PokéToké

营业中

休息中

🎪 PokéToké (旺角)旺角廣華街3號百利達廣場地下1號舖減肥吾係口號☝️夏威夷Pokebowl專門店，主打健康低卡食材，營養均衡🥰岩曬瘦緊身既大家💁🏻‍♀️夏日炎炎，見住五顏六色既蓋飯，入口清新，瘦身都可以好輕鬆😗🌟加州風味碗 $98除了Signaturebowl，它仲有自選蓋飯($88)，包1個主食3個配菜。而小編當然吾想煩，揀左招牌bowl，超級豐富料理，有三文魚、青瓜、紫菜絲、蛋絲、三文魚籽、木魚絲、車厘茄、日式胡麻醬、黑白芝麻😎建議醬汁另上，咁就更健康🫶🏻🌟經典雞肉 $78主食用上慢煮雞肉🥰好嫩口！配蟹柳、玉子絲、豆腐，清淡bowl好清新🥰值得一提‼️蓋飯底可以揀一半壽司飯一半沙律菜，亦都可以揀晒沙律🥗菜😛🌟香蕉奶昔 $36/ 牛油果奶昔$36再黎健康系列🔥推介🔥真材實料，無額甜味‼️香蕉🍌奶昔較稀身，香蕉味好濃郁；牛油果好creamy，好稠綿，飲完好飽滿🥹

 最近天氣有啲悶熱，想食啲fresh啲既野食，就揀左食Poke bowl。旺角呢間PokéToké，有幾款preset左既bowl，唔啱既話仲可以DIY自選。一碗都幾大碗，食完好飽～但係感覺負擔感唔會好重。 1️⃣夏威夷波奇（$88） 有吞拿魚、海帶、紫洋蔥、蟹籽、枝豆、紫菜絲、木魚似、黑白芝麻，配上鰹魚醬油同埋沙律菜底，好健康😋鰹魚醬油甜甜地好好味。另外朋友嗌左一款自選既，揀左山葵蛋黃醬，都好正，推薦👍

呢排成日諗住減肥想食啲健康嘢🥗選健康Bowl做午餐都唔錯，可以自由配搭中意嘅食物，又可以食得健康啲🍀✅自選Poke Bowl自選選咗慢煮嫩雞肉做主食，再加粟米粒、雜錦香菇、紫洋蔥、牛油果🥑醬汁可以另上好方便，可以自由調配，柚子沙律醬都幾唔錯🥰✅大滿貫唔想諗食咩個話可以叫個大滿貫，符合大眾口味，又唔洗諗食咩🤣三文魚都幾新鮮，配料嘅份量好多，女仔食建議選沙律菜🥗✅和風牛肉丼未上菜前已經聞到好香嘅牛肉味，牛肉嘅醬汁好好食😋入味又唔會太鹹，份量好多，性價比都幾高☺️仲有溏心蛋食，都幾唔錯，有驚喜🥩✅香蕉奶昔香蕉味好濃，奶昔偏稀，唔會太膩🍌💛好味指數:4.5/5 💜回頭指數:4.5/5📍PokéToké (旺角)旺角廣華街3號百利達廣場地下1號舖

網上瀏覽搵到呢間餐廳，於是約朋友一齊試下，地點有少少偏離地鐵，都要搵一搵路。餐廳細小，日式風格，我叫咗加州風味碗和牛油果香蕉奶昔。嚟到係滿滿的沙律bowl，顏色好靚好鮮艷，可以選擇要飯或沙律或者mix都得，我就揀咗飯和沙律mix，都係我鍾意嘅食材，有三文魚、三文魚籽、紫菜、青瓜、木魚絲、車厘茄等等，都係好有營養，味道不錯，好健康好清新好豐富！🥗牛油果香蕉奶昔中杯，牛油果味和香蕉味分明，唔甜好味道😋

今次介紹嘅係一間旺角嘅夏威夷蓋飯🤤 呢排天氣咁熱最啱食返碗PokeBowl嫁喇!🥗 配菜選擇多又健康，低卡又高蛋白質🆙🆙🆙😋✨✨ 餐廳環境舒適，仲有好可愛嘅牛油果公仔做裝飾🥑𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 味道: 𝟳.𝟱/𝟏𝟎抵食指數: 𝟳/𝟏𝟎環境: 𝟳.𝟱/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀✨

今日中午五點一個人去呢度食飯。唔使等位直接入座。入邊只有兩台客。枱面有QR code可以自助落單。第一次揀咗三文魚嗰個$98飯。入面有五件厚切三文魚，少量青瓜，少量車厘茄同埋雞蛋絲。我要咗一半飯同一半沙律菜。首先講個白飯。佢係冇調味嘅珍珠米。三文魚感覺唔係太新鮮連住一D🤮灰色嘅魚肉。沙律菜用火箭菜食落有啲苦，同埋青瓜蕃茄都係普通大陸貨。感覺係將全部嘢撈埋一碗，自己家庭式都可以整到。建議可以入D靚D既魚生。因為其他配菜成本都好低，感覺唔係好值。仲飲咗一杯大嘅牛油果奶昔。我諗有¼個牛油果cream同埋水同冰打成。完全冇落糖。杯嘢飲幾健康。不過食完一次，飯加一杯嘢飲$138。仲只係收現金。下次唔會再幫襯性價比低。差唔多時間周圍都有下午茶。或者壽司郎都係好選擇。追求健康，但係荷包都要健康。

想像到嘅味道，有改善空間。唔係必食，經過可一戰，整體中上😙・・・・・・・・・・・・・・・・・・・・🍱 大滿貫 HK$128・味道：每款餸同配菜份量都好平均，所以每啖食落都幾豐富，不過味道有啲單一🧐。建議食材配搭上加少少酸味為主嘅配菜會再fresh啲😙個人覺得吞拿魚唔夠新鮮～其他都正常好食desu・口感：波奇碗一向sell多料㗎喇，呢個都一樣多口感，脆口嘅沙律菜、彈口菇子、厚實魚生，想像到嘅好食😂🍣 經典雞肉 HK$78・味道：個慢煮雞肉有啲似鹽水烚😅，有味嘅但唔重雞味，其他正常。呢個bowl主打一樣餸only，食耐咗會有啲悶🫥，所以肚波男友另加＋$加咗帶子同吞拿魚～・口感：話係慢煮雞肉但偏熟咗啲，又未到鞋嘅，但又唔係juicy，所以真係一般般呢😐～🥤 牛油果香蕉奶昔 HK$44・味道：天然0甜，不過香蕉甜味🍌有啲蓋過咗牛油果🥑・口感：欣賞佢個奶昔formula，唔會好thick，因為牛油果同香蕉好易榨到糊仔狀，唔夠嘢飲飲落個種爽口液體水感，但呢款水感同時夠味👍。・・・・・・・・・・・・・・・・・・・・🤰性價比：中～🤰9衝度：可試～🤰結論：穩陣好食解暑之選，想食light啲又夠飽肚，旺角

加洲風味碗 $98 （沙律飯）三文魚🍣唔腥的，正常水平吧；其他配料：青瓜🥒、車厘茄🍅、蛋絲、日式胡麻醬、紫菜絲、木魚絲、黑白芝麻，配搭住食其實幾清爽，點精在於日式胡麻醬🫡，令整體口味上升。分數：？/10食物🥘：6/10環境🏞️：8/10服務👩🏻‍🍳：8/10價錢💰：6 /10整體而言：環境其實幾靚，啲牛油果🥑公仔幾得意；店員服務態度又好🫡；但食物質素普通吧，減肥同健康的食物黎講算高汁，但唔夠重口是差了一點😂；價錢（因為無咩肉，我覺得唔值呢個價）

最近天氣好熱😮‍💨又係時候食POKE~之前一直都係食開銅鑼灣嗰間 今日咁啱經過旺角見到 就入去試吓~同銅鑼灣一樣，一樣可以揀沙律菜拼壽司飯(不過佢就冇糙米飯)，配返我最鍾意嘅車厘茄豆腐海帶 仲有鰹魚汁🤣🤣整體來講幾好，銅鑼灣好食少少 但係呢間又平少少，而且就腳少少😂 下次應該會再幫襯👍🏻👍🏻P.S 店員服務態度好好，電子落單嘅小問題 佢好用心幫我解決🥹🥹;; 📍PokeToke旺角廣華街3號百利達廣場地下1號舖

同女性朋友出街，話想食得健康啲，就帶左我黎呢間主打輕盈健康，專食bowl既餐廳。我哋一共叫左個大滿貫同加州風味碗，同埋一杯牛油果奶。-1. 大滿貫7/10-呢個係最齊料嘅bowl，入面有飛魚籽，牛油果，吞拿魚，三文魚同基本嘅配料如木魚絲同蛋絲。配料算豐富，入邊加咗沙律醬，成碗bowl食落層次唔錯。牛油果新鮮，吞拿魚同三文魚腥味唔多，可以接受。但價錢偏貴，我會寧願食返魚生丼😂-2. 加州風味碗7/10-基本上同大滿貫差唔多，但配料相對少啲，多番啲蔬菜如車厘茄。魚生嘅話入面得三文魚，相對嚟講冇咁滿足。價錢方面都唔算平，都係會選擇食返魚生丼🤣-3. 牛油果奶9/10-牛油果奶有驚喜，雖然用嘅牛奶唔係算高級靚嗰隻明治4.3奶，但牛油果落得幾重手，飲落口咁好濃稠，鍾意牛油果嘅必試。價錢可以接受，值得一試。-題外話，本人本身對呢種主打bowl既餐廳印象一般般🤣真心建議如果想食健康嘅嘢食，以依個價錢嚟講絕對有更多選擇。

主打夏威夷蓋飯🙆🏻‍♀️ 可以選擇自由配搭或者餐廳精選的Signature Bowl，亦有日式丼飯及小食提供。配菜、醬料選擇非常多🤤 餐廳空間細，人流好多，需要排隊稍候，可見好受歡迎～食物質素很不錯，份量偏多，性價比高，好適合打卡📸 健康又好味，值得一試👍🏻 💖💖💖食評💖💖💖 自選Poke Bowl ($137)✨八爪魚、蟹柳、三文魚籽、粟米粒、雜錦香菇、秋葵、北寄貝、紫菜絲、木魚絲、鰹魚醬油、冷麵可以加好多款配菜，佈滿整個碗，色彩繽紛😍 冷麵爽滑彈牙，配上鰹魚醬油，好好味！😆 選擇了八爪魚做主菜，大大粒 好新鮮 煙韌可口~ 其他配料份量都十分多，中間鋪滿沙律菜令味道更清新，口感非常豐富，好飽肚🥰吉烈炸海鮮丼 ($98)✨炸蝦、炸蟹鉗、 炸魷魚圈、炸魚手指份量驚人！炸物愛好者必食！新鮮炸起，熱騰騰 非常香脆，肉質軟腍，好飽肚🥰 配上白飯及醬汁一流，鹹香惹味😋

餐廳以白木色為主調, 裡面有高枱, 普通2人枱同吧枱位, 枱與枱之間距離比較近, 繁忙時間用餐75 分鐘。𓊈自選蓋飯 $𝟷𝟸𝟾𓊉Menu 上面有幾款 Signature Bowl, 已經配好曬食材, 亦可以揀自選蓋飯, 如果唔食生嘢, 可以揀熟食蓋飯, 都幾多選擇。我揀咗三文魚, 吞拿魚, 青瓜, 中華沙律同蟹籽, 底層係沙律菜, 配鰹魚醬油。三文魚厚切幾肥美嫩滑, 吞拿魚係赤身嚟, 其餘蔬菜爽口鮮甜。𓊈自選蓋飯 $𝟿𝟾𓊉另一碗揀咗三文魚, 枝豆, 粟米粒同海帶, 都係沙律菜底, 配昆布豉油, 呢款豉油比較甜, 味道無咁濃厚, 同沙律菜好配襯。𓊈牛油果奶昔 $𝟺𝟶𓊉牛油果奶昔好香濃, 牛油果味唔算太重, 奶味比較厚, 幾易入口。

人氣夏威夷蓋飯，將各式各樣健康料理切塊，配上蔬菜、豆類等原型食材，製成營養均衡既Poke bowl🥗 後來受日本文化影響，會將醃製好既刺身放喺壽司飯上，配上唔同嘅醬汁，形成壽司蓋飯，健康又美味🥢 位於旺角廣華街地下既呢既PokéToké，餐廳雖小但五臟俱全，以粉色系列為主，溫馨舒適～ 自選bowl食，推介配料；辣味三文魚、虎蝦仁等，鮮味足料！ 而追加精選前菜；螺肉鮮甜大粒，三文魚豆腐昆布湯亦相當出色，總結而言，係回頭率好高既poke bowl🥙

平時一聽旺角都係聯想到小食、掃街、重口味美食，估唔到廣華街呢邊有間清新健康嘅poke bowl，重要人氣好高🤩 平日夜晚我地未到七點黎重有位，坐一陣已經滿座，出面重排緊長龍😳 可以自由選擇配搭，選擇困難症嘅又可以揀佢嘅signature bowl，點揀都係咁色彩繽紛，望到都好治癒☺️・････━━━━━━━････・💫自選poke bowl （沙律🥗）$144揀左慢煮嫩雞肉做主菜，口感嫩滑，健康之選。值得推介嘅配菜/配料有玉子絲、鮮甜蟹肉（+$10）、好新鮮連殼上嘅虎蝦仁🍤、咸咸地清清地嘅紫菜絲、重有超鮮甜嘅鰹魚醬油（每款額外菜類配菜都係加+$6）！如果想再多啲味道，可以加個酸蘿蔔，撈埋落去開胃同層次更豐富😋 💫自選poke bowl (半壽司飯半沙律菜）$104揀咗一半壽司飯一半沙律菜，唔太heavy又唔太light剛剛好。主菜揀咗鮮甜唔膩嘅三文魚🍣，可以配搭三款配菜同三款伴菜，除咗粟米、中華沙律、蟹柳呢類比較common嘅配菜，重可以加錢加北寄貝、虎蝦仁、溏心蛋等配菜🫶🏻，全部都好fresh🎈醬料我哋揀咗凱撒沙律醬，建議醬料另上，會比較冇咁易膩❤️成個bowl好豐富，夠哂飽之餘又唔洗驚

第一次食呢類型嘅井飯加州風味碗，三文魚俾得好多而且大大粒，好有質感而且碗裏面仲有唔同嘅蔬菜青瓜蕃茄蛋，食落都會覺得好健康鰻魚飯夠晒汁，多汁到有少少偏鹹不過鰻魚質素係唔錯另外佢哋嘅味噌湯好有誠意真係用三文魚肉去煲