PLAYT 咖啡廳

营业中

休息中

食自助餐我通常都會揀有生蠔食既。雖然我知道自助餐既生蠔大小同生蠔都唔好同出面散叫相比，但既然係任食，緊係揀d有自己鍾意食既野啦😋等左甘耐，終於黎到今晚黎Playt食buffet！一入餐廳，首先會經過食物區，之後先到座位。 食物方面選擇都幾豐富，海鮮就有我岩岩講既生蠔啦，仲有龍蝦、長腳蟹、青口同泰式生蝦。生蠔係即開既，每次每人只可以拎兩隻，今日既生蠔黎自美國同法國。法國生蠔比較薄身，但都好新鮮。佢呢到既ribs質素令我幾驚喜，肉質幾嫩又juicy，而我.....係食左三塊既仲有鵝肝同燉湯都好好味，燉湯就每次一出就會好快比人拎哂嫁喇，之後又要等下一輪。熟食仲有點心，粉，小菜等等，但我就無食到。甜品質素都幾好，opera蛋糕同日式鬆餅好味呀，食左兩件！雪糕係Playt自製，茅台味幾特別，有d似h牌既rum雪糕。今晚用匯豐信用卡仲有折，總括黎講性貨比都幾高。