PizzaExpress (已搬遷) 新店位置

8月下旬，是朋友們生日的旺季，打頭陣是死黨C小姐。主角想食意大利菜，而我食過中環店，水質不錯，所以今次提議尖咀店，方便大家。焗蘑菇-唔夠熱，又唔夠香。意大利生菜沙律-只有蕃茄、生菜、mozzarella、橄欖等配以香草汁，味道清新。牛油果雞肉沙律-都是一般的沙律材料，特別在於所謂"Pizzaexpress"招牌沙律汁，醬汁味道濃郁，可惜過份的多。Carbonara薄餅-carbonara的pasta食得多，第一次食薄餅。原來carbonara醬汁配薄餅，效果唔錯，兩者好匹配，又濃又香，唔會太溜。餅底又薄又脆，可借焗得過火少少，餅底有點燒黑。意大利傳統薄餅-是我好喜歡食的薄餅，勝在究簡單，不用太多花巧，只有mozzarella、蕃茄、蘑菇等材料。但呢個芝士過重，食一件已有點膩。而且餅底好腍，唔夠脆，與Carbonara的脆底差好遠。牛肉千層潤麵-有肉醬、芝士，還有薯蓉，雖然味道濃厚，但是好膩的一道菜。甜品叫了四款5個人分有：貴族意大利蛋糕-細細粒的brownie配以雲呢拿雪榚，再淋上朱古力醬，真係岩晒我鍾意食朱古力的人，我鍾意佢朱古力夠濃，唔會太甜。朱古力蛋糕-雖然蛋香夠鬆軟，但比以上的

週末去Pizza Express食.不知不覺食左好多芝士。首先一個四色芝士焗飽，大大個.兩個人食好唔錯. 芝士香濃.再來一個SALAD. 其實一直都覺得PE伴沙律既飽好好食.只係一個農村沙律. 番茄等樣樣料都好足.不似某些餐廳往往生菜遠多於其他材料。主打既pizza..已經唔太記得。不過值得一試既係dessert -- banana tart.非常香!再加cream cheese o係面.$45.抵食啦!!覺得美中不足既係Pizza Express d 檯真係太太太細.而佢用既碟又太太太大.成檯爆晒.作為一間有返咁上下既餐廳..依一樣野真係需要改善下。另外就係...同場既顧客好似有幾檯都係三五好友聚舊..嚴重地嘈. 真係大殺風景..而且不時有閃光燈閃..真係d野食再好都未算係最佳享受。

特地係avril concert 前食個full tea佢地無tea set所以真係叫晚餐我地點左:Cannelloni-好好味感覺唔heavy但好滿足菠菜料好夠同d番茄醬酸酸地咁好好食芝士又香可以一試Capricciosa alla romaa pizza--D配料好MATCH,食左又係唔覺HEAVY有小小乾身唔夠脆,但D味道都OK突然好想去意大利

今次簡去左尖沙咀亞士厘道既Pizza Express。係我第一次到Pizza Express 食野!! 當去到既感覺就係.....環境好舒服, 乾淨! 仲有, 我好like 佢個藍色花樽呀。我知道假期會好多人架!! 不過, 今次我地冇訂位或可能是星期一關係, 所以唔係太多人呢! 不過, 真係訂定位會穩陣的囉!! 咁….我地食左咩呢:- 1) 黑松露Pizza - 新口味! 個餅底好脆, 好香!! 好好味! 2) 北京填鴨沙律- 又係新口味!! 唔好以為因為北京填鴨會好似怪怪地! 佢地個汁同的北京填鴨好夾!! 唔肥膩喎!! 仲有, 佢伴碟既麵包仔…熱呼呼!! 好好味喎!! 3) 焗磨菇麵包x 2- 這個真係我既No. 1推介。未食…個香味已經飄埋來! 原本我以為係一粒細細粒釀左野果種!! 放上檯先知係一個大磨菇釀入餡料再焗。不過, 完全唔覺得佢乾, 反而好juicy。哈哈…我地今次已經Encore左, 叫左2次啦!! 因為真係好好好好味呢!!

因為落大雨, 就入佐黎, 本身唔太餓, 所以只叫佐一個雞肉凱撒沙律(主菜size)$98+10%就當一餐, 隔離檯叫既沙律係starter size, 但碟野同我一樣大, 神奇個沙律都幾好味, 仲有幾個飽仔, 有淡淡既芝士味, 唔錯, 一個女仔食晒碟野, 原來真係幾飽, 好彩冇叫小食, 下次都係搵多幾個朋友黎, 一個人真係好難叫野食其實食一個沙律$108, 都算幾貴我坐低冇幾耐, 侍應就俾佐杯有半片檸檬既水我, 我見其他人檯面都有, 所以係冇下面食評講既問題, 我估佢地係言語上既誤會

星期六黎pizza express俱lunch, 竟然無咩人, 都幾冷清環境唔錯, 地方寬落, 食物味道同質素更是very good!! Baked Mushrooms - 雖然好多人讚, 但個人就覺得一般而已, 只可以話麵包仔好cute咁囉Capricciosa alla romana pizza - 好味, 底好脆Cannelloni - 我係闊麵迷, 呢個真係非常好食! 香濃而不膩, 食完好想再好叫多碟呢食過pizza express, 相信唔會再去pizza hut...個度食野lu

星期六約左dfd係呢間野食飯, 我地叫左兩個沙律, 兩個pizza. 叫野飲時得檸檬茶先有refill, 其他冇. 而且一杯水都要收錢. 邊有餐廳咁架.d野食黎到, 個沙律真係真真地, 好酸. 即連我呢d咁垃圾口既人都覺得麻麻...之後黎左2個pizza, 叫左個咩鴨pizza, 超咸.好重味...跟住仲有個唔知咩pizza, 又係難食. 我杯凍檸茶, 超多冰...之後試下d雪糕...不過我覺得都係太甜....總結呢個野完全唔掂. 埋單都要800蚊..crazy!

食過中環同太古城既Pizza Express, 覺得好普通. 今次試下尖沙咀呢間.三個人叫左一個忌簾南瓜湯, 焗蘑菇, 三文魚長通粉, 蘑菇雲吞同一個北京烤鴨pizza.忌簾南瓜湯太稀, 但味道還好. 比較欣賞伴碟o既三個麵包仔.焗蘑菇係一個幾好既前菜, 清清地, 但亦因為o甘, 覺得佢其實除左買左d新鮮蘑菇,加左d芝士,然後o羅去焗外, 基本上係冇功夫可言...同碟亦有六個伴湯既麵包仔.主菜方面, 最初以為最危險既應該係北京烤鴨pizza, 因為好似九唔答八o甘, 但係點知都幾好食. 個pizza底同其他材料都恰到好處. 另外既三文魚長通粉同蘑菇雲吞出奇地一d 都唔好食. 個三文魚長通粉唔夠味, 三文魚又少, 汁又少. 個蘑菇雲吞簡直恐怖, 一pat野o甘! d醬汁本身已經好傑, 仲要煮到個雲吞lam晒, 完全食唔到係pasta, 都唔知食乜!!!最後忍唔住叫o左個chocolate fudge cake. 個cake 好軟, 亦好熱, 襯埋個vanilla ice-cream 好正! 不過!! 本人曾經o係百佳買o左一盒朱古力蛋糕粉返屋企, 然後用電飯煲整蛋糕. o個舊同呢舊係一模

前幾日同朋友行完尖咀搵晚飯食,由於佢地唔想食日本野同埋印度野,所以就去左Pizza Express,我本身都唔係好提議去呢度食,因為我平時去中環branch我一向都覺d坐得唔舒服,而且我上兩次同朋友去食都係係二樓,有live band係我地隔籬,嘈到拆天咁跟本傾唔到計,要好似街市咁講野為乜呢!?但尖咀呢度我個人認為呢度同樣既食物質素, 賣相同服務好過中環,而且坐得舒服好多,staff好有禮貌。是次我地三個人叫左一個soho pizza,一個seafood pizza, 一個凱撒沙律,一個菇baked,2個杯ot同幾杯紅酒,埋單$560幾,下次可以再黎。

我就來過幾次，男友就第一次來。拒都覺得唔錯。我地要0左個Salade Nicoise “PizzaExpress”沙律同一個Quattro Carni 薄餅。間餐廳好多人，我地走既是後大概8pm，已經全場full灑，其中有3份1 系外國人。我特別中意食呢度既沙律，完完全全系外國口味，一的都無加入local 口味，所以好original。拒地仲有的homemade dough 畔碟，好新鮮，熱辣辣，好好味。我地叫服務生上完沙律至上薄餅，所以食薄餅時，個薄餅仲系熱辣辣。本人來講就覺得薄餅無0羊特別。旁邊張台果3個外國人，一人要一個，好厲害。http://www.pizzaexpress.com.hk/

原本女友想去中環那間，但係得返bar table，於是在尖沙咀走走，怎料在亞士厘道搵到同一餐廳Pizza Express，當然不會錯過。過往經驗，叫了一個pizza，再叫意粉通常也吃唔哂。所以除了意式雜肉薄餅外，只點了個焗磨菇。焗磨菇很好吃，麵包也很甘脆，但份量偏少，多人吃就唔夠。Pizza餅底好脆口，辣肉香口，喜歡這種辣辣地的感覺，唔錯唔錯。環境算嘈，加上附近有個女人耐唔耐就大叫，奇！同埋坐在廁所前，不理想。男廁奇細，使用時剛巧又有幾位鬼籍朋友使用，轉身也困難。服務一般～，成日加水。九個月啦！

很喜歡這裡的Lasagne. 自己覺得Lasagne要弄得好吃, 不容易.要保留外層不太乾, 而且要軟, 裡面的醬料和乾酪又可能不夠熱..要每一層都溫度夠, 而且要醬跟乾酪完全溶化在內層, 外皮又會因為烘太久而硬了.這裡的Lasagne做的很好! 每一次來都要叫.

因為妹妹介紹，所以試下。妹妹話中環分店氣氛比較似library，好似我地呢類人，講野大聲的可以選擇尖沙咀呢間，因為呢度氣氛比較輕鬆。尋晚七點鐘，一早book好枱，入到去，都不算嘈，食客都好斯文，人算多，一定要reserve先。環境唔錯，但serve我地嘅waiter就有少少傲慢，其他嘅waitress都ok啦，有位waitress係唔識中文要講英文，但佢就最細心。食物嘞，我地5個人叫左一個焗蘑菇、尼斯salad、燒雞肉Pizza、芝士菠菜麵卷。最早嚟係salad，伴碟有麵包仔，麵包仔幾好食喎，焗蘑菇都有配麵包仔，但我地個個都覺得好好食所以後來加一個焗麵包仔。佢地嘅麵包仔配有香草汁同蕃茄汁，淨麵包仔嗰碟仲配埋牛油一共3款醬汁比食客點嚟食，三種汁都好好味，唔點醬都好好味。Pizza同Salad味道OK，芝士菠菜麵卷芝士味好夠，喜歡cheese嘅會鍾意，但份量就比較少。後來我地又加多一個焗茄子，焗茄子用cheese加茄汁焗，一般啦。最後叫左3款甜品，有Tiramisu、鮮莓果批、同朱古力蛋糕。Tiramisu最ok；鮮莓果批嘅strawberries好sour，但好在佢有vanilla ic

上星期我同一班朋友去晚飯,一入到去由個講英文既男服務員serve我地, 因為我地都未想到要飲d咩, 咪叫佢比ice water比我地先,但係等左好耐都未有, 後來仲要吹左佢地兩次先有~~叫野食既時候佢仲好黑口黑面咁好似吾多願咁..仲有成日我地仲未食完就想收野, 但係店內又吾係咁多人,真係d serve 要改善一吓~~野食方面都ok啦,反而d pizza 冇我想像中咁好食, 係個燒鴨pizza最好味,磨菇配麵包都ok既,但係牛肉千層麵同波菜意粉卷就一般啦!!不過有一樣野一定要食,就係個甜品" chocolate fudge cake " 仲要係warm個隻, 真係好好味,朱古力味好濃,又吾會不太甜,呢個warm既chocolate fudge cake 配個好cool 既ice-cream一同吃, 真係一流~~

連續幾日的生日飯，食到我肚滿腸肥。今晚同家人慶祝，我揀了pizza。訂了枱唔駛等，四女兩男叫了雞肉凱撒沙律﹑焗磨菇﹑北京鴨薄餅﹑皇后薄餅﹑牛肉千層麵及波菜意粉卷。Pizza不是太特別，個人反而喜歡焗磨菇配麵包仔。甜品要了chocolate fudge cake 和gelato，芝麻味麻麻地。