Running 燒 (已結業)

Running燒係我最中意嘅韓燒之一，110分鐘燒肉放題，環境舒適，價錢適中，選擇多，上菜快，而且燒肉最唔中意嘅煙味，依度都抽得夠力。先講下有咩肉類嘅選擇。最受歡迎嘅當然係牛類，有牛扒、牛五花肉、肥牛、牛脷、牛肋骨、牛柳等等，特別推薦薄切西冷牛扒同牛五花肉，平時豬嘅五花腩肉就食得多，估唔到竟然有牛五花肉，肥瘦均勻，一試難忘~仲有平時常見嘅豬同雞類。 提提大家，淨係晚市先有海鮮，午市係冇嘅。海鮮都非常吸引，有生蠔、大蝦、扇貝、帶子等等，有殻嘅海鮮可以將殻反上，等海鮮燒得熟透。除咗燒肉之外，仲有一啲韓式食品，飯麵類包括水冷麵、烏冬、辛辣麵、年糕，而小食有炸雞、餃子等等，等緊燒肉嘅時候就可以醫下肚先。 晚市嘅話，最後仲有一人一條雪條/一碗西米露，本來以為110分食唔到好多野，點知最後我地都捧住個肚出黎！

好耐冇食韓燒了喇，仲記得初代既韓燒係好似自助餐咁自己出去夾、而且印象係除了食肉，還是肉，食到怕怕，所以停了一排冇食。今次有朋友提議食韓燒，見旺角呢間食評唔錯，地點方便就揀左黎Running 燒。一去到餐廳門口，就因為佢貼心既設施而加分。門口有幾張櫈同電視，要等位都冇咁悶。(因為我地食早場，而且之前book 左位，去到就入得，其實用唔著) 而且門口仲放左兩支除味噴劑，你知啦，韓燒少不免啲頭髮同衫會吸味架嘛，佢呢個舉動真係好細心。令我改觀既唔止以上嗰啲，因為呢間除左肉仲有好多其他野食，而且水準都唔錯。海鮮﹕叫左大蝦、蠔、扇貝、帶子...全部都唔錯，唔會因為任食而比啲次貨你。蝦都幾大隻，又爽口彈牙。扇貝同帶子雖然唔係好大隻，但都新鮮既。生蠔就係我個人推介必點，略略燒一燒，唔落任何調味放入口，正。(佢其實仲有芝士生蠔揀，但我覺得冇芝士好味啲)炸物/ 小食/ 麵類﹕炸雞、餃子、魷魚鬚都好出色，炸粉唔會厚又夠脆，點埋個柚子醬好清新，另外韓式炒粉絲我都好推介，唔會好大碟，燒物炸物食得多，食個炒粉絲中和一下，之後可以食更多，哈哈。肉類﹕乜都叫左啲，黎到其實唔係好分得清邊樣打邊樣。不過擺盤唔求其，睇得出

夏天炎熱，脂肪燃燒快，所以要長翻足夠既肉先🙈。呢間Running 燒係任食既，我地好在有book位，入面都已經好滿人了。一坐低有三碟前菜加一舊生蘿蔔。前菜有我勁食既泡菜，食左好多😂。生蘿蔔呢，就等陣用來抹走個爐啲碳屎既👍🏻。食物都好多種吖，有海鮮有蔬菜有熟食，當然仲有我既重點，肉🤗🤗。牛肉都已經好多款，由西冷、肥牛、牛柳粒、牛舌、手肋骨都有正到呢。另外仲叫左啲雞翼，五花腩等等😍😍😍。出面個飲品櫃仲要任飲，完全可以放縱一下！提提大家叫個生菜來包肉，咁就無咁油膩啦。老闆仲過來教我，燒豬皮果陣怕啲油彈到，放塊菜上去就解決哂！學到野吖👍🏻！食物既質素好好，尤其啲牛，牛味好重又唔會太瘦。另外既好食推介仲有帶子，燒完之後好香口。仲有個水冷麵，食完仲可以開胃啲🙈。總時間110分鐘，去到尾仲有韓國雪條食🤤，真係食到好滿足😘。

同朋友係旺角睇完戲極之肚餓 係肉不歡既我地 決定去食燒肉行過見到呢間韓式燒肉 價錢實惠又有小食飲品任飲 一於上去試試門口好貼心有一排櫈俾人等位用我同朋友都叫做早食 18:30上到去入到去都9成full 要book位呀大家Menu 有好多唔同選擇 而酒精飲品要加錢無酒精飲品就雪櫃自己拎一開始當然試試海鮮先令人驚喜既係超級新鮮帶子無雪味 蝦彈牙 扇貝夠juicy雞牛羊 樣樣俱全雖然相入面無 但牛柳粒好值得推薦 夠淋同juicy仲有熟食小食 唔會餓住燒炸類小食全部夠鬆脆 魷魚蘇最正 好有大排檔風味 又脆又彈牙 炸雞夠滑同juicy炸餃子粒粒飽滿牛舌爽口 金菇肥牛 睇個牛就知唔會得肥膏炒年糕入味 生菜又夠fresh爽埋五花腩食可以解鮮油脂一入座仲有三個前菜 可以夾生菜包用最後 食得太多肉 食返個都飽肚啲水冷麵 麵條夠韌 個汁夠凍同湯帶少少酸味開胃最後食返啲菜 甜甜的南瓜🎃埋單前6分鐘仲有甜品揀係韓國牌子既雪條呢一餐真係好滿足雖然分唔清啲牛 邊款打邊款 但每一碟都無令人失望全部都好好食

今日難得同中學朋友聚會相約在RUNNING燒。餐廳間隔有點擁擠，但也帶來一點熱鬧的氣氛。當我們坐下，一入眼簾的是滿載飲料的雪櫃，有林林總總的飲料，有汽水；可樂，雪碧等等。還有我最愛的無糖飲料，十分適合我這種要注意飲食的朋友。另外，店員會送上三款韓式小食作前菜，白蘿蔔是用作清潔。在收納方面，他們在椅子內花了點心思，椅子是可以打開並且可以放置隨身物品，以免沾有油煙的氣味。在食物方面也十分多選擇，有大量豬，牛，雞，羊，海鮮可以選擇。首先來到的是一盤肉類，有西冷牛扒；醬汁牛五花肉；金菇肥牛卷；一口牛脷粒；牛肋骨；雞腿肉；豬頸肉，全都很惹味，都不用點醬汁。而第二輪就有彈牙大蝦，多春魚，帶子，扇貝，咖喱味魷魚鬚，原汁原味生蠔和蒜蓉芝士生蠔。除此之外，熟食也是十分有看頭，特別是炸雞和水冷面，和燒烤配搭也十分出色。最後還有一枝雪條當甜品，十分滿足的一餐飯。

女朋友好鐘意食韓燒，所以放工同女朋友去試下呢間係旺角既任食燒肉，個地店都幾方便，地鐵站行幾分鐘就到，一上到樓就比陣香味吸引到個肚咕咕叫。一坐低員工就幫我拉條煙囪落黎，唔怪得油煙味唔係好勁。之後就有啲前菜同一舊抹個燒盤既羅白（我係咁玩玩到舊羅白變左黑色😂）order form牛、豬一張，海鮮、雞一張，菜同廚房野食一張，款式夠晒，我差唔多全部肉叫晒。之後野飲同醬就自己出去拎既，我飲左罐荔枝烏龍茶，女朋友就飲蜜桃味，幾清甜唔洗成日飲汽水。好快啲食物黎到，成台都係，正。 除左燒肉仲叫左件辣炸雞同原味炸雞，個辣炸雞我個人覺得真係夠辣，夠晒過癮，原味就好juicy，估唔到燒肉店都有咁好既炸雞👍🏻個薄切西冷一放落燒盤就超香，不過要睇住，因為個爐火力強勁，一不小心就會燶。（之後就可以玩舊羅白😂）之後食左兩隻燒蠔，兩隻大蝦，兩隻扇貝同兩粒帶子，我發現全部食物點海鮮醬都好好食，酸酸甜甜。最後一枝蜜瓜味雪條結束左今次愉快既韓燒之行，我相信好快會再黎一次。

在週末，友人想食韓燒，見running燒在open rice的好評有很多，而且又可以book位，享用七折優惠，實在沒有理由不去試試。雖然是限時放題，但是食物質素一點也不馬虎。他的五花腩尤其出色，而且還有多款海鮮以供選擇，性價比十分之高。一定會相約其他好友再來一試。

今晩好友約左我嚟旺角食110分鐘燒肉放題，回想起來，上一次去旺角食韓燒已經不知是多少年前了。步入餐廳內，即時感覺到一份青春氣息，餐廳內播放著響亮的K-Pop Music 🎶 ，其中一枱還有一班年青人為朋友慶祝生日。🎂🎂🥳🥳食物種類選擇都幾多，除左燒烤食物，仲有前菜及熟食，包括韓式炸雞🍗、泡菜餃子🥟、魷魚🦑鬚、水冷麵等。燒烤類最吸引的是海鮮，有大蝦、帶子、扇貝、蒜蓉芝士生蠔等。飲品是任飲的，可直接在雪櫃拿取，款式多於10款選擇。最後，每人還可單點一條透心涼冰冰雪條或甜品。提提大家，服務員💁🏻嚴謹執行110分鐘時限，時間一到，就算枱面還有食物，服務員亦會即刻埋嚟熄爐，記得要預鬆少少時間。

一開始就先食個什菜沙律清新一下先！菜款式多，好爽脆！份量都好大，可以一邊食肉一邊食沙律降油膩既感覺！豬，牛，羊各類都有好多選擇！想每款食晒都已經夠飽晒！夠晒滿足d食肉怪獸啦！特別是辣味既豬肉五花腩，燒香再包菜食，一流既味道海鮮方面，大蝦🦐同帶子都係必點，蝦連蝦殻都非常惹味，而帶子亦十分鮮甜。我地都忍唔住要encore！仲有芝士生蠔，好新鮮，芝士好creamy。時限最後30分鐘last order，店員俾咗張甜品紙我地，有幾款雪條同西米露。我揀咗西米露，好足料，超多紅豆同西米露，食完真係滿足又透心涼，係非常完美嘅ending

朋友話一直想試旺角呢間韓燒，今次終於夾到時間一齊去開餐。去到都已經好full，好彩我地有訂枱，好快就坐低咗。肚餓嘅我地一黎就急不及待點野食，主要都係肉肉肉。朋友太肚餓，點咗個水冷麵。水冷麵𥚃面有冰碎，好冰涼，麵係好彈牙，而且只係微辣，食得好爽，好啱口味。我點咗個什菜沙律，超大份呢！沙律菜好新鮮，配上酸酸辣辣嘅汁，好fresh又美味我地點咗好多肉呀！豬，牛，羊，雞咩都點d，overall都幾好食，而最深得我心嘅就係牛脷，牛柳片，羊肉，豬頸肉。入口都好juicy 好嫩。我鍾意用生菜包肉同泡菜一齊食，多一份口感，味道更添層次，同時減低油膩感。食物同環境都有地道韓國嘅感覺，非常滿意的一餐

滿心期待食呢間韓燒 ，網上食評亦讚美不斷，只可惜親身感覺有點糟糕。 環境方面：我地一坐低，就感覺枱和枱之間嘅感覺太逼，好容易和他人有身體接觸，令人不太舒服。地下油膩膩的一片，連有片生菜係角落都未清走。 食物品質方面，總言言之係不錯，都有肉味，五花真心好食。而佢嘅炸雞係真係好好食，佢普遍嘅炸物都好好食。但佢嘅沙津太大碗，感覺佢刻意。而食物種類亦多，令人有不同嘅選擇。 爐：一開始要預熱好耐，好容易痴底，服務員並不會主動幫你換爐，最好笑係佢會俾舊白蘿蔔，話係可以清走d漬，但眾所周知，想d肉5好痴底，最好係用檸檬。 上菜速度：一餐落黎，未有一張單係冇漏單，連叫俾小菜都係漏，最過份係我叫咗碗拉麵，落咗單冇，我叫服務員幫我追一追單，佢答應咗我，但不停地注視着我在溝通中，令人感受到佢好似有惡意。最後，碗拉面梗係冇黎，要我再落單叫。 整體感覺好差，全場認真serve客得一個waiter，仲有，落單點肉，點1會淨係黎一舊肉，佢有刻意扣減份量。

勁來冇食放題，早嗰排朋友興起，就去咗食呢間燒肉放題！結果超出預期地滿足！裝修都係一般韓燒餐廳，冇咩特別。值得讚嘅係幾乾淨。一去到梗係攞杯嘢飲先啦，罐裝飲品都有好幾款，梳打水果茶等等，基本嘅都有！不過重點係啲食物，好嘅食材同份量都係韓燒嘅關鍵，個人推介值得叫嘅有帶子，魚，肉類同柚子味炸雞同埋辛辣麵(雖然我知道除咗我無人會放題食辛辣麵LoL)賣相靚靚嘅魚同帶子都好新鮮，好快燒熟之餘分量亦都夠，燒出嚟都好夠味(unlike 冰鮮），可以試吓！重點來了！肉類真係好正，調味同肉質都屬高質，另外值得讚嘅係有頗多款式嘅肉類，唔會悶，極度滿足食肉獸嘅我熟食主要反叫左好多次柚子炸雞，酸酸甜甜好開胃，炸粉好薄雞嫩有肉汁必叫！走之前仲要食多支芒果雪條，邪惡得黎但滿足，奶味同芒果味都好rich,記得食完先走！個人黎講冇咁鍾意燒蠔，事關要用韓式板燒得比較耐，味道都幾香濃同芝士味幾夾！順帶一提，食物到達嘅速度都幾快，唔使怕佢會拖單，服務員態度都好好總的來說，整體水準高，價錢相易，下次韓燒會再幫襯嘅餐廳！

放瑞午節假前同朋友聚會 黎個假期第一餐 韓式燒肉🥳🥳好彩有book 位 7:30鐘到 等上一輪埋單就到我地呢輪食 可惜我地唔係放得早 7點半前埋單有折👍🏻宵夜食 我地又怕太肥😂一去到拎起餐單落單 樣樣都叫啲 先叫海鮮 小食 再叫肉 邊燒邊食邊傾計 我正有普通蠔 扇貝同帶子 芝士蠔 大蝦等 我就燒左呢啲快 再食肉肉🥰 係爐邊燒左陣 啲cheese 溶埋就食得 芝士多又好香 蠔都幾大 好鮮甜小食叫左炸魷魚蘇🦑炸雞🍗有韓式辣同柚子味 噴火辣真係唔易食 好辣啲炸炸小食好鬆脆 love it! 😍encore 左 再叫左個原味炸雞🍗 叫左一次牛 要order 左一次豬同羊 啲肉肉感覺幾新鮮，有啲調左味嘅西冷 羊肉 就可以唔洗點醬都好味 👍🏻 無調味就點自己落嘅醬 有蒜 韓式醬等等 飲品都可多選擇 有汽水 🥤各走茶 都有酒精 但今次呢個朋友唔好酒 我地就冇叫

今日同朋友喺旺角行街，行到又攰又餓，就上開飯搵食，見到呢間running 燒幾多好評，就二話不說衝咗上去。原來大部分人都有預先book枱，我地好彩比較早到，等咗一陣就安排到座位。呢度地方不大，但環境氣氛唔錯，裝潢設計都好Korean Style。我好鍾意食牛肉，呢度嘅牛脷粒，牛五花肉同薄切西冷牛扒都非常唔錯，任食得黎都頗有質素，調味亦剛剛好，惹味又不太鹹。海鮮有燒生蠔，平時其他韓燒放題比較少有，點了蒜蓉芝士味，都幾新鮮，唔錯。但由於燒生蠔嘅時間比較長，建議先燒肉醫肚，再慢慢燒蠔。食完咁多肉，我地再點咗個水冷麵，好fresh好清涼！食足110分鐘，真係好滿足！下次一於約多幾個朋友一齊食，再試多d唔同款式！

今日專誠帶屋企人去旺角食韓燒，由於大家唔想食到太夜，我預早book定夜晚最早嘅時段，呢個時段仲平少少tim。去到睇睇點餐紙，樣樣都好似好吸引，一於咩都點少少試下。飲品選擇都多，各式汽水同茶都有。其中有檸檬草綠茶，係之前未見過嘅就試試，都幾fresh 喎，又唔太甜。好快就有野食，d肉望落幾高質，有別於一般放題。果然無令我失望，雪花牛仔肉，牛脷粒，豬頸肉都好正！不得不提嘅係羊脾肉，肉嫩，超有羊味，而且調味岀色。豬皮口感好得意，少少煙煙軔軔，又好有骨膠原咁嘅feel，幾有趣。小食方面，比較欣賞魷魚鬚，炸漿唔太厚，魷魚唔太軔。最後埋單，我第一下反應係：點解咁平嘅？果時先發現完來7:20前埋單會有七折！每人唔洗二百蚊就食到呢餐，真係好抵食，性價比極高！