影片
更多
2018-11-02
715 浏览
要數最喜歡的餐廳，一定會想到這家。位於長沙灣D2，地鐵站附近，交通方便。雖然坐得迫迫地，但食物同服務都喺一般水準以上的。餐廳實在有太多好味菜色，試過嘅全部都無令人失望（除咗今次個生蠔）。麵包有欖油同醋點嚟食，熱辣辣香噴噴好新鮮。生蠔好瘦同埋有蠔殻，開得唔喺幾乾淨。前菜個薯仔波炸得好好，外脆內軟。主菜乳豬仔，哩個喺每枱必叫嘅菜。豬皮脆到「kwok kwok」聲，豬肉一絲絲，好嫩好有肉汁。而且啖啖肉，一個人食會飽到反肚。墨魚汁海鮮飯都做得好出色，飯粒軟硬適中，啖啖夾雜住忌廉、牛油、墨汁同海鮮嘅美味，所有味道互相融和混合埋一齊；喺好令人感動嘅一個飯呀.......甜品個朱古力蛋榚夠濃夠滑，唔會過甜，我哋雖然已經好飽，但為表對食物及廚師嘅尊重同敬意，我哋全部都食晒.......必定會再幫襯.....
麵包有欖油同醋點嚟食，熱辣辣香噴噴好新鮮。生蠔好瘦同埋有蠔殻，開得唔喺幾乾淨。
前菜個薯仔波炸得好好，外脆內軟。
主菜乳豬仔，哩個喺每枱必叫嘅菜。豬皮脆到「kwok kwok」聲，豬肉一絲絲，好嫩好有肉汁。而且啖啖肉，一個人食會飽到反肚。墨魚汁海鮮飯都做得好出色，飯粒軟硬適中，啖啖夾雜住忌廉、牛油、墨汁同海鮮嘅美味，所有味道互相融和混合埋一齊；喺好令人感動嘅一個飯呀.......
甜品個朱古力蛋榚夠濃夠滑，唔會過甜，我哋雖然已經好飽，但為表對食物及廚師嘅尊重同敬意，我哋全部都食晒.......
必定會再幫襯.....
张贴
