Pulau

营业中

休息中

Worst Beef Rendang I ever have. Tasteless and most important, it was cold. The whole Central Market concept is good just poor management. Basically don't have the intention to try out restaurants there.

自中環街市重開後，返工食飯多左好多選擇！今次揀左新加坡菜🫶🏻 係食我最愛既海南雞飯👍 首先係雞既份量十足，岩岩好，唔會唔飽！而雞都非常嫩滑，比左三種唔同既sauce我地點，當然我最愛係雞汁，之後係開胃既酸甜汁😝 飯既份量好多，一個人食唔哂… 所以男仔絕對夠食！跟餐送左一個湯！值得一提既係，好似過左兩點，個飯會做優惠價，印象中好似由$82減到$62蚊。下午茶中環價真係勁抵食🙈 之後我叫多左個咖央多士！包住成塊牛油🧈見到真係好邪惡又流哂口水… 食落甜甜的，好好食😋 佢仲加左流心蛋比你點，係個幾特別既食法👍 總括黎講，呢間係我有機會會再encore 既餐廳🙏🏻

今天到中環街市逛逛，事前上openrice網瀏覽 ，這間食店口碑不錯。原本我想吃喇沙，但Honey喜歡肉骨茶。我就抱著估一估的心態：因為，我不喜歡馬來西亞的藥材味濃的肉骨茶。真好，這間食店是星加坡式胡椒味的肉骨茶。都幾大碗，而且配油飯和油炸鬼。裏面有三大塊肉排：一塊是全肉，一塊是一字排，一塊有軟骨。三塊肉排的肉，都好甘香，豬肉的甘香。而且肉有彈性，不是柴口的煲湯肉，真是意想不到！而湯頭，不辣，但仍然是濃濃的胡椒味。最驚喜的是，整粒原粒蒜頭，已經煲得夠稔，粉狀。喜出望外的肉骨茶！美食廣場形式，座位有露天也有室內。好Chill的感覺。

🥗牛油果核桃青蘋果沙律（$68）：食料包括青蘋果、牛油果、蜜糖核桃、提子乾，以及小蕃茄。青蘋果入口清爽，蜜糖核桃香甜脆口。牛油果嘅份量多啲就更好啦～🥓參塔醬燒豬頸肉（$82）：每客有約十數片豬頸肉，外表炙得焦香，內層保持脆嫩。每一口都有豬頸肉特有嘅油脂香。搭配埋參塔醬⋯對重口味愛好者黎講真係好滋味！🍛巴東牛肉配班蘭椰漿飯 配蘇東魚丸雞湯（$78）：巴東牛肉吸滿了香料和椰奶的精華，牛肉油脂和多種香料混合而成嘅獨特香味，實在惹味！配上帶有微微班蘭香嘅椰漿飯，每啖都好和諧。雞湯正好解油膩感～😋整體而言：1. 以中環物價而言，套餐性價比最高。2. 豬頸肉幾香口，小食多滋味。蒲羅 地址：中環皇后大道中93號中環街市地下G19號舖

中環街市係近排文青新興地方，雲集咗好多店舖同餐廳不過消費水平就真係比較高，有好多Cafe但價錢都唔平，就算係food court但啲餐廳價位都比較高，今次就揀咗間稍為正常少少馬來西亞餐廳。呢個價錢得主食冇飲品其實唔算話好抵不過周圍都係咁😓買完嘢食我就上咗去樓上茶飲店揀咗間-我想和你無所事事💛👓新加坡大蝦喇沙 摻摻/米線 $78揀咗摻摻，即係油麵加米粉，因為覺得比較吸湯底會入味好食啲，佢哋嘅湯底都好濃味唔會好淡，而且唔算好辣，餸菜都豐富有四隻蝦、豆卜、魚蛋魚片四季豆同半隻輕微溏心嘅蛋。評分：7/10👓新加坡海南雞飯 配蘇東魚丸雞湯 $82就咁睇個湯顏色都清澈唔算好油膩。隻雞份量都算多而且都有肉、係嫩滑，同樣有辣汁蔥油甜醬油三款醬汁。油飯方面顏色反而唔算好黃澄澄鮮色，係暗黃色，食落去唔算話好重油香味但就變相冇咁油膩冇咁重邪惡感🤣評分：7.5/10

Pulau 蒲羅主打的新加波美食，已在中環街市地面樓層food court 開設分店，食物價格實惠，性價比高留意番，店舖沒有飲品提供，如有需要food court 內有冷熱水提供，係自助的我今次揀咗巴東牛肉班籣椰漿飯，配：蘇東魚丸雞湯 $78牛肉同飯的份量好多，每件牛肉都超大舊，配埋飯一齊食啖啖肉，好滿足半熟蛋配咖吔多士 $36半熟蛋配咖吔多士，呢個配搭好特別，問返店員，原來當地人會將咖吔多士沾上半熟蛋醬一齊食，聽完就叫黎試下照當地食法，味道偏甜嘅咖吔多士配上無經調味的半熟蛋醬一齊食，味道一流，由味道偏甜變左甜得黎好味道，多士同蛋的味道完全中和，加上蛋醬沾滿多士表面，放入口唔會覺得個多士好乾身，咬落去仲會好脆口，因為本身個多士有烘底

今日lunch time去中環街市行吓睇吓有咩食先響中環返工咁耐都冇去過堂食，只有經過買下啲小食，原來最底嗰層咁多嘢食，呢度就類似food court一樣，買咗可以隨便坐喺佢哋公用嘅位置度堂食，非常方便👍🏻路過一間叫Palau 蒲羅食新加坡嘢，又見我最鍾意食嘅海南雞飯，毫不考慮就食呢度，兩點打後仲要係下午茶時間，比Lunch仲要平D，開心💛俾咗錢等候期間，見到有五個客人都係同我一樣食海南雞飯，我相信應該質素好有保證😋😋▪️海南雞飯配蘇東魚丸雞湯 $68🐔雞嘅份量大家有目共睹，差啲連我都食唔晒，無骨雞雞肉好滑而且雞嘅肥瘦適中，雞味濃香👍🏻點埋三種醬汁(黑醬油/薑蓉/辣椒醬）真係好好味😋😋🍚油飯充滿雞油香，但唔會太油膩飯粒吸滿雞湯同埋香料既味道，好食咁大碗都比我食一粒都無剩😆🍲雞湯做得唔錯，飲得出一定係冇味精雞湯加埋冬瓜，魚丸，好少覺得呢種湯會好味既，多數都唔飲，但係今次有例外因為真係幾好飲，嗰兩粒魚丸都幾好味▪️半熟蛋配咖吔多士 $ 36🍞為食嘅我食完海南雞飯又想食甜嘢，就叫埋呢個新加坡最出名嘅咖吔多士，多士烘得脆口，咖吔醬唔太甜，啱我口味，加埋兩塊邪惡嘅鮮油，簡直就係絕配，正🥚仲有兩隻半熟

三級歷史建築物中環街市經過多年復修，以活化新面貌同大家見面，吸引多間商戶進駐，由特色食肆、文青小店到生活品味雜貨都有，成為最新美食打卡潮流熱點📍雖然之前嚟行過，但就未試過搵間餐廳試吓🙌🏼地下由多間餐廳，自助取餐環境又幾chill🌴◽️娘惹茶燻鴨 配：雞油香飯及蘇東魚丸雞湯$82一睇到menu上圖片就鐵定要揀茶燻鴨，除咗擺盤好靚外，茶燻鴨都幾特別😋鴨胸鹹香得嚟帶茶燻味，皮脆燒得香脆肉質好嫩滑💯送雞油飯幾夾◽️亞答慢煮豬手飯 配：蘇東魚丸雞湯 $80豬手切片啖啖肉，半肥瘦，有啲肥先好食🤤🤤入口滑溜又帶甘香，炆得好入味，配搭醬汁酸辣好開胃 ，加啲sauce更提味👌🏼◽️串燒拼盤（雞肉.大蝦.魷魚鬚）$78兩個人share啱啱好，一人各一串👏🏻沙嗲醬燒得好香好惹味😋

喺中環返工，最怕放飯時間，就算彈性食晏時間，都係處處人患。我基本上都會按排兩點前後去食嘢，食茶餐平的，但依家好多茶餐都好細份食唔飽⋯⋯今日跟同事兜去中環舊街市，一直冇去過，原來已經改裝好晒。底層好似food court 咁，行咗一轉見好多人食海南雞飯，同喇沙，似乎唔錯，咁我哋就去搵，原來喺角落頭位。啱啱好2:00有茶餐食，特登問佢份量同埋正餐有冇分別，因為同正餐差$10，店員話同一個size ，只係平左。點餐時店員仲特登介紹隔離姊妹店亞答屋，一樣係有茶餐優惠。既然平咗三個女仔就可以點多啲小食點個新加坡大蝦喇沙摻摻，摻摻係油麵加米粉，好大碗，有豆卜魚蛋大蝦蔬菜同蛋，少少辣，重椰汁味。店員重點推介咖吔多士配半熟蛋，估唔到有兩隻蛋，撈醬油點咖吔多食，甜甜鹹鹹咁，啱晒女仔口味。另外在叫咗個串燒拼盤，六寸分別係大蝦，魷魚鬚同埋雞肉，點埋佢個串燒汁好食，但係份量唔算多呢個價錢有啲貴。跟住就行咗去隔離亞答屋買海南雞飯，佢係餐嚟嘅有飯有湯，下午茶先係$68唔怪之有咁多人食。去骨雞啖啖肉份量好多，配油飯同埋魚丸湯，三款海南雞醬都好食。佢哋冇嘢飲跟/賣，如果要嘅話就可以去其他舖頭買，但係現場有冷熱水機，旁

今日來到中環街市去發掘美食，上次吃了一汁一菜，今次決定在地面一層吃新加坡料理。位置：在中環街市地下一層，Citta的店旁邊。環境：櫃位的裝修好像Kaya，可能新加坡餐廳都是差不多或是同一個集團呢？！中環街市地面一層設有室內和室外的座位，室外座位正圍繞一個樹林的中庭，是相當舒服和自然光充足。服務：在櫃位自取食物，其自行找座位，附近亦有飲水機和杯，吃完後亦需自行清理。午市：吉羅大蝦雞肉串咖哩麵$72份量十足，配料豐富，對得起個價錢。湯水是勁濃郁的咖哩，麵是由油麵和粉絲的組合，配料有一隻開邊的大蝦、炸蒜、豆卜、半隻糖心蛋、兩串香茅雞肉和豆角。雞肉的調味十足，不需要點醬汁都惹味，而且肉質細嫩，表皮香口，非常好吃，使我好想下次再試串燒。這個咖哩麵是我吃過最好吃的！半熟蛋配咖吔多士$36兩隻半熟蛋半兩塊半邊的多士，多士是麥色的麵包，烘得乾脆，中間夾住了牛油和咖哋，不過兩塊麵包的咖吔塗得不平均，味道是一樣的甜香。最好吃是兩隻蛋加了甜醬油後，口感滑滑溜溜，又有甜香，我就一口氣吞了😁！

呢度越來越多食肆開幕～之前食新加坡菜，通常都係食喇沙😄，今日見到有咖喱麵，覺得好特別！就同友人一齊試下～✨海南雞飯配蘇東魚丸雞湯～海南雞飯係新加坡菜必食嘅，雞件唔會好肥，皮薄而肉質滑溜，唔錯！✨吉羅大蝦雞串咖哩麵～咖哩濃汁湯底，微辣帶甜，糖心蛋同埋雞串浸喺啲麵度，好吸味，麵係用上新加坡米粉，每一啖都好上汁，惹味香濃。✨亞答酸辣蝦杯～一set有6杯，有別於泰式，呢度用上熟蝦，醬汁辣得黎又清新，食完隻蝦，再飲少少汁，感覺勁開胃。呢度環境優美，夜晚仲有燈飾睇，唔洗加一，今次人均消費都係$120，朋友都話性價比高！

每次中午經過中環街市，都會看到此餐廳湧滿人，朋友都說這店的海南雞飯很好吃，終於晚上有機會嚐一嚐！.著名招牌海南雞飯$82，好滑，雞味濃，雞皮的黃色分外吸引，油飯也好香，一點點鹹味很配。再送一碗雞湯，喝完好warm，這個餐很抵吃喔！😋😋.呀答冰鎮鮑魚$128，配以香料醬汁，入口彈牙，新鮮好味道，下一次會繼續點這菜色！.地點方便，乾淨衛生，中午可以過來吃吃❤️.⭐️性價比：4/5星💰人均：$100港元

兩個細路學完興趣班，帶佢嚟呢度最新嘅打卡熱點～中環街市，平時嘅lunch hour真係好多人，今日嚟到啱啱1:45，過咗個人潮，加上周圍嘅燈飾，半露天嘅環境，感覺好chilli！海南雞飯配蘇東魚丸雞湯～份量都幾豐盛，雞件份量多，一份裏面有齊雞脾肉和雞胸肉，入口嫩滑，無雪味，米黃色嘅雞油飯，香味十足。小朋友仲大讚個雞湯好好味🙌🏻回頭率十足！串燒拼盤有雞肉大蝦魷魚鬚，魷魚鬚有少少乾，雞肉尚算滑溜，大蝦就最令人驚喜🤩蝦肉爽口彈牙，微辣口味，好惹味！半熟蛋加㗎央多士～有啲似溫泉蛋，熟度啱啱好入口Juicy，同脆卜卜嘅多士相映成趣，好特別❤️

自從中環街市開咗之後又多一個打卡嘅地方原來呢度有咁多食肆咁中環嘅打工仔都可以受惠到啦呢個food court入面最吸引到我嘅就係呢兩間東南亞美食啦啲色又鮮豔賣相都幾靚wo喺Palau叫咗碗咖哩麵而喺亞答屋叫咗個酸辣鳳爪呢個下午茶真係豐富碗麵真係好靚蝦肉好爽豆卜吸曬啲咖哩汁仲有4大粒添芽菜好粗口感一流湯底唔會太濃完全唔會食食下覺得好膩鳳爪酸甜為主配料好多尤其是係好多車厘茄我最鐘意食架啦唔會太辣食完覺得非常清新

🍴Pulau 🔍中環皇后大道中93號中環街市地下G19號舖-----中環街市重開數月，媽咪一直都話想黎行下，上星期收工陪佢行完之後，就順道帶佢嚟食同事話味道唔錯嘅呢一間星馬菜。新加坡大蝦喇沙米線（$78）檳城蝦麵（$78）半熟蛋配多士.喇沙湯底色香味濃，湊近一聞，椰子香氣撲鼻而至，食落帶辣香卻不帶嗆勁，蝦肉彈牙，溏心蛋帶醬油甘甜及微微酒香，確係高質，同事推薦得不錯。而蝦麵就適合食唔到辣嘅人食，湯底比喇沙甜，鮮味頗出，層次幾豐富，不過個人依然偏愛喇沙多一些。多士方面，方包烘香至微脆，抹上誘人嘅咖央醬，加上滑溜半熟蛋，食法幾新奇有趣，令千篇一律嘅咖央多更帶玩味，不錯。