Running 燒 (已結業)

今晚食韓燒餐廳，係一間韓式烤肉放題餐廳黎，除左酒之外其他食物飲品都可以任嗌。呢度野食嘅種類都算幾多，豬牛雞羊都有唔同嘅部位選擇，仲有幾款海鮮，蔬菜可以揀。除左燒烤食物之外，仲有啲熟食同韓式料理例如炸魷魚鬚，水冷麵，炒粉絲。所以可以一次過試到唔同款式嘅野食。飲品方面任拎嘅飲品就唔太多款，不過有隻罐裝橙汁幾特別，入面有啲橙肉粒 而且幾飽滿多汁，可以一試。我地主要叫左啲牛肉豬肉同海鮮黎食，薄切西冷牛扒肉質比較結實，少啲脂肪。牛柳粒食落都有肉汁，豬頸肉都幾惹味，燒完嘅肉加片泡菜，然後用生菜包住咁食，食落冇咁油清新啲同埋都健康啲，魷魚同帶子都幾鮮甜。我地仲有叫炸魷魚鬚同水冷麵，炸魷魚鬚幾香口，水冷麵食落好清涼，又酸酸地，食一啖解下膩又可以繼續食肉。最後仲有一支雪條做甜品，係一餐可以一戰嘅韓燒放題

一班朋友難得開心gathering,放題任食嘅餐廳自然係一個唔錯嘅選擇。Running燒是一間韓式燒肉店，雖然餐廳空間不算大，但勝在環境衛生，乾淨企埋。食燒肉最煎熬嘅時候，相信一定係等緊d肉熟而又肚餓嘅時刻，好彩呢間燒肉店有好多種類嘅熟食提供，包括炸物，冷麵，湯等等。個人推介三款唔同口味嘅炸雞同埋炸魷魚鬚，上碟嘅時候仲係熱辣辣好新鮮，口感鬆脆。係食物方面，店鋪提供唔同種類嘅海鮮，肉類同蔬菜，海鮮有蠔，帶子，大蝦，多春魚等等。蝦同多春魚都好新鮮，蝦嘅肉質結實有彈性而多春魚亦都好鮮甜。燒肉店嘅肉類當然係最受人矚目同關心，店鋪提供了唔同種類同唔同部分嘅肉。最令我難忘嘅牛肉係西冷同肥牛，西冷牛肉味濃郁而肥牛肥瘦均衡，不過要就記得唔同燒到過熟，如果唔係肉質會容易變韌。除左牛之外，值得推介嘅仲有雞脾肉，肉質嫩滑多汁。食完燒肉最怕就係個種臭味，而店主就好細心咁考慮到客人嘅需要，將支除臭噴霧放置係門口，提供比有需要嘅客人使用。

又同friend去旺角食野，好耐冇食韓燒就黎左呢到食韓燒放題。呢到如果唔book枱都好難有位坐，想食記住要book左先。一入到去就會有三個配菜，而最左邊嘅蘿蔔就係比你用黎刷下個鍋面，當然太污糟都可以叫佢換。呢到可以燒嘅選擇都唔少，有各種豬，牛，雞，蔬菜，海鮮等等。我地叫左牛扒，牛柳粒，牛舌，豬頸肉，生蠔，扇貝等等。個人好鍾意食呢到嘅多春魚，燒出黎好香，可以食好多都唔會厭。而肉類嘅質素都唔錯，雖然唔係話極好，但放題黎講已經好夠了。呢到都有好多種醬汁，不過係自助形式，肉配上汁會更惹味。另一樣好欣賞嘅係呢到有蒜提供，食燒肉嘅時候用生菜包住肉，再加少少蒜即刻香好多。熟食方面都有好多選擇，我地就叫左水冷麵同炸魷魚鬚。熱燒肉食到悶悶地再食一喺水冷麵都唔錯。最後仲有甜品雪條提供添。

呢間嘢真係朋友聚會一個不錯嘅選擇，今次我帶咗中同黎食！我地730到，雖然係平日，但都已經幾乎坐滿晒客人，好彩仲有2，3張檯剩。我地坐咗近窗邊。經過上次恐怖朋友的燒肉，今次我醒咗！食咗熟食打個底，再慢慢炮製我嘅韓燒大餐！我最愛嘅都係柚子炸雞同埋韓國粉絲。好感動食物質素冇下降到，我的柚子炸雞依舊都係香噴噴又內嫩外脆😭然後一邊食沙律嘅同時，祈求中同俾啲良心燒（然後都係呃9我話熟但其實未熟）今次我覺得豬肉同雞肉都好味！我發現豬頸肉適合燒耐啲，脆口啲！不過辣嘅豬頸肉對於我呢啲唔食得辣嘅黎講，真係有啲辣！原味適合我多啲，但係兩種都好香口，真係快樂並痛苦著，包咗生菜食味道好好，唔會太膩。加埋嘢飲正正（我見到飲品選擇又多咗，仲要係茶類無糖，加分！）發現果然係慢工出細活，大家如果俾啲心機燒，會好好味㗎！（我覺得我多春魚燒得好靚，好俾心機咁燒所以冇癡底又冇爛到哈哈！）Ps：爭少少食唔晒，但我地已經係每樣嗌人頭份量，建議大家唔好一次過嗌好多，費時食唔晒浪費。

旺角有好多放題，但係唔係間間都高質，朋友介曾經介紹呢間Running燒，話抵食，所以今日決定試下呢間韓燒放題。見到menu有好多海鮮嘅選擇，我哋都叫咗好多，睇下新唔新鮮。我哋仲叫咗大蝦、扇貝同帶子，蝦肉彈牙，扇貝香甜，帶子鮮味十足，任食好正！有芝士生蠔同普通生蠔，蠔肉非常肥美飽滿，都幾重海水鮮味，燒過後多左份惹味。肉方面就食咗肥牛、雞同五花腩，最鍾意五花腩燒完之後脂肪嘅香，好香肉味，十分邪惡。帶子大大粒!最後仲食埋芒果雪條，完美結束呢餐。

中同相約食韓燒🥰同行兩名友人都住大西北，所以想搵個都方便大家搭車走嘅地方，所以就揀咗地點就腳👣食物質素同性價比高嘅Running燒😋入座嘅時候大概係8點🕗已經見到接近全場滿座，不過好彩有訂到枱所以仲有位俾我哋✌🏻星期一都咁爆場😏就足以證明有返咁上下水準啦😋前菜方面就有3款🤘🏻我就覺得海帶最好味😋爽口得嚟又咸咸地，都幾開胃。至於飲品同醬汁都係自己出去攞嘅，飲品擺滿哂個大雪櫃，真係勁多選擇啊❗️❗️❗️雖然呢到嘅食物種類唔多，但咁先代表佢哋可以全面控制到出品嘅水準👍🏻先嚟點咗海鮮類先🤪嗌咗芝士生蠔、扇貝同埋大蝦首先生蠔算幾新鮮，食落都有幾重芝士味，抵讚👍🏻扇貝燒完之後都仲好大嚿肉，我哋自己係醬料區攞咗啲蒜頭加落去，勁正；至於大蝦都無出現一般任食嘅地方會出現嘅錯！就係無”梅”仲要真係幾大隻🥳係牛方面，最中意食牛脷嘅我encorn咗幾次啊，真係真係好好食，而加細細嚿，食多幾嚿都唔會膩😋除咗牛脷，牛柳粒同埋薄切西冷牛扒都係我認為必食嘅野🤭真係打緊食評都流哂口水🤤熟食方面就叫咗炸雞同埋兩款餃子，嚟到仲係熱辣辣架，食得出唔係翻炸🤩最後埋單嘅時候店員仲會提供甜品紙俾我哋揀食咩味嘅雪條🤘🏻我就揀咗大熱嘅蜜瓜味

今日同朋友黎到呢間旺角食韓燒放題，做食肉獸🐮🐔韓式炒粉絲，份量適中，唔洗驚太飽呢到豬牛雞一應俱全，特別推介呢個薄切西冷牛扒，肉質嫩滑，加埋啲香草更加能突顯肉既鮮味。金菇肥牛都唔錯😛年糕夠晒煙韌，辣度適中呢個雪花牛仔肉啲雪花紋都好靚😍食完咁多烤野食番個水冷麵中和下🤤麵條有彈條，味道清新仲有多款甜品🤗推介韓國melona雪條食咁多野每位除開都只係166.5，性價比唔錯😆👍🏻店員啲服務態都好好 有機會再黎試埋晚市

朋友介紹下前來，正值lunch時段有7折，就去試吓！裝璜時髦簡潔，印象唔錯！附有自助調味區燒肉放題選擇好多，除咗生肉(牛，豬，雞), 仲有蔬菜，沙律，小食。肉類有調味及冇調味過的，冇調味過的肉質鮮嫩，冇調味過的味香得嚟又唔會蓋過原身的鮮味！GoodGood! 雖然午市放題冇海鮮，但都有多春魚，帶子。。都唔係完全冇海鮮呀！總覺得食肉要連白飯食，飯香軟熟！第一次食水冷麵，貌似簡單，原來幾好食喎！麵下面有碎冰坐住，保持冷凍。麵身彈牙，甜甜哋！好食！自助飲品區，包括韓式飲品。最後仲有驚喜，有韓式雪條食，正！！

一段時間冇食韓燒，又好想食吓！除咗放題，仲有午市套餐，免加一，再9折，真係好抵。見隔離枱食，賣相都幾吸引！午市放題的點餐紙有三張，包括：1) 牛/豬/香腸2) 海鮮/雞/羊3) 蔬菜/麵/飯/湯/小食一坐低，就有前菜，其中一碟是白蘿白。店員即時解說，白蘿白是用來清潔爐頭用。嘩！佢唔講我都唔知，原來真係好work㗎！下圖一邊清潔了，另一邊未。就好似擦膠咁，卒兩卒就乾淨，省卻換爐！只係牛都有十幾款，薄切西冷牛扒，醬汁牛五花肉。。。D肉好靚好新鮮！都有熟食可點，原味炸雞，柚子味炸雞，韓式炒粉絲，噴火炸雞，韓式炸餃子。。。想講，選擇多到食唔洒！最重要係好食呀嘛！到最後仲有甜品，三款口味的雪條或西米露。呢個椰子雪條超好食，飽到爆肚都要食！

要食較優質嘅韓式燒肉今次俾我搵到依間位於旺角商業大廈裏面嘅韓式燒肉... 仲要係放題式，爽呀想食咩就叫咩又唔駛睇價錢簡直perfact。埋位先叫蠔，西冷，牛舌，牛仔骨先，埋位先燒個蠔又幾鮮甜連蠔都係任食我自己一個人都起碼食咗半打而個西冷需然係簿切當相當有牛肉味個牛舌同牛仔骨都係無醃嘅，燒完出又軟嚟又香再可以自己配埋D韓式辣醬，醬油咁就可以有唔同口味。豬肉類我就特別推介個五花腩同豬面肉，燒咗D油份出嚟超香夾一夾埋個生菜一齊食將D油膩感全消... 話明放題點知食咁少，海鮮仲有帶子，蝦同埋魚，牛同豬都仲有好多款樣樣都叫兩件嚟式，食食下都已經飽咗所以連飲品我只敢飲烏龍茶，個D韓式罐裝飲品我未有空位式，但雪條仲有位可以，當然食個芒果味幫個晚飯畫上完美句號。

今日約咗同朋友行旺角，行之前食午餐，朋友之前食過呢間餐廳，推介嚟食。除咗可以食燒肉放題之外，都可以食午市套餐，不過我哋今日揀食燒肉。小食雖然款式唔多，不過要有嘅都有，試咗水冷麵、韓式炒粉絲、炒年糕。醃好的肉類同埋菇類會全部分開碟上，雞翼開邊容易啲燒熟，大推西冷牛扒😋😋金菇肥牛雖然包好，但要燒熟都係要分開兩樣燒。飲品方面，除咗可樂烏龍茶檸檬茶等等之外，比較特別嘅係有荔枝烏龍茶，香港嘅放題餐廳好少有，試左一罐荔枝味重過烏龍茶好多，不過幾特別。食完之後仲可以選擇雪條，韓國Melona芒果雪條，午市放題110分鐘仲有七折，cp值高放題！

今日來到旺角的running 燒，1830入座，每人$258（加一）任燒110分鐘。這間放題燒烤店晚市主打海鮮，我和朋友都非常喜歡海鮮，當然很興奮。一坐下店員會送上三款韓式小食作前菜，白蘿蔔是用作清潔。海鮮選擇很多，個人最愛蠔和帶子，很新鮮，味道特別鮮甜，必點！我們都encore了兩次。另外咖哩魷魚和鯖魚都很有驚喜，前者咖喱味很重，後者燒後仍很juicy。鯖魚味道很好，要試試！肉類主打牛，當然都有豬、雞和羊等。個人最愛是醬汁牛五花肉和厚切豬腩肉，雖然不太健康，但燒後油脂洋溢，肉味又香濃，令人食指大動！熟食必點水冷麵，麵條煙韌，湯底夠冷，兩人分享食剛剛好。最後還可選雪條或西米露作甜品，我們點了椰子雪條，很滿足啊

期待已久的韓燒，同朋友約咗好耐，終於來到呢一日啦。一入lift，見到個廣告，繽紛色彩，似曾相識，問吓自己，我來過嗎?也許係夢中來過啩啲嘢吃有埋海鮮，雞，牛，羊，豬，香腸，蔬菜，麵，飯，湯，小食，真係好多吖我哋嗌咗好多嘢吃，第一輪有西冷牛扒;醬汁牛五花肉;金菇肥牛卷;一口牛脷粒;牛肋骨;全部新鮮惹味，唔需要再加調味料，慳返唔少功夫調較D調味料。仲有新鮮、彈牙嘅大大蝦；飽满的多春魚；無限量提供勁好味的帶子；唔係好大隻，但亦鮮甜嘅扇貝；仲有仲有咖喱味濃郁嘅魷魚鬚。點止咁少呢，仲有第二輪，第三輪……海鮮除咗大蝦，扇貝，還有encore咗幾次嘅原汁原味生蠔，蒜蓉芝士生蠔。而魷魚圈，龍脷魚片，杏鮑菇亦不可缺少呀。亦有唔少韓國飲品任飲，我哋要咗茶類飲品，乳酸+牛奶，同埋可樂，而最後以椰子雪糕作為呢一餐嘅完满結束

呢幾日天氣突然轉涼，同事講開想食韓燒，我即刻諗起呢間年頭食過嘅 Running 燒。 $258 包埋任燒海鮮，同事聽到即刻話正，book枱喇 哈哈，真係好在 book咗枱咋，今晚勁多人，有 2枱 walk in 客冇位。今餐我地主攻燒海鮮 : 生蠔、蒜蓉芝士生蠔、大蝦、帶子、扇貝、多春魚。。。放到一爐都係蠔，真係興奮到吾識形容不過最推介依然係帶子，好鮮味。跟住係多春魚、蝦、生蠔。。。牛肉係我地另一個target。薄切西冷牛扒真係唔可以唔提，我地足足encore 咗4次，真係好好食呀。肉質夠淋，啲香草啱啱好又唔會搶咗啲牛肉味，超正金菇肥牛都吾錯, 都encore 左3次。仲有牛肋骨、烤肥牛同雪花牛仔肉都好推介。食海鮮同牛扒食到超飽，所以豬肉同雞肉今次無咩點食到。小食試左個炸魷魚鬚，即炸，吾油益，好味。今晚發現咗佢有一隻 2%桃味飲品，好清香，少少少少甜， 淡淡水蜜桃味，啱曬我呢啲飲茶嫌淡飲汽水怕肥嘅人任食110分鐘，吾經吾覺就夠鐘，是晚超飽足~ 哈哈~~

老友們突然撩起話想食烤肉, 食肉獸梗係舉腳贊成啦。傾左一輪之後揀左Running 燒，我之前都有嚟食過呢間，印像唔錯，價錢唔貴，地點又就腳，九點半後仲有七折優惠，200蚊任食兩個鐘，超勁抵。食肉獸梗係食肉先啦，食勻曬佢啲牛豬雞，最正都係西冷牛扒，其次係金菇肥牛。 雞髀肉都 OK 入味、嫩滑。豬頸肉就夠晒爽同埋入味。價錢包埋海鮮，我哋梗係唔執輸啦，食左3 round 肉之後瘋狂 order 生蠔同埋帶子，真係超抵食。尤其係帶子，啖啖肉又快熟。今餐我哋仲點咗好多小食，泡菜餃子同埋炸魷魚鬚喜出望外，好味喎。韓式炒粉絲有啲淡，但OK爽口。辛辣麵可以再辣啲會更好。韓式炸雞配瘋狂辣就真係有啲瘋狂，飲曬成罐汽水都未解到辣。可能夜左吾係太多人，餐廳成晚播住韓國MV都吾會好嘈，有氣氛得嚟又傾到計，喺度同老友吹水飯聚真係一流，極力推介。