由前菜/頭盤到主菜、甜品有幾十款，真係花多眼亂!今次二人行揀咗：頭盤 - 傳統香烤魷魚配橄欖油，脆炸西班牙辣肉腸忌廉球主菜 - 招牌黑西班牙毛豬海鮮飯脆炸西班牙辣肉腸忌廉球，外層用麵包糠炸到脆卜卜，入面係忌廉薯蓉，辣肉腸嘅鹹香，配有奶香嘅軟滑薯蓉，味蕾馬上蘇醒！香烤魷魚配橄欖油 - 原汁原味，魷魚爽口彈牙，將魷魚嘅鮮、甜、爽，盡情發揮！黑毛豬海鮮飯 - 份量略少，二人份量只係剛好。但味道鮮美，藏紅花香氣撲鼻，海鮮、蕃茄、黑毛豬味道互相配合，一試難忘！價錢方面，二人份量，二款前菜，一款主食，冇甜品，飲品係$400，屬高檔次。抵食嗎？一般！但值得一試，因為真係好好味！

唔怪得多次你都full booking 想walk in實在係冇可能 啲嘢食好食到極點 一定會再嚟 佢嘅號十分新鮮 西班牙海鮮飯 煮到收乾水 而且入微 出面好多西班牙海鮮飯 好濕 似意大利飯囉 呢間就唔會 而且係食到啲汁係海鮮汁 另外乳豬 方面 十分 juicy 外表 脆卜卜 食得唔夠喉 好想再叫多碟 甜品七點幾已經冇咗紅酒梨 好想去試最終食churro 畫上咗完美嘅句號

是日為閒日，但一入Rustico看見裡面幾乎已full house, 心裏為自己選擇這裡而暗自高興，相信食物質素不會差，朋友們應該會喜歡吧！1）脆炸西班牙辣肉腸忌廉球 : 忌廉球呈金黃色，炸得恰到好處，香脆，內裡的辣肉腸不是太大舊，但很香，有點煙燻味，忌廉絕不會膩口，好味。2）香烤雞肉帕馬森芝士凱撒沙律 ： 份量多，沙律菜新鮮爽口，雞肉始終是冰鮮，沒有雞味。3）焗西班牙野山雞千層麵配甜酒汁 ： 第一口便覺得很重酒味，味道頗特別，甜中帶點酒的苦味。唯獨不足是千層麵只有薄薄的一兩層，口感似食薯蓉般。4）慢煮西班牙乳豬伴香草焗薯 ： 這個乳豬真好味，皮烤得很脆，肉很腍，與骨幾乎分離。肉滲透了醬汁但一點也不鹹，做得很不錯👍🏼5）紅酒煮香梨伴檸檬雪葩：檸檬雪葩超酸，趕走飽滯感。梨滲透了紅酒，好合我口味。豐富的一餐盛惠$807，以特色菜來說，價錢算是合理，朋友們也很滿意😄

為姊妹們慶生來到了這間西班牙餐廳。位置算比較隱世，外國客人卻不少。自成一角的座位，6個人點了很多款試試。驚喜的是，幾乎每道都好吃，如果大份d會更好。—APPETIZER—脆炸西班牙辣肉腸忌廉球外面香脆裏面咸香軟滑，安全配搭。-香烤原條八爪魚腿配薯蓉烤八爪魚竟不難嚼而是柔軟的質感，跟綿密的薯蓉口感很搭。-特色西班牙炸蛋伴雅支竹脆片及白毛豬火腿Waitress幫我們把炸流心蛋/ham/阿支竹片拌好；製成品看起來一團混亂，但吃起來很有層次，香口惹味有口感 ，好喜歡。My pick of the day，還想再來試另一款炸蛋。-西班牙式辣肉腸醬汁鷹咀豆燴牛肚牛肚燘得軟爛入味，醬汁濃郁到令大家想來點白飯。—MAIN DISH—魷魚墨汁香蒜意粉又來我們愛的其貌不揚墨汁意粉，沒法形容但就是好好味！-香烤黑毛豬什錦拼盤靚仔外籍waiter推介，西班牙就是黑毛豬出名，雖然點了好多道菜都有黑毛豬的蹤影，但這道才最吃得出豬味。三種不同部位，各自的火候控制得都很好，不柴不老，配菜也好吃。—DESSERTS—炸西班牙Churro 脆條新鮮炸起外脆內軟，很難不好吃-暖心芝士軟蛋糕輕柔的cheesecake配yog

餐牌寫了兩款可選的甜品，但到送上甜品時，竟然聲稱是餐牌未更新，而只有椰絲切餅。竟然更恐怖的強調，其他客人全部也是一樣，沒有得享用餐牌中的甜品。埋單時，餐牌上寫$178的餐，卻收了$198，兩個餐，共多收$44(連加一)。職員聲稱是電腦出單，應該沒有錯，因電腦處理落單出菜到埋單，而出菜也沒有錯。經理出來，查了一輪，居然叫下屬去查問解電腦“突然”出錯。後來職員在後台查其他單。很明顯，這“突然”出錯，可能已發生了很久。上述兩個情況，已經明顯顯示經營及管理手法欠佳，使客人得不到應有的食品，及如發現多付費用後，要花更多時間跟進，取消交易及再付款。經理要求本人留私電話給跟進，兩星期仍未有回覆，相信已有更多食客受錯誤餐牌及電腦出錯而蒙受損失。

唔好試佢個 tapas combo白毛豬火腿片有陣雞毛味 芝士就不過不失 香草雪糕巧克力慕絲好似奶油咁 送到過嚟啲雪糕已經融得七七八八 西班牙炸油條就拎都拎唔起 總括而言 不會再來