Pokka Cafe (荃灣千色匯II)

营业中

休息中

係附近行街行到攰，未夠鐘食飯，又想食少少甜野。去左pokka cafe, order左榛子吉士多士雪糕雪糕凍冰冰加上偏熱厚多士粒，榛子醬好正，加埋朱古力醬，吉士醬，一啖食哂雪糕、榛子醬、朱古力、吉士醬同熱多士粒，冷熱口感mix 埋好好味，多士仲係脆脆地！食到人食完唔想停，最終唔洗十分鐘同友人兩個人清左碟了

因為剛剛係千色店落車時已經接近13:00， 而且又唔想周圍行去搵野食，所以就算要等位都決定食依間~ 等了大約20分鐘，終於入到去坐啦~ 我地點左兩個holiday lunch set，選左軟殼蟹雞肉意粉配本格明太子汁及香煎豬梅花肉配無花果燒汁~ 首先黎左餐湯，唔記得個湯叫咩名添，但湯帶有菇味配有蟹柳，味道都ok， 質感幾得意~ 豬梅花肉好快就上，食入口就覺得味道普通，肉質唔夠滑，同係茶餐廳食唔係差太多而意粉就幾入味，好重明太子味，麵質都算彈牙，而軟殼蟹炸得唔錯，幾香口， 幾好味~ 其實餐廳食物質素都算ok，但以這個價錢食午餐就貴左少少，不過環境都算舒適，兩個人都可以座到四人枱，唔需要同人搭枱~

此店提供特色西式美食，又有不同款式的甜品。這次嚐了香蕉朱古力新地。用香蕉、雪糕、忌廉、粟米片、棉花糖、爆谷、格仔餅和朱古力醬砌出別有風格造型的甜品。從每一層次取出一些材料，如雪糕、棉花糖、粟米片; 雪糕、爆谷、忌廉; 格仔餅、雪糕、忌廉，混合來吃，不同的質感吃來令人感到美味創新，值得推介。

明天七一放假，今天又收早，即時call咗阿仔早啲去 pokka cafe 食個tea當晚飯。食tea嚟講，千色店這間pokka cafe 環境好又就腳，又容易搵位，係幾好嘅選擇。呢個餐牌有兩款意粉揀。我同阿仔都係意粉迷，而佢更是明太子愛好者，佢當然會選這個珍珠帶子意粉配明太子汁啦！而我就比較喜歡羅勒所以選擇了這個羅勒醬鮮蝦意粉。這個羅勒醬鮮蝦意粉上面的炸牛蒡絲脆卜卜，撈埋軟林林既意粉一起食，豐富了口感，Good! 這間分店的意粉通常會胖上香草油，我喜歡將意粉加上香草油食落更加美味！唯一一彈的就是那些蝦肉粒實在太細粒喇！至於那個珍珠帶子意粉配明太子汁，望落都覺得好味，明太子醬的味道剛剛好，但不知為何夾雜住少少蟹殼味。兩個意粉都好好味，作為一個早食晚餐，七十幾蚊一位，非常化算！

沙律酸酸甜甜，幾開胃酥皮湯，好鬆化，好香。湯係白汁蘑菇湯，湯比較稀左d，味道淡左啲豬扒奄列飯，雞蛋太熟，豬扒好鬆化，不過粉漿同埋豬扒分開既，普普通通。牛扒有d老。整體來講，環境唔錯，食物普通。

第一次幫親呢間 pokka, 環境幾好，舒服。韓式石窩埸好好味用材料也 ok, 有幾粒小帶子。三文魚焗飯個汁好 creamy, 夠味，d 飯用日本米，配搭好好，三文魚份量也不少。豬肉扒好林好 jucy.個炒雜菜份量 ok. 甜品老公大爰，翠翠包粒加滑滑吉士和雪糕。出品保持水準。

食晏時間唔想等位，通常去D高級DD，又唔係高級好多嘅西餐廳就易D唔使等，不過行慢多兩步都係冇晒位嘅。今日行到過黎仲有幾張枱，輕輕鬆鬆坐係窗口位食過靚飯。今日個 menu 好合心意，對意粉迷嘅我和無肉不歡嘅老公都能提供一款合心意的美食。我選揀了呢個軟殼蟹雞肉意粉配本格帶子汁，而老公呢就叫了個香煎紐蘭西羊扒配乾蔥紅酒汁。兩個名都超，超，超長~~~ 如果唔係影左個 menu 的話，都唔慌會記得！ 哈哈！ 百佳D餐湯就一向唔係幾鐘意，總覺得係日式西湯，怪怪地。今日餐湯係粟米煙肉甘荀薯仔湯，甘荀薯仔湯就唔係我杯茶，甘荀獨有果種甜味我就唔係幾鐘意喇！不過D煙肉和粟米粒增加口感都幾好。不至於唔想飲！呢個黑糖麥包就有DD驚喜喇！甜甜地軟綿綿，幾好！先講我嘅意粉，來到見橙色汁就有D驚，驚係茄汁底，不過食落並冇蕃茄味，與茄汁無關，都定D。個汁帶淡淡帶子味，順滑唔係幾濃味！沫上香草橄欖油，味道溫和，唔錯！最鏡意呢間分店D意粉有香草橄欖油伴碟，一田果邊分店無個喎！唔知其它分店有冇呢？半邊軟殼蟹好細件，一啖食完！小小脆，OK啦！呢個羊架就真係正喇！兩面煎到香脆，中間粉紅肉，剛好五成。肉質“林”，肉味濃，又 ju

呢間係我經常來食嘅西餐廳，價錢唔平，但勝環境好，坐得舒服。服務質素和食物水準一向keep 得幾好。但今次食呢個下午茶意粉餐就好失望，上菜時個買相都好得，食落個意粉醬都係一如以往咁好味。但見唔到D蝦..........原來D蝦切到蚊螆咁細，隻蝦都唔係大，仲要切開三、四粒，係咪離譜左D呢？下午茶餐計埋加一要$76，比D蚊型蝦仁..........我都唔知點講...........你地自己睇相啦！

尋日(27-6-2015 Sat)男友放工,被女同事JT扯埋佢男友K,舊男同事CW一齊食晏,問埋我去唔去?我答好吖.男友決定Pokka.我o黎到,好快到我o地啦.我o地先坐低揀o野食,邊等CW.我男友要$158.00 A餐,香煎美國上級牛柳配黑椒汁,要意粉,加$10.00要骨膠原咖啡.我同JT要C餐,上級什扒(羊扒,豬扒,雞扒)配野菌燒汁,不過JT唔要羊扒,轉為雞扒.K就要B餐,咩三文魚唔知乜乜,亦加$10.00要骨膠原咖啡.而三個餐中,我揀沙律,佢o地三個都要湯.而我同男友加個$55.00o既明太子魚餅.冇耐,男方o既骨膠原咖啡到o黎,係侍應拎個壺o黎斟,男友加奶攪,我問佢有冇骨膠原o既感覺?佢答冇乜,我飲吓,口感都冇,請問骨膠原在那?然後,我o地o既沙律,餐湯同餐包都到o黎,我o既沙律就只係生菜加醋,餐湯係雜菌忌廉湯.沙律正常冇問題; 雜菌忌廉湯菌味濃郁,稠杰度都o岩o岩好.此時,JT聯絡 CW,問佢食咩o野? CW揀o左C餐,要凍咖啡同餐湯,JT都幫佢落單先.之後我o既明太子魚餅到o黎,一客四件,男友用叉都已經可以將佢cut開,佢係軟綿綿o既.食落,當然係軟綿綿,明太子亦唔太鹹,

晚上8點左右在荃灣地鐵附近找尋一間比較適合傾計的西餐廳.之前經常路過,從餐廳外的玻璃看,感覺上不錯,可以一試.由於台風迫近的原因,店只有數枱人客,不用等位.2大+小朋友...2個小朋友都點了兒童餐.兒童餐有一款飯一款麵的選擇.好像是$78 左右一set,以這個價錢尚算低食.因份量根本是大人的份量.兒童餐的食物上碟放得美美的,色彩豐富,吸引兒童食慾.味道還可以,不會太過濃味.沒有過多醬汁.~~推荐~~香燒鮮蝦意大利煎飯 Pan-fried Risotto with Fresh Shrimp-單點.忘記價錢,好像是$150左右,因比較過set dinner 價格跟單點差不了多少而且set 的款式選擇少.鮮蝦不會煎得太干,入口嫩嫩的.煎飯煎得恰好.煎過的飯不至太creamy.配上鮮菌.配上淡淡的忌廉味.食完不會有太膩的.~~推荐~~西冷扒-SET DINNER ...配上飲品跟小小的沙律.由於朋友有BB了.所以點了8成熟.但這個實在太普通了.接近$200的價.不值.新地-$58 一般.杯底的CREAM 實在太多了吧.我們4個人都沒有食完.凱撒沙律-忘了拍照.份量不多.價錢偏高韓式海鮮湯窩-忘

收工約左媽咪食飯唔知食乜好! 見呢度有位就入去食。8點鐘同我地講set dinner賣晒! 無辦法啦， 最後我叫左個卡邦尼意粉$118，媽咪叫左個豬豚肉定食$118從未食過咁難食嘅意粉! 一黎完全無味， 二黎唔知點解會濕立立，仲要啲意粉淋到好似食緊米線咁! 大佬， 百幾蚊你俾啲咁嘅野人食! 出面求其搵間幾十蚊都好食過佢!我媽個定食都係麻麻地， 算叫食得落價錢貴唔緊要，但唔好俾啲咁嘅質素囉!最後想講， 啲女侍應好似未訓醒，夢遊咁。。。做咩呢！?

哈!自從上年去完無端端去完斷食回來, 這大半年,斷斷續續的,介紹了很多朋友去台南斷食!! 上星期,我又有朋友由台南回來了 ^_^ 朋友仔瘦了好多啦!!! 好厲害!! 所以我又有"好人飯局"了!賺了一餐飯,嘻嘻! 這次選了荃灣的Pokka Cafe~~ 先來一個凱撒沙律,好大碟,入面有蝦,牛油果粒,三文魚粒,雞肉粒.... 沙律可以有咩要求? 正常不過不失,唔食無損失 ~ 叫這個沙律的原因,是朋友剛去完斷食,食得清淡D會比較好 Kawai 本身都鐘意食餃子~~~~  煎得香口,一客五隻基本上我食左一半!! 主菜叫左龍蝦燴意粉! Menu 張相明明感覺乾身一些,上到台....見到的是濕淋淋的 >_< 一見到,已知道大鑊了,我們唯有盡快食,不想意粉再吸湯!!!! 當然,我們都吃得慢,最後我們放棄了!!  甜品時間到,精神了!!!!我醒了!! Kawai 身為 Waffles 粉絲,當然有 Waffles 啦! 今次叫左 士多啤梨窩夫, Waffles 口感比較乾身, 咬落時微暖脆脆的,只是我比較喜歡吃不太乾身的, 微暖的Waffles 伴著雪糕吃,一冷一熱感覺良好!!

荃灣pokka café 已有好多年…因為近千色店出入口, 星期五,六,日晚晚好多人排隊..星期一冇咩人..一個人放工吃了個set dinner.Set dinner 有湯、沙律。湯冇咩特別，沙律反而好好食..幾新鮮..份量足夠,唔覺得個廚房求其做..主菜是西冷扒, 西冷份量夠大. 肉厚..看起來很吸引。吃下有肉汁…. 鴨胸嫩口..薯角很香脆,冇凍冰冰….一個人吃都好full.去pokka 一定要飲他們的pokka coffee.. coffee味仍然豐富, 始終覺得同出面coffee shop有點不同  是日很飽很滿足

同十年冇見嘅同學仔食飯就梗係要搵個好嘅地方啦！同學仔話Pokka唔錯加上有會員咭又可以訂位唔洗等Good ar!! 先嚟一個珍寶凱撒沙律做頭盆share吓，份量十足有蝦肉雞肉三文魚仲有我鍾意嘅牛油果加埋醒胃嘅沙律汁攪到我好有食慾 跟住係焗海鮮湯，湯底係好濃香嘅龍虾湯加上焗到金黃嘅酥皮（有點似菠蘿包）認真不錯 主菜係帶子墨汁意粉，睇落有點平凡，但味道同口感真係有驚喜，意粉口感同平時食果D真係唔同唔識形容但好 好味（侍應生姐姐話係新鮮做嘅意粉口感係特別唔同特別好食）配明太子汁有少少香口嘅感覺好特別 好戲在後頭，就係份量十足嘅格格多士，雖然等得耐咗一點但值得一等，焗得好脆口嘅粒粒麵包加上雪糕同朱古力拖肥醬簡直係絕配，冷熱交集嘅感覺一流 Pokka最出名嘅係藍山咖啡有機會嚟到一定要試，未飲已經有香噴噴咖啡味，入口甘甘地完全唔苦唔洗加糖和奶真係名不虛傳

今日約左朋友在荃灣聚舊食tea，見pokka cafe 既下午茶menu 有apple crumble 所以諗都無諗就入去試試，不過有d 失望呢超愛極愛食apple crumble 既我，當然選了appple crumble set呢，套餐包一杯熱飲，約＄64等了大約十分鐘，終於有得食喇～等係正常架，因為apple crumble 要即叫即焗先會夠脆夠熱架！不過奇怪係這家的apple crumble 係配cream 的 ＠＠正常既apple crumble 係是配vanilia雪糕或者vanilia custard 架麻，雖然佢有比到一小杯custard，但既無vanilia 味，又唔暖的，所以食落無左一冷一熱果種感覺，which is apple crumble其中一個最重要既特點....而且好食既apple crumble通常係蘋果蓉同crumble 既比例2：1但pokka 的，我覺得係1：1，甚至crumble 比蘋果蓉還要多......所以好失望呢...至於我杯哥倫比亞咖啡呢，就幾ok啦，咖啡甘而不苦，可惜奶係凍既，所以落左入咖啡之後杯咖啡cool down 左，香味就無咁濃