Ruby Tuesday (已結業)

吃ribs像碎豬肉般明顯條ribs是先煮熟後再燒

小食拼盆: 平平無奇Rib + Hoeny mustand sauce: 明明係rib 但d 肉係碎ga 囉!! 碎到好似煲湯d 豬肉右貴, e 個價錢, 食Hard Rock Cafe 好過喇!!

約了菇仔食飯吹下水, 近近地都廢事諗, 我又未黎過, 就試一下.黎到大約七點幾, 細卡位就差唔多滿哂, 大既就仲有幾張檯.兩條友, 要左半份豬肋骨, 一碟蜆肉Linguini, 一個周打蜆湯和一個沙律.講到美式食物, 冰水一定唔少得, 這裡的冰水就夠哂透心涼.蜆肉Linguini, 菇仔話比外國吃的hea 左少少, 至少linguini 煮得不太有口感, 個汁是蕃茄汁, 比較似一瓶蕃茄醬來煮, 驚喜久奉.豬肋骨反而幾有水準, 聽菇仔說, 這裡的豬肋骨並不是常常的這樣好吃, classic 燒汁幾惹味, 豬肋骨軟骨甚多, 配上的西蘭花也算新鮮.周打蜆湯, 也甚有睇頭, 奶白色的湯, 大大碗.自己還要個沙律, 沙律吧種類也算多, 蕃茄, 西蘭花, 長通粉, 甘筍, 芝士, 粟米...也新鮮, 盛滿一大碟, 吃完也飽幾成.差唔多清哂所有野, 飽足九成, 返到屋企要即刻換衫做gym 消脂.埋單四八八, 飽到咁, 幾實都算抵食.

自從第一次食完呢間d rib，成日都會黎幫襯下~上次試左個小食拼盆，small size，有四樣野可以間。點左ruby chicken wings、芝士條、洋荵圏...(仲有樣唔記得左)三個人分啱啱好~推介食物有勁大burger(塊漢堡可以自己選擇幾成熟，唔錯。但e+改左由原隻連刀上變左分個兩層，有d唔開心。因為睇落去冇咁震撼)、ribs、mexico 烤餅(但呢個凍左會唔好味，個麵粉皮會苦苦地，所以一定要趁熱食﹗)，仲有本人好鍾意個到ge焗薯，因為佢地d 牛油真係好香，cheese又足~ 不過覺得呢到d paste就冇乜surprise，唔會話特別好。甜品只食過一次，因為次次都食得太飽。所以如果想試甜品，係點菜之前真係要量力而為﹗食過tall cake，四個人分都覺得勁飽。但呢度d 甜品真係偏甜。drinks 都ok，都係咁啦。有折食就抵晒~~ 個次去勁多人，不過都係等左半個鐘到。但係唔滿意張枱﹗勁細﹗兩個人坐係個張枱到冇問題，如果佢d 野食係續一上都冇問題，問題係佢又唔係唔知佢地用ge 碟都係大大隻，又要一次過上晒黎，張枱仲要咁細。攪到冇乜位食野咁。

晚上九點幾十點去到，餐廳有四成位係吉左。兩人入座，無人理，自己行入去，終於有人見到喇，居然帶左去一個同比麥當奴二人台還要細既二人座卡位(因為佢放埋d 醬/menu係度就更細)。隔離仲有四位女士係度哈哈大笑。侍應見我猶豫一於少理，坐底左即撇。好嘈好嘈，嘈到頭都痛，咁多位唔俾俾個咁細咁嘈既位？？？最後搵人調左個四人卡位，靜好多。叫左個burger set，加芝士西蘭花湯，加沙律吧。個burger ，唔熱，點會好食.... 我愛triple ooo。唔同類型都要比較呀，成百幾蚊一個burger set 俾60蚊一個set 既triple o 質數要差，可悲。個湯好難飲啊，一patpat，又係唔熱架，煙都無，搞到d芝士"king"晒，好漏，好失望。最好係個沙律吧，喜歡，不過佢地唔會自動refill 食物囉.....唉，本身可以好好味，不過..... 都係無下次.

昨晚叫了一個Appetizer（任選４款）：芝士菇薯皮（我好鍾意o既芝士加薯皮，味濃夾香，正！）；辣汁雞翼；洋蔥圈（soso）；炸蝦（我o既致愛~~> 蝦，煮得好香脆~~~）Cheese Burger：分量不算大- 分了４份，所以每人都係‘少食多滋味’，可惜唔夠cheese味呢！半份ribs(honey sauce)：最正係呢個菜！ribs夠‘林’，又入味，正！正！正！因為有朋友有信用卡生日優惠，所以是晚埋單７５折。服務方面就麻麻喇~~~叫refill都叫o左好耐先有得飲，唉~~~但廚房ｏｋ喎，竟然咁乾淨？（因為大家如需要去洗手間，係要經過廚房o架！所以見到咁乾淨，有Ｄsurprise＠.＠）

由於有半價咭的關係,所以跟家人及同事各來了一次,(因為佢地知道我有咭,所以要求來食)第一次跟同事食,d食物唔夠熱.不過服務還算可以(但事後我同事話早知食樓下的pizza hut仲好食,又話個環境太嘈太暗喎.)第二次就唔知係咪太忙的關係,都無人得閒理你,坐到d食物來了都未俾水,仲要追兩次;要求一個汽球,佢都話唔可以幫我地拿,要我地自出行出門口取;仲有兒童餐的雪糕要追3次才有.如果唔係之前因為成班人食,申請會員咭會抵d,都唔會申請,亦唔會因此來多兩次.......

這大概是全港最巨的漢堡吧?　龍對burger的熱愛有增無減，上週六他拿著中銀優惠通訊，激動的對我說：「Ruby tuesday個巨型burger好吸引呀!!中銀咭仲有六折呀!!」曾在沙田店對巨堡留下咸評，我都想趁優惠為它平反一下，於是趁中秋假期去食。　中午在旬菜富食得飽足，我的戰鬥力只剩下六成；身為主力、戰意強盛的龍，見到巨堡仍然震驚了：今次並非一層過用大刀「拮」住上，而是分開兩層；但每邊包的size都大於Triple O，而且雙層牛肉層有差不多2cm厚，即加起來約4cm厚，份量的確很驚人。今次五成熟的牛肉層十分juicy，配菜的蕃茄、青瓜亦十分新鮮，而且整個burger夠熱，比起過去經歷美味好多。因為好味，我吃了約1/3，其餘就由龍解決。食畢，這個漢堡粉絲王感歎的說：「好滿足...」　亦想讚讚侍應態度友善殷勸，又有效率，主動送上熱水及濕紙巾，還會詢問我們食物意見。吃過海港城(已結業)、沙田、德福幾間分店，這一間無疑服務是最好的。　少少美中不足是：把伴碟薯條都清掉後，我們都飽得吃不下甜品了。其實，我真的好好好掛住同樣超巨型的chocolate tallcake!今次就你點了巨堡，下次就

屋企要好夜先做節，咁放工後同同事食少少野先各自番去做節。今次叫左一個Nachos同Cheese Fries味道同往常分別不大。香脆既Nachos上有濃濃既芝士，加上肉醬、酸酸地既sour cream，真係幾好食，不過D份量好似比以前既少左D既？Cheese Fries同樣都有濃濃既芝士，不過嫌D薯條唔夠脆，亦唔夠薯仔味，個人黎講都係鍾意食Nachos多過Cheese Fries。用中銀卡有6折，兩樣食物夾埋都係百零蚊。不過我想講，D位好逼好窄。

星期六晚老公問去邊度食, 就想起呢間, 無訂位, 等候不太久. 我呵打Ruby Minis--include 2 mini burgers, French fries and table salad. 老公呵打的Foster beer and Colossal Burger, 真是令我給嚇倒, 大得連大食的老公也吃不消, 要打包走人. Burger麵包夠脆, 漢堡扒夠juicy, 沙拉都可以. 人雖然多, 但service standard and speed都可以.

還未掛8號風球, 在此餐廳吃午餐, 結論是服務好好, 食品不滯。Cheese Fries比起Outback的出品差九條街, 薯條本身薯味很淡, 煙肉是大大塊而不是碎, 又得車打一款芝士, ranching dressing又過稀...另點的兩份午餐, 除了露荀忌廉湯很可口很香滑外, 主菜還是不掂, 燒排骨一點也不入味, 味道只是停在外面, 裏面一丁點味也無, 像白烚肉; 而炸雞caesar, 就是普普通通, 但很少cheese和沒有煙肉在內...餐飲加$15每杯轉為Blast Smoothie, 應是香蕉加奶加oreo碎, 很甜很甜, 但也好好飲...服務好好, 待應David要serve的範圍很大, 但他也很有禮和耐性對待食客...就算食物不太好, 也吃得舒服自在開懷。午時光顧這店大部份客人也有那張半價咭......但我寧願她調低餐牌價錢少許, 集中注意力於食物質素, 還好。下次還是去番Outback。

好失望!!!!我一路都係佢死硬派擁墩,食5年幾,仲之去親太古城就必去ruby tuesday,佢d食物雖然次次一樣,但係水準一致,所以好少會覺得唔好食,我最鍾意佢angus steak,nachos 同ribs,有d人未必覺得佢d野好好食,不過angus steak真係好好食又好抵,(如果你買5折卡)但係昨日真係令我太失望!!我無去兩個月,個menu轉,無好多野(無coleslaw!!),又唔覺意咁提高價錢,算啦,如果野食一樣好味都算啦,點之...我同老公點prime rib eye 同triple唔知咩(ribs,shrimp & chicken),個rib eye 味道ok但有d too chewy,要用牛扒刀至得,佢以前d牛扒好好味又唔會too chewy 嫁,仲話係prime.....個triple野直情不知所謂,我之前都叫過,shrimp 同chicken都炸得好味,但今次炸到有d過火同埋唔係以前既來貨(降低成本?)又好油,個ribs地（從未試過咁）我未試過食唔落又唔拎走既,今次真係無扲走..仲有..連ketchup都無再放出黎,要問先比個兜裝比我地,使唔使咁cheap呀..

左手拿著午市餐牌，右手拿著六折餐券…屈指一算，竟然同價？Ruby Minis，顧名思義，即是迷你版的Ruby's Classic Burgerssszzzz。係隻叉剛剛接觸到個House Salad 時，午市版的Ruby Minis 已經上檯-- 仲快過澳洲牛奶公司個炒蛋多。漢堡牛肉剛好轉色，剛好medium rare；肉汁浸淫在熱狗醬和剛溶的cheddar cheese 之間…夾在兩塊剛烘好而又烘得剛好的漢堡包之間，還有那塊酸中帶甜的青瓜，Mmmm…你將會做出Mini Me 的招牌動作。

The food was OK i must say. However, the service was really bad. It was really difficult to imagine that you had to request for FOUR times to ask the waiters there to refill the water for you. Also, i guess we had waited for around 30 minutes to get the salad. Lastly, something went wrong with the bill as we ordered the SMALL snack combo but it turned out to be to charge us for the LARGE snack combo. Coincidentally, another table sat not far from us also complained about the bill fiercely with t

Poor food quality, we've tried steaks and burgers, but they weren't fresh at all, they were all over cooked, and their price is extremely high in terms of this low quality of food. What a disappointed dining experience!! It's the worst american restaurant I've ever seen!