Running 燒 (已結業)

一直都想試下公司附近間“Running燒”韓式放題，今日終於有機會啦！趁收工約左班朋友聚會，擇日不如撞日，緊係要拉隊上去試啦！七點零鐘上到去，已見店裡人頭湧湧。喺食肆寒冬下，仲人氣爆燈，即刻令我對呢間餐廳的食物充滿信心！！“邪惡芝士排骨”，排骨係事先整熟左，宜家等緊芝士加熱熔左先，芝士香味撲鼻，令人垂涎欲滴，排骨食落有D似糖醋果隻，帶小小辣好腍好入味，翹埋芝士食，頓時令味覺充滿層次感。腸仔亦係我至愛之一，又係翹芝士食。烤爐邊仲有加左泡菜的蛋漿、牛油粟米、車厘茄  小食叫左“噴火炸雞翼”～落單時揀左小辣，一上枱香氣撲鼻，睇見已經令口水開始分泌啦，炸漿適中，雞翼好脆，甜酸醬非常惹味，好正！要再order   到左燒烤呢part，燒物款式選擇多，豬牛羊雞樣樣有，仲有比較少見的豬枕頭。海鮮種類亦有好多。落單時有限定食物的數量，本人就覺得幾好，讓客人每樣試下先，因為係放題，並無限定落單的次數，客人啱食就可以再點，唔使浪費食物。海鮮類，蝦、扇貝新鮮大隻，我地就點左幾轉燒完又燒 豬牛羊雞的肉就腌好左，烤熟後唔使醮醬汁都夠味，肥牛，牛仔骨、豬耳仔，豬大腸，雞翼就成為我地嘅至愛 。燒蔬菜，南瓜、菇類也是

小妹是日首次光顧，特意講下個食後感。一入到店內係韓國傳統韓燒的格局，場地唔大但環境整潔度好好。加上店內設有洗手間，其實好方便。店內亦不停loop 韓國歌，好有韓味。我認為running 燒同新x蒲或者x八最大既分別係呢間係比單一價錢任食既。當日一行四人去到running 燒，發現種類選擇都幾多。雞魚牛豬羊都有，仲有西冷肉。肉類既味道係唔錯的，而且來既肉其實唔太肥同無乜骨（除左豬腩同五花）。燒出來都好香，d 肉應該有事先處理過，有味道之餘亦唔會太咸。份量充足，每樣嗌少少都已經足夠我地食。仲可以任嗌生菜籃，比起一般韓燒係算多的，亦很大塊，包住肉食好好。最令人驚喜既係居然有魷魚，蝦，帶子及扇貝。總情海鮮既我地當然狂叫。如圖所見，帶子同扇貝都係相當之咁肥美而新鮮。建議大家將d 蝦背都燒一燒，因為蝦背個位響燒既時候較少接觸塊鐵板。蝦亦都唔錯，燒完d 肉係好實既，絕對無唔新鮮既情況。但魷魚方面就爭d, 唔知點解咖哩魷魚同魷魚圈睇落唔錯，但食落好似咬橡筋咁，個人認為無乜魷魚味，朋友甚至覺得佢係腥的，因此都無再refill 了。飲品方面係自取任飲的。有可樂，芒果汁，忌廉鮮奶（草莓味），亦有熱茶。至於醬

今日出開旺角辦事，順便食埋野先返去～經過旺角彌敦道726號一間好新嘅商業大廈上面亦新開左好多食店～今晚就隨意揀左呢間～“Running燒”“Running燒”係一間限時110分鐘的韓式燒肉放題時間上雖然短左D卻符合香港人的快節奏生活～ 三款前菜～大路野一開始有D疑惑白蘿蔔用黎做咩店員解釋，一陣用黎清潔烤爐的～豬、牛、羊、雞、腸仔每樣少少，拼埋已經一大碟 好有水準的小食～韓式炸雞及魷魚鬚酥脆得黎肉汁保留雞肉好入味唔需要點汁都好好食～看到新鮮大隻的海產已令人滿足 烤熟後的扇貝～仲帶著少少的海水味原汁原味幾清甜～彈牙脆口嘅魷魚圈 辦事順利～黎樽“竹炭真露”賀賀佢 喜歡佢易入口清涼順口更是它的獨特之處～用蘿蔔卒走黏住烤爐上的黑色野 乾淨晒～新嘅一樣 繼續“Running燒”～～～

🇰🇷任食韓燒炸雞仲送部隊鍋而家要搵到又平又多花款既韓燒任食已經好難🤔！尼間食物種類極多之餘，同fd子👯👯夾夠四個人仲送一大個部隊鍋🍲可以邊韓燒邊打邊爐，抵到爛呀！店面偏細，不過啲枱好闊落，坐得舒服。 坐底就可以點野食，咁肚餓司令真係等唔切啲肉黎，即刻叫左個水冷麵🍜，係冇錯，連水冷麵都有得任點🤘🏻，另外仲有辛辣麵、刀削麵、炒年糕等等。 仲點左炸雞🐤，點左普通無醬既同噴火辣🔥既，食落似甜辣，岩岩上枱仲脆脆地，食返夠本先。-食完前菜見口乾，可以自己去雪櫃拎野飲❄，除左一般既汽水，仲有忌廉溝鮮奶、韓國七喜、芒果汁添。- 之後梗係開始食肉。唔好以為任食質素同份量就會差呀，肉類都有十幾種慢慢你簡，豬🐷、牛🐂、羊🐏都有，司令覺得牛柳粒同埋厚切豬腩肉就最出色，燒一燒油脂就出晒，香到呢😻。 再叫一大盤生菜🍃，點少少辣醬🌶加蒜頭包著食，簡直係頂級享受。雞翼🐔亦預先幫你切開再半隻半隻咁上，放上爐燒一陣就食得，經過調味味道好濃，like! 仲有海鮮食，帶子、扇貝、大蝦都任食。- 任食韓燒都有咁多高質肉類已經好癲，更癲既係四人同行即送部隊鍋🍲。一上枱司令真係嚇到個心離一離！啲芝士🧀

彌敦道726號真係每次黎都有驚喜，今次搵到呢間任食韓燒！呢間韓燒野食選擇相當多，除左有平時既肉類仲有好多韓式小食同海鮮，相當唔錯呢牛類：有西冷扒、牛柳粒、雪花牛仔肉、牛柳片⋯牛柳片鮮嫩，口感滑嫩；牛柳粒肉質軟腍，輕輕一燒，香味滿溢，帶點脂肪，更香口。豬類：豬頭枕、豬頸肉、厚切豬腩肉、豬扒、豬耳⋯豬頭枕好特別，其他餐廳都無試過，吃黎比豬頸肉更爽口，唔會過油。雞類：雞翼、雞腎、雞肉雞肉燒完都唔會覺得韌，相當Juicy，而且雞肉係已經調好味，所以就咁食已經相當唔錯。羊肉：羊脾肉、羊西冷任食韓燒黎講，羊肉比較少見，食落腍之餘唔會太羶。海鮮：多春魚、大蝦、帶子、青口、龍脷柳、鯖魚⋯整體海鮮係原汁原味上，所以食魚、帶子果d味道唔多，要點下調味🤔，但食落去會食得出係新鮮，鮮甜。小食：韓式炸雞任食，有辣有唔辣，辣既調味岩岩好，雞亦幾嫩，其他仲有炸魷魚鬚、餃子同沙律甜品：有唔同味既刨冰，紅豆、朱古力、士多啤梨、芒果、柚子蜜都有，唔係綿綿冰係刨冰，試左柚子蜜幾得意，溶左就係杯凍柚子蜜！飲品：有各種韓式罐裝飲品，選擇夠多。邪惡芝士排骨(原價$188，韓燒+$158)中間就係芝士要黎捲排骨，芝士溶左就熄火，食

中午Lunch時候，到處都人山人海，尤以旺角為甚，所以我同幾個同事就行遠少少去覓食，經過彌敦道726號呢間Running燒，一睇就知係食韓菜，但見佢有lunch set，就入去一試，我地等左一陣就有位，環境都唔錯，幾舒適！餐牌上午市套餐有好多選擇，我哋就一人点左份set試下！！我點左果份係“滑豆腐海鮮煲”，配白飯、面豉湯、三款小菜，煲裡面材料豐富：有隻生蛋、蝦、魷魚、大蜆、豆腐等，份量十足！味道：蝦仁爽甜有蝦味，蜆新鮮大隻，而且乾淨無沙，豆腐好滑，啖湯好鮮甜！同事就點左“石鍋牛肉飯”，牛肉份量都好多，熱辣辣香味撲鼻！另一個就點左“石鍋雞肉飯”，雞肉無雪味，好腍味道好香，食落佢地都話好好食！呢間餐廳雖然離公司遠少少，勝在有質素，價錢亦合理，D staff好nice，下次食Lunch 會再黎！！

寒風凜凜，宜家先開始feel到真正嘅寒意，所以呢個時候最好食D暖笠笠嘅野就最好不過，食韓燒就最合時令。前日，我就同幾個好友就去左樓上韓燒放題餐廳"Running 燒"，主打海鮮同烤肉，強調海鮮來貨新鮮，我地點了扇貝，好大隻，且非常鮮甜；中蝦亦好新鮮，燒至金黃色，蝦肉爽口彈牙；帶子都唔細，挺新鮮，爽口唔腍有咁多款，完全可以滿足曬我地。除左海鮮出色之外，肉食亦非常有水準，有二三十款牛，豬，雞，羊無限任意燒，特別推介特色芝士排骨，芝士味特濃，排骨酸酸甜甜，非常開胃，且排骨好新鮮，唔靱，好有口感。餐廳整體都唔錯，下次會再黎幫襯。

冬天除左食火鍋，韓燒亦係一個唔錯嘅選擇。上星期我就同女明友去左彌敦道726嘅“Running 燒”。甫入店內，俾人一種好舒服嘅感覺，地方不大但都挺舒適坐底必備嘅泡菜且有多款汽水任飲，燒肉有多種，豬.，羊，特別係牛肉都係以精選優質為主，種類夠多之餘，肉質很鬆化，軟綿綿，口腔温度令它如雪糕般溶化;其他還有多款海鮮供客人選擇，包括有帶子，扇貝都好大隻😁，燒起上黎，鮮味樸鼻，燒味四溢。另外我仲點左碟炸魷魚鬚，炸得非常香口，魷魚唔靱，好有口感；之後還有韓式炒粉絲，好爽口同彈牙，非一般麵食可比。總括各方面都好有水準，值得一試

年尾時候，佳節一個接一個，呢個時候最好就係同三五知己，相聚一刻。上星期我就同幾位好友去到彌敦道726嘅“Running 燒”。甫入店內，俾人一種好舒服嘅感.覺，地方不大但都挺舒適，坐低必備嘅泡菜且有多款汽水任飲，燒肉有多種，豬.，羊，特別係牛肉都係以精選優質為主，種類夠多之餘，肉質很鬆化，軟綿綿，口腔温度令它如雪糕般溶化，好正👍;其他還有多款海鮮供客人選擇，包括有帶子，size都幾大，好鮮味，而龍脷魚，外層被燒至金黄色，肉質幼滑，另外扇貝好大隻，啖啖鮮甜，燒起上黎，鮮味樸鼻，香氣四溢，好味😛，可以一試

香港租金高昂，令愈來愈多餐廳趨向上樓發展。因此平時逛街時，都會對樓上食店多加留意。好似前幾日，我同幾個朋友就去左樓上韓燒餐廳"Running 燒"，呢間餐廳主打海鮮同烤肉，強調海鮮來貨新鮮 先黎三碟前菜，味道唔錯再黎 芝士排骨，D排骨炆得好腍、好Juicy，肉質嫩滑帶少少辣，撈埋奶味濃郁又軟綿綿嘅芝士，一個字～正👍，腸仔、薯仔、粟米撈理D芝士，味道出奇地夾，啱曬中意食芝士嘅朋友 食完個芝士排骨，爐邊D蛋也熟了，唔單止好睇仲好好食 清曬爐邊蛋後，就轉個爐燒野食 我地點了扇貝，大蝦，帶子同青口等，完全可以一次過品嚐到不同海鲜😃除左海鮮出色之外，肉食亦極富水準，有二三十款豬牛羊無限任燒，且有極之罕有嘅豬枕頭，肉質嫩滑非常，绝對必試😁 韓劇效應，“噴火係雞”點可以唔食呢！初時仲以為好辣，但原來唔食辣架我都接受到，加上外脆內軟酸酸甜甜嘅醬汁，令人一試難忘，值得推介！！

【韓】風幟熱，韓燒放題愈開愈多，卻依舊人山人海，但想揾到價錢合理，食物質素有保證，卻並非易事。上星期友人介紹我到彌敦道726嘅"Running 燒"，坐底必備Kimchi,汽水任飲，還有二十幾款豬羊牛無限任燒，正😊，燒海鮮都有好多種選擇，除了青口，龍脷魚等，還有带子，扇貝同大蝦,抵食😆'另餐廳嘅特色芝士排骨，排骨以甜辣醬煮入味，伴芝士鍋底，仲有泡菜雞蛋、香腸，薯仔等食材配套，超好食，值得推介😉 韓國大熱邪惡芝士排骨👿👿，裡面有豬肋骨、黃金薯仔、芝士腸、粟米，以秘製醬汁煮左幾小時豬肋骨，厚肉又嫩滑，再配以半融狀態嘅芝士，雖然食完有罪惡感，但“味”力實在無法抵擋😄😄

食韓燒放題已經成為潮流，一到假期好多人都會約埋三五知己燒一燒，包括我地！前幾日同幾個朋友經過旺角彌敦道726,就上去一間名為“Running燒”嘅韓燒餐廳，地方不大但裝潢都挺有特色，因為似"RM”😆. 由於係放題，我哋都各自揀咗自己嘅心頭好 燒牛仔骨 牛脷 豬頭枕 （豬頸脊肉） 海產好新鮮又大隻 必點有韓式烤肉，包括牛肋骨，牛仔肉，羊西冷，豬腸，豬皮等，仲有唔係好多地方有得食嘅“豬頭枕”，燒起上黎香氣四溢，正😊 ；海鮮方面，則有大蝦，青口，帶子，扇貝同魷魚圈等，完全可以滿足晒鍾意食海鮮嘅朋友😄;熟食有串燒雞軟骨，韓式辣泡菜炒飯同必食嘅酸辣味炸雞，粉薄鬆脆，讚👍總括黎講，價錢合理，食材種類多且味美，但略嫌坐位吳多，撞正假期就要等下啦😉

“Running Man”瘋魔中港台嘅韓國遊戲節目，相信香港人無人不曉，包括我在内。前兩曰同個同事收工後經過彌敦道726大厦，發現一間名為“Running 燒”嘅韓燒餐廳，在好奇心驅使下，决定上去一試！電梯門打開，發覺內裡裝潢確實與“RM"有D相似，地方雖不大，卻佈置得挺舒適，經侍應介紹點左個招牌菜“芝士排骨鍋”中間放滿了芝士，鍋邊加上蛋漿，再將腸仔，芝士加熱，排骨本來係整熟左架，就咁食都好好味，沾上芝士卻是另一番風味，令人一試難忘！鍋邊蛋色澤金黄，賣相吸引，食落卻普通！“噴火炸雞” 以為會好鬼辣，原來唔會，連我哩個平時唔食辣架都可以接受到，仲食完一件又一件，啱晒香港人D口味 食完哩D，就轉塊板燒海鮮，肥牛等，哩間餐廳D燒物種類都幾多下 呢一餐真係感覺非常滿足，且價錢相當大眾化，確實值得推介

今日同朋友係太子食午飯,係佢朋友介紹嘅新開韓燒店午膳,係旺角同太子交界,地方都算容易找,上到店內係新店但一D新裝修味都無坐落好舒服,午市做lunch set好適合我地選擇困難症人仕,選擇亦算好多冷熱飯麵都有,價錢地段計唔算貴,我地食肉獸當然叫左一個雞牛雙拼燒定食同牛肋骨飯,另外加個辣炸雞,我自己個牛肋骨飯包左前菜,蘿白湯,飯同牛肋骨,份量十分足,D牛比出面厚,整得好入味好淋,配菜都十分充足,後來靚女姐姐話原來師父係大韓菜店做左好多年,難怪D菜有水準,辣炸雞好野味,小小辣小弟都食到,lee碟野夜晚送酒真係一流!雞肉好多汁入味唔會乾,我地都覺得lee間野都做得好有heart喎,晚市主力做韓燒任食,店員仲叫我地下次試埋佢地芝士骨添。總體而言食物有水準,地方舒服,樓上食市值得介,期待下次晚市試下韓燒。

星期日同太太去旺角行街，佢之前唔知係邊睇到彌敦道726十樓新開左間以Running man做主題既餐廳，佢又係Running man既超級fans,所以決定去試下。七點左右上到去見到條人龍都唔想食，拿個餐牌睇完價錢貴到嚇死人，食飯啫，梗係唔等啦，雖然太太真係好想試。點知係電梯見到九樓有間Running燒（又running???), 太太兩隻眼即時發光，咁又即管去睇下。去到門口仲見到花牌，原來新開張，入面只有兩枱人，問個靚仔拿餐牌睇下，原來呢度係玩燒肉放題$248一位兩粒鐘，心諗伏極都有限錢，一於試下啦。餐廳大概有十零張枱，播上K-pop, 裝修走型格路缐。被安排坐低後先上泡菜，枱上有三款沾醬可以自己加，分別係燒肉醬汁，麺豉醬同韓式辣醬，估唔到放題都跟足傳統似模似樣。至於食物都有三張落單紙，牛，豬肉都有幾種部位，最驚喜連炸雞都有，講返味道先，下面係幾樣印象深刻d既⋯沾醬 - 三款入面個人最欣賞辣醬，辣中帶甜，有d似石頭飯既醬，同任何肉都匹配。炸雞 - 當然唔係原隻雞果種啦，辣味仲有得揀辣度，入口皮脆肉嫩有肉汁，任叫已經冇野講。豬頭枕 - 坦白講真係唔知乜部位，又唔似豬頸肉，肉質帶爽，脂肪