Pokka Cafe (荃灣千色匯II)

营业中

休息中

上個禮拜約咗D朋友一齊食晏晝，不過睇吓個lunch Menu，連我唯一最想食嘅c餐都賣晒啦. 咁就唯有散叫啦呢個係咖哩奄列炸雞飯，雞蛋好滑又夠嫩，咖喱味道甜甜地，係日式咖喱嘅味道，不過炸雞就比較凍唔夠熱，腸仔味道都唔錯。呢個係咖喱奄列牛肉飯，明明都係咖喱飯，但係呢個就用鐵鍋裝住嘅，所以非常之耐熱，熱到都唔可以即刻食。牛肉有d老，不過雞蛋都係咁滑。跟住我哋坐到可以食下午茶，叫咗個下午茶甜品，就係雪糕多士，個多士味道甜甜地幾好食。

咁多年第一次食POKKA CAFÉ，就去咗荃灣呢間分店～星期六知道多人所以早早揀定食邊間就去排隊，好彩2人位仲有一張枱所以可以直接入去。見到有DINNER MENU所以就揀咗DIY鐵板安格斯肉眼扒（配飯）同芝士吉列豬扒配黑松露菌意大利飯，配湯或者可以加錢升級唔同既湯但若果唔係MEMBER就不能享用免費飲品喇～由於愛人太喜歡酥皮湯，所以加錢要咗個酥皮海鮮湯＄34。上枱既時候熱辣辣，真係即做即做，海鮮湯有好濃龍蝦味，而且仲有少少海鮮如蟹捧、魷魚等等，所以加錢都算加得值。小妹對湯無咩太大追求，所以我要跟餐既羅宋湯，普普通通，但勝左個餐包暖暖地，入口鬆軟。主菜黎喇！ DIY鐵板安格斯肉眼扒（配飯）＄152落單既時候提咗一句話要5成熟，但職員話係DIY所以自己燒既，按自己喜好既熟成程度去食～上枱時候，職員話如果覺得熟可以拎去配菜果到，唔會過熟。一上枱我同愛人講，夠熟啦，可以拎上黎，接近8成熟，真係有所失望，因為我地喜歡食5成左右，而家實在太熟喇，唔想佢繼續煮繼續熟，就拎去D菜到，但好快凍，所以食落去都多咗一份”鞋”感同凍～後續問返職員，我話平時都會煎好唒先俾客嗎？佢話會大約3-4成熟既時候拎俾客

午餐訂了枱，留枱5分鐘，準時到就可直入不用等✌🏻環境舒適，座位寬敞；不過用餐限時。以前食過其他分店，都唔係令人會想keep住去食既餐廳。荃灣店裝修環境幾好，所以俾多次機會佢，第一次食荃灣的分店。午餐選擇算多，但價錢頗貴。但落單時，發現有一些lunch set已經售罄......😱餐湯：稀而味淡；餐包像是嘉頓的小餐包。軟殼蟹意粉：賣相不差，但汁醬同意粉是分開的，未能入味，醬汁較稀！軟殼蟹肉質瘦削，外皮不脆。好失望，實在不該是這連鎖店/售價的質素

8/10星期日,帶着3個老人家到荃湾千色店逛街,行累了,想揾個地方休息ㄧ下,去到地下嘅polka cafe,可能正藉午餐時間,店外已有10各人等侯入座,排隊不到ㄧ分鐘,店内有個身穿西装的男職員找來幾張椅子,放到門口位置,讓老人家坐着等侯,還熱心的端上熱水呢!等了約30分鈡,終於可以入座。剛坐下來那職員還關心的詢問位置會否太冷(咁窩心嘅舉動又點會凍呢)到食物送嚟嘅時候,仲幫老人家將D意粉切碎添!今時今日嘅食肆,真係好難得有咁貼心嘅服務態度喇😞😃😃

千色店行完街, 貪方便, 就係最低個層pokka cafe 食~睇左menu , set dinner 唔啱口味, 所以唯有選擇散叫, 我地叫左一個吉列豬扒咖喱奄列飯($138) 同埋摩里菌已馬火腿意粉 ($138) 另加一, 因為散叫, 無跟任何湯或飲品~吉列豬扒咖喱奄列飯, 尚算ok, 豬扒亦炸得唔錯, 唔會鞋同韌, 咖喱汁都可以摩里菌巴馬火腿意粉個味好淡, 個汁無咩味, 巴馬火腿得薄薄2片, 而什菌菇就好多~ 

以前覺得Pokka cafe 唔錯，有裝修食野最緊要坐得舒服，選擇多適合三五知己聚餐，食物水準不過不失有時有驚喜，可能近年很多有質素的Cafe餐廳冒起，pokka 顯然有點吃力。今日叫咗個Tea set:紅豆香酥丹麥多士外皮香酥但略嫌硬了些，內部並沒有甜軟，真正食到麵包位置不多，用上普通蜜紅豆甜而不清有點膩⋯⋯雲呢拿雪糕只是普通點綴配上蜂蜜檸檬薑茶，真心唔好飲，非常甘苦沒有蜂蜜甜味荃灣pokka cafe 裝修時尚化。員工服務還可以。只可惜今次Twa set 是失望的　

Yummy Yummy~假期同家人晚餐，訂左枱~舒舒服服，雖然一家大細有老有嫩，但菜式都好多好整全~點左牛扒但只可以選擇五成或七成，最後決定七成，但最終都係覺得熟左D.珍寶沙律非常新鮮清新，煙三文魚，蝦蝦同火雞胸都有齊。健康之選~豬手豬手最正，味道剛好，不油膩，不是炸的，肉質又軟熟~皮仲好膠添！！！正！Apple Crumble個個都飽到食唔落之制，得我一個人食，不過好在份量唔巨大，我又好鍾意食點品，好香肉桂味，熱熱的蘋果粒粒配住凍冰冰雪糕~好味又滿足~

喜歡Pokka嘅咖啡，其實今日第一次食佢嘅食物。e間地方算大，坐位亦算多。三兩知己食乜好呢？我點咗海膽帶子龍蝦汁意粉（帶子細小得可憐，意粉係天使麪。其實本人不喜歡天使麵的。份量很多）前菜骨膠原沙律（只見有D透明嘅東西，唔知係乜嘢）另外係軟殼蟹海鮮意粉（朋友話幾好味，唔錯）另外一位食香煎甚麼魚（忘記了）但見到魚煎得好靚，另外大量蔬菜伴碟，睇落應該不錯的。甜品係大大杯的綠茶雪糕，杯內還有類似布甸及qq的東東在內。最後午餐奉送咖啡及茶😊

一家人去完圓玄學院拜山，之後搭返小巴落到嚟荃灣，呀爸話想搵個地方休息下，於是就嚟咗pokka cafe，因為一落車就係晌門口，佢忍唔住唔想再行就決定入到但因為多人，都等咗成10分鐘先有位安排到畀我地，查實佢哋假日都有下午茶揀，普遍都係$70幾蚊或以上，包嘢食同一杯咖啡，以連鎖店價錢嚟講都尚可接受，不過佢哋話想試其他嘢，所以我哋無叫到set，散叫美式烤腸拼盤($78)：3款腸入面個人覺得蕃茄腸最好吃，可能最粗，咬落最有肉，其他香莘腸同豚肉腸都不錯，味道正常忌廉芝士煙肉焗薯($58)：呢個原本好期待，不過嚟到個薯仔雖然切到好薄一片片去焗，但個薯仔完全入唔到味落去，吃落好淡口，個汁唔差，如果再多啲就好，咁就唔會出現有啲薯仔後來無味嘅情況堤蘇米拉格格多士伴雪糕($78)：份量唔大，不過成個甜品充滿晒榛子醬，入口味道唔太甜但好滑口感覺，多士脆口，內裏軟綿，堤蘇米拉醬雪糕一齊食仲多層次，一冷一脆，感覺更好榛子咖啡：嚟到見佢個咖啡部咁吸引，無理由唔飲咖啡，的確個咖啡好夠熱，咖啡味幾濃香，就算配了榛子入口都唔係好甜，相信愛咖啡人士應該like呢到飲coffee我見好多枱嘅人都係晌度傾計，慢慢嘆飲品，吃

又到下午茶時間啦，一於同個朋友搵間餐廳坐低食下野hea下。叫左2個tea set, 一個係漢堡包配薯條，一個係帶子天使麵。集菌帶子天使麵，味道比較清淡，但係帶子細粒鮮甜，而且天使麵比較幼身，也很煙韌。漢堡包配薯條及沙律，薯條炸得好脆，好開胃，令人停唔到口。沙律亦都好新鮮，味道酸酸甜甜好開胃。漢堡包熱辣辣，份量都好大，最鍾意係入面隻流心蛋，蛋汁同埋肉質撈埋一齊好嫩滑同香口。呢度環境唔錯可以靜靜地慢慢坐下，傾吓計食下野。

荃灣裡面，至少有三間Pokka，分別在荃灣不同的商場。今天到千色百貨買禮物，在G/F就有一間Pokka，就走進去試試。款式算多，有咸有甜的，能滿足不同的人。價錢不算太貴。叫了一個法包配特色小食。有點像Allday breakfast，但當然款式有點不同。其中多士較濃味，排骨肉不多但惹味。小雞粒是較失色，腸仔也沒有怎樣煎，這兩款為這個Tea扣了不少分數。之後來的是甜食拼盤。其中鬆餅十分香口，鬆軟帶點外脆。蛋糕應該是全個拼盤最有價值的，朱古力味很濃，奶油cream不多。最後當然是飲返杯咖啡，味道比連鎖店好。消磨個多小時，裝璜和環境都很舒適。聽友人說，以前都有不少樓上Cafe，但汰弱留強後，附近原來要找一間Cafe都有少許困難。為了節省時間和不想再諗，這間在百貨商場裡的Cafe就算是很不錯的了。

今日約左舊同事食lunch...太耐無見想坐得舒服少少傾下計咁...我地約左去千色地下果間pokka cafe..佢重新裝修過後都係黎過！不過係靚過以前，乾淨闊落d既！但d野食都愈黎愈貴囉，成舊水一樣野仲要無野飲！咖哩日式奄列飯我地揀左要炸豬排，咖哩汁唔夠多，送唔哂飯，味道唔夠，炸豬扒炸得耐左比較乾身無肉汁！卡邦尼年糕，勁淡，醬汁少，普普通通！芝士牛肉粒，算係三樣中味道比較好少少，因為係芝士，又唔洗點落調味料，唔會唔好食掛？但牛肉又係太乾，無肉汁，要加多少少牙力-.-其實如果係幾十蚊我都覺得算係咁，但奄列飯百幾蚊同卡邦尼年糕90幾蚊！咁既質素真係好唔抵食！裝修又裝修完，野食都係無改進！真係唔會去！

呢度嘅麥嘜多士一向係我至愛，之前裝修到而家都有一段時間無再食過，今日心思思突然想去食，見仲係下午茶時間人流唔算好多，立即拖埋老公去食個甜品順便休息下，麥嘜多士即叫即做，所以大約要等15分鐘左右。今次叫咗榛子麥嘜多士，太耐無食嘅關係，一上枱份量比以前少咗，不過榛子醬嘅份量就多過之前好多，而且味道亦比之前好，多士脆口，內裏軟綿，加上大量嘅榛子醬，雪糕一齊食，真係令我感到極大滿足。

其實都係到食咗無數次，呢輪寫開都想介紹埋。 早餐十至十一點，十點到可以坐到自己想坐嘅位置，有時見十點九後到嘅人都要等位㗎！早餐價錢$5x-$6x，包一杯飲品。自己就鐘意佢杯咖啡，夠香好味。 講真，係到飲杯咖啡，都要$3x，所以我覺得係到食早餐好底😅自己通常都鐘意揀最簡單個款，無咁飽😁

點了焗豬扒飯, 落單後等了25分鐘才上枱, 雖然比原定焗製時間遲了10分鐘, 但出來的味道非常好, 熱辣辣, 焗豬外脆內軟, 很厚肉, 份量比想像中大! 白汁餐湯味道 OK!環境舒服, 傾偈一流!服務 OK!地方很整潔, 衛生很好!晚餐價錢較貴, 佰幾元一個焗豬扒飯不包餐飲都真係幾貴!