Proton

营业中

休息中

1:06pm 先比枱我，2:20pm要我埋單，又話90分鐘？食物及咖啡不過不失，吸引唔到我再翻去，因為優秀嘅cafe太多，我去過幾十間cafe 呢間真心唔會再翻去幫襯。

Lunch Time 去，今次已經係第四次幫襯，尼度既主打食物係手打意大利煙三文魚魚子醬牛油果意大利麵。第一啖食時突登唔加魚子醬食，本身意大利麵個醬已經好濃郁，充滿牛油香味! 手打意大利粉本來就比出面食的普通意粉煙靭，加上牛油果與蘑菇，兩種食材與意大利麵形成令人一試難忘的口感，每一啖與意大利麵分開食或是一齊食都充滿驚喜! 最後當然加埋魚子醬食，成個味道更加升華! 所以喜歡意粉的朋友! 非常推薦大家去食!!!

在Openrice睇到一間新餐廳，lunch就去試一下。去到的時候滿坐，waiter有禮貌話要等5分鐘。5分鐘之後，我們便入坐。餐廳的裝修比較簡單，俾人一種簡泊的感覺。餐廳座位不多，來這裡食的話要預早訂座或預時間在這裡等侯。食物方面，我們點了意大利麵及意大利飯，sauce很好，份量都可以。價錢方面比較貴，沒有套餐，飲品要另外加錢，一杯coffee要大約$40，最後，在沒有點飲品的情況下，每人大約$100。

今日去左試一間係元朗未試過既cafe, Proton星期六3點左右去到，唔洗等位，可以即刻入去Cafe 環境有分戶外同戶內，戶外環境都會有個風扇吹住，都ok。張凳都坐得幾舒服，個cafe環境都算幾relax.食物今次叫左個虎蝦阿拉斯加蟹肉蟹膏手工意大利麵，粗扁身既麵，個sauce 有少少辣，但整體上都ok.飲品叫左個抹茶soda，個抹茶係另上，可以自己調較要落幾多抹茶，比較有特色，同埋都算比較少見，我覺得可以不妨一試。

元朗不嬲都有好多好嘢食，早排經過呢間睇落幾comfy嘅Cafe，出邊又有pet friendly zone就入咗去試。服務💯嗰日天氣都幾熱，有細心嘅職員見到我流晒汗，坐低嘅時候就問我需唔需要杯凍水，真係好細心食物Lunch hour有lunch set，沙律/湯+main都係$8x！煙三文魚魚子醬牛油果手打意粉🍝意粉因為係手打，所以比一般意粉粗少少，口感煙韌蛋牙，好好食😋😋意粉個sauce creamy，掛曬落意粉，真係好正🥰焙茶鮮奶咖啡焙茶味好香，飲落唔會有澀味👍🏼Overall真心推介呢間餐廳，遲啲我會再返去再食！🥰

同朋友聚會，近近哋揀咗呢間餐廳～我嗌咗 ‘龍蝦·虎蝦·蝦頭油·蝦子手打意大利麵’～虎蝦夠新鮮，意粉彈牙得嚟掛到惹味嘅龍蝦汁，加埋蝦子成件事昇華咗去另一個層次！好食！我朋友就叫咗 ‘阿拉斯加蟹肉·虎蝦·櫻花蝦手打意大利麵’ 不過相比起我嗰碟就遜色咗啲，比較淡口～另一個朋友就叫咗 ‘烤葡萄牙伊比利橡果豬鞍’肉質軟稔有肉汁，幾好～另外加咗水牛城雞翼 share食，唔係正宗嘅buffalo wings，但味道都唔錯嘅～我哋都加咗$98蚊跟沙律、焗麵包同黑松露野菌湯！味道幾好～整體嚟講食物質素幾好，而且份量都幾多～坐得舒服，店員都親切嘅，幾啱朋友聚會傾計～

8號波既第二日，一定係狂風大驟雨，但因為好耐都無同老公食過，所以冒住大雨都要專登行黎食😇叫左三樣野食，蟹肉大蝦櫻花蝦意粉，豬胺扒，同炸雞。炸雞有6舊，都幾大舊，炸得好脆，配埋honey mustard，真係好好味。可以翻食😋豬胺扒黎到既時候已經切開左一條條，所以吾洗點切。啲肉好淋，好夠味，點埋個醬就入晒味😚配左焗薯仔，都幾好味既，不過我個人喜愛薯條，如果配薯條就好了😛有舊啡菇仔，好搞笑，好少食扒會配舊啡茹，不過味道都吾錯。意粉係handmade既，咬落去好有口感，好彈牙，味道都好特別。個汁好creamy，係我喜愛既口感，但食落又唔會覺得流。蟹肉都吾少，另外有4隻蝦，都好爽口🙂最後叫左杯earl grey chocolate 同earl grey latte，我覺得chocolate 好味不過老公就話latte吾夠奶味，但so far都吾錯😇呢間絕對值得翻食，不過希望佢可以有多啲俾錢既選擇而吾係淨係得cash🙂

前一晚覺得自己有啲時間，所以可以自己搵一間比較舒服嘅餐廳去食嘢，見到呢間 d甜品唔錯，又可以openrice預約我就book左~我去到嗰陣時候都已經好多人，等咗15分鐘就可以入去，set lunch menu非常吸引但係因爲我唔食得海鮮同埋牛肉……又唔太想食ALL DAY，所以我只可以點其他野。最後叫咗個野菌菠菜手打面$88，味道都唔錯~配個熱既鮮奶焙茶hojicha latte$38最後！我其實係為咗個蘋果批去食非常好食

文青cafe🥰佢呢間最出名係手工意粉阿拉斯加蟹肉、虎蝦意大利麵💚💚💚💚佢啲蟹肉同蝦都好新鮮個汁口味偏淡少少扁意粉彈牙唔會好油膩蘆筍 牛油果車厘茄紅菜頭意大利飯💚 💚 💚 一望落去就覺得佢成個感覺都好健康淡淡都係蔬菜嘢飲就叫咗一杯Dirty佢上邊係椰奶下邊就係炭香味好濃嘅咖啡偏甘苦可惜個外表就唔係好靚仔食物方面都係偏淡口味如果食開重口味嘅人就有少少失望啦🍽proton📍地址：元朗教育路83號📞電話：94131131

咁啱經過見到呢間Cafe好似好舒服，同朋友二話不說入咗去食個午餐chill下環境好舒服，更值得一讚係店員非常有禮貌👍🏻見到隔籬枱每人一杯乾果cold brew, 我都唔執輸，坐低即刻跟手嗌一杯先😆一上枱真係心心眼，超級靚😍入口可以話係驚為天人，果香好重，出面未飲過一杯咁好飲嘅咖啡，真係好有驚喜🤩非常推介！必點！！朋友叫咗dirty, 咖啡豆香濃炭燒嘅味道，夏天飲真係好爽🤫l食物方面，叫咗一個蟹肉虎蝦粉紅汁手打意粉哇 我同朋友食到舔舔脷每一啖都有好多好多蟹肉，非常惹味意粉好彈牙，超高質！！必點！！另外叫咗個法式鵝肝安格斯牛肉漢堡包🍔鵝肝入口即溶，漢堡係手打漢堡😍厚度一啖都食唔晒🤭再配上薯條同沙律菜，非常滿足🫶🏻

咁啱家姐放假 就諗住行下街食下嘢, 沿住教育路 一直行 原來開咗好多間 很有格調的cafe“proton Cafe“ 係間工業風 寵物友善咖啡店 下午茶免加一 仲有飲品買一送一㖭咁吸引㗎你入去食啦門口擺左張復古梳化可以喺度用餐仲有 一張吧枱 可以帶你啲 小動物一齊用餐 十分貼心 入到去 環境舒適，裝修以輕工業風 為主 水泥牆 樓底高 空間感大 職員態度友善週到餐牌十分簡單~煙三文魚🐟 牛油果 🥑忌廉 芝士🧀 比高🥯賣相十分 吸引 比例恰到好處 配搭係上嚟 好好味 ~黑松露卜卜脆薯條🍟配黑松露醬 番茄醬正！🥫~伯爵茶凍朱古力🍫淡淡的伯爵茶香味 加朱古力 唔太甜~冬陰功海鮮椰香手打意大利麵🍝海鮮有青口、蟹肉👌大隻鮮味彈牙既🦐個醬汁好正椰香味濃香辣惹味👍粗身既手打麵索曬啲汁🤤~黑糖鮮奶咖啡☕️好飲呀😚黑糖同咖啡都係主角😋整體嚟講十分 滿意有下次

這次去了一家位於教育路的咖啡店，是工業風裝修為主，以灰色為主感覺時尚簡約🤩。午市時間有套餐，跟餐送新鮮麵包 沙律或餐湯。當日餐湯是野菌蘑菇湯，味道鮮味濃郁，麵包口感鬆軟。-💥熱焦糖鮮奶咖啡 HKD$38 | 熱伯爵茶朱古力 HKD$40，飲品拉花特別，分別是天鵝及海馬的拉花😆。熱焦糖咖啡味道香甜咖啡味道濃郁，熱伯爵茶朱古力茶味清香，朱古力味不會蓋過茶味。-💥All Day Breakfast with Pancake $118，這個賣相吸引，食物包括：牛乳炒蛋、焦糖班戟、脆煙肉、德國腸、沙律菜及炸魚柳。牛乳炒蛋味道香甜😍，焦糖班戟鬆軟濕潤。炸魚柳口感外脆內軟，整體不會太油膩。-💥伊文氏野菌安格斯牛柳粒手打意大利麵 HKD$86，這個味道很香🤤，醬汁是用燒汁及黑椒製成，味道很濃郁惹味😚。牛柳粒口感煙韌，一口一粒挺方便吃的。意大利麵是粗身版本，口感較豐富。-

#ftf_元朗環境舒適 工業風cafe法式鵝肝安格斯牛肉漢堡包薯條 $148⭐️⭐️⭐️⭐️⭐️鵝肝極厚、重油香但唔油膩，一小口已經足以齒頰留香，牛肉就如肉眼所見，啖啖肉、好juicy! 薯條正常發揮，不過不失啦～整體而言，鵝肝同牛肉配搭得十分出色，值得一試！蘆筍、粟米、車厘茄、野菌菠菜手打麵 $88⭐️⭐️⭐️整體味道不錯，味道清新，感覺好健康，同邪惡嘅鵝肝牛肉漢堡一齊叫，心理上可以平衡一下。波菜味比想像中香濃，但作為煙靭控嚟講，口感上手打麵嘅麵質可以再彈牙同煙韌啲。Iced Matcha latte $44⭐️⭐️⭐️⭐️抹茶味重，有回甘，唔會太甜，餐廳好好有得俾我轉off menu燕麥奶，除咗香濃嘅抹茶味，再加添一份人情味。Fruit bomb $50⭐️⭐️⭐️⭐️⭐️除左打卡一流，果香同咖啡味平衡得恰到好處，朋友大推！回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

同朋友喺平日放假就去元朗悠閒行，見到Proton用輕工業水泥裝修，感覺可以放輕鬆兼醫肚。佢個開放式廚房可以望到大廚整野食出餐沖咖啡，樓底又高，空間感大，同朋友二話不說就入座門口有Bar枱可以選擇，之後見到有人帶埋毛孩一齊黎，Proton係動物友善餐廳👍🏽門口有古董梳化，都可以選擇喺度用餐下午茶時段免加一，仲有飲品買一送一添同朋友嗌咗2個主食Share1.阿拉斯加蟹肉、虎蝦粉紅汁、手打意大利麵 $118手打意粉軟硬適中，仲沾滿醬汁，口感一流。虎蝦爽口彈牙。成個意粉色香味俱全，同朋友好快食哂😋2.A7和牛、俄羅斯椰菜、Brie芝士、酸種包薯條俾佢食物既擺放有層次吸引，M7和牛切咗薄片，食落去好香滑，俄羅斯椰菜同沙律菜新鮮、加埋Brie芝士同酸種包一齊食口感好豐富朋友叫咗杯Flat White $35個河馬拉花靚，份量好足，滿到喺杯邊。我叫咗杯Dirty $32聞香飲滑，幫我喺假期提神😌意想不到既下午茶驚喜。Proton環境舒適、空間感大、出餐快、食物同咖啡有水準、職員服務態度好好，下次再黎幫襯😎

25.05.2022 星期三Proton這間位於元朗教育路的餐廳，出名是手打意大利麵，今日訂枱來試試。來到餐廳外，門外有一張古典梳化，另一邊也是枱椅，再加上一邊bar枱，雖然坐在戶外，卻又不會坐在馬路上的感覺，很適合打卡。餐單有不少選擇，主菜包括牛柳、牛肉眼、牛漢堡、豬鞍、法國黃油雞、羊架、石斑魚等，另有沙律、手打意粉、意大利飯；湯、小食和甜品。晚餐（二人前）～煙三文魚牛油果有機菜沙律沙律賣相味道不錯，配日式芥辣汁，不會辣。蟹籽沙律配餐沙律，這款蟹籽很好吃。～番茄湯及黑松露野菌湯意想不到那麼好喝，尤其黑松露野菌湯，又滑又香濃的黑松露味，喜歡黑松露的一定會喜歡；後來聽職員說只因用料充足，所以特別濃郁，大家必試呀。他還建議下次可以嚐嚐龍蝦湯。主菜～阿拉斯加蟹肉、虎蝦、櫻花蝦手打意大利麵平時很少食意粉，但這處推介手打意大利麵，所以必定要親嚐，虎蝦大隻鮮甜，加上櫻花蝦很香，蟹肉味不明顯，意大利麵有嚼口彈牙，整體不錯，值得試試。～烤美國Prime 牛肉眼五成，肉質鮮嫩可口。飲品～乾什果，冷萃咖啡Fruit Bomb見Open Rice有相片，賣相很漂亮，甜甜果味加上咖啡，果然適合不喜歡太苦的朋友