PLAYT 咖啡廳

营业中

休息中

質素幾好既lunch buffet選擇多，幾好味，服務員會不停收起用完膳既碟，令人可以走幾轉拎野食中式西式日式每樣都有d可能撞正榴槤季節，有榴槤葡橽同雪糕意想不到的好味，就連我唔中意榴槤都覺得好味就認真唔錯仲有茅台雪糕，個酒味濃郁。。哈哈。。會醉嗎？可惜甜品區偏少選擇，可能榴槤既魔力被掩蓋

星期六去咗銅鑼灣行街,想搵地方食Tea, 有朋友提議去食Tea buffet, 諗起Parklane間 PlayT有tea buffet,打去問左有位就行過去.去到坐低咗,就開始攞嘢食啦. 今次黎到又幾多嘢食喎,款式同之前既都有唔同. 海鮮方面都有青口,蟹同翡翠螺, 算係唔錯. 刺身都好新鮮, 有三文魚吞拿魚八爪魚. 另外好surprise既係有軟殼蟹, 其他既多春魚同點心之類. 當然唔小得既係甜品.咁就食嘆咗個happy既下午

早2個月，有幾餐飯局話要食自助餐，我睇左幾個youtubers 講酒店自助餐，食完都係一般……6月有次朋友搞嘅生日飯係呢間playT, 我覺得堅吾錯，所以7月有飯局，我就提議呢度生蠔 即開 每人每次限取2隻，美國同法國，2隻都吾錯，海水味勁重，有人會覺得太鹹。海鮮區 小龍蝦，青口，蝦，長腳蟹，龍蝦鉗係最好味鵝肝多士 每人每次2件一向怕膻味嘅，但熱辣辣加個汁夾多士食，又好似好味吾覺佢膻，不過佢地抽風幾差，好大油煙係煎緊嘅時候巴拿馬火腿蜜瓜 沙律菜選擇都算多2次去食都覺得好正嘅蟹蓋西班牙海鮮炒飯 就好似淡味左，上次6月食時好味d串燒 壽司剌身 一般 但都好新鮮其實最精彩係甜品，有益力多味軟雪糕，有個話梅汁浸波蘿中式熱炒，燒味，點心，pizza 我都無食，因為太飽啦！ 但我知道蝦餃係好正，上次朋友有食到。仲有個中式燉湯，好鮮甜，應該次次吾同料。

作為香港首屈一指嘅酒店自助餐呢一間絕對係冇得輸價錢方面雖然唔會平但係絕對會令你覺得物超所值尤其是當你見到無限嘅生蠔供應而且係來自唔同地方有法國有英國嘅紅可以飲你是直情係覺得回本仲要每一隻好都係新鮮即切即食只會感受到淡淡的鮮，完全冇腥味配合埋自己鍾意嘅醬汁簡直係一流第二個最多人鍾意嘅一定會係鵝肝多士每隻哥哥都係一定新鮮即煮完全唔需要落油都已經離遠都可以聞到好香好香嘅味道多事方面都係趣卜卜溝埋一齊完全係有趣柔軟又多汁又香優先簡直係人間天堂至於甜品方面雪糕係完全唔會估到用邊一隻牌子因為全部都係自家製造好味程度同Häagen-Dazs同movenpick都拍得住, 有時仲會遇到好多唔同嘅驚喜尤其是當就嚟食完嘅時候甜品方面有時都會有唔同嘅花款係突發咁樣派發所以真係食得又驚又喜又開心又難忘

呢排好癲好忙好想發洩，心理唔多平衡，唔知原因或者成因，好想好好地食一餐，我字典入面唔開心需要暴食，暴食完就會開心，開心先至有幹勁去做嘢，喺銅鑼灣區食buffet五星酒店級數，Park Lane入面既Play T之前都有食過Dinner，可以encore再嚟，今日叫埋啲同事一齊食，坐低去睇睇沙律選擇好多，海鮮類有海蝦青口翡翠螺，呢3樣真係食唔停，刺身有三文魚吞拿魚八爪魚，之後係熟食區居然有驚喜發現，見到我最愛嘅軟殼蟹，多春魚，蝦餃燒賣，今日總算發洩得夠。

食自助餐我通常都會揀有生蠔食既。雖然我知道自助餐既生蠔大小同生蠔都唔好同出面散叫相比，但既然係任食，緊係揀d有自己鍾意食既野啦😋等左甘耐，終於黎到今晚黎Playt食buffet！一入餐廳，首先會經過食物區，之後先到座位。 食物方面選擇都幾豐富，海鮮就有我岩岩講既生蠔啦，仲有龍蝦、長腳蟹、青口同泰式生蝦。生蠔係即開既，每次每人只可以拎兩隻，今日既生蠔黎自美國同法國。法國生蠔比較薄身，但都好新鮮。佢呢到既ribs質素令我幾驚喜，肉質幾嫩又juicy，而我.....係食左三塊既仲有鵝肝同燉湯都好好味，燉湯就每次一出就會好快比人拎哂嫁喇，之後又要等下一輪。熟食仲有點心，粉，小菜等等，但我就無食到。甜品質素都幾好，opera蛋糕同日式鬆餅好味呀，食左兩件！雪糕係Playt自製，茅台味幾特別，有d似h牌既rum雪糕。今晚用匯豐信用卡仲有折，總括黎講性貨比都幾高。

公司大地震，舊同事全部都唔做，我就今日farewell佢地兼慶祝一位同事生日，過去每一次都係老闆請食飯先來，今次冇老闆出現，我哋心情自然輕鬆愉快，食嘢都食多幾件，準時3:15入場，第一時間去攞沙律，因為好多種類又新鮮，食咗唔少種類，之後諗住睇吓有冇湯之類嘅嘢飲，點知見到有好耐冇食過嘅碗仔翅，一定要幫襯啦，冇生粉水質感實在，暖完胃，食刺身三文魚新鮮肥美，八爪魚唔硬繃繃好正，手握壽司需要再encore，熟食類別：多春魚，泥鯭，豬手，燒賣……全部都係我至愛，食多碗菜作結，已經飽到郁唔到。

一年一度MOTHER'S DAY，細佬話食間好少少嘅BUFFET，佢建議去PARKLANE，我已經好耐冇食LU，佢以前叫CAFE ONE，而家改了叫PLAYT未食過，我弟婦讚不絕口.....改左PLAYT後第1次嚟，D燈光有某些位置比以前昏暗，但地方乾淨，我地坐嘅位置在中間，不算暗，BUFFET開始，出去行一個圈，覺得係新派BUFFET格局，分左幾區，我首先食左轉龍蝦凍蟹腳凍蝦，飲個湯，一些熱葷先....之後再食魚生、粉麵、甜品，之後食益力多味思樂冰，都幾好味，呢度有香檳、西柚汁及橙汁任飲......其實呢度D嘢食都吾錯，只係我今日冇乜點食得好多款嘢....食得好少嘢...因為母親節關係，所以今日LUNCH BUFFET都要$518加一，比平時貴了....

Was amazed by the high quality and wide variety of food here! You can find most types of cuisines here, including Western, Chinese, Japanese, Southeast Asian, etc.I personally think that the Western food here was the best because there’re unlimited refills of foie gras, fresh oysters and lobsters. The foie gras was so buttery and oysters and lobsters were big and fresh. Some other dishes also caught my attention, like stuffed crab, deep-fried milk (a Chinese dish), steamed fish, hamachi and scal

同同事約好出左double pay 要食番餐勁的，大家不約而同的說去食buffet, 一早就訂定位放工即時離開公司，6點半前就到了餐廳，今次好好彩比窗邊位我們座。先去巡視一番食物。一開始就先去攞生蠔，今晚有法國同美國蠔，兩款我比較喜歡法國蠔，充滿海水味同蠔味濃郁另外冷盤海鮮有龍蝦，長腳蟹，翡翠螺，青口，凍蝦龍蝦肉鮮甜同彈牙加上有滿滿的蟹膏，好食到不得了前後食左3大隻慢煮安格斯牛肉，燒烤後仍然鮮嫩多肉汁恰到好處5成熟燉湯係這裡其中一樣出名菜，今晚係螺頭舞茸燉雞，味道清甜，湯夠清晰香香的螺味還沒有味精的刺身我選了兩款自己最愛，油甘魚，帶子。油甘夠肥美，帶子大大隻又鮮甜到熱葷類啦焗蟹蓋，料足蟹肉多做得唔肥膩從遠處飄來陣陣鵝肝香味，立即動身去攞番件，鵝 肝煎得外脆內軟放在香脆多士上，增加不少口感還有串燒，點心，印度烤雞, 魚和咖喱角都不過不失其實還有很多東西未食，但實在太飽，要留番啲空位食甜品在多款甜品中，我比較喜歡香茅雪糕，一來在坊間我冇見過，二來雖然有酒香但又唔會醉，唔飲得酒的人都可以試試。實在還有太多美食未品嚐，真是要再約多次去大折多餐

一年一度結婚週年，一早訂定食dinner buffet 。六點半準時入座，被安排坐在窗邊位置，開動啦！最鍾意呢間餐廳可以滿足我三個願望：生蠔、鵝肝同燉湯一開始出去拎咗龍蝦，橙色的蝦膏，望見都唾液⋯生蠔有兩種，每次每人兩隻，供應源源不絕⋯冷盤有刺身、沙律、巴馬火腿等⋯熱盤有點心、燒牛肉、天婦羅等。呢度仲有燒乳豬同西班牙海鮮炒飯燉湯係冬菇花膠燉雞腳湯，好足料絕無味精，共飲咗3碗，亦係不斷供應食到中段，聞到煎鵝肝味，煎得表面少少焦，再配脆多士，食完一件又一件甜品方面，呢度最特別係自製茅台雪糕，酒味唔會太烈，唔飲酒都食得

三月尾約佐好耐無見同事食自助餐 見佢有折咪book🤣去到經理安排佐最入圓枱 已經覺得好貼心 好適合我地吹水😀我最鍾意食冷盤 佢都好多款式 最緊要有生蠔！ 雖然每次只會比兩隻 但勝在夠乾淨 （每一隻都用水沖過）同新鮮 一次食哂兩款 正！其他冷盤仲有🦞 🦐🐚龍蝦 長腳蟹 青口 螺 算多選擇 每一款都好新鮮 又多膏！仲有推介係佢個燉湯（唔知咩咩🐊肉） 好足料 又夠熱 仲有埋啲材料你睇 飲佐兩盅添🙈熱盤都有鵝肝意粉湯粉面 牛排🥩都可試試😋成晚最覺得新奇係佢個茅台雪糕🍦 無錯係茅台 食落似lum酒 未試過都可trytry 🤣 美中不足係收碟有少少慢 搞到比人知食佐好多🤪🤪 不過其他方面都好好 我地多過八人仲有和牛送 正 嘻嘻哈哈又一晚👩‍👩‍👧‍👦👨‍👨‍👦‍👦🥰

生日慶生自助餐，依間好抵食，全因 join 左 accorplus，印象中年費係2000幾，但係你食幾次依間自助餐已經抵番，有買一送一優惠，3個人黎食，剩低一個再用 SCB Asia miles MasterCard 有 85 折優惠。雖然係午餐唔係晚餐，但係食物嘅質素都幾高。佢嘅焦點係有魚子醬，不過我唔係特別鍾意魚子醬，係咁意試左都幾好食。其他嘅嘢食都好好食，熟食嘅種類都好多，湯，點心，羊架，牛排，都係我覺得幾好食嘅嘢，我覺得最好食係印度蝦，同埋 tikka chicken，朋友係鍾意食清淡，滾水淥蝦佢都整到俾佢。仲有好多人去食海鮮，龍蝦翡翠螺都好新鮮，唔小心又食咗好多。甜品都係Standard野，唔差，不過唔算有驚喜。最值得讚賞係呢個自助餐有無限任飲野，西柚汁係好好飲好開胃 總括來講我會再黎！

是日男友去維園拎選手包平時我地唔係點過海今日難得有藉口去食呢間好出名既buffet ~上次去工展會經過 見到有 Scone 已經超想黎其實黎之前以為得甜品 上網搵過又無咩資料點知黎到好有驚喜!!!首先座位好闊落 我地亦可以坐窗邊 男友好開心可以睇住人拎選手包lol食物好多選擇 我怕太飽 所以食左 Scone 先好好味 個 cream 都調得好好味 (個果汁係任飲)刺身係厚切 (本身係多幾塊 食左一大半先記得影)熱食好好味 個迷你鰻魚飯都好正迷你庶蝦亦是推介!!點心 湯 沙律 芝士果d全部都有忍唔住叫左個粉 叫左麻辣湯 但係估唔到咁辣係好味的 但係對我黎講太辣haha超級甜!!! 見到好多人食 都忍唔住拎左高質最後送餐飲 太飽 飲唔晒超多選擇的 tea buffet 飽到無食晚餐下次一定會再book提提大家 係官網book有折

位於銅鑼灣鬧市、正正IKEA樓上。呢度嘅自助餐食物款式非常多，除咗冇生蠔，其他冷盤基本上都齊全，不過我個人都唔係好好生蠔。今次來係食午市，大概$3xx左右一位。呢度令我喜出望外嘅事佢有點心食，可能你會話， 要食點心不如去酒樓？但係我會話你聽， 當你食到咁上下,你就會想去試吓㗎啦！佢唔係一龍龍俾你拎，而係一粒粒咁俾你夾， 咁就唔怕暫爆個胃啦！另外，呢度個環境都幾好，落地玻璃，得閒喺度嘆杯咖啡真係幾好㗎！如果你問我好唔好食，我會答你，呢個價錢食到呢個質素嘅嘢已經係好好了！好多時，$3xx自助餐啲質素比呢度低！我咁寫包單！playt呢度啲食物係新鮮！一定唔會再回頭！Btw,埋單效率比較低， 等左好耐好耐好耐。我見佢一次過拎晒所有賬單出嚟，我估佢係收集所有張單先一次過入， 所以好慢囉⋯⋯