Pulau

营业中

休息中

中環街市活化後多左好多野行，又可以打下卡，呢晚就同老公嚟中環city walk下，之後行到攰，就去中環街市攞野食。 自己搵位坐地面一行入去就見到呢間Pulau，食星馬菜嘅，有9款主食，主打掺掺麵。嗌左兩set《新加坡大蝦喇沙掺掺 $78》有豆腐卜、開邊蝦、豬腩肉片同埋半隻蛋～香味濃郁，微微嘅辣，最特色係摻摻有油麵同米粉，雙重口感又掛湯。 《新加坡白胡椒肉骨茶（豬排骨，豬肚）配 雞油香飯及油條 $82》湯好重胡椒味，又唔會辣喉，油條可以浸湯又或者蘸黑醬油都好味；油飯有淡淡油香，唔會好乾，撈啲蝦醬油都好食。《串燒拼盤（雞肉.大蝦.魷魚鬚） $78》有沙嗲醬好惹味，魷魚鬚有啲韌，蝦同雞肉都入味。

放工同女同事去食少少嘢先返屋企，去咗中環街市個food court。嗌咗一碗麵、一個小食同一個沙律share食。呢度冇特定嘅座位，只要喺範圍內都可以坐低。呢排天氣涼涼哋坐出邊應該幾舒服。每個主食可以加$32通菜及加$10罐汽水。呢晚海南雞掺掺同通菜都賣晒，所以改咗食蝦麵同沙律。《 檳城蝦麵 $78 》呢個麵係湯底味道濃郁，蝦味及椰香味濃，加埋有啲炸蒜片更提香；呢個麵係「掺掺」，所以有米粉溝油麵；米粉會比較多 更吸收湯底精華。 《 手打樱花蝦餅 $48 》有4塊，幾有蝦甜，蘸埋甜酸醬更加惹味～ 《 牛油果核桃青蘋果沙律 $68 》呢個有驚喜。青蘋果絲好爽甜，仲有牛油果同核桃，配上芒果汁好香甜開胃！+$10/罐雪碧（第二罐 正價$12）

今日返工有啲野要跟，落咗中環做野順便食埋Lunch先返去，揀左呢間試吓。地理上一入正門第一間食店就係佢，方便易搵，返工快食Lunch都算好方便。Menu都唔少選擇，Lunch set飯類除左跟雞油飯/椰漿飯，仲跟埋個蟲草花雞湯，中上環嘅價錢嚟講呢個set都算合理👍🏻今日揀左最平嘅馬來燒雞配油飯嘅Set ($75)，老實講肉量就一定無Menu張圖咁多件，不過又未去到照騙嘅程度🤣同埋質素嚟講呢個價錢都真係算唔錯，雞皮好食，肉算厚身同埋唔鞋口，咬落去熱得嚟都Juicy~總括嚟講，如果喺呢頭返工，放Lunch得閒都會食下，都算推薦👍🏻

巴東牛肉配班蘭椰漿飯牛肉軟爛，香料入味十足。配的小菜清爽解膩。巴東牛肉飯來說，量也算是很足。班蘭椰漿飯顏色鮮艷，綠綠的，令食慾大增。另+$32 就有一份馬拉盞炒通菜正常的炒通菜，香口惹味～娘惹茶燻鴨配雞油香飯及蟲草花雞湯之前都沒留意到有娘惹茶燻鴨這美食真的要多出去 了解不同地方的當地美食 難得有新的 怎麼不一試！！喜歡燻鴨好香 油脂和煙靭鴨肉配合真的好贊 就算不是喜吃肉的人 也會喜歡蟲草花雞湯足料 有埋雞肉吃就更好🤣這家店就是正常的味道，在中環街市正門一入的第一間就是。勝在便捷，是和朋友或一人食好去處。

第二次到訪中環街市食新加坡嘢經開中環，同朋友想食新加坡野食去左蒲羅 Pulau，同上次一樣咁好食😋可以同朋友一餐快靚正嘅dinner😍✨海南雞喇沙$76海南雞好滑，湯底好香濃，有豆卜同半隻糖心蛋😍✨參峇醬燒豬頸肉 $82豬頸肉好juicy，唔會過乾，同埋真係醃得好入味🤤✨鹹蛋黃魚皮魚皮十分之香脆～加埋鹹蛋黃好香，一口接一口，食唔停✨班蘭咖吔多士 $28麵包好香班蘭味，加埋牛油，真係好邪惡，不過好好食😚

星期六晚途經中環街市，見個場無咩食客，大把吉枱，所以幫襯。手機落單，使用送餐服務，第一張單無問題。進食中途想加單，所以繼續手機落單，希望享用送餐服務，誰不知職員在處理第二張單時唔願做，唔肯送餐，我自己去柜枱取餐，職員仲要老土，態度惡劣，豪無服務可言。今時今日，怪不得星期六晚個場都靜到死。再去中環街市都唔會幫襯依間。

馬來燒雞配雞油香飯及蟲草花雞湯(75hkd) 燒雞扒好香，四邊煎到微微焦脆，雞扒厚切啖啖肉，和油飯絕配，仲有雞湯潤下喉，不錯海南雞喇沙麵(76hkd) 份量好足，可以自由選擇要摻摻定要淨麵，麵質軟腍吸湯，湯底好重椰奶味，中和咗個辣度，海南雞無骨，適合懶人～馬拉盞通菜 (+32hkd) 跟餐價幾抵食，通菜炒得惹味又不會過咸，仲保留到通菜的脆口新加坡鹹蛋黃單骨雞翼(56hkd)大推雞翼，絕對必點，鹹蛋黃做到鹹香又有少少甜味，而不是死咸或者只有沙沙的口感，仲係單骨好貼心，會想追食👍🏻#foodiblum東南亞

中環高蛋白靚午選擇.ᐟ‪‪.ᐟ🍱📍Pulau中環皇后大道中93號中環街市地下▶️馬來燒雞 配 雞油香飯及蟲草花雞湯 $75(備註: 轉白飯) ⸜♡⸝營 養 估 算 :白飯、走雞皮、20g泰式汁的營養👇🏻🌟674 kcalCarbs: 78gProtein: 44gFat: 19g口水指數🩷: 4.5/5健康指數🩷: 3.5/5 (雞扒偏油)本身佢係跟油飯，想低脂啲就轉白飯、走花生、走雞皮!!!個人好中意食佢個泰式辣醬🥹雞扒其實有少少油，盡量要去皮整走啲油～雞份量幾多厚身，算幾入味嫩滑，點埋汁送飯一流😍不過蟲草花雞湯好鹹偏油～飲左一啖就無飲了😮‍💨作為平價好食高蛋白午餐係一個唔錯嘅選擇🌟

Fixed my laksa cravings at the dining ground and left with a happy tummy. My bowl of pork collar laksa was delicious, the broth was tasty and in go a mix of rice noodles and egg noodles. Pork necks were extremely tender and juicy, toppings included green beans, bean sprouts, soft boiled egg, and a couple of very delicious tofu puffs- they were so good after soaking in the laksa soup. Needed to have my daily intake of dietary fibre, here’s a huge portion of belacan stir fried water spinach. Extre

去開中環做嘢，一個人晏晝好肚餓，但係又唔想自己一個去餐廳好似好孤獨咁就去咗中環街市食，地下嗰層好似foodcourt 咁，叫左野食自己搵個位坐低，一個人識都可以好自在簡左一輪，最後系Pulau 叫左個tea set 馬來燒雞配油雞飯$65燒雞扒好厚肉，層皮無太多脂肪，燒到卜卜脆跟返仲配咗個蟲草雞湯，味道好鮮甜斑斕咖央多士$28咖央多士夾咗一層牛油，再搽上薄薄嘅咖央醬淡綠色嘅多士烘到脆脆地，整體黎講都好好食

前幾日收工近近地去左中環街市食埋個dinner 先返屋企，中環街市地下果層都好多餐廳選擇嫁～我就揀左間星馬菜餐廳，見到dinner叫個馬來燒雞配雞油香飯，再送埋碗蟲草花雞湯都系$78, 都幾抵食😋呢個燒雞都幾有驚喜，食落外脆內裡仲系juicy 充滿肉汁，同埋味道都十分香口，好好食！之後仲嗌多左份斑蘭咖吔多士😍每次見到有咖吔多士都忍吾住嗌一份，斑蘭多士搽滿咖吔醬仲夾住塊凍牛油😆真系覺得有d邪惡但又好滿足！

收工近近哋去中環街市食個晚餐，中環街市底層有好多間餐廳，當中個人好鍾意嘅就係呢一間星馬菜。唔需要加一，但係用餐環境幾好，買完之後可以隨意喺公共位置搵位坐低食。而且出餐好快，大概等5分鐘就有得食，好啱我呢啲收工就好肚餓嘅打工人士。-新加坡大蝦喇沙摻摻-豬頸肉喇沙摻摻同朋友都好鍾意佢哋嘅喇沙湯底，一人叫咗一碗，湯底香氣四溢，椰漿香甜味好突出，微微辛辣，好惹味。半米粉半油麵，各有千秋，前者好索汁，後者就有啲蛋香。蝦肉爽彈，豬頸肉嫩口，加上魚蛋、糖心蛋等等的，材料都幾豐富。晚市可以以優惠價加購馬拉盞通菜，份量都唔少，通菜爽脆，馬拉盞味鹹鹹香香，但係唔會過於濃郁-新加坡鹹蛋黃單骨雞翼（8PCS）雞翼外皮酥脆，內裡多汁，每一口都能感受到鹹蛋黃的香濃味道，沙沙地的口感，很特別。

蒲羅 PULAU中環皇后大道中93號中環街市地下G19經開中環，老友推介地道新加坡菜，環境舒適，食材新鮮，果然冇介紹錯。😺吉羅大蝦雞串咖哩麵湯底香辣不油膩，辣度適中，面層放了乾蒜提升層次，配料有新鮮大蝦、雞串、雞蛋、豆卜 和豆角。咖哩麵爽口彈牙，吸收了湯底的精華，推薦！🤤串燒拼盤拼盤有雞肉串、大蝦串和魷魚鬚串，口感煙韌，爽口彈牙，加秘製辣醬提升層次，趁熱食好正！😚手打櫻花蝦餅即叫即製，煙韌彈牙，香濃的櫻花蝦，加酸辣醬，效果更街，配新鮮青瓜和車厘茄，大滿足！😍班蘭咖央多士即叫即製，外層香脆，中層加了鮮牛油和班蘭醬，香氣四溢好邪惡！🤤蒲羅 環境舒適款式多，食材新鮮夠地道， 店員服務態度好，還會再來。😎🤘🏻

Pulau 的新加坡白胡椒肉骨茶配雞油飯。先說肉骨茶，湯底呈奶白色，胡椒味相當突出，但那種辛辣感卻不夠醇厚，有點像直接把白胡椒粉撒進水裡煮開的感覺，少了層次感。排骨的肉質倒是還可以，燉得比較軟爛，但分量略顯不足。雞油飯的部分，米飯的口感偏硬，雞油的香氣也不夠濃郁，感覺像是用普通米飯拌了點雞油而已，沒有那種入口即化的油潤感。整體來說，這碗肉骨茶配雞油飯，只能算是差強人意，像是一種速食的簡化版。

作為連鎖餐廳的蒲羅Pulau，定價合理且出品穩定。此分店是位於中環街市內的美食廣場，相比於中環區的膳食來說，性價比蠻高。食客直接掃碼下單便可，而且餐廳亦接受多種支付方式，所以除了上班族外，訪港旅客都不妨可到此一嚐價格實惠的蒲羅Pulau吧！. 🦐新加坡大蝦喇沙摻摻（$78） 🟡🟡🟡🟡🟡(5/5)喇沙湯頭濃郁，配著超級掛湯的摻摻一口吃下，簡直人生一樂也，疲勞瞬間消散！已經去殼處理的大蝦肉厚且彈牙，魚片、魚蛋爽彈！.🥬馬拉盞通菜（加配價*$32） 🟡🟡🟡🟡🟡(5/5)咸咸香香兼帶微辣的馬拉盞通菜非常惹味！通菜不老，葉嫰莖脆！絕對值得加配😋👍.🥤無糖可口可樂（加配價*$10） 🟡🟡🟡🟡⚪️(4/5)只需加$10便可自選一款Soft Drink💕想喝汽水同時怕熱量超標的我，Coke Zero自然是我的最佳選擇🙉嘻嘻/店舖名稱 Restaurant Name：Pulau (中環).店舖地址 Restaurant Address：中環皇后大道中93號中環街市地下G19號舖.營業時間 Opening Hours：⊿星期一至日 Mon to Sun 11:00-22:00