Pokka Cafe (荃灣千色匯II)

营业中

休息中

週六相約男友荃灣下午茶，點知有人遲遲未到，一個人無所事事，去左千色店地下嘅pokka cafe食個tea。餐廳安排了窗口四人座位給我，望住窗外人來人往，我卻獨自望著餐牌點餐，愁緒倍增，唯有點款豐富下午茶令心情開心番晒。鮮蝦芒果沙沙及牛油果温泉蛋三文治 $78一款係麵包舖滿芒果沙沙醬加4片開邊大蝦，口味清新，兩款多士都好好食。另一款係麵包舖滿牛油果及牛油果醬，切開温泉蛋，蛋汁滲入麵包內。兩款多士都好好食，另外還有幼薯條，可惜我始終比較喜歡粗薯的口感，薯條份量幾多，還是二人分享會更好，另加18蚊可配精選咖啡。

下午茶同小朋友去左pokka cafe 入座算快 係人手比較少 我叫左個韓式雞扒小食拼盤 講下份量先 份量以女仔黎講 算岩岩好裡面有咩呢： 雞扒 、薯餅（但係因為無貨而轉左薯條）麻醬沙律🥗、煙肉豬肉腸、茄汁焗豆味道方面： 雞扒算juicy 其他就無咩太特別 配左個凍檸茶 小朋友叫左個腸仔茄汁意粉🍝份量就比較大份 賣相就普通 腸仔係魚肉腸 小朋友唔多岩口味坐位近門口 因為枱偏高同櫈有d距離 唔算好舒服整體普通

今日(27-7-2020 Mon)同老公 work from home,到食晏時間,就同老公落街食,原本唔想落荃灣,但廣發冇開,咁落荃灣啦,老公話嚟呢間.OK.我哋去到有兩組客人等,但唔知係咪太少員工,所以都要等好耐,到我哋喇,職員開頸俾個啱啱好嘅二人枱我哋,但佢見我哋好似有好多嘢咁,就主動話俾張大啲嘅枱我哋,真好.睇完menu,老公要$118.00嘅本格牛肉烏冬,我要$168.00嘅香燒雞肉意大利煎飯.要沙律同餐湯各一.沙律係麻醬田園沙律,麻醬份量啱啱好,沙律菜新鮮.味道:3分餐湯係忌廉湯,原本以為冇乜料,原來唔係,有蝦肉,蛋絲同疑似蔬菜粒,鹹淡適中,口感亦啱啱好,唔錯.味道:5分老公嘅本格牛肉烏冬到嚟,我試吓,扁扁地嘅烏冬尚算彈牙,而佢啖湯都幾好味,可惜老公加咗七味粉,我唔可以再飲.味道:4.5分我嘅香燒雞肉意大利煎飯呢? 厚雞肉煎得香脆但仍juicy,濕潤嘅意大利煎飯有著淡淡嘅芝士同黑松露味,重要裡面有翠玉瓜粒同菇.呢個都OK 嘅.味道:4分最後餐飲要凍檸水,呢個正常冇問題.服務:唔錯,會主動斟水.環境:坐得舒服,但冷氣有時唔夠,所以俾4.7分上次食評: https://www.

整體感覺不錯，環境舒適。食物都達水準，海鮮天使麵面底夠哂幼滑，海鮮醬汁和海鲜配料配合得好好味～朱古力雪糕班戟是我們最愛，班戟香口軟腍，新鮮香蕉可口，朱古力雪糕凉浸浸又甜蜜又夠消暑，值得和女友一起品嚐～最重要服務態度好好，呢個係我地開心食嘢嘅最重要因素，主動安排我地坐舒服啲位置，上食物又快，更唔會比左錢後先叫我地自行清潔執手尾、事前又唔講聲果種咁no service lor。服務真的好好，食得開心，抵讚，再幫襯～

要黎千色店買啲野，所以黎試下呢個cafe，原來星期六都有lunch set。將個餐湯升級咗做酥皮海鮮湯，個酥皮好脆，海鮮湯都足料，好味！叫咗虎蝦豬柳，豬柳略嫌有小小un，同埋有啲細塊，不過味道都ok，可接受。叫咗西冷牛扒，5成熟，肉質唔錯。最後仲飲咗杯凍嘅水果茶，略嫌有啲甜。整體黎講，性價比唔算高，但都過得去，可接受。疫情期間，餐廳防疫措施都做得足，感覺都乾淨整潔嘅，同埋啲店員態度良好。如果想搵個舒服環境食下野飲下野都係一個幾好嘅選擇。

I was impressed with the coffee and how it was served. It is unique how they decorate the coffee. Even you can top up to have more coffee. I had to wait a while to get a table. Service as usual. Coffee price was diffidently worth it. Spaghetti bolognese and soup are usual. If I compare it with service, decoration, and quality, the price seems to be a little expensive. I am not sure it is worth it well. However, I certainly like to visit this place again for coffee. Anyone like to enjoy a good co

今日和外母往荃灣Pokka cafe食晚餐, 我們點了紅酒燴牛尾飯定食, 什扒套餐、凍朱古力咖啡和煎鵝肝。紅酒燴牛尾飯定食有紅酒燴牛尾飯外, 還有前菜, 沙律和味噌湯。紅酒燴牛尾食落有紅酒香味, 牛尾肉質入口即熔, 飯食落軟綿香滑, 前菜黃蔔食落開胃；沙律新鮮爽口和味噌湯鹹度適中；什扒套餐賣相吸引, 有煎和牛漢堡, 雞扒、香腸和焗薯, 煎和牛漢堡肉質香濃, 配上牛油食落惹味, 雞扒煎得香脆, 肉質鮮嫩；香腸食落香脆爽口和焗薯食落軟腍, 前菜胡麻醬蕃茄食落開胃, 整份什扒套餐材料豐富, 味道十足；凍朱古力咖啡朱古力甜度適中, 配上棉花糖口感豐富, 咖啡味道香濃；最後煎鵝肝是餐廳限定, 鵝肝配上石面上煎, 食落有油花, 口感十足。餐廳座位闊落, 食物美味高質晚餐, 適合情侶,三五知己或家庭聚會好地方。

附近行完街，千色滙有好多餐廳選擇，揀左入去呢間，因為唔洗排隊又坐得舒服。原來呢間唔係普通西餐廳，係多國菜，好多選擇！未食過唔知邊樣做得出色，隨意點左幾個餸。先來一份三文治，配料好足👍👍豬扒飯定食，個豬扒唔太鬆軟，汁麻麻蕃茄意粉🍝好濃味，意粉亦好食👍芝士年糕，好有口感，芝士味濃最後叫左份甜品，Tiramisù吐司🍞，無影到相，但非常好食，有驚喜！👍👍整體環境好坐，唔迫服務態度好價錢唔貴！值得再來！

點了牛肉蕃茄湯通粉，炒蛋和牛角飽，另配熱咖啡。 蕃茄湯不過不失，不是濃湯，也不用茄膏煮，吃蕃茄原味道，通粉普通吧。 炒蛋香滑，牛角包焗得熱辣辣香脆好吃。最驚喜還是熱咖啡 濃香滑溜

這間Pokka是日式連鎖餐廳, 一直沒有特別驚喜，而且價錢偏貴，午餐和同事點了午市套餐，我點到最平的，都要$126嘅焗腸仔肉醬意粉。同事則點了輕煎檸檬香草雞扒，另外免費配飯或意粉（沒有寫出來，要問先至知!)。呢個價錢，呢個地方，太貴囉。

呢間餐廳係我小學附近，我以前放學就會去食啲嘢先返屋企，前幾日我約咗幾個朋友，又再嚟翻呢度食飯。我哋叫咗一個飯兩個小食同埋一個甜品。呢個係巴馬火腿蒜蓉包，賣相都整得好靚。蒜蓉包焗得好香，加埋Parma ham，味道更加有層次。呢個係名古屋雞翼，雞翼炸得好香脆，而且已經預先切開咗一半，所以食落去方便啲。呢個係鐵板咖喱牛肉飯，我最鍾意係佢個流心蛋，將啲雞蛋汁撈埋啲咖喱嚟食特別好食，而且牛肉都整得好林，咖喱係日式咖喱味道甜甜地又辣辣地，零舍開胃。我哋叫咗個甜品，甜品係tiramisu格格多士伴雪糕，佢個tiramisu整得好濃郁, 依多士味道甜甜地，成個配合得好夾。

香港人生活忙碌，朋友相約更是難得，雖天公不作美，出荃灣地鐵站時雨越下越大，也無阻我們相聚的心情。還好荃灣天橋網絡發達，有「堅離地城」之稱，不用擔心被雨淋濕。逛了一會兒後，最後去荃灣千色店，朋友買完化妝品決定吃晚飯，剛好商場里有一家POKKA CAFE，看上去環境舒適，便選定了這家。每次吃飯，點餐是最頭疼的事兒，見到餐牌有dinner set 就不用想太多，又合口味，於是選了香煎上級紐西蘭肉眼扒配香草燒汁、櫻花蝦炒飯兩個套餐，另加了一個蟹膏海鮮龍蝦湯稻庭烏冬。温泉蛋蔬菜沙拉，搭配新穎，有營養又健康開胃。餐湯南瓜海鮮湯，濃濃的南瓜味加上扇貝，搭配得宜，味道鮮美。上等的肉眼扒煎至七成熟，火喉恰到好處，入口滑而不膩，可能很久沒吃的緣故，吃到不想停口。熱騰騰剛炒出來的蛋炒飯又有魷魚，加上香脆營養的櫻花蝦讓整鍋炒飯又更上一層樓啦~，這麼熱的天氣，吃起來也不覺口乾。蟹膏海鮮龍蝦湯稻庭烏冬，汁稠配料十足，有帶子又有蝦，烏冬入味。餐飲分別叫了秘魯朱古力咖啡和皇牌咖啡，香味撲鼻，口感香滑。

星期日，帶著兒子去荃灣，一心打算有別於平時的麥記，同個仔食個好少少的早餐，所以入了Pokka Cafe。首先，沒有細枱，因為有一部分不開放，所以一張12人枱要搭抬坐🙄餐牌上的早餐不算太貴（當然亦不算平），點了兩個餐都有跟「牛角酥」。食物到了後，先被所謂的「牛角酥」外貌嚇一嚇，咬了一口之後，又乾又難食🥴炒蛋好似食咗一堆擦膠碎，無蛋味，唔滑，仲要怪怪地，飛機餐的炒蛋可能仲好少少。整體食物都麻麻地，平時在「太興」都覺得有啲貴，今日呢一試，我覺得「太興」的質素及價錢都好多了！

This restaurant is such a great addition to the neighborhood. We came here in the early afternoon and had a good long chat. For dessert, we ordered toast with ice-cream and caramel sauce. It's a big dish with great flavor...the ice cream is so smooth it almost looks like whip!For me, the best part of dinner is the Teriyaki Halibut Japanese set. The halibut was wonderfully moist and buttery- poached to perfection and surrounded in a bed of fresh herbsThe server came by not just after we took our

近日天氣十分不穩定，天氣炎熱，又突然下大雨，又唔想喺屋企，於是出街逛下，逛商場喺一個唔錯選擇😀況且行到累又可以揾間cafe hea 下、輕鬆下Pokka Cafe 有多間分店，呢間位於荃灣千色滙地下，地點方便唔想諗，見到有dinner set 又啱口味，於是選了香煎上菇豬扒配日式燒汁及燒比目魚定食餐湯紅菜頭忌廉湯，湯入囗creamy ,唔太稀，加左紅菜頭，味道清新黑糖麵包入囗柔軟，熱辣辣豬扒厚身，有咬口，蘸埋日式燒汁，十分惹味燒比目魚，魚皮表面燒得香口，裡面依然幼嫩，有魚味又唔腥餐飲叫左水果茶，水果茶用左茉莉花茶及菠蘿汁，清新又唔甜即是淸新哂