Running 燒 (已結業)

之前食過一次running燒，覺得佢嘅性價比真係高，決定今次再帶個朋友尼試下！今次星期一晚尼，估唔到都幾full，好多人尼食呀！先叫左個原味炸雞，好鍾意佢係逐件叫，而唔係一碟一 碟咁樣上，岩哂我未燒但係有啲口痕嘅時候去食下。佢炸到金黃色，完全無燶，而且唔會炸到散開哂，咬落去，佢嘅雞肉肉質都係好嫩滑，估唔到會咁滑呀，好香，絕對係尼餐飯其中一個亮點！當然！梗係要燒下野，不論係雞，牛、定係羊，全部都醃得好夠味，唔會係得個色，而且食左咁多種，我都無食到有冰鮮味，或者夾嘅時候會覺得好實，仲有冰粒係上面，所以按食物質素尼講真係好唔錯呀！同埋佢海鮮都係好多選擇比起其他燒，佢算係有唔少海鮮選擇，蠔、帶子、扇貝等等，全部都唔會話有沙粒，都好乾淨！最後當然唔少得甜品！

本身就好中意食燒烤～特別係韓國燒烤總係別有一番風味😻所以每次同朋友食飯都總會suggest食韓燒，特別係running燒（因為可以任食烤肉同海鮮❤️）今次一場黎到緊係要食d燒肉同燒海鮮～可以自己烹調嘅感覺十分好玩，滿足我扮廚師嘅願望😆燒肉全部都好多肉汁～越燒就越流出黎，香味四射🤩而海鮮都當然十分吸引，特別係肥厚嘅帶子同扇貝，輕輕燒過保留到少少鮮甜嘅原味，同時又帶有少少惹味👍🏻食落去帶子十分彈牙，填滿哂口腔嘅滿足感！令我都忍唔住encore又encore～當然唔少得我嘅第二至愛 - 水冷麵同韓國拉麵😍不得不講，running燒雖然主打韓燒，但水冷麵嘅質素就絕對拍得上其他韓國餐廳～而中意食辣嘅朋友仔都不妨點一個韓國拉麵，都十分入味，食起上黎好似變左韓國人嘅感覺😆最後食番條韓國雪條，作為完美嘅結尾～🤣

見到雜誌推介呢間Running 燒，咁就趁星期日去食下。雖然佢收270 一位（公眾假期）,一上到去都發現佢個場幾爆，可能因為呢間野系網上都幾有名氣同真系好近旺角地鐵站。上去睇睇佢嘅餐牌其實算簡潔，而最有驚喜系個海鮮有帶子，生蠔，扇貝，多春魚同芝士生蠔，系出面街買都要十幾蚊一隻絕對夠回本。 肉類方面，羊肉唔錯幾有騷味而牛肉方面因為我唔食得牛所以無食但見到隔離臺好似幾吸引，豬肉都好都花款。另外佢有個冰冷麵好有之前系北韓食嘅平壤冷麵feel。 另外雞方面佢有樣叫超辣雞，真系要夠姜先可以試，因為我食左一舊之後真系辣到成個咀腫嗮。之後比我發現左呢到有隻韓國粒粒橙幾好飲。 呢間餐廳食物質素好加上又近地鐵站值得推薦。

香港人返工每日都係跑跑跑，連食野都要繼續跑？仲要燒肉都要跑？ 「Running 燒」呢個店名引起左我好奇心，決定同朋友食個午餐110分鐘燒肉放題一探究竟！一入到餐廳見到裝修佈置十足韓國當地燒肉店，播住kpop，而且都有個長長煙通係每個烤爐上方，所以感覺餐廳油煙味都不太重、可以接受。坐定定立即叫野食，都幾多選擇，我同朋友好多都每款叫左1件，希望試多幾款！（不過其實唔太識分）仲要原來午市都有少量海鮮燒呀每檯都會有前菜，以及比你用黎「擦鑊」既白蘿蔔一舊！醬料、飲品自取，我就揀左Lotte牌檸茶，感覺韓國些少食物到 成檯食物睇到都興奮！除左燒肉，同朋友叫左件柚子味炸雞食，過口癮！雖然「Running 燒」係燒肉店，但個炸雞味道都唔錯喎，個雞肉都夠滑至於燒肉方面，我同朋友都覺得全部味道都唔錯、調味都幾好，唔會過鹹。但要留意火喉，因為佢烤爐都算大火力，肉又本身切成容易燒熟既厚度，一不小心就會燶，要注意注意！另外一開始提到有前菜，識食既當然要用黎同生菜包肉一齊食！生菜、泡菜、芽菜、肉、醬料，絕配呀！海鮮方面，幾鍾意佢既咖哩魷魚，芝士蠔都唔錯！最後當然仲有一條蜜瓜雪條收結！整體黎講「Running燒」

得一個人並也不孤單，就算冇人一齊燒肉，大胃都非常忙碌，因為一個人食韓燒，根本唔會有時間俾你鑽牛角尖，要忙住係咁燒、睇住啲肉、反肉、食晒啲肉、攞嘢飲、剔menu，分身不暇大胃估嚟緊根本唔會有填表同遞表嘅空間，於是乎一次過剔晒佢，結果成檯都係餸，少年真的太衝動啲白蘿蔔唔係用嚟食，係用嚟刷乾淨個鍋面，其他三碟就真係食得嘅有唔少嘅飲品選擇有啲肉醃咗特別醬料，色澤幾吸引燒落好香，食落幾入味豬皮豬耳五花腩值得一叫，燒起嚟好香口金菇肥牛好燒又好食唔知飲湯水可唔可以下火呢？水冷麵酸酸地ok解滯，剩低啲冰水可以用嚟浸燒好嘅肉，去焦封汁反吓雞髀菇，原來有字，好神奇呀有生蠔芝士蠔扇貝同魚，真係食盡海陸海呀埋單仲有甜品揀，忘卻糧尾之痛燒完之後，除咗脂肪比例有增長外，手眼口協調能力大幅提升，以後可以獨行天下，大食四方喇

6️⃣月大推介呢間韓燒任食放題🥘食物選擇非常多，自己燒又得，叫熟食亦可以👍。仲要食材非常高質同埋新鮮！一定會再黎食😍牛類🐄：有西冷薄切牛、牛舌、牛柳粒、雪花牛肋骨、牛柳等。豬類🐖： 薄切豬頭枕、 五花肉、豬頸肉、厚切豬腩肉、豬扒等。雞類🐔： 燒春雞髀、雞翼、雞腎、雞肉等羊肉🐏：羊脾肉、羊西冷麵/ 飯🍚： 韓式水冷麵、 蕃茄烏冬、 韓式炒粉絲、 原味辛辣麵, 🍜 歧視水冷麵非常解辣👍海鮮🐟（只限晚市）：生蠔、 魷魚、扇貝、多春魚、大蝦、帶子、青口、龍脷柳、鯖魚等小食🍗（只限晚市）：韓式炸雞任食😳 有原味/柚子味，雞炸得幾嫩keep 到肉汁，炸魷魚鬚都唔錯。 餃子有泡菜味/韭菜味，仲有沙律等。甜品🍧： 紫米露或者韓式水果雪條飲品🍹：有各種韓式罐裝飲品~~~~~~~~~😋味道: 9/10📸賣相: 8/10🛋️環境：8/10💁‍♂️服務: 9/10💎性價比: 9/10💲人均：$168⏪回頭率：90%~~~~~Running燒電話：2506 0380/ 2506 0381地址：九龍旺角彌敦道726號9樓

作為一個吃貨一個超中意食放題既達人，點會唔去試下Running燒呢！呢到既燒肉放題仲有海鮮任燒任食！🥰首先黎到由於book左位係絕對唔需要等候，即刻安排位置你坐，有剔剔紙俾你寫反你想食既野，之後我就去左拎調味料，呢到唔到普通烤肉唔係hea你淨係俾燒汁，佢有得你自己mix醬汁，有蒜蓉、辣椒、蔥等等！係等緊我d肉肉同海鮮之際，佢送左3碟小食俾我地，咦唔係喎，點解張相會有4碟既？原來個蘿蔔係拎黎抹個爐燶左個d位！真係細心都爆😛飲品方面都好多簡，佢出色既係d飲品唔係隨街買到同埋巿面上放題係冇既，而我簡左薑啤同冬瓜茶，好有小朋友既回憶🤤重頭戲黎拉，牛脷粒爽口彈牙！睇過我食評既人都知我係牛脷迷haha，薄切西冷牛扒好簡單地用左小小調味料調味，提升左牛既鮮味而且都幾嫩口又大塊，牛肋骨有筋，岩哂我中意食筋既人，佢d五花腩擺碟又肯哂d心機卷埋俾我地😙肥瘦也剛好，唔會太漏！海鮮我叫左蒜蓉芝士蠔、扇貝、大蝦，而我呢個蒜蓉怪物黎講就自制放左好多蒜蓉😂多汁肥美既海鮮，有海水味，而且唔會漏單，你寫幾多佢黎足幾多架，海鮮呢個位食多幾隻就值回票價😂另外仲叫左幾隻餃子同炸雞，佢既辣醬大家都要小心，我食開辣，食之前點一點

尼排忙到癲左！終於有時間可以出尼食好西喇！因為要等埋朋友，8:30先上到尼，但係估唔到星期一夜晚都竟然滿哂，唔通個個都Monday blue要尼燒一燒、減下壓呢🤣🤣入到去，店員都會好醒目攞定啲前菜同埋抹燒盤嘅蘿蔔，特別推介啲前菜都唔錯，好Korean style! 佢側邊都有得自助去整啲調味，但係講真，所有野都好夠味，所以根本我都唔使去點啲咩汁幾鍾意佢飲品個到，唔係得各款汽水，而係有好多唔同款嘅茶，飲汽水飲到頂住真係唔係點食到野，但佢茶嘅款反而佔多數，唔錯唔錯。今次係我第二次尼食喇！今次嘅推介係：佢嘅海鮮，帶子！鮮甜！蝦🦐！佢豬頸肉！切嘅厚度好岩！同埋佢好多醃左嘅野都係好香，變左真係唔使再點啲咩汁去食！醬醃春雞脾！嫩滑到癲左！其實唔單至燒嘅雞，就連炸嘅雞肉都係好滑，好鮮！

happy Friday 就要俾自己放縱一下，就揀間韓燒放題，但已經好少去D好多醃製過嘅肉，因為鍾意食到食物嘅原味又唔想浪費自己嘅quota就揀間依間多優質嘅肉同有海鮮食嘅燒肉店。依間餐廳環境ok，服務相當唔錯招呼完我坐底仲話我知點落order，飲品放邊，邊食都仲有服務員幫手收嘢... 未食燒肉前先試吓佢哋D熟食，餃子，炸雞而個炸雞有幾種辣度揀，今次我自己挑戰最辣個level一食落口辣到不得了好彩個炸雞係好食因為外脆內軟，燒肉有好多款我揀，連牛都有好多款靚嘢我揀，西冷我自己一個都食咗4塊，豬肉方面都唔例外連豬面肉都有又淋又有肉香，我最想讚佢哋有燒蠔我食，一款係齋燒蠔而另一款有芝士係面，我最鍾意食有芝士係面果個，有蠔嘅甜味又有芝士香，帶子同墨魚都好好食食完仲有支韓式雪條食爽呀

間唔中都會食吓韓燒，講緊係一兩個月一次，今次揀咗間樓上舖Running燒係好特別嘅韓燒體驗XD因為⋯⋯第一次食到覺得Running Out Of Time!!! 好多嘢食啊 see the menu其實可以食110分鐘，但我同朋友約晏咗應該淨係食得一個鐘頭3個字⋯即係75分鐘左右⋯所以先好趕由於叫咗好多款唔同嘅嘢食，又影相又要燒又要食，一大challenge haha!d前菜好好味成日都覺得要有呢啲先似食韓國野架嘛！叫了成枱食物的兩人分得好清晰做了食肉獸餣得幾好以前食過俾人係出面啲凍櫃任拎嗰啲，好hea又唔多好食，呢啲冇執漏俾我地，切埋一份份上，食落有誠意啲我最鍾意用生菜包肉食！啲菜貌似洗得乾淨嘅食落新鮮估唔到唔係食夜晚都有海鮮食我放咗呢張相上story即刻有人話個芝士蠔好吸引，問我間嘢係邊呢批唔會點燒燶，扇貝燒完縮水都仲好有肉我仲叫咗個雜菜沙拉，如果我知咁大碟，應該唔會叫呢個唔想食淨浪費食物！不過有啲菜落肚係好好多嘅！飲品自己係個雪櫃選擇，市面好似好少見到呢款我最中意嘅雪糕食到最後啲人走曬，影咗外面個景～雖然間餐廳唔大，但環境夠企理！下次再encore要預多少少時間！

一向都鐘意食韓燒，大量肉任叫任食，感覺好有罪惡感但係又好幸福。今次心血來潮想食肉就去左好多人推介嘅running 燒試下。野食嘅選擇都幾多，因為朋友唔食牛，所以叫得多羊，豬同海鮮。對我呢啲懶人嚟講，放題式韓燒開心過自助餐式，唔洗自己行去攞，一點就上哂啲肉，抵讚。有個巨型抽油煙機吸油，就唔會太大煙。一次過叫左好幾款肉，最欣賞呢道嘅五花肉，半肥瘦，啱啱燒起，吹落少少油就最好食。海鮮都幾新鮮，芝士生蠔燒左一陣，面頭嘅芝士會溶喺面，拉絲冇得輸。海鮮入面，個人最欣賞嘅係帶子，燒到金黃面食，幾彈牙，同埋新鮮冇雪味，所以我地叫左好幾轉，加埋都食左十幾粒。魷魚同多春魚都值得叫，不過燒多春魚要有啲技巧，一開始唔識燒，所以條魚原條痴左喺個爐道，一夾就散。建議落少少油，較細火，keep住反條魚，就唔會痴底。多春魚都幾好食，多啲功夫都值得嘅。呢道仲有小食，好似炸雞同辛辣麵，冷面。柚子味炸雞幾好食，鐘意辣嘅朋友可以挑戰噴火炸雞試下，我朋友吃左一件辣到流哂眼水又去廁所嘔翻出嚟，辣味指數係十級，值得叫一件挑戰下。最後仲有送甜品，韓國椰子雪條幾好食。

同閨蜜隔咗好耐都無食韓燒啦！剛剛好又係週末，一於叫上閨蜜一齊go shopping吃飯去旺角葛Running 燒Running BBQ；兩個人懷住非常期待嘅心情黎到Running 燒，因為可以任食我最鐘意葛各款烤牛肉，仲有唔同種類葛海鮮！我好鐘意吃呢度葛韓牛拼盤，可以一次性品嚐唔同牛葛部位同埋唔同風味葛烤牛肉！除咗烤肉之外亦都有好多唔同種類葛海鮮可以點，亦有好多菜蔬類可選，點一份生菜籃，試一試儸生菜包裹燒肉品嚐，再舔上唔同口味葛蘸料啦，絕對又係另外一番新風味!

事關本身約左女朋友和友人到某韓燒店食晚飯.怎料去到竟然張貼著本天休息的信息..女朋友提議到這間韓燒店食，反正都快21:30，我地就等到2130成張單可有7折優惠，最後埋單3個人580蚊都唔洗，認真抵食！先講下野食，叫左佢叫簿西冷，肥牛，五花肉等等既肉類，調味好食，份量寫幾多就黎幾多，絕對唔係平時出去自己夾夾夾既質素可媲美，係鐵板上滋滋滋左一陣，就可以放落口。最令我回味既係佢有好多海鮮任叫任燒，芝士生壕，扇貝，帶子，蝦等等都好鮮味！由其係帶子，燒至金黃一啖放落口，外脆內嫩，但最奇怪既係睇落唔似有調味..但食落又睇得出店主應該係有落到底味，令到成粒帶子鮮中帶甜，所以帶子我地呢次都叫左好多轉..而其他海鮮就都係咁上下味啦！但帶子真係不得不提！不得不食！仲有炸雞，炸魷魚鬚，水冷面，煎餃子等等既食物提供，由其係炸雞...佢個辣炸雞..我同友人食中辣都食到流曬眼水......好在朋友醒目，幫我地叫定碗水冷面（味道真係幾似韓國果種味，仲帶有少少碎冰）！一下就緩解到果隻辣味，有興趣既朋友可以試下佢既噴火級.....小弟就不試了！總括而言：下次都會再去！平價食到好味韓燒既地方真係唔多，呢間不失為好既選擇

今晚同班朋友做完運動真係好餓，大家都想大食一餐，放題真係好岩我地呢班食肉獸，Running燒真係聽朋友講左好耐都未去，今晚就去食下佢先！店鋪飲品款式都唔少，食燒烤一定要邊食邊飲先開心。食物種類都有好多選擇，有海鮮，有肉，有熟食。一坐低就有泡菜可以食，另外醬汁就可以自己去選擇。一開始我地叫左燒蠔，因為燒蠔需時，燒蠔真係好香好好味啊！海鮮我地重叫左蝦，帶子，貝另外我地都好鍾意食燒酒蝦，蝦好大隻，而且好香，蝦肉好飽滿。肉類都有好多選擇，有牛，豬，羊同雞岩晒鍾意食肉既我地。我最鍾意食辣味五花肉同五花腩，再用生菜包住食，真係超滿足。

今日中午黎旺角覓食 揀咗依間韓國餐廳佢嗰午市套餐menu超吸引 樣樣都想食所以我同啲同事就叫咗四款唔同嘅黎試每個餐都配前菜 湯同汽水個湯好重胡椒味😂 都ok嘅之後就上食物啦柚子醬炸雞🍗 有好多件雞😂柚子醬甜甜地 同事們好鍾意 我就麻麻地啦話說個飯叫紫米麻油飯 但係完全無麻油味跟著有大醬湯配飯 有好多舊豆腐😍個湯唔錯 但入面啲牛肉麻麻地海鮮什錦拌飯🦑 賣相唔錯 但啲飯好lum同埋唔係好夠醬 最後係冷烏冬 佢一出場我地全部都呆咗因為真係好大份 可以話係二人份量crazy其實冷烏冬配芝麻醬點都好食😂總結係全部食物都普通 但勝在大大份岩哂男士黎食😂😂午餐仲有九折 ok la~