PizzaExpress (新城市廣場一期)

营业中

休息中

今日好難得咁約到H小姐同W小紅出黎食飯,諗住揾個舒服D 既地方食晚飯。而係沙田新城市,假期前夕七點後,係超難「揾食」!食咩都好,開左個APPS 攞位先!所以今次我地都一次過攞左兩間,最後pizza express 成功以20張枱快過頂泰豐贏出!但其實已經等左30分鐘.......好喇,入到去...第一件事...張枱好污漕.....仕應抹完一次....仍有漬....算啦...都叫抹左.......之後,打開MENU,我地好快就叫到想食咩~但仕應亦好快咁同我地講:「用餐時間只有個半鐘」突然想講:香港人,食餐飯都要快....唉~算,落單啦!叫左3樣野....點知佢出菜速度超驚人!可能佢用左叮噹既「時間停止器」啦~如果唔係,點可以由落單到上菜5分鐘都無就上左個意粉?我一擺隻手係碟邊..只係暖暖地....好明顯係「由於時間關係,一早預備好!」...海鮮意係好蝦囉...同埋好橄欖油...橄欖油多既程度係...似油浸~當然,梗係會有人同我講:你識咩丫!西餐係咁咖!橄欖油健康呀!但唔好意思,我叫既唔係油浸意粉....同埋一個只有微暖既意粉,完完全全引起唔到我食欲LO!...之後,蒜蓉芝士蟹肉焗薄餅同風

星期六晚沙田好多人，我知等位等15-20分鐘，OK7點入到去坐，落單，2個前菜一個pizza真係坐到8點都剩係來左2個前菜等咁耐，叫佢跟跟啦個waiter轉個頭又無左件事個pizza係漏左定整緊都唔同我講嬲嬲地埋單走...佢地竟然混然不知個pizza未到，仲寫落張單度我同佢地講等左成個鐘都唔來，要取消佢地先識得唔好意思貴夾唔抵，人多嘈雜，仲要咁既服務除非你大把時間又或者你真係好欣賞佢地D野食如果唔係咪試，盞自己受氣

新年流流~約左班粉絲去開個年先~一直覺得沙田區好多人, 所以比較少去,今次有粉絲介紹呢間店~就黎試下!!第一次黎呢到~覺得環境尚自舒服,坐位係迫左少少,但唔會太過份~!同隔離枱仲有少少距離,我地叫左個南瓜湯,一個批一個角批,一客蝴蝶粉同兩個沙律南瓜湯, - 好香的南瓜味,帶點輕輕的忌廉,,唔算太結,連隨住相信係自家製的面包,相當唔錯,薄餅 – 火腿份量比想像中多,簡單清新又好味角批, - 意外之作,初頭得個名冇相睇,大家搏一搏,黎到都唔錯,好似一隻大角仔,入面包住薄餅饀,外層啱啱焗起脆卜卜,D饀熱辣辣,切落去有D想醬爆出黎的感覺~則邊仲有D沙律菜伴住~正~!!牛油果鷄肉沙律 & 羊奶乳酪沙律 – 感覺刻意地用左唔同的沙律菜做主菜,配以唔同的醬汁,令人唔會有重複的感覺,D菜好新鮮冇黃葉,配料份量大小適中, 至少知道自己食緊乜野先行!!肉丸蝴蝶粉 – 一上枱我地都覺得好貨不對辦,碟大大份量少少,我地同服務員查問過,佢回答這正係我地點的蝴蝶粉,OK..既然佢咁講,我地都冇話可說,食味道係唔錯,有少少辣味好開胃,但肉丸簡直唔可以話佢係’丸’,就好似係用兩粒正常大細的肉丸一開十咁撈埋D粉就比我地

森林沙律: 新鮮馬蘇里拉芝士、蒜蓉蘑菇及牛油果，想不到的配合，傻仔敏超愛蜜糖芥末沙律醬，甜甜的很清新，伴上的面包又熱又軟，推介。煙三文魚蝴蝶粉: 煙三文魚實在少了點，有點小家子氣。一讚是露筍很爽口，又清甜，刁草汁夠creamy。帕爾馬薄餅: 點了傻仔敏喜愛的傳統餅底，微帶煙韌，又有小麥的香和甜。ricotta 、巴馬臣芝士令愛好芝士的我十分滿足，ham就帶來咸香，多吃兩件都不飽滯。

這是一餐遲來的生日餐兼預早慶祝的情人節餐，選了沙田 PIZZA EXPRESS。二人晚餐為$238，有一個頭盤、一個沙律、一個薄餅或意粉、一客甜品、兩杯飲品，都算划算。頭盤：設好的有蒜蓉包、"PizzaExpress"布斯加達麵包等等，但我們額外加$20，選了薄切三文魚配烤麵包條。烤麵包條又暖又軟，表面有少許黑椒粒，與硬實實的面包相比，我喜歡這個；涼涼的煙三文魚，混著酸豆、特純橄欖油、檸檬、刁草一起吃，增加了層次感，提昇了味道。沙律：選了主廚精選沙律 (雞肉、豬肘肉、芳堤娜芝士及 emmental 芝士、有機雞蛋、橄欖、酸豆、車厘茄、青菜沙律、招牌沙律醬)，貪其材料夠多。好大碟，足夠三人分享，淋上帶酸的沙律醬，很開胃，還有很新鮮的火箭菜沙律菜，蛋肉菜都不缺。想選意粉又想試薄餅，最後兩款都要了﹗海鮮意粉，材料非常的多，蝦肉、蜆肉、青口、魷魚，用了白酒蕃茄醬汁，整個味道不會太酸﹗意粉軟硬適中，不錯﹗卡比拿薄餅，屬羅馬薄餅款式，特徵是餅底更大、更薄、更香脆，可能是因為羊奶芝士的關係，甫放下便嗅到少許羶味，其他配料還有紅菜頭、洋蔥、火箭菜、巴馬臣芝士、香草醬及檸檬。很喜歡薄身的薄餅，以吃材料的

PizzaExpress一直是自己很喜歡的薄餅店，從留學時期死慳死抵儲錢去食，19歲生日點名要食，到近年實習期間與同事去不同分店午膳，到PizzaExpress用餐的體驗盡錄了成長的點滴。交換到巴塞時，得知沙田新城市開了分店，興奮不已。回來數星期，是天終於有機會與媽媽在沙田吃頓午餐，小妹作為薄餅的超級粉絲又怎會把你遺忘呢？沙田分店的午市套餐不論食物或跟餐飲料都比數月前在觀塘店享用的多，相比觀塘店每日提供的四至五個主菜選擇，沙田三類主菜—沙拉、意粉和薄餅總數共有十款，頭盤四款都如此吸引，真教人看得花多眼亂。先上是小妹選的頭盤Bruchetta Italia，麵包微微烘過，上檯時仍餘微溫，脆脆的，包心依然濕潤，茄醬鮮甜，Parmesan芝士的小點聚適量而不喧賓奪主，但亮點卻落在羅勒葉上，新鮮香草的清香令味道昇華，不往在下忍痛捨棄最愛的南瓜湯而選了你呢。媽媽選的煙三文魚拼盤雖然談不上有什麼驚喜，不過份量亦不欺場，有兩大片豐腴油潤的煙三文魚，底層是我倆最喜歡的火箭菜，也不錯。主菜方面媽媽點了煙三文魚蝴蝶粉，意粉煮至Al Dente，是PizzaExpress的一灌水準，唯蝴蝶粉可能不太好掛汁的

今早起身很想食PIZZA.......但又不想自己整~所以決定今晚就在沙田新城市食PIZZA EXPRESS  YEAH!!!! 但5點45到了沙田整個商場都係人......好迫呀!!!之後立即去拿位.....我們只是2個人員!!!怎料!!!仍要等數張枱~~~OH!!!幸好也很快就有位~美食卻慢慢來......首先是「凱撒沙律」材料：巴馬臣芝士、銀魚柳、羅馬生菜、烘麵包粒、凱撒沙律醬新鮮!味美!   簡簡單單又健康!!!份量適中~~之後~主食「肉醬千層寬麵」材料：肉醬、蘑菇、蕃茄、白汁、巴馬臣芝士嘩!!放上枱時....蕃茄汁仲有滾滾中~~好HOT!!!我超鍾意呀!!!份量不多!味道可口~~蕃茄醬夾寬麵.....不太膩!!再來~「特級瑪嘉麗塔皇后薄餅」材料：水牛芝士、羅勒和San Marzano蕃茄醬製成的皇后薄餅一看到PIZZA很大個!非常擔心食不完~怎料!!餅底薄薄脆口~~芝士味不太濃~清清淡淡~~不知不覺間我已食左三件!!哈哈!!真係好好味道!!仲有好多PIZZA想試下~下次會再來~不過一定會用新城市的APPS去BOOK位~方便快捷好多!!可惜~好像沒有士甜品!!很想食呀!!

菁菁初為人母水太太和奧莉花約她到沙田新城市廣場吃午飯然後到她家中探bb我們選了pizza express午餐比較抵食行政午餐$68頭盤選了南瓜湯賣相非常漂亮配有一條件長長又軟軟的面包包包確是美味南瓜湯感覺有點味精有南瓜渣宰影響口感但味道都不錯主菜是煙三文魚蝴蝶粉配叼草汁蝴蝶粉煮得有少許硬汁料味道頗佳煙三文魚沒有特別配沙律蠻清新的荔枝茉莉花茶原以為會是有鮮乾花的可惜原來只是茶包味道始終不及乾花茶葉沖出來的

We arrived at New Town Plaza around 2:30pm, and wanting to have a late lunch with a friend....so here we are at pizza express~ We waited 10 mins for the table, the waiter give us a table close to the door, then i sat down with my baby until the friend n my hubby.  They serve us no menu or water until half way into our meal!!! We ordered a pizza, a Lasagna and a cream sauce pasta. With the price of over $100+ for each dish, i'd expect a little more than the portion they dish out...Of course end u

上次行沙田見PizzaExpress仲裝修緊已經好期待~因為係又一城食過有水準連鎖式食店應該都唔差得太遠既~我地點個"主廚精選沙律"食材有雞肉..豬肘肉..芳堤娜芝士及 emmental 芝士仲有有機雞蛋..橄欖..酸豆..車厘茄..青菜沙律..招牌沙律醬沙律食材全部都好新鮮~沙律菜伴上雞肉..豬肘肉及芝士粒清新中又帶鹹肉感~加入酸豆又好開胃而沙律醬汁味道平和..整體配搭好好"烤麵包條"..味道好香脆~口感外脆內半軟帶彈性好似食烤包既感覺..非常美味因為唔想食有肉既pizza+勁想食芝士~所以點個"四色芝士薄餅"餡料有馬蘇里拉芝士、意大利藍芝士、芳堤娜芝士、emmental 芝士批底超薄..芝士料下層伴番茄醬料~有酸茄又帶淡鹹香芝士味批底烘得好香脆..由其邊位~味道帶少少鹹..好正"海鮮意粉"食材有蝦肉..蜆肉..青口..魷魚..白酒蕃茄醬汁海鮮料新鮮..蝦仁彈牙~但醬汁比較淡身..唔夠豐富(沒乜茄味)意粉軟硬度適中~整體食物都好唔錯..服務亦好有禮貌呢

PizzaExpress近年在港已越開越多，今次終於開在自己住的社區當然開心，不用搭車或過海就可近腳地享受、朋友口中的美味餐廳很是心急、靜俏俏告訴大家‥我是從來未嚐試過PizzaExpress呀! 滿帶盼望之心．． 他們之午餐供應時間頗長、星期一至五(12:00-5:00pm)分別有輕盈午餐/及行政午餐(兩款)輕盈午餐包括 主菜+飲品$56.)行政午餐  頭盤+主菜+飲品$68.)另加一服務論價錢亦尚算合理頭盤選擇了煙三文魚拼盤小小一份煙三文魚內，面層用上紅洋葱、橄欖油、檸檬、刁草做餡汁而成酸甜當中又帶有絲絲洋葱氣息、底層全放上新鮮之火箭菜火箭菜擁有着獨有氣味，混和上餡料同吃、份外滋味餐飲要上檸檬梳打簡簡單單，足夠氣泡浸浴上檸檬片、冰凍而不帶甜確實可清清味蕾主菜方面有pizza亦可選擇意粉個人對意粉的熱愛始終比薄餅為強．．叫上套餐之香辣蒜蓉意粉，沒有肉類之意粉、當然要香和濃味才算出色可惜．．香氣沒有、辣度全無、咸度欠奉的意粉，當然還有乾得要命之口感簡直把我從夢想帶回現實，個人很少要上廚房更換食物、但．吃上一口，兩秒間已按耐不住高舉單手，告知情況 最終約在10分鐘，再送上一碟於

因為順道到沙田, 在openrice 知道pizza express 有分店於新城市, 便在網上訂位, 所以沒有等多久便可入座。因為太匆忙, 只點了一個 peking duck pizza, 與友人分享。朋友評價: 醬汁似片皮鴨, 夠味道。另外, 葱絲為pizza 增添清爽的感覺。飲品方面, 有些是無限添飲, 故不算太貴。侍應的態度不錯。整體而言, 值得下次花多些時間去品味。