Running 燒 (已結業)

又同friend去旺角食野，好耐冇食韓燒就黎左呢到食韓燒放題。呢到如果唔book枱都好難有位坐，想食記住要book左先。一入到去就會有三個配菜，而最左邊嘅蘿蔔就係比你用黎刷下個鍋面，當然太污糟都可以叫佢換。呢到可以燒嘅選擇都唔少，有各種豬，牛，雞，蔬菜，海鮮等等。我地叫左牛扒，牛柳粒，牛舌，豬頸肉，生蠔，扇貝等等。個人好鍾意食呢到嘅多春魚，燒出黎好香，可以食好多都唔會厭。而肉類嘅質素都唔錯，雖然唔係話極好，但放題黎講已經好夠了。呢到都有好多種醬汁，不過係自助形式，肉配上汁會更惹味。另一樣好欣賞嘅係呢到有蒜提供，食燒肉嘅時候用生菜包住肉，再加少少蒜即刻香好多。熟食方面都有好多選擇，我地就叫左水冷麵同炸魷魚鬚。熱燒肉食到悶悶地再食一喺水冷麵都唔錯。最後仲有甜品雪條提供添。