PLAYT 咖啡廳

营业中

休息中

是日男友去維園拎選手包平時我地唔係點過海今日難得有藉口去食呢間好出名既buffet ~上次去工展會經過 見到有 Scone 已經超想黎其實黎之前以為得甜品 上網搵過又無咩資料點知黎到好有驚喜!!!首先座位好闊落 我地亦可以坐窗邊 男友好開心可以睇住人拎選手包lol食物好多選擇 我怕太飽 所以食左 Scone 先好好味 個 cream 都調得好好味 (個果汁係任飲)刺身係厚切 (本身係多幾塊 食左一大半先記得影)熱食好好味 個迷你鰻魚飯都好正迷你庶蝦亦是推介!!點心 湯 沙律 芝士果d全部都有忍唔住叫左個粉 叫左麻辣湯 但係估唔到咁辣係好味的 但係對我黎講太辣haha超級甜!!! 見到好多人食 都忍唔住拎左高質最後送餐飲 太飽 飲唔晒超多選擇的 tea buffet 飽到無食晚餐下次一定會再book提提大家 係官網book有折

位於銅鑼灣鬧市、正正IKEA樓上。呢度嘅自助餐食物款式非常多，除咗冇生蠔，其他冷盤基本上都齊全，不過我個人都唔係好好生蠔。今次來係食午市，大概$3xx左右一位。呢度令我喜出望外嘅事佢有點心食，可能你會話， 要食點心不如去酒樓？但係我會話你聽， 當你食到咁上下,你就會想去試吓㗎啦！佢唔係一龍龍俾你拎，而係一粒粒咁俾你夾， 咁就唔怕暫爆個胃啦！另外，呢度個環境都幾好，落地玻璃，得閒喺度嘆杯咖啡真係幾好㗎！如果你問我好唔好食，我會答你，呢個價錢食到呢個質素嘅嘢已經係好好了！好多時，$3xx自助餐啲質素比呢度低！我咁寫包單！playt呢度啲食物係新鮮！一定唔會再回頭！Btw,埋單效率比較低， 等左好耐好耐好耐。我見佢一次過拎晒所有賬單出嚟，我估佢係收集所有張單先一次過入， 所以好慢囉⋯⋯

過年時曾經和朋友去過柏寧酒店吃自助晚餐，食物種類非常豐富，凍盆有刺身、泰式生蝦、寿司、龍蝦、生蚝、長腳蟹、凍蝦、螺、青口等等，熱盆有蛇羮、烧味、小菜、羗葱炆蚝，點心，烧豬仔，鸭肝多士，印度咖哩等等，還有甜品及雪糕,不能盡錄，需然每位大约7百幾元，但也不算不值，下次還會再光顧呢

新年帶家人來吃一歺，因為有買一送一😅每次來都不會失望，從復吃自己喜歡的，總是想有試另的，肚皮不爭氣。這次只吃了羅白糕新年食品，龍蝦🦞今次特別好吃，很快填飽肚子。

Playt實在比左好多 "估唔到甘好食" 既菜色我們， 生蠔， 鵝肝，中湯，點心，蒸魚，疏乎里；西瓜，哈密瓜都要讚。我個胃唔爭氣，唔係就可以幫讀者寫幾千字食評，開飯既仔仔女女不用多講黎試下啦！？

係人都知做「餓底」是一件非常危險的事情，但係猴子冇得揀，因為老細已經揀咗食自助餐做團年飯。係人都知食自助餐一定要餓住個肚去食，否則一定蝕到入肉，導至荷包嚴重出血，後果十分嚴重。今次的餓底行動代號為「PLAYT」。為了完成任務，猴子早餐只吃了一細碗杯麵，吃午飯時千叮萬嚀服務員姐姐要「半飯」，確保胃部留有足夠空間執行今晚的任務。猴子七時半到達目的地後隨即進行踩線（探路）。現場大致分為海鮮刺身區、醃肉區、壽司區、沙律區、炸物區、辣味區、中餐區、甜品區等等，分工非常仔細，絕對是有組織的「飯聚集團」。由於食品眾多，要全部介紹恐怕要花三年又三年，所以猴子只介紹貴價或值得推介的「AA+」美食。首先要介紹的一定是生蠔，每人每次只限兩隻，可見其受歡迎程度。生蠔雖然鮮味，不過本身細隻肉唔多，鍾意食生蠔的朋友要走多幾轉先滿足。凍龍蝦亦係極受歡迎的食品之一，蝦肉雖然香甜，但猴子嫌肉質較韌又黐殼，而且同樣係偏細，一隻龍蝦冇幾多肉，又要走多幾轉。西班牙乳豬係猴子極力推介的「AA+」之選，連肥肉都薰烤到香噴噴，完全唔會有油膩感，香滑彈牙，極之惹味！海螺亦係值得推介，鮮味彈牙好咬口，而且猴子覺得「挖螺肉」這動作好玩兼

今天和同學聚餐兼團年，大家都異口同聲地選了去Playt 吃午市自助餐，因為之前來吃過，印象很不錯。我們專程早一點到來，因為要親未開始時，拍拍食物照留念。到了十二點，便開始可以拿食物了。嘩！真的花多眼亂，唯有每樣都試一點，吃了熱葷、凍海鮮、沙律、刺身、羊扒，當然還少不了甜品、雪糕及水果，最後還有一杯餐茶。我就最like 凍海鮮、刺身及自家製的雪糕，凍海鮮鮮甜，刺身夠曬新鮮，而雪糕味道夠特色，整體來說，食物味道美味，招呼好，坐得舒服，真是最佳的聚餐首選啊！

今日 慶祝朋友生日 ， 訂了柏寧酒店食自助餐， 已經來過好多次了， 覺得價錢ok還有信用卡優惠一早預訂了， 好開心給了近窗的位置， 今日人不算太多當然首先非份去的是必吃的生蠔。 只是排了五六個人， 每次只能取兩隻， 今日啲生蠔非常新鮮， 還有海水的咸味， 不過略嫌他比較細隻( 其實食過幾次都係比較細隻)今次的生蝦也非常好， 吃完了又再上一盤新的， 以往上一兩盤就沒有了，讚!佢啲燉湯也非常好飲， 今日是淮山杞子螺頭，好甜，飲了2大碗還有波士頓龍蝦長腳蟹 ，蝦，翡翠螺，蟹鉗都好新鮮仲有 法式煎鴨肝.好味， 外脆內 creamy這些海鮮已經ko我已今次冇食雪糕， 他的茅台雪糕也非常美味下次要留肚食

另一半生日飯第五餐，走不了的自助餐，早午餐自助餐(Brunch Buffet) 很多時在早上10-11時開始， 至下3時完結，這裡的，在11:45am 才開始，14:30pm 便完結，比中午自助餐用餐時間只多出15分鐘，食物是豐富，但價錢也相應地提高了，不過最重要是食得開心，況且我們買了會藉，做了會員，有打折！今午有長脚蟹，龍蝦，龍蝦鉗，黑魚子醬，三文魚子，蟹籽 , 香檳，果汁飲任.....頗滿足！現在才知曉這段時間是暗黑聖誕做主題，怪不得蝦餃皮也變為黑色，問廚子，他叫我自己看放在一旁的牌子，原來是竹炭蝦餃，我們還是較喜歡傳統味道！黑松露蘑菇湯，雖濃度不級上次，仍頗有菇香味。黑魚子醬餅乾，共吃了3片，一點也沒魚腥味。長脚蟹肉嫩不過鹹，好味，龍蝦有咬口，肉不會霉。這裡的中菜小炒雖油份略多，即炒即吃，味道彼不錯的。魚生鮮甜，壽司也可以。沙律菜新鮮，喜歡伴煙三文魚一起吃。甜品種類多，自家製雪糕加在班戟中吃，美味。

餐廳的環境十分舒適，樓底不高，但開揚的裝修令場景沒太多壓迫感。這次去食的是星期日的brunch buffet, 用餐時間約兩個半小時。一開始拿了一碟滿滿的海鮮，款式算多，新鮮度也可。最有驚喜的是海蝦，十分鮮甜，但藍青口相對失色，肉很小，且不太飽滿。第二輪轉攻刺身，帶子刺身有少許不新鮮，也沒有甜味，但其他刺身都很不錯，三文魚也是高水準的。其他熟食都烹調用心，除了中式熱盤較普通(給遊客食的)，其他菜式都做得非常滿意。最後重點是甜品，強烈推介茅台味雪糕。還有任食的macaron和蛋糕。macaron不錯，不會過甜，曲奇也值得一試。整體相當滿意！

生日既好西之選喺同事推介下選擇左呢間buffet。個日我地早到左 職員都可以提早安排我地入座 佢安排左我地係窗口位坐 個景望住大街食既感覺不錯，入到去第一時間衝左去攞刺身壽司同海鮮，選擇唔算太多，質素都尚算合格，龍蝦都頗為鮮味，可惜既係生蝦冇晒，同埋長腳蟹既肉唔算太新鮮～到第二輪就轉攻熱盤，都幾多選擇，有咖哩有燒物又有薄餅，質素都唔錯，但唔係太夠熱。而最出色既就係排晒隊既鵝肝多士啦！好香口，入口即溶，滿口既鵝肝味。不過對於唔食太油膩野既我，都係一件起兩件止好啦。另外仲試左中式熱盤，不過不失啦，個燉湯就幾唔錯，好甜好入味又唔會膩，飲完仲想飲多碗。最後最重要既當然係甜品啦！呢度有Gelato雪糕，佢有m&m味、朱古力味等等.. 我地每樣都試左一球，每隻味好好味！除左男友兩都話要試既茅台味之外 其實都100分☺️除左雪糕 仲有梳乎厘同埋好多唔同款既蛋糕！有我最中意既cheese cake!!! 仲有朱古力噴泉、朱古力、gummy bear比小朋友選擇👍🏻

侍應態度比較差，有點散慢， 埋單的時候提及過要收據，但係唔記得咗。遞餐飲的時候，只係就咁隨意放低就算， 我想酒店的服務態度不應如此。食物種類都算多，但係真係好食的就不是太多。我多數攞燒物，燒菠蘿好甜，豬頸肉都可以入口， 秋刀魚中伏了，味道很腥，魚肉又鞋， 牛脷勁羶，煙肉金菇好多油，而煙肉過哂氣， 以為係日式小丸子，原來係魚蛋。鰻魚飯好食，鰻魚冇骨，夠熱呢part冇試辣魷魚味道不錯炸雞我只試左加柚子醬，雞肉都滑好快停左手，轉攻甜品茅台雪糕有少許酒味，不過食左之後都唔會醉有幾款我覺得幾好食，紫薯撻和杏仁撻，唔會太甜

今日本小姐生日朋友就強烈推介左呢間自助餐比我好耐無試過二人撐枱腳食buffet 喇 一定要揀間最好作為生蠔既fans 我就一定揀間酒店係有幾款蠔食既一入去就即刻衝去生蠔區已經有人開始排隊喇 有工作人員即場開生蠔唔係果啲放喺度任人拎既生蠔感覺上係公平啲同即開即食 同其他地方唔一樣熟食同甜品都好多選擇好耐無見過咁多選擇既自助餐喇好抵讚呀真係雪糕方面竟然唔係啲大牌子既獨立包裝雪糕 而係自家制既gelato D味道仲要好特別竟然有茅台味雪糕🍦又意外地好食喎大家紀念日可以一試呀

上次同朋友食左間中伏海鮮蒸氣火鍋之後，今次帶朋友去食buffet 佢都好淆底！不過呢次係我第二次食，亦都係因為食過返尋味所以先黎！ 上次係食週末自助午餐，食物當然多啲啦，但平日食價錢又優惠啲，網上訂位有8折！ 海鮮有翡翠螺，蝦，青口，蟹鉗刺身有三文魚，吞拿魚，八爪魚，希靈魚仲有點心，沙律，炸物，壽司，牛肉，湯麵，好大舊好新鮮既生果，好似有6款雪榚！朋友食左好多馬卡龍！啲甜品味道同size 非常適中！ 每人一杯餐飲，熱檸蜜，係獨立一樽仔蜜糖黎架！ 服務幾好，經常加水收碟不過下次我會選擇返週末食，因為有龍蝦食

今天超級颱風山竹來襲，風力不停撞擊我家的窗戶，嚇得我立即出外，一直也很希望到這家餐廳試試它的brunch，但很難訂到位置，今天就絕沒問題了。在風這個龍蝦魚子醬早午自助餐真的沒有令我失望，更有氣泡酒任飲，原價已經不算貴，再加上信用卡優惠就真的超值！另外龍蝦湯、中式老火湯、海南雞、長腳蟹、日式刺身等等等等都是一絕，最令我意外的就是茅台味的雪糕，外面真的很難找到！窗外面的橫風橫雨跟我們坐在室內休閒地享受着午餐真的是一個很強烈的對比，眼看着外面的大樹一棵一棵地倒下，連街燈都吹彎真的很心痛。。。真的很感謝留守在酒店為旅客服務的每一位員工，真的很值得大家敬佩！