Proton

营业中

休息中

聖誕節快到了！ 朋友帶我去位於元朗教育路83號地舖的「Proton」， 預早慶祝吃一餐聖誕大餐。聖誕節二人套餐$890，包前菜、湯品、主菜、甜品及飲品。聖誕節特飲「Mulled Wine 」有凍及熱選擇，用紅酒、肉桂棒、八角、丁香、檸檬、橙皮和橙汁等等材料製成，有陣陣橙皮及肉桂香味，芳香解鬱，味道香甜，這是聖誕節必叫的飲料。還點了一杯有可愛鹿鹿拉花的熱Mocha，增添氣氛。前菜「牛油果龍蝦鮮三文魚他他沙律」賣相非常精緻，牛油果香滑，龍蝦及三文魚他他鮮甜，清新開胃。「法國鵝肝無花果蕃茄水牛芝士田園沙律」鵝肝煎得細膩濃郁又有香氣，無花果清香，蕃茄水牛新鮮美味，田園沙律so fresh。湯品配鮮焗麵包「意大利黑松露野菌蘑菇忌廉湯」忌廉及野菌蘑菇香濃，口感嫩滑，加上黑松露更添多重滋味享受。「法式干邑龍蝦湯」龍蝦湯質感濃稠，鮮香濃烈滋味，還有淡淡酒香。主菜「炭烤西班牙黑毛豬扒配日本清森蘋果蓉」份量十足，黑毛豬扒肉質厚身，肉有炭烤及果香，配上清森蘋果蓉汁酸酸甜甜，可解油膩感。「慢烤美國極黑安格斯牛柳、忌廉芝士焗薯配時令蔬菜」牛柳肉質細緻，啖啖肉香，忌廉芝士焗薯，味道香滑軟嫩，豐富口感。甜品「比利時

✨黑蒜咖喱安格斯牛肉醬手打意大利麵 $88味道唔錯，係日式咖喱嘅黑蒜咖喱，幾特別的可以一試👍🏻手工意粉唔係超級煙韌個種，比較粗身，粗幼同口感都有少少似烏冬🤣✨三色芝士安格斯牛肉漢堡包薯條 $110配菜薯條好食，上菜嘅時候薯條非常脆，會食唔停。漢堡包有塗牛油烘過，外脆內軟的，牛肉漢堡扒都幾大塊，不過就唔係特別Juice，整體味道不過不失。✨熱)澳式白咖啡 $35下次會試其他，澳式白咖啡味道偏淡少少，可能比較適合啲冇飲開咖啡嘅人🙌🏻

Proton見倒openrice甘多好評👍決定試一試透過Foodpada 嗌外賣自取，所好平💲1️⃣3️⃣3️⃣有交易🥰好鍾意佢既雞翼，如果的汁再多少少就更好啦😋

點解派飛派到一塌糊塗拎飛後同我地講話要等9個字至一個鐘Ok 冇問題 照等拎完飛後只離開半個鐘因為要等9個字至1個鐘嘛😂咁未離開左一陣點知就話聲稱已叫左飛亦聲稱唔知有客人早走咁當時就唔好同我地講話預計等候時間啦9個字至一個鐘 唔通係到死等？餐廳咁細都唔明點解2個人都可以搞唔掂等攞飛啲Staff都可以唔知有客人係門口而係其他同事幫忙處理未幫襯先受氣完全感受到呢間餐廳優質服務

同朋友係元朗食完晏後仲想繼續吹陣水🤓係教育路眾多食肆入面搵到呢間Proton Cafe飲杯野☕️裝修帶點工業風，環境好舒適，有寵物嘅人又可以坐室外位🐶Holicha Latte🍵近期我最愛飲焙茶牛奶✨呢度嘅焙茶味都幾濃😉Mocha☕️一上枱就聞到好香嘅咖啡味💕香濃順滑，真係幾唔錯😜P.S. 兩杯飲品嘅拉花都靚☺️下次要試下佢地啲野食先得😇聞到隔離枱啲食物好香呢！Proton (元朗)元朗教育路83號地舖

原來元朗開左好多新餐廳新CAFE!!🫶🏻同朋友去咗  食個brunch不約而同都想飲coconut coffee!果然好好飲!!! 椰子香同咖啡真係好夾🥰但唔係好多地方有得飲 所以我見到有就一定會叫!不過份量有DDDDD少如果大杯D會開心D🤭講返食物啦~朋友揀咗All Day Breakfast(我食左啖炒蛋 不過不失啦 不過覺得炒得實淨咗D)我就揀咗個煙三文魚+牛油果+creamcheeseBagle (以為份量會少D原來個Bagle好足料好大份...仲配埋薯條, 我食唔曬...

見間野好似裝修幾靚，就外賣自取試下，點知好失望1. 牛油果粟米蘆筍煙三文魚risotto意大利飯好淡，太濕太多水，好少煙三文魚，成盒林pat pat冇味唔知食緊咩。2.烤龍蝦虎蝦蟹籽龍蝦汁意大利麵意大利粉又係好淡，好淋，食落似車仔麵嘅油麵/cheap cheap 烏冬，第一次食手工意粉咁難食。3.黑松露卜卜脆薯條 ，得呢個OK，有黑松露味，算粗大條，外賣返到屋企15分鐘薯條都仲脆。整體黎講，價錢對唔上質素，完全唔值

今日去咗元朗呢一間cafe☁️好多人介紹，今日終於得閒嚟朝聖🥺去到門口已經感受到好chill嘅氣氛～🤤好啱文青去一邊歎茶食野☕️一邊消磨時間⏳見到都有唔少人喺度睇緊書🤤_我哋第一樣叫嘅就係🍔鵝肝芝士牛肉漢堡漢堡包皮好軟身🥪🤤鵝肝先係主角❣️煎得外脆內軟好香口！完美咁融入咗芝士牛肉漢堡😝😝-🥞全日早餐入面就有熱香餅、鵝肝、魚子醬同埋配菜😍😍個熱香餅有牛油果醬搭配，有種好特別新鮮嘅味道🥑最後又係主角嘅鵝肝搭配魚子醬嘅食法簡直係絕配呀🤤😝

🧁食物質素：😍😍😍📸打卡指數：😍😍😍😍🧹衛生指數：😍😍😍😍💁🏻‍♂️店員表現：😍😍😍💵性價之比：😍😍地址: 元朗教育路83號地舖🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹難得入元朗梗係要試下佢哋D餐廳呢間Proton 裝修勁靚 水泥牆真係幾有feel佢哋門口有打卡位 餐廳仲要係pet friendly 我哋2點左右到 都幾多人幾full不得不說佢哋D野食真係幾靚佢哋Menu仲會不定期轉一定會有驚喜🤣🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹三色芝士安格斯牛肉漢堡配薯條 $110 Rating:6/10。薯條炸得好脆好正。真係有3種芝士 味道好濃郁。個漢堡扒唔夠juicy同有少少overcook。個人唔太鐘意包入面有生洋蔥 。有點兒太刺鼻 。轉做grilled onions 會更好。值得一讚既係 個包烘得幾好虎蝦蟹籽忌廉手工意大利粉 $118 Rating: 7/10。個意大利粉有D似烏冬。虎蝦幾新鮮同彈牙 。好鐘意個忌廉汁。唔會太漏 食落好舒服M7和牛酸種麵包配薯條 $118 Rating: 6/10。個sour dough 好正。外脆內軟 冇比D汁影響到個包淋哂。牛肉都好嫩滑配埋D俄羅斯椰菜幾

多年來忙於做師奶及私家看護，沒有再寫食評。上星期做私人Food Panda 後被「沙田必試」驚嚇到，這個星期決定去間好一點的 cafe，補償一下自己之餘亦重操一下寫食評的「故業」。近年元朗尤其是教育路一帶新開了多間頗有水準的 cafe，Proton 就是比較出名的一間，所以大家去試時必須要帶有等位的覺悟。不過如果天氣不錯或帶有寵物的話，可以將就戶外的位置。不過望出去就是教育路，車來車往可不是風景怡人啊！本來要寫比較文就應該叫類似的食物，不過 Proton 的 menu 實在太豐富了，而且之前試過多款質素都有保證，花多眼亂，今次忍不住食 croffle。有時候對 croffle 又愛又恨。牛角包的特色就是外脆內軟、層次分明、牛油香撲鼻。經過 waffle 機夾過之後，把牛角包的層次夾實，變成了另一種食物。做得好的話，加強了香脆感；做得不好的話變成一塊硬塊。Proton 的 croffle 算是中上質素，熱騰騰的，散發著牛油及 maple syrup 的清香，咬下去還帶著清脆的聲音。Bacon 煎得香脆沒有那種油膩感覺而且不會太咸；煎蛋的蛋味香濃，雖然不是poached eggs，但一刀切

裝修採用水泥牆，走工業風。門囗有張型格皮梳化同小桌子，另一邊有吧枱，咁啱有人正在用餐，所以我地無係梳化打卡～餐廳樓底高，環境舒服～食物質素很好！👍🏻 佢地既手打意大利麵有咬口，配埋creamy野菌醬汁、煙三文魚同蘑菇，口感豐富，好好食！慢烤黑松露法國黃油雞未上枱就聞到一陣香濃既黑松露味，雞皮烤到金黃色，而入面既雞肉嫩滑多汁~Yummy!😋我本身係咖啡迷，好鐘意飲咖啡，尤其係特式咖啡。呢到嘅Dirty Coconut 非常好飲，咖啡nutty，飲落唔苦，有一陣回甘，回甘過後椰子味係口腔爆發，同咖啡十分配合！白桃烏龍桃味真實，茶味淡淡但很香，非常解渴！好飲！👍🏻

今次係第二次嚟呢度喇。對上一次，我係同狗狗一齊嚟，坐店外梳化位，嘆午餐。今次同朋友入咗室內坐，店內佈置係工業風，檯與檯之間幾闊落，好好坐。下晝3點嚟到，食下午茶。不過呢，呢度係冇下午茶餐架，只有一個1500-1700的優惠：點任何主菜或甜品，所有飲品享有50% off。比較番午餐，set lunch係精選主菜連湯/沙律，部分飲品半價。我覺得下午茶唔太抵食，除咗選擇多啲外，若然係同同區餐廳比較，佢喺價錢上真係輸咗一截~~不過，佢的環境幾正，而且食物新鮮，水準幾高，再加埋原來今次朋友安排咗餐廳幫手慶祝生日，而餐廳亦非常配合，夾埋呢3個考慮因素，我覺得呢間餐廳係值得一再幫襯。我哋三個人，點咗3份主菜，再加錢跟飲品。All day breakfast的食物幾豐富，腸亦似係比較靚的腸。Veg all day breakfast望落去食物好似仲多過前者，種類多元化，有鮮果乳酪同牛油果酸種麵包，而且無論係睇到定食到，啲蔬果都係非常新鮮。牛油果漢堡配薯條（唔記得正式個名）好大份，朋友食咗好耐，佢都有話好食。至於3杯飲品，我見凍朱古力咁淺色，以為會好淡，點知出乎意料，朱古力味都幾濃架。鮮奶抹茶味道ok，

好小係元朗食野，朋友話帶我食車仔麵點知去咗呢間，超驚訝！😆我連妝教無化...男人都係信唔過...因為周邊嘅大街小巷相鄰店鋪都完全唔係同一個tone, 令呢間西餐廳特別搶眼，所以份外有驚喜掛。餐廳以北歐簡約為主有啲啲ikea feel, 播嘅歌同冷氣溫度都同個氣氛好match, 唔知係用咗香薰定係乾花嘅味，令成個環境升華咗同外界有隔離感。對住小鮮肉食野開心得濟已經唔記得啲野食嘅美道🤣但可以肯定係好食嘅，好記每碟都清晒💯

元朗約人食飯 行到近大球場 就入咗一間叫Proton嘅餐廳，叫咗個蟹肉大蝦意粉和鵝肝安格斯牛扒漢堡包，食落味道都可以，不過不失，但服務員都比比較串， 可能我哋隻叫了正餐冇嗌其他飲品，服務員就連斟杯水畀我哋時，都眼望望，好似唔係好想畀水我哋一樣，坐嗰張二人枱，都已經比較細，仲要喺嗰個收銀隔離，感覺服務員每次行過，都啤啤我哋，咁飲完杯水，叫佢嚟加水都要等一段時間，雖然其實餐枱都冇乜人，可能就係呢個原因所以冇乜客啦，總之唔係一個好嘅食餐經驗囉！

元朗不嬲多文青Cafe，今次去咗教育路既porton，Cafe裝修都係以工業風為主題。乾果咖啡有少少果香甜味，似雞尾酒，每次到訪都必叫。主食叫左和牛合桃酸種麵包，另外一個係手工牛肉漢堡包。食材新鮮用心製作，簡簡單單都已經好味道😙