Pickabowl (D2 Place ONE)

营业中

休息中

喺香港碟頭飯就食得多，但係長期落去會營養唔均勻因為多肉少菜 。因此今次就特登搵咗呢間標榜健康飲食嘅餐廳一試，估唔到外賣仲有紙袋咁靚，好high class嘅感覺🥰佢嘅模式係先揀醬汁包括和風、泡菜、蛋黃醬等等，然後揀主食包括海苔飯、半糙米飯、沙津或沾烏冬，當中每一款都會有唔同嘅配搭。香草蜜糖芥茉大蝦（$82）蝦肉新鮮，配上青瓜和菠蘿等，食落去第一下嘅感覺係好fresh。經典和風三文魚 ($76) 配菜有南瓜、玉子燒、炸豆腐、四季豆、毛豆、洋蔥同秋葵同自家製醬油。三文魚新鮮，估唔到仲係三文魚腩，無根而且切得大小適中與配菜拌在一起吃非常合襯開胃。慢煮天多利雞($70)係蛋黃醬配菠蘿、牛油果、青瓜、蟹子。慢煮天多雞有一點點辣，吃上去很軟和肉汁頗多，再配上蛋黃醬和菠蘿一辣一酸，非常惹味。如果比較大食可以追加溫泉蛋($7)同埋堅魚昆布湯($7)。溫泉蛋煮到半熟加入飯中可令到飯更加之濕潤和有口感；而湯嘅咸度就適中，味道都可以。蘋果菠蘿石榴羽衣甘藍汁($22)&蘋果紅菜頭檸檬西柚汁($22)兩者都係鮮榨果汁，飲落去非常重石榴味和紅菜頭味味道天然值得一試。總結係呢間店嘅概念好值得欣賞，味道質素亦不俗，值

Food was excellent.  Basically everything was fresh and the majority of the staff was very well trained and passionate.  Unlike many other Hawaiian Poke restaurants, Pickabowl offer features a lot of choices and not just mediocre ones but you can tell the staff and owner had taken the time make combinations work.  I extremely like the fact that they were considerate enough to use cooked water in their preparation (their staff told me that).  The food is extremely fresh. While some people may con

-🦄PICKABOWL-SET E 經典吞拿魚Rating🌕🌕🌕🌑🌑-大約上個月中我知道有呢間店個陣🙈已經好期待🤤🤤不過佢個時都仲味開我一直都好中意食呢啲自選食材既丼🤭中意簡咩材料簡咩Sauce簡咩Base都可以絕對係自由度極大而且又好健康🌱-然後佢終於都開左喇 我特登去D2Place食佢架Haha叫左呢款經典吞拿魚既沙律碗🥗當然中間就係主角既吞拿魚啦🐟然後配料有洋蔥🧅/紫洋蔥/青瓜🥒番茄🍅同埋甜椒 Sauce係佢地自家醬油個底可以簡飯同烏冬但我簡左沙律菜🥬味道方面 唔知係咪因為洋蔥同啲沙律菜再加埋個汁主要都係比較苦同酸 但係係接受到既味道🤭魚生都幾新鮮同埋唔會有筋😝😝然後我仲食到舊三文魚Tim呀Haha😂份量唔係話好多但食完有飽足感平日既LunchTime去係好多人🤭建議大家可以就TakeAway啦🙏🏻🙈-幾時屯門都有呢啲餐廳 多啲健康選擇呢🥺-

話說我一個月至少3-4次去D2 PLACE 逛市集，附近大小餐廳都試過哂，上星期發現開左新野，裝修簡單兼望落舒服，緊係要試下先。大大個MENU係門口，夠哂清晰，叫法簡單：(1) 揀食咩飯 - (2) 揀餸 - (3) 驚唔夠飽可以額外加TOPPINGS 或小食 - (4) 加錢叫飲品＊老闆話A-D最多人揀。G 就最多野食，但驚太飽，下次再試。唔想加錢飲野，佢都有免費提供排毒水，有橙 + 羽衣甘藍，可以排毒。我叫左A餐: 經典三文魚半糙米飯，超大份耶!!　有三文魚，仲有其他配菜例如秋葵、長豆、豆腐乾、生菜、紅莓乾、車厘茄、紫菜，全部都100%健康，女士恩物三文魚好新鮮兼好彈牙，而配菜配搭新鮮而且出奇地夾，成碗飯都好爽口，同埋淋左佢既醬汁，好清新。不知不覺間我清哂成碗喇。另加錢叫左蘋果紅菜頭檸檬西柚汁，酸酸甜甜好開胃，抗氧化防衰老而老公就叫左C餐雙拼：三文魚拼吞拿魚，大致上都一樣，係多左吞拿魚。連唔係好喜歡食魚生既佢都讚不絕口呀！同場老闆態度超好，見我望左MENU 一陣子，主動過黎介紹食物，仲親身捧餐俾客人，唔使加一。性價比超高，一定會回頭幫襯

喺香港食飯好多時候都會多肉少菜，營養唔平均，但係呢間餐廳卻提供到健康選擇。呢間餐廳有唔同嘅款式，主要分幾種醬分別係和風、彩虹、蛋黃醬、檸檬同泡菜(如圖) 。唔同醬都會配唔同的主食 ，可以選擇飯底烏冬底或者沙律底。由於人數有限，今次只係試左兩個，分別係和風同埋蛋黃醬 。和風即係南瓜、玉子燒、炸豆腐、四季豆、毛豆、洋蔥同秋葵同佢哋自己製嘅醬油。我揀咗松阪豬豬($70)，肉肥瘦均勻而且有肉汁，十分惹味同送飯配我揀咗既半糙米飯底一流，糙米飯比普通飯更有咬口和營養。配埋加配的溫泉蛋($7)同埋堅魚昆布湯($7)做左個set dinner食落好有滿足感。另一個係選擇左蛋黃醬，呢個醬配菠蘿、牛油果、青瓜、蟹子而煮食。我揀咗蜜糖芥末大蝦($82)，大蝦食落好爽口，配烏冬食落十分開胃，絕對刺激到食慾。嘢飲方面，我就加咗$22一支嘅蘋果菠蘿石榴羽衣甘藍汁同埋蘋果紅菜頭檸檬西柚汁，兩支都十分健康，飲落冇人工甜味，係新鮮水果蔬菜榨成的。如果下次經過呢頭我亦都會因為健康好味而試埋其他幾個未試過嘅款式。

今日收工去開D2 place買手作野，本身諗住番屋企煮飯食。但見到呢間日本菜新開，睇落幾好食，就買左外賣番去同男朋友一齊食🍱。Menu都多選擇，有幾類唔同口味既搭配揀，佢唔同口味既配菜都唔同，所以要睇下自己岩唔岩食入面啲料先🤔。本身想食經典三文魚，但見到有秋葵就算🤣！🥙夏威夷海浪三文魚 加煙燻辣味三文魚唔知點解會有菠蘿，應該係裝錯左男朋友個份比我🤣，不過唔緊要，因為我勁鐘意食菠蘿～😋啲料份量好足，材料都好新鮮，男朋友表示辣味吞拿魚超正 (ps: 有提子乾同菠蘿，加埋甜甜地，撈埋食好清新）🥙 香草蜜糖芥末大蝦  加煙燻辣味吞拿魚男朋友抄我又加吞拿魚🤣～佢表示啲蝦係有挑蝦腸，餐廳係幾細心既！同埋啲蝦都好爽口彈牙～唔錯！！加錢仲可以有個set添！呢種食法都幾特別，因為用到既食材多數係for日本菜，但做法就好韓式(拌飯)，值得一試😋👍🏻！

和同事帶著她的小朋友一起行街街，然後一齊買咗幾款嘢食上去佢屋企食。因為客人不少，所以也等了大約二十分鐘，三份健康又美味的飯面才出世呀⋯⋯經典吞拿魚半糙米飯好大碗呀，顏色繽紛，有蕃茄青瓜牛油瓜等多重層次，米飯格外富咬口，吞拿魚蠻新鮮，入口鮮甜清新，不會腥兼完全不會有筋位，加上少少酸汁調味，魚肉味就更突出，每啖都很好吃。夏威夷四重奏沾烏冬份量勁，真材實料。擺得也好漂亮，材料有吞拿魚辣三文魚牛油果加爽口的酸辣蝦，挺滋味，外賣回家後，烏冬還是彈牙有口感，不會變過軟身太糊口。慢煮雞胸海苔飯份量不少，把雞肉切成正方粒，加上牛油果紫菜青瓜及彩椒，這兒童餐也不減精緻，賣相十分吸引，飯不太硬，加了紫菜感覺更香脆可口，小朋友食得相當開心。兒童餐跟的蘋果果凍細細個，小朋友全部吃光🐒應該好吃吧！食後感：店員工作有效率，落單快，出餐仔細，客多亦無漏單，每碗都即叫即做，新鮮又不怕變冷，可以邊傾邊食，有不少沙律菜，這次一次過食了好幾款蔬菜，份外適合少菜多肉的人士哎⋯⋯

之前呢一路都好想試呢一款bowl，可惜開喺港島區，點知比我發現喺荔枝角D2廣場竟然開咗，嗰日就外賣左幾碗返去同屋企人一齊試一入到去見到所有嘅配料放晒出嚟，大家可以睇咗鍾意邊一樣先至再揀，主要係有刺身或者係熟食，咁我兩樣都揀咗經典三文魚吞拿魚配烏冬，烏冬好彈牙，唔係平價貨，配個醬汁， 好match，而且刺身都好新鮮，旁邊係有勁多配菜，我細佬都話食到好飽再試另外一個煙燻辛辣三文魚吞拿魚，真係食到煙燻嘅味道，不過對我來講係有啲辣，啱鍾意食辣嘅朋友，我就揀咗沙律底，好多菜好正，我自己都食到好飽另一個就要咗個薑汁松板豬，個豬肉唔會太硬，有汁，呢個配烏冬都好食，而且佢連蔬菜上面都會有汁，就唔會太乾，整體嘅感覺好健康。

放工去了D2 Place的Pickabowl買外賣返屋企食，這裏新開不久，主要賣和風飯食，賣相精緻，色彩繽紛。經典雙拼海苔飯有三文魚及吞拿魚，兩者都加了些調味料醃製，三文魚是近腩邊部位，肥美夠鮮，還有些秋葵、油豆腐等配料，日本米煙韌有咬口。煙薰辣味雙拼沾烏冬這個煙薰過的三文魚及吞拿魚，肉質較結實，辣味配上烏冬，十分惹味。夏威夷海浪三文魚沙律沙律酸甜開胃，沙律菜爽脆，還有些三色椒，味道一流，OL減肥之選。

今日帶狗仔行D2，老公發現呢間餐廳嘅menu好健康，所以我地諗住試一試，老闆好nice，我地帶埋狗仔入去都ok，仲主動提供唔同風味嘅餸俾我地試食。烏冬配上秋葵、枝豆粒和豆腐粒，十分爽口；老公叫果款辣味三文魚麻辣而不失鮮味，比一般魚生飯的三文魚粒美味更多；我要左一份經典三文魚，腌得夠入味，又唔會齋鹹。性價比之高在D2中堪稱翹楚，位置近入口很好揾到。下次行D2一定會再黎，老闆好關注客人嘅需要，雖然係新開嘅，但concept野食都好好，老闆加油呀！