Running 燒 (已結業)

今日約咗同朋友行旺角，行之前食午餐，朋友之前食過呢間餐廳，推介嚟食。除咗可以食燒肉放題之外，都可以食午市套餐，不過我哋今日揀食燒肉。小食雖然款式唔多，不過要有嘅都有，試咗水冷麵、韓式炒粉絲、炒年糕。醃好的肉類同埋菇類會全部分開碟上，雞翼開邊容易啲燒熟，大推西冷牛扒😋😋金菇肥牛雖然包好，但要燒熟都係要分開兩樣燒。飲品方面，除咗可樂烏龍茶檸檬茶等等之外，比較特別嘅係有荔枝烏龍茶，香港嘅放題餐廳好少有，試左一罐荔枝味重過烏龍茶好多，不過幾特別。食完之後仲可以選擇雪條，韓國Melona芒果雪條，午市放題110分鐘仲有七折，cp值高放題！