Rempah Noodles

营业中

休息中

🇭🇰Rempah Noodles·呢間又係一間我想食好耐 但係因為我放1點食唔到嘅餐廳😂😂我個朋友仔今次係12:30去咗攞位 之後我哋等到差唔多13:20就有位 不過佢啲嘢食都上得幾快 所以都夠時間食嘅😎·濃厚娘惹叻沙$98 l 乾叻沙$98我見好似多啲人食佢個湯叻沙 但係我自己覺得佢個乾叻沙好食啲😍😍佢個乾叻沙係撈銀針粉既 所以口感好好 而且佢個汁好濃 帶少少辣咁 超惹味 係食到最後都唔會覺得寡😌不過佢個乾叻沙就冇乜配料 主要都係得幾隻開左邊既蝦😂😂之後佢個湯叻沙都唔錯既 但係我自己覺得就冇乾叻沙咁特別佢個湯係偏杰身既 而且係椰汁味比較重個種湯底 唔錯既 但係又未到好驚艷咁😏

聽聞呢間新加坡野好多人排隊，咁岩係附近整完頭髮，4點walk in唔洗等位，不過都full house 無得揀位坐。沖著呢款咖央多士而來，果然無令人失望，有分4件同8件，我地兩個人揀左4件。多士外皮香脆，中間非常多斑蘭咖央醬，夾住食好似雪榚三文治咁，好特別同行朋友唔肚餓，所以叫左一碗喇沙試下。但相對多士較普通，湯頭唔夠熱，湯底都唔算好濃，反而較失色以後有機會再來想試一試佢既蝦麵。值得一提的是餐廳提供的是檸檬水，食完野飲好fresh

第一次寫食評，因為呢間實在有驚喜！雖然網上好多人推薦，但其實我係之前路過見到，比門面簡約整潔嘅設計吸引，所以決定要試下。排隊大概十五分鐘都算快，每個店員都好友善，難得出左名都仍然有親切服務，加分！黎到當然要試最出名嘅喇沙，湯頭都夠濃，但啲粉比較淋身左啲。反而蝦湯麵好有驚喜！雖然啲蝦只係普通熟蝦，但勝在湯底同麵好夾，個人覺得好食過喇沙添！不過最出色嘅驚喜係咖咉多士！烘得剛好，同個醬match 到令我念念不忘值得一提，應該因為疫情關係，故意將枱與枱之間嘅距離再拉闊，雖然座位數目減少，但感覺有照顧到衛生安全問題，呢樣幾impressive。當然闊落坐得好舒服，唔會覺得好迫好辛苦。值得推薦！

𝙻𝚊𝚔𝚜𝚊 🍜《Rempah Noodles》最近超爆人氣的喇沙專門店，長期都大排長龍！環境好文青，好似一啲cafe佈置咁，有別於一般喇沙店🍜Menu簡而精，只有中英各一頁紙的選擇，方便有選擇性困難既我😆🍜娘惹濃厚叻沙（$98）一嚟到已經俾個賣相吸引！😍湯好濃郁，顏色好靚蝦整齊的排好😍🦐湯底係椰子和雞濃湯椰子味出，甜甜微辣，超級愛！我係平時唔係好飲湯底都咁飲😆配以米線、鮮蝦、魚餅、豆卜等材料，好豐富🤤豆卜索晒啲湯汁，好好食！蝦亦好爽口🦐🍜干叻沙（$98）好特別的菜式😍緊係叫嚟試下基本上同撈麵差唔多配料就同湯叻沙相約～只係汁少左椰奶味🤭同埋麵底係銀 針 粉😍😍😍😍呢個真係有驚喜（個人好愛銀針粉）🙈汁的份量非常足😋每條銀針粉都沾滿叻沙汁💓非常惹味好吃🤤🤤😋個人認為比湯叻沙更值得試！🍞KAYA Toast（$38）傳說中不能不叫的咖央多士🤭特別之處在於厚厚的斑蘭醬～斑蘭醬好smooth ~但我個人還是比較喜愛有牛油的咖央🙈所以呢款相比起叻沙係較失色🤭整體來說食物係簡而精同埋有特色👍因為份量只是剛好，所以價錢嚟講就偏貴，但值得一試～

今次終於試咗人氣新加坡餐廳 成日都大排長龍除咗食物之外店內環境仲非常之Igable😋餐廳食物嘅選擇唔多 只有三款面同嘢飲啱晒選擇困難症嘅人🤣不過建議大家要早啲去 我哋差唔多臨收舖去到好多嘢都賣晒🥲面本身係跟米線 但係米線先賣晒唯有轉蛋麵同米粉想試嘅咖央多士都賣哂.🎈娘惹濃厚叻沙 ($98)👉湯底方面店員一放底碗麵就已經聞到好香既椰奶味🤤味道都同預期一樣咁濃厚 仲食到d炸蒜頭炸蝦米碎 但係食到尾就覺得有少少太濃 如果有幾粒青檸解膩相信會好好多👍👉配料方面麵既配料算係充足 有蝦 雞肉 豆卜 魚片 魚片頭 芽菜 雞蛋蝦既質量唔錯 有鮮甜味得嚟都爽口 仲有好多隻🤣雞肉比較碎 不過同豆卜一樣索哂d汁 好惹味 👉麵質方面可能原本跟嘅米線真係會最好因為我哋食蛋麵加米粉 我自己就覺得麵質淋左少少評分: 7.5/10.🎈優質蝦麵 ($98) 7/10👉湯底方面蝦麵湯底比想像中淡 冇出面做得蝦味咁濃郁同出面帶微辣既蝦湯都唔同不過都飲得出真材實料 唔係味精湯但相比起鰂魚涌既蝦麵店 就有少少相形見絀👉配料方面配料有蝦 豬肉片 芽菜 同豬油渣蝦同叻沙一樣都係咁鮮甜 豬油渣就最特別 係似d炸左既燒肉皮咁 非常香脆

好耐無食過喇沙，今日心思思lunch就去左Rempah Noodles 大概12:15到都已經見門口現長長既人龍🙈等左45分鐘終於入到座急不及待就叫左個喇沙同咖央多士🥢娘惹濃厚喇沙👍🏻👍🏻👍🏻👍🏻👍🏻一放低已經聞到好香 飲一啖湯 真係超濃味 保持到水準 極度推介‼️岩晒重口味之人❗️不過有樣野一提就係佢係米線面底 而唔係摻摻。但米線好吸湯 所以一樣出色🥢咖央多士👍🏻👍🏻👍🏻👍🏻個多士既脆既程度真係只可以用不得了泥形容 而個人比較鐘意呢個咖央醬 因為比起平時既無甘厚身 幾fresh。所就算食完個喇沙都食到兩件多士☺️不過比起之前食 今次個多士本身就比較凍 如果暖d有種即烘即上枱既感覺就最好！整體泥講 Rempah Noodles既喇沙真係暫時係香港食過最好食😋

有一排好鍾意食馬來西亞菜、新加坡菜，尤其係叻沙同埋咖央多士，做個一輪資料蒐集，見到依間嘅咖央多士同叻沙非常吸引，bookmark左好耐之後終於去試。叻沙係國民美食，無分早午晚，就好似香港既雲吞麵咁，個個馬來西亞人、新加坡人都好鍾意，不過大家成日食叻沙，其實又知唔知叻沙既來源同歷史呢?叻沙最常見係新加坡同馬來西亞，不過對於邊個先係真正既發源地其實無確實既答案。叻沙隨左唔同地方同族群會有唔同既版本，好似係馬來西亞中部、南部同新加坡既叻沙叫咖哩叻沙，而大家平時好常聽到既娘惹叻沙其實係咖哩叻沙既主要形式，甚至有歷史學家話娘惹叻沙係叻沙既最雛型版本。咁娘惹兩個字究竟點解? 係15世紀時，中國移民同東南亞土著居民聯姻之後，生出黎既女叫做娘惹，如果係男仔就叫峇峇，華人既飲食習慣慢慢同當地飲食文化結合一齊，當時既婦女會將D香料同椰奶加入中國既麵條入面，所以可以肯定叻沙係由馬來人、華人同娘惹唔同文化結合出黎既食物。由於馬來西亞同新加坡共享好多共通文化，兩地係咖哩叻沙做法上其實分別唔大。呢間新加坡菜係2018年開業，由來自新加坡既大廚主理，因為全日淨係賣娘惹叻沙、乾叻沙同蝦麵，曾經比人睇死好快會執笠，點知

成日行過搭電車經過都會見到呢間新加坡菜排哂長龍，無論食lunch或者下午茶時間情況都差唔多，好彩今日終於都有機會試到喇！一嚟到間鋪就已經見到一條長長嘅人龍，咁啱個天有少少毛毛雨，員工都有心即刻出嚟俾遮我地，嗰下真係好warm！等嘅時候都忍唔住望下個鋪面設計，全玻璃嘅入口非常有簡約風，好啱打卡。雖然條龍好長，但其實最後只係等咗20分鐘就有得食，比想像中快好多。Nonya Laksa Lemak ($98)呢個叻沙可以話係香港食過嘅最好味。佢比較貼近正宗嘅風味，椰香同辣味都好夠，又唔會互相搶咗大家嘅味，成件事好balance食落去都好舒服。同行嘅朋友轉咗個麵底做egg noodle，我覺得食番rice vermicelli 會比較啱番個叻沙。仲有值得一提，碗叻沙有好多蝦，可以話非常足料。Iced Tea with Lime ($28/ $15 with set)食叻沙加呢杯冰茶可以慳番十幾蚊，好抵試。冰茶因為加咗lime 非常醒胃，如果嚟之前行到好熱，呢杯冰茶絕對適合。如果可以將甜度減低少少，相信會更貼近香港人口味。Kaya Toast ($38)嚟嘅人眼見十個有八九個都會叫咖央多士。首先

13:45 到，等15分鐘左右份座小店裝修清新簡樸服務員態度亦好有禮貌同親切🍞ᴋᴀʏᴀ ᴛᴏᴀꜱᴛ賣相好震撼烘得脆脆嘅薄多士，搽上滿滿嘅㗎央醬㗎央醬係似Cream! 一咬就咇晒出嚟😂啖啖班蘭香味，甜度適中一份四件全數消滅😋🍜ᴘʀᴇᴍɪᴜᴍ ᴘʀᴀᴡɴ ɴᴏᴏᴅʟᴇ餸有兩隻中蝦，三片豬腩肉中蝦尚算彈牙，豬肉就入味鬆軟最出色係濃湯底同埋啲配菜麵底方面係用油麵配米粉加埋芽菜會食到三種唔同嘅口感食完冇口渴所以應該真係冇味精下次會試埋喇沙🙃

這裡的主廚是新加坡人 喇沙湯底均出自獨門秘方 一嚐湯頭 自然會明白當中烹調的用心💆🏻‍♀️椰香芳香濃郁 辣味恰到好處且餘韻悠長 辣香與椰香相輔相成 是真材實料的水準之作.咖央多士一般都只會塗上薄薄的咖央醬🥪這兒的多士將斑蘭醬與椰奶打成厚厚的忌廉 輕盈順滑的忌廉配上外脆內軟的多士 讓人欲罷不能 口水直流🤤.餐廳的麵食貴精不貴多只有三款 不過依然吸引不少人登門造訪 可想而知食物質素相當有保證 非常值得一再光顧👍🏻

bookmark咗呢間好耐但知道佢長期排隊所以一直未試今次終於鼓起勇氣當日平日下晝兩點左右到等咗大概15-20分鐘就有位🤞🏻.🍜娘惹濃厚叻沙 $98湯底好出色 好香椰汁味豆卜索哂個湯汁真係超好食麵同蝦等配料屬正常發揮不過真係要講多次 個湯底好好味🤤.🍜干叻沙 $98基本上係撈麵 不過係銀針粉底個人好鍾意食銀針粉所以加分呢個汁同湯叻沙嘅味道唔一樣冇咗椰香味 但仍然係甜甜哋辣辣哋咁好惹味雖然佢叫干叻沙但放心 佢一啲都唔乾汁嘅分量好多 撈埋全部粉都掛哂汁干叻沙好少見 必試🤩.🥪咖央多士 $38必食 必食 必食 重要的事真係要講三次❗️❗️❗️包烘到超級脆 重點個醬唔係一般嘅spread 佢係偏cream狀 一咬會咇哂出嚟 咖央醬滿滿😋講起咖央多士一定會諗起蘇...相對之下 個人認為呢間嘅咖央多士真係略勝一籌😉*麵可免費加底👏🏻

📎 $98 娘惹濃厚叻沙 (9/10)Nonya Laksa Lemak 首先講下呢碗野先啦粗米粉配芳香rempah 椰子和雞濃湯入面有鮮蝦 魚餅 雞絲 雞蛋 豆腐 豆芽同香菜材料系非常豐富且多佢既湯底我個人好鍾意真係好香既椰子味 甜甜辣辣第一樣野我系食豆腐啲湯底浸曬啲味入豆腐而且豆腐都系新鮮啲蝦都好入味好香口雞絲啲肉幾滑 至於米線幾彈牙 吾知湯底有冇辦法入到多啲味🤣整體超級好超好食！📎 $38 咖央多士 (9.5/10)好細份！但超正！冇比較冇傷害 佢既咖央系出色過蘇媽蘇媽😂中間個層吾系漿會比漿硬身口感比較似椰汁糕？比椰汁糕口感濕潤d好夾麵包好鍾意呢個咖央🥺❤️💁🏻‍♀️環境及服務 (10/10)未開門半個鐘前我系附近搞掂左啲野冇野做所以去左排隊雖然我系第一個 但估吾到後面好排左第二三四五六個🤣店員態度都好有善💖親切提醒枱下有掛鈎掛袋仔🧏🏻‍♀️仲會好留意你有啲咩需要見你差唔多飲完杯水會問你需唔需要幫你加啲水環境氣氛好親切 白色風格🤍

T𝗵𝗶𝘀 𝘀𝗶𝗻𝗴𝗮𝗽𝗼𝗿𝗲𝗮𝗻 𝗻𝗼𝗼𝗱𝗹𝗲 𝘀𝗵𝗼𝗽 𝗶𝗻 𝘄𝗮𝗻𝗰𝗵𝗮𝗶 𝗵𝗮𝘀 𝘁𝗵𝗲 𝗹𝗮𝗸𝘀𝗮 𝘄𝗲’𝘃𝗲 𝗯𝗲𝗲𝗻 𝗹𝗼𝗼𝗸𝗶𝗻𝗴 𝗳𝗼𝗿! 𝗦𝗼 𝗳𝗮𝗿 𝘁𝗵𝗲 𝗰𝗹𝗼𝘀𝗲𝘀𝘁, 𝘄𝗶𝘁𝗵 𝗿𝗲𝗴𝗮𝗿𝗱𝘀 𝘁𝗼 𝘁𝗵𝗲 𝘁𝗮𝘀𝘁𝗲, 𝘄𝗶𝘁𝗵 𝘄𝗵𝗮𝘁 𝘄𝗲 𝗵𝗮𝗱 𝗶𝗻 𝗦𝗚! 𝗦𝗶𝗻𝗰𝗲 𝗺𝘆 𝗵𝘂𝘀𝗯𝗮𝗻𝗱 𝘄𝗮𝘀 𝗮𝗯𝗹𝗲 𝘁𝗼 𝗹𝗶𝘃𝗲 𝗶𝗻 𝗦𝗚 𝗳𝗼𝗿 𝗾𝘂𝗶𝘁𝗲 𝗮 𝘄𝗵𝗶𝗹𝗲, 𝗵𝗲’𝘀 𝗯𝗲𝗲𝗻 𝘀𝗼 𝗽𝗶𝗰𝗸𝘆 𝘄𝗶𝘁𝗵 𝘁𝗵𝗲 𝗹𝗮𝗸𝘀𝗮 𝘄𝗲’𝗿𝗲 𝘁𝗮𝘀𝘁𝗶𝗻𝗴 𝗵𝗲𝗿𝗲 𝗶𝗻 𝗛𝗞.𝗧𝗵𝗲𝘆 𝗼𝗻𝗹𝘆 𝗵𝗮𝘃𝗲 𝗮 𝗳𝗲𝘄 𝗼𝗽𝘁𝗶𝗼𝗻𝘀 𝗳𝗿𝗼𝗺 𝘁𝗵𝗲𝗶𝗿 𝗺𝗲𝗻𝘂 𝗯𝘂𝘁 𝗲𝘃𝗲𝗿𝘆𝘁𝗵𝗶𝗻𝗴 𝗹𝗼𝗼𝗸𝘀 𝗴𝗼𝗼𝗱! 𝗧𝗵𝗲 𝘀𝘁𝗮𝗳𝗳 𝗵𝗲𝗿𝗲 𝘄𝗲’𝗿𝗲 𝗿𝗲𝗮𝗹𝗹𝘆 𝗻𝗶𝗰𝗲 𝘁𝗼𝗼 𝗮𝗻𝗱 𝘃𝗲𝗿𝘆 𝗳𝗿𝗶𝗲𝗻𝗱𝗹𝘆..😍What we had:✨𝑵𝒐𝒏𝒚𝒂 𝒍𝒂𝒌𝒔𝒂 𝒍𝒆𝒎𝒂𝒌 (98𝒉𝒌𝒅)𝘛𝘩𝘦𝘪𝘳 𝘭𝘢𝘬𝘴𝘢 𝘪𝘴 𝘳𝘦𝘢𝘭𝘭𝘺 𝘥𝘦𝘭𝘪𝘤𝘪𝘰𝘶𝘴! 𝘐𝘵 𝘩𝘢𝘴 𝘢 𝘳𝘪𝘤𝘩 𝘢𝘯𝘥 𝘤𝘳𝘦𝘢𝘮𝘺 𝘤𝘰𝘤𝘰𝘯𝘶𝘵

睇完黃蘋報道，居然有人話係全港最好食嘅喇沙，作為喇沙迷嘅我當然要去會一會佢啦間鋪裝修好Modern清潔乾淨100分對於我來講喇沙一定要夠椰香味，湯底要夠濃，蝦要夠爽驟眼睇呢碗湯應該符合我需求，一啖湯飲落去，果然不出我所料，絕對夠濃夠椰香，忍唔住飲鬼晒成碗湯，面純粹米線，豆卜索晒啲湯好正，蝦都夠爽口，不過佢冇起蝦腸，真係美中不足！另外仲叫咗加央多不過唔記得影相，呢個都真係一定要試吓，個醬好特別有椰香味，回味十足！！

以前公司係灣仔 成日食呢間嘅喇沙😍 雖然次次都要排隊 不過真係好好食 所以都排得心甘情願🤣今次再同朋友嚟到 叫咗一個蝦麵 一個喇沙 仲有一個咖央多🥰 兩碗麵都分足料 味道一流 咖央多超脆超香 連唔太中意食麵包類嘅我都食到lam lam脷☺️It was one of my favorite restaurants when I was still working in Wan Chai! Despite that fact that there is always a line outside, it’s definitely work the the wait! 😜We ordered a Laksa, a Prawn Noodle, and Kaya toast to share. The noodles tasted as good as they looked! 🤩 Delicious soup with a bunch of shrimps - the soup was sooooo delicious that I wanted to drink it all for re