PizzaExpress (新城市廣場一期)

营业中

休息中

朋友響沙田返工，星期日搵佢食lunch，新城市長期多人，加上星期日，人多到不得了，不過有apps可以搵位方便左好多。揀左呢間好味又坐得舒服嘅pizza express!揀左頭盤麵包球配上蕃茄羅勒肉丸，酸酸地開下胃先。黎呢度不得不食個pizza，揀左個mozzarella cheese嘅什菌pizza，最鍾意呢度D pizza夠薄又脆，一人半個都唔會食唔落。半溶芝士味濃，食完一片又忍唔住再食！另外再叫左個肉醬千層闊麵，厚厚嘅芝士鋪上面，闊麵唔太厚，好味道！

今個星期六約左幾個朋友去食沙田lunch,最後簡左食pizza我地知道星期六一定好多人，所以特登早d去，11:45已經要排隊我地叫左：意式肉丸麵：味道okay,幾特別北京填鴨pizza：本人好喜歡食北京填鴨，所以覺得好好味，有少少辣，配搭幾特別芝士什菌pizza：新推出，好濃芝士味，都幾好食呢個意粉就真係好一般整體來說，食物都okay ，星期六日一定要早d黎排隊

星期日family day出去行街食飯，好彩有down商場apps，電子取飛，取完飛行過去，剛剛好。原本念住食意大利雲吞，點知無，唯有食其他，叫左3個主菜，1個小食。意式焗肉丸，$59goods, 肉醬很好食，不過肉丸就少左D卡邦尼忌廉意粉，$116芝士味較濃，good，不過.......碟很大份量少肉醬千層寬麵，$119這個有點失望，肉醬是好食，可我feel唔到這是千層麵，得個一兩塊，仲要燶底美國辣味薄餅，$137我本身也是食得辣的，可這個pizza真的很辣，也是好食的總括可說食物是很好的，除了千層麵，不過份量較少，好彩有叫pizza，上菜速度較慢，不過以中飯來說，其實有點貴

周圍嘅餐廳都限時食1.5小時，而且又想食意粉，唯有嚟pizzaexpress沙田店有2人套餐，唔使諗，就叫它，但免費飲品只限汔水，可加錢飲果汁焗磨菇芝士沾醬磨菇醬一般，丁點蘑菇香味都無，只覺係蘑菇色嘅鹹味醬汁，但好熱，小心食！面包粒ok，好脆，偏硬，本身已充滿面包味，有少少鹹，所以唔點醬汁食都可以主廚精選沙律沙律除咗隻碟好大，份量都好好大，多料：雞肉、豬肘肉、芝士、車厘茄、雞蛋、橄欖....沙律汁另上，讚廚師精選沙律幾好，雖然蔬菜唔算新鮮，但勝在夠多，食唔哂....芝士好淡味，麻麻地；如果唔落沙律汁，就比較淡而無味。皇后薄餅主菜係豬肘肉、蘑菇、橄欖🍕🍕🍕其實套餐嚟講，佢嘅份量係正常size，無縮水，like!!不過，質素就一般般，🍕🍕最正係薄底，底層🍅🍅汁好淡，少少酸鹹味；蘑菇同豬肘肉份量好少，有d位係分唔到，淨食芝士咁。千層面這是另加的，因套餐只得2款意粉揀。其實我覺得呢個有點過燶，但友人覺得ok，照食。味道還可以，但🍅汁係無乜🍅味！内裏嘅料都不足，只有三層，好似食淨意粉，無餸嘅感覺😝總括嚟講，pizzaexpress嘅質素好參差，唔係間間好味，沙田呢間就唔recommended f

係沙田諗食咩都係一件苦惱既事🤔 突然有位朋友話想食有火箭菜料理，即時諗起pizza express🍕晚餐有二人餐同四人餐。。但我地三個人最後計算過價值後選擇左二人餐加多個pizza (諗咁耐其實最後升級下呢樣個樣，價錢同散叫差不多😂）麵包熱辣辣沾上蘑菇芝士醬味道配搭很好蔬菜新鮮，但雞肉較「鞋」，沙律醬不宜落太多，少少已經好濃味皮夠薄夠脆，番茄醬味濃郁配以新鮮火箭菜及火腿，整體感覺很好升級加$25轉白酒煮蟹肉意粉，味道不錯

本身愛吃thin crust pizza，久不久都會光顧pizza express，以為餐牌上可嚐的都嚐過了。這次的地點換了是沙田、飯腳換了是德國藉同事，歐洲人的飲食習慣和口味就為這頓帶來了新意。首先是頭盤。以前和其他朋友一起時怎麼沒有點過風味十足的Antipasti Board呢?! 盤子上的所有肉類例如煙三文魚、風乾火腿、salami等等跟配菜例如火箭菜、青瓜、麵包條的味道非常搭配。唯一不太欣賞的是南瓜醬，也許是因為有點淡口或者質地較粉，個人覺得它的存在沒有與其他食材產生正面的化學作用。接下來是主菜，當然少不了pizza啦! 德藉同事提議點有辣肉腸的，符合條件的有新登場的L'Ape，又說加red onion會很好吃。於是我們就點了這個，走蜜糖加紅洋蔥還要做成薄脆底，因為vera pizza類別本來會比classic的稍為厚底。結果我們的要求全都做對了，效果真的是非常美味!除了食物質素之外，另一驚喜是這裡的員工的服務態度。他們殷勤有禮，溝通能力和英語水平皆良好。唯獨是衛生方面要扣分，同事的酒杯上有疑似唇膏印，需要更換。除此以外，整體上令人很滿意。由步進餐廳門口的一刻直到離開，我們愉快

快捷午餐精選$148· 青菜沙律沙律菜非常之新鮮 好清甜· 焗麵包球焗麵包球外脆內軟 有點像蔴薯波波嘅感覺 一啖一個· 美國薄餅pizza係薄批 最怕食嘅時候好似食餅乾咁 佢又唔會喎 批邊香脆中間香軟 味道唔太溜口 香料無咁多· 咖啡 跟餐加10蚊咖啡一般 還欠小小咖啡香

同男朋友係沙田揾嘢食，當時其實都未到七點，本身想去丼丼屋，點解唔見咗。之後就用咗新城市手機app望下有咩選擇，最後㨂咗間唔算多人等嘅PizzaExpress。手機攞飛，等大約7張1-2人枱，都等咗十幾分鐘，可以接受，之後入枱落單。之前係觀塘個間食過2次，都幾鍾意食，咁諗住呢度食都應該ok啦～睇menu，同之前有啲唔同，同埋冇set叫，睇咗好耐終於㨂咗個四季pizza，waiter話冇晒銀魚乾，其他料會落返多啲。前菜就叫咗焗蘑菇芝士沾醬同埋香酥魷魚圈。香酥魷魚圈好食～魷魚易咬！唔係雪櫃嘢～跟沙律醬非常合拍！焗蘑菇芝士沾醬配麵包仔，沾醬非常香而不膩！四季pizza到，但無我係觀塘食咁好食，相對好一般。意粉我地叫咗蟹肉白酒汁意粉，碟邊跟咗舊檸檬，檸檬汁同成個意粉好夾，雖則個意粉咁淺色，但居然係辣嘅，我唔食得辣都覺得好好食，因為配白酒加埋檸汁成個意粉好香好清新～！大部份食物都滿意嘅，係個pizza爭啲，同埋啲侍應太忙，加水都要主動叫同埋要等，但好在佢地有好有禮貌，呢樣抵讚！

12-5-2016 (Thur)晏晝,同二嫂會合都o黎幫手o既大嫂食個tea先,佢o地就我,我想食pizza,於是o黎呢間.我o地揀o左$138.00o既快捷午餐o既二人餐,頭盤三選二,主菜八選一,包兩杯汽水,轉果汁要加$10.00,同另叫一個$59.00o既小食－清新之吻.由於得兩杯o野飲,二嫂話唔飲,大嫂就要橙汁,我要汽水.落完單,好快,頭盤之一o既青菜沙律到o黎,由於我唔食得,所以由兩位亞嫂食晒.呢個有青瓜,沙律菜同車厘茹,我冇問佢o地點,應該OK啦,大嫂都冇comment.等o左一陣,另一個頭盤－清新南瓜蓉薄荷沾醬同小食一齊到,我先吃後者清新之吻.清新之吻o係menu介紹以麵糰釀入羅勒香草醬和軟芝士,伴以乾番茄香草醬.我又先唔蘸乾番茄香草醬食,羅勒香草味濃,如果蘸蘸乾番茄香草醬食,就中和o左羅勒香草o既味道,都幾OK o既.而清新南瓜蓉薄荷沾醬呢,menu又介紹話以蒜蓉,辣椒,橄欖油及松子仁伴成幻滑沾醬,配以佢o地o既招牌麵包球.我覺得招牌麵包球就係冇加入釀入羅勒香草醬和軟芝士o既麵糰,完全冇味;蘸佢o地介紹得咁精彩o既南瓜醬食,毫無驚喜,就只有甜南瓜o既味道吧,而口感係幼滑o

最最最喜歡這裡的新鮮焗麵包☺️軟軟的😍叫一客就有9小個麵包波波我最愛的香草醬，真係一個人吃一碟都ok其餘有蕃茄同牛油，麵包的最佳配搭👍🏻今晚三人晚餐唔話就太餓就點左個二人餐再加麵包波同一個蝴蝶粉點呢個意式野菌蝴蝶粉，好香👏🏻有點似黑松露嘅味道😌二人餐都幾唔錯$289 有一個頭盤，一個沙律，一個pizza，兩杯野飲而今日至到30號只要著間條衫or褲就可以有一支免費啤酒，剛好我今天就是😎😎😎益左我姐夫😏

鮮果奶油蛋白餅，pavlova外表吸引，切開內層香脆，有口感，蛋白餅偏甜，但配上水果和酸酸的熱情果茸，平衡番蛋白餅的甜，比較特別的甜品比較大個，適合多人分享至於pizzza,瑪嘉麗塔皇后薄餅芝士少左d(可以加錢配多d芝士)，蕃茄味重，薄餅皮，有口感忌廉肉腸薄餅，本身材料偏淡，但配上火箭菜(有香草的味道)，增加pizza香味煙三文鱼配青瓜沾醬(三文鱼味道咸，配上鬆軟麵包球，平衡左d咸味)焗磨菇(焗得剛好，不乾身，味道吸引，值得再試！)薯仔湯，味道好清新蕃茄長通粉(蕃茄味特出)沙律(加左火箭菜)，味道特出蔬菜的味道服務殷勤，出菜快，自動添加餐飲贊！

沙田呢間第一次黎~ 原來宜家仲可網上 book 位添~ 方便😎 Ham and egg 點麵包粒食~ four season pizza 樣樣可試 d👍🏻 pizza 鬆軟好味🍕 做緊十五周年推廣穿間條衫有 beer 送🍻 好想好想食菠菜芝士麵架~ 到 order 時先知賣晒😞 其實入座前應該告知麻~ 其他意粉又唔吸引~ 唯有改點焗蘑菇~ 蘑菇好香好好味~ 沾埋呢兩款醬汁食 yummy yummy~ 但又係跟麵包條😅😅 另外員工做野都幾勤快👍🏻👍🏻

因為要練單車和跑步所以最近常常出入沙田，早幾天在網上與沙田素友談起才發現沙田的素食選擇不多，Pizza Express是難得其中一個非素店而提供素食的選擇。這天沒有吃午飯就趕去上單車課，下課後當然很餓要找好東西吃。因為第二天有長跑賽，要吃多點碳水化合物，我隨即想起可以吃薄餅。位於沙田新城市廣場地下的Pizza Express是半開放式的餐廳，店子燈光頗暗（這是情調吧，我這人就是不懂浪慢！），下午五時多，店舖只是兩成滿。店裡的餐牌就有註明有素食餐牌，於是我問侍應，原來就是在主餐牌的最後一頁。這店素食選擇有很多，頭盤、沙律、意粉、薄餅均有，亦窩心的提示它們是選用素食芝而且亦可以選擇不要芝士（因全素人士不吃芝士的），即使是前幾頁的正常餐牌包括甜品亦有註明是否素食和有否含有果仁。我早已聽聞這兒有辣素牛肉薄餅，這次可以說是專程為這個而來，雖然我一個人一定吃不下整個12吋薄餅，但總要吃點蔬菜，於是我又點了個前菜份量的青菜沙律。大概5-8分鐘左右，我的青菜沙律已端上來，看到一大堆白色醬汁就感覺有點「中伏」，再看一次餐牌，原來青菜沙律是沒有註明是用甚麼沙律醬汁，而自己亦大意沒有留意，我自己不愛吃太多醬

今晚同朋友仔開飯， 原本想食上海野， 但永遠排長籠， 唯有轉戰其他地方， 沙田選擇多， 唔怕無飯開既， 最後因為唔洗等就揀左pizza expressorder左個2人set雞肉沙律: 新鮮份量夠唔記得左個名: 初初以為係小吃， 嚟到都嚇左一跳， 但食落又唔錯， 個藩茄他他酸酸辣辣， 幾醒胃水牛芝士pizza: 清清地既一個pizza, 食落唔heavy, 但此終之前個"小吃"太飽， 呢個pizza只食了一半， 一半打包左另外跟set order ice lemon tea係無限添飲， 唔錯， 同朋友坐底傾計食野， 夠晒飲overall食物質素都ok, 好過成日食c一間"開心時刻"果一間

星期六晚飯時間，新城市廣場的餐廳排隊人潮…… (你懂的)，是次PizzaExpress 較先有位。一行三人都認為聖誕套餐挺吸引，那就試試吧。頭盤選了「意式凍肉拼盤」，需另加$50，有Parma Ham、辣肉腸、煙三文魚、黑橄欖及火箭菜、南瓜醬及麵包棒。豐富的前菜全都開胃美味，個人最喜歡以煙三文魚配火箭菜及麵包棒同吃!主菜是「阿爾巴薄餅」及「海鮮千層寬麵」，薄餅材料包括辣肉腸、忌廉芝士及巴馬臣芝士，餅底煙韌有嚼勁，餅邊香脆可口。只是辣肉腸和忌廉芝士的配搭有種挺濃膩的感覺，要加入拼盤內的火箭菜平衡一下。千層寬麵，香濃而惹味，略嫌麵皮較薄而且份量小。甜品為「鮮果奶油蛋白餅」，外表硬脆，內裏鬆化而不甜膩，伴以芒果、奇異果、火龍果及藍梅加添清新。