Pokka Cafe (荃灣千色匯II)

营业中

休息中

在荃灣想找個輕鬆位置吃早午餐，於是走進商場內的Pokka Café。主打輕食、咖啡與歐式麵包，定位明確，適合想吃得如此的一派。店在百貨千色店內，採速度明亮，座位以二人四人台為主，桌距尚可；翻台快。點單簡潔，餐具與飲品先到，主食雅上台，節奏俐落。— 火腿牛角包佐野菜沙拉：牛角包外層脆口、內裡初始化鬆軟層次，奶油香不會太重。夾上火腿與生菜，外觀感覺；配上側邊野菜沙拉，酸甜醬汁平衡油脂，整體挺適合早午餐。— 煙鮭魚：片厚薄適中，香偏鹹內斂，單吃或搭配沙拉都順口，不會遮擋其他味道。—熱咖啡：奶香比烘焙香更突出，入口順滑，溫度控制得宜，不易變苦。屬於「易飲耐喝」型。行為早午套餐，結帳約港幣82.5元（含服務費）。以商場咖啡店定位著眼，價格合理。表現穩定恰到好處：環境舒適、出品乾淨俐落，善於做「輕食無負擔」的那種滿足。若想找重口或簡單此記憶點的菜餚，這裡不是主打；但想在荃灣逛街期間坐坐、吃得簡單舒適，這家可以收藏。

本身諗住飲咖啡，唔係好知道呢度原來係食主食。咁我入到嚟見到個餐牌，就問佢可唔可以攞走，費事阻住個位。個侍應話可以，但要收返服務費同膠袋費，冇問題，但個問題係個服務喺邊？？我都係坐低一陣啫，唔使黑口黑面嘅。問多兩句都好唔耐煩，個阿姨拎個咖啡過嚟好似掉垃圾咁。大佬都$80一杯啊，俾少少服務唔可以咩？如果你係唔招呼可以唔招呼，下次請你寫明唔俾外賣，唔俾單嗌。本身入嚟見到餐牌好似好正咁，但呢啲咁嘅服務下次唔會想食囉

Pokka Cafe 一直係我同朋友聚會嘅好地方，最近去荃灣千色匯分店試咗佢哋嘅藍山1號咖啡，真心覺得係一大驚喜！以下係我嘅詳細評語：一入到Pokka Cafe，環境已經畀人好舒服嘅感覺，裝修帶點日式簡約風，燈光柔和，坐位安排得疏落，令人可以輕鬆咁享受用餐時光。服務員態度親切，點餐時仲會耐心解答我哋嘅問題，感覺好貼心。今次我點咗藍山1號咖啡（Blue Mountain No.1），真係要大力讚賞！呢款咖啡一入口，濃郁嘅果仁香同淡淡嘅花香即刻充滿口腔，味道層次分明，帶點水果風味，酸度適中，完全唔會覺得苦澀。每一啖都好順滑，飲落好似喺品嚐一場咖啡嘅藝術表演！據講佢哋用嘅係來自牙買加藍山嘅頂級咖啡豆，仲要每日新鮮烘焙，怪唔得質素咁高。一杯藍山1號咖啡，配搭柚子芝士蛋糕，甜品嘅香脆口感同咖啡嘅濃香真係絕配，食完心情都靚晒！只係$98。另外，餐廳嘅甜品好豐富，窩夫皮勁脆有質感，雖然份量足夠，味道同賣相都好有水準，食材新鮮，食完好有滿足感。整體嚟講，Pokka Cafe 荃灣店無論係環境、服務定係食物質素都好出色，尤其是藍山1號咖啡，絕對係咖啡愛好者必試之選！下次我仲想試吓其他咖啡款式，相信一定唔

I visited Pokka cafes for many years and loved its coffee and food quality. However recently I saw so many negative comments on its food quality, price and service. That makes me puzzled and I decided to try again.I will say it is still good in terms of food, service and environment. There is only one remain in Tsuen Wan but it deserves my recommendation.

午市想食得簡單又唔想hea住解決，就試咗呢份亂切牛扒套餐，200g嘅分量其實啱啱好。牛扒口感有咬勁，唔會太韌，重點係煎得香，洋蔥、蒜片提升晒整體風味，加埋黑椒汁，更惹味。餐湯方面今日係忌廉粟米火腿湯，味道唔太濃但滑口，飲落去幾舒服。套餐仲包咗一杯熱咖啡，算係有誠意～咖啡味唔算重烘焙，但作為配餐係OK㗎。環境整潔、坐位舒適，午餐時間雖然人多，但出餐都算快，職員服務有禮。整體來講以商場餐廳嚟講屬中上水準，適合搵個地方休息、慢慢食返餐～推介指數：★★★★★味道：★★★★★環境：★★★★★性價比：★★★☆☆

今晚去dinner, 叫咗個和牛醬牛油果意粉、豬軟骨拉麵、再用特價加杯朱古力沙冰特飲。食物水準👎🏻，中上價錢，main course樣樣over $100, 但質素仲差過大家樂，和牛醬意粉，得少少碎肉、豬軟骨好鞋又硬又乾、好似柴枝一樣，兩個人食咗$三百幾，服務OK但出去食飯都係睇食物質素，sorry，冇下次。同埋咁嘅價錢，飲品冇杯墊，拉麵嘅筷子用木筷子快餐嗰種，好唔得囉，都係嗰句，今時今日香港嘅飲食業搞成咁，好多時係自己造成

去仁濟醫院探病，尚未夠鐘，便找間餐廳吃下午茶。點了龍蝦湯义燒烏冬及餃子，埋單$104。3隻餃子不及灣仔碼頭出品，烏冬上面只有一塊肥肉。㗎啡還算可以!招呼也可以。坐位舒服。物非所值!

並不是第一次食pokka cafe雞肉焦飯卻是第一次食它的外相一般甚至是不出色焦飯是啡色雞肉外皮又是啡色這道菜外看平平無奇但一食卻出乎意料之外飯啡色的是焦，非常脆內裏放了芝士，口感濃郁推薦雞肉焦飯Must try! ❤️

上年去過呢間一次，服務係正常水平，同元朗分店一樣。前幾日去開荃灣，又幫襯下，點知啲服務急劇下降。最大問題係叫唔到人落單、斟水、埋單⋯坐低冇耐就聽到有客人大叫「寫野唔該！」心諗唔使嗌掛😂點知到我地想叫野，舉手係冇用，侍應唔會望⋯如是者都過左幾分鐘，我覺得係特登扮睇唔到⋯見到佢地係黑口黑面見做少啲咁款，有個似係經理既係度扮忙，搞下水吧碟糖果之類，就係死都唔望客人，真係哭笑不得😂埋單又係喇⋯侍應講左「轉頭攞張單比你」，之後冇左回事。我想再叫過埋單又係冇人⋯跟住襯佢收銀處即衝過去埋單😂二人午餐400幾蚊，食出茶餐廳服務質素，都幾大鑊。食物方面同其他分店一樣，幾好既，份量少就預咗。

從未試過有甘差既服務體驗！荃灣友 一直有幫襯開～今日下午大概兩點至三點左右帶埋小朋友去餐廳進食，一直都很良好，有帶位安排坐餐廳比較入既位置，指示bb車要放邊度，又放好BB凳，又有BB餐具，坐低嗌咗好耐先有個侍應過嚟落單，嗌左個鐵板牛同一個下午小食兩樣，食物嘅味道都OK既，食完過咗一段時間，想追加甜品，嗌左好耐先有兩個癡埋一齊傾偈既侍應其中一個細細粒既過嚟落單，佢話窩夫要等十五分鐘，問我等吾等到，我都話ok既我唔知佢係咪嫌我地坐得耐定點，語氣都麻麻地，但當時都仲有好多空位唯獨是中途坐隔離嘅一張枱，入咗一台新客人，期間小朋友扭計喊同嗌，然後新台客人指示需要換枱，而我都即刻同隔籬枱道歉講唔好意思，因為當下我都處理緊小朋友嘅情緒，知道係有麻煩到其他客人，然後一個貌似男人婆嘅侍應，佢幫忙協助掉位後，竟然返黎在我身後同另一個侍應用一啲極差嘅語氣，聲線大聲地表達佢都好不滿小朋友咁樣嗌法不停喺度咿咿唉唉仲要係望住我好串咁講。。。依家香港啲侍應服務態度真係係可以咁差，新個台客人我可以理解，但個細細粒男人頭侍應身為侍應而餐廳係有提供兒童餐飲服務，如果咁包容唔到小朋友嘅，咁不如貼張紙寫不歡迎小朋友入座會唔會

十分失望我同屋企人去咗Pokka Cafe試吓佢哋的鋸扒，結果真係好失望。見餐廳鋸塊肉眼扒大約2百幾蚊一份左右，我地本身都唔期待係好好食果隻，但求正正常常普通的牛扒，點知都可以令到我地非常不滿。首先，餐廳堅持啲扒只煎到3成熟，客人想點幾成熟，侍應直接一口拒絕，話就算VIP客要求，他們都不會更改烹調程度。我明白每間餐廳有佢哋的理念，但這樣的做法實在令人反感。我地同行有小朋友，想要全熟或8成熟的牛扒，侍應竟然話如果想熟啲，就叫我們自己用鐵板煎熟。唔夠熱？佢話再換第二塊鐵板比我哋煎，真係超不滿！難道叫廚師先煎熟再上碟咁難咩？佢跟住話你地可以再諗下先。至於塊肉眼扒的質素，食完後根本冇好食的感覺。肉質硬，口感難咬，肥膏又多，牛味亦唔算上等，令人完全無法理解餐廳為何要堅持這樣的做法。另外加左59蚊變套餐跟的意粉，基本上又乾又硬，好似未煮得熟果種。唔知係咪又要自己用果塊鐵板煎熟佢先食得。總之，呢間Pokka無論係服務定食物質素，都有待改善。我對這次用餐經歷十分失望，未來應該唔會再選擇呢間餐廳。

今日黎到荃灣千色匯2 期pokka cafe 記得係我初初踏入社會做嘢就認識呢間cafe(都廿幾年前嘅事）😅 pakka cafe 都可算係經歷了每個時代嘅變遷😅但係佢都仍然屹立不倒😊當然佢哋出品有一定保證啦 今日點左兩個lunch set : 煎檸檬香草雞扒伴時菜+吉列豬扒飯配牛肉汁及咖喱醬汁 還加$49點左一隻8”深海大蝦😋 煎香草雞扒 雞扒煎得皮脆肉嫩 肉汁保留着 絕對唔會又乾又硬 恰到好處😊 吉列豬扒飯 豬扒亦都保持住肉汁 不會炸得過分 牛肉汁及咖喱汁一次過滿足兩種不同口味適合貪心一族🤣 選擇困難症嘅人 因為已經準備咗兩款唔同嘅醬汁俾你 一次過品嚐到兩款味道 爆發味蕾小宇宙😊 還有兩杯Pokka招牌咖啡 大滿足的一餐 值得推介

香蕉船有雪糕球兩個，oreo餅仔，tiramisu餅，爆谷，藍莓，和草莓🍓和cream7款料！！超滿足超幸福的，兩個人share也剛剛好。另一樣是我常order的沙律，有兩個價錢，66係細份。我叫的是細分，可免費加配料如三文魚／牛油果／Parma ham／蝦／雞肉。我每次想食蔬菜就會點這個，沙律醬和麵包粒混合一起好好味好fresh。價錢又合理！

12月10日去光顧晚餐時段一直都有去食開佢地滑蛋豬排飯定食味道一直穩定好食今次去真係差到一個點，打開餐牌發現加價，餐到上枱時，連一直有既芝麻醬藩茄配菜都冇埋日式滑蛋豬排一定會有底汁佢今次汁又冇，菇又冇埋，就好似炒蛋上面放塊炸豬排，豬排又過火，炸到乾晒成個飯都唔知點食落去，冇晒心機個麵豉湯 昆布仲多過湯叫mocha,以前飲同餐牌圖一模一樣，而家cream又少棉花糖又冇埋想同服務員反映，全部都話因為轉左餐牌，轉餐牌姐唔係變到咁啊麻？全部你眼望我眼跟住疑似經理既人埋黎仲話：如果係咁唔滿意既可以幫我地取消，語氣不太好你既處理係應該講唔好意思，會同公司反映番個問題餐廳既服務員質素急劇下降最後靠家人叫個定食個汁先撈到碗飯食塊豬排食都食唔落最係失望到滑蛋豬排飯都可以整得咁難食，真係要檢討一下最後佢地最電郵方式，社交媒體網站想投訴反映都係唔會覆你，由前線同幕後都極差

沙律菜有少量潰爛的菜，好明顯不是新鮮的蔬菜，豬扒腸仔內的腸仔煎到燶曬變成黑炭，上枱時所有煎燶咗的腸仔向底，好明顯是刻意的，日式豉油王炒意粉內的蜆只有外殼無肉，食物質素每況愈下。