PizzaExpress (已搬遷) 新店位置

一入到去, 無人招呼,咁我求其找個waiter, 講英文的, 叫我等等,之後一陣先有個講廣東話o既女仔黎, 因為我無book位, 就叫我等15min,同留低contact, 佢10min 後就打俾我一入到去, 佈置不錯, 如果唔係咁嘈, 應該係幾有情調o既餐廳睇緊餐牌o既時候我地叫個waiter "針"水waiter話: um...你地要有氣定無氣o既水?我: 我地要水, 唔要有氣o個dwaiter話: um...咁我轉頭幫你地開枝礦泉水啦我: 我地要普通水得喇waiter話: 哦...你地想要hot water...後來睇餐牌, 礦泉水$25, 有氣礦泉水$50..."針"水好正常喎, 唔係要普通開水就睇唔起人呱!叫左牛肉千層闊麵$9x, 燒雞肉薄餅$10x,凍檸茶(unlimited refill) $25牛肉千層闊麵好食喎! 好鍾意個汁, 夠茄味燒雞肉薄餅就無乜特別, 係薄的那種不過其中一種配料- 紅甜椒, 就好正(個人喜好)甜得來, 有少少辣, 少少酸, 令pizza唔會"漏"一男一女份量剛好

嗰日下午2點幾, 餐廳只係得2抬人, 見menu 仲有'Set Lunch' :Soup/Salad + Pizza/Pasta + Dessert 都係$75, 要coffee/tea 就加多$10.最重要係個size 同散叫一樣大, Salad 約$50 + Pizza/Pasta 約$100 + Dessert 約$40, 已經超抵啦!Salad 3選1 : 叫左Tonno e Fagioli 同Mixed Leaf Salad ~ d 菜幾新鮮, 沙律汁幾好味.Pizza/Pasta 每款4選1 : 要1個肉醬意粉~ 一般啦+ 1 個Peking Duck pizza (要加多$10) ~ 效果出嚟幾特別, 又唔肥膩, 批底唔淋且薄, 可以一試!Dessert : Chocolate Cake ~ 無特別.我哋仲叫多個千層麵~ 牛肉味勁濃,好好味!d Pizza 都幾正宗, 比California Pizza Kitchen 還好!

想試哩度好耐，同朋友仔補番生日飯，佢又想食，所以可以試lu。四個人叫︰雞肉凱撒沙律- 好味，個包仔都好味芝士菠菜麵卷- 餡好creamy，完全食唔出係菠菜(本身唔鍾意食菠菜)，好好味西西里薄餅- 都幾好味tiramisu - 好好味，手指餅充滿咖啡，自家制係好味0既服務唔錯，加水快，有禮貌，走時個菲籍女侍應仲笑晒口講thanks you，有機會再去過

上星期五同朋友去行街，原本想食Habitu既，不過個Hostress又樣衰衰咁，黑口黑面，結果決定轉戰Ashley Road，黎左呢間。我地兩個人點左Cheese Platter同埋Sloppy Giuseppe Pizza。Cheese Platter o個四款芝士既味道整體都唔係太濃烈，個人最鍾意cream cheese。作為配菜既麵包球都好好食ga，好軟熟，配埋牛油同芝士一齊食，真係唔錯。Sloppy Giuseppe有一層薄薄既碎牛肉醬，鹹鹹地又辣辣地咁，再加埋茄膏既酸咪咪，味覺好豐富喔！不過鍾意食芝士既人就可能會嫌佢唔夠芝喇。薄餅本身都好好食ga，個邊好香脆，但係裡面又唔會話難咬開喎。侍應們都幾friendly幾好笑容。不過可能因為太多客啦，佢地個個都好似好忙咁，不過都尚算helpful既。同埋佢地好似真係對外國客好D ga喎....

之前d同事話Pizza Express d pizza 好好味, 一直都未有機會去試. 尖沙咀分店開左之後, 終於有得食喇! 不過都唔係真係咁好味o者! 我同男友叫左一個三文魚pizza同埋意大利雲吞. pizza都ok, 雲吞就麻麻.服務都麻麻.我地無叫野飲,於是叫佢俾水啦. 我仲以為佢唔記得左添. 正當我想叫佢再俾時就到喇.埋單又係.叫再好耐都唔黎, 於是同第二個waiter講,跟住好快就黎喇. 點知等簽卡時第一個waiter又攞張單黎! 當我地繼續等時,又有另一個waiter攞張甜品menu黎!遲唔遲d呀?不過最鐿意都係全店禁煙!下次多d人去可以試下另外o既pizza.

今天同亞妹去試吓, 點知此店虛有其表.When we went into the resturant, a Philippine waitress asked us perfer to smoking or non-smoking area. i replied her that we were perfer to sit in somking area. but she was so funny to reply me that the resturant ONLY HAS non-smoking. i think if the resturant is non-somking only, it is not point to ask me to choose. she should tell me it is non-smoking resturant when we went into it.Then we sat down to order the foods. we ordered appetizer, salad, pizza (of course), and ice te

午飯時間許多時候都會行經中環的pizza express，但由於時間倉促，故未嘗在此店用餐。是夜和友人在誤打誤撞下發現，此店原來已在尖沙咀開設分店，終有緣一試。十時許，時間稍晚，故未見人龍。我們只簡單的點了一道salad、一客pizza和兩杯無限refill的冰檸檬茶。尼斯沙律的賣相頗佳，有吞拿魚、車厘茄、雞蛋、黑水欖、沙律菜等。值得一提的是salad還伴有應該是用麵粉做成的細小"波波球"，暖暖的，而且煙煙靭靭，好味道啊。至於pizza，我們就選了意大利雜肉pizza。看見批面滿滿的鋪滿芝士，已不由得對它心生好感，惟美中不足的是醬汁鹹了一點和辣牛肉碎太辣，怕辣的朋友可要小心啊。餐牌上還有一種白pizza批底，看見鄰桌那"白雪雪"的pizza，相信就是用白批底做的吧。我和友人都笑說那可能是"無酵餅"啊。好，下次可要帶一眾友好來試試這個"無酵餅"。

又係同學聚會喇！上星期去o左呢度食，我覺得好正喎，第一次食Pizza唔覺肥膩，我o地叫o左個雞肉凱撒沙津，上面鋪o左一層好香o既芝士，乾身鬆軟；菠菜卷口感好好，海鮮番茄Pizza番茄味好濃、好香，總之我覺得Pizza o黎講算整得好Pro，我見o的鬼佬會飲埋紅酒o添呀，又唔會急住趕你走，哈哈！

見到雜誌介紹﹐呢度又有D正面評語﹐諗住去試下啦。不過...1)呢度係香港﹐佢地有本地人同外藉侍應﹐但好心就整個本地人做帶位o個個啦。搵個只識講英文幫人留位帶位﹐算點喎﹐即係唔識英文就唔使食呀?係咪顧客係鬼佬或識講英文就會令到間餐廳高格調D呢?呢間野又唔係好高格調﹐扮乜鬼呢...2)食物一般﹐沙律唔夠California Pizza Kitchen好﹐Pizza方面呢﹐衰位講句﹐連做外賣o個D都好味過佢。意粉選擇少。收得呢個價錢﹐我真係期待好D既質數3)環境唔得﹐嘈到好離譜。不過可能星期五啦。但真係想同朋友講下野都好難﹐因為要喝到好大聲先聽到。搞到我都無乜心機係o個個食有一兩個侍應態度不過不失啦。但坐低一陣就狂催落單﹐有D煩。呢間野試左就算﹐再去就實唔會啦

亞士厘道食肆很多,本人都試過不少但不是唔得,就是一般這間算是不俗的一間兩款pizza不俗(忘了名字,是本月推介的款式)本人較喜歡有ham,cheese同蔬菜但同行其他人較喜歡海鮮口味雞肉沙律也不錯服務方面,講英文或廣東話的都幾親切唯一缺點,收幾次碟都唔識加水最後要叫才識加水,扣分

昨晚弟弟說想吃pizza,於是妹妹提意來這裡,因之前她也來過認為都幾好,好在來到就有位,我們被安排坐入面的圓枱,環境舒服服務員也好友善.我們點了鷄肉凱撒沙律,焗蘑菇同蘇豪薄餅(材料有蕃茄,白芝士,橄欖同菜),我覺得焗蘑菇幾好味,而且咬落還有汁,加上伴碟的烤麵包球,外脆內裡煙韌.至於薄餅,平時吃慣pizza hut的我,可以說是新口味,但也可以接受.不過喜歡吃意粉的人,這裡并不多選擇,好像只有2款.

個日落雨,一入門口就幫我收雨傘,之後成晚既服務都好好,considering.十一點幾走,無催人,閂門前有個friend既女朋友先黎,服務員依然好有禮貌咁greetings同問order.tiramisu同草莓tart都好靚好食,叫多4個菜,其中三個d整法相似,不過不失,唔多surprise.4個人,食得飽,環境舒適,乾淨,o岩同fan傾偈食飯.

呢到雖然只係尖沙咀o既Ashley Road,但係裡面o既服務生就以為自己係十年前o既半山餐廳,唔鍾意serve本地人. 星期六下午點幾,餐廳只係四成滿,一半係外藉人仕.個肥肥o地同"你好似得罪o左佢"o既男待應對我o地呢枱三個中國藉女子一d都唔attentive.叫佢落單佢個人係企到直晒加有d 唉後,對眼無厘神氣咁斜視著你. 相反,冇耐一枱三個鬼妹,佢就彎晒腰咁解釋個menu. 註:呢個咁o既男服務生,應該係華人.坦白講,而家香港地收番中等價錢o既食店,仲邊到有咁老土gar. o野食方面, tortillini con panna 即意大利雲吞好味.個中東pizza同Lincoise Salad都好. 冇咩興趣提議其他人o黎呢到食咯. 個喊面係因為d 服務咁趕客!

叫左個是日餐湯，南瓜湯，都幾好味；然之后来個salad，我覺得有外國水準，但我個朋友就覺得o的菜陣味好生；最後食埋燒雞薄餅，味道唔錯，但兩個人食就有點too much。我地旁邊張台有成6,7個人，可能你一句我一句掛，所以有一段時間真系嘈過街市。食物質素好有外國水準環境都不錯，如果唔嘈的話服務okay，但服務生唔識講中文，不太親切

第一次到呢間分店食野,感覺上比中環那間嘈一些,不過都幾大,入去幾深,環境算ok,只係比想像中嘈。食物方面,叫左費倫天奴pizza同牛肉意大利寛麵,我一向唔欣賞意大利寛麵,所以只係覺得ok,但係奇哥哥勁鐘意,話好好味,尤其是個蕃茄肉醬,佢話第二道未食過咁好味喎!反而我好喜歡個pizza,幾有特色呀!pizza面竟然有一隻焗熟左既太陽蛋,你話幾得意呢!好可愛呀!而且又有其他材料如菠菜,白芝士,蕃茄,橄欖等,配合得好好味,我未試食有菠菜既pizza,原來係唔錯架!個皮就脆得黎唔太乾,茄醬份量剛剛好,唔會整淋個皮,總之個pizza好好味啦!