Pickabowl (D2 Place ONE)

营业中

休息中

在荔枝角D2Place見到這個賣健康飯的店原來是Picka! Picka其實是源自夏威夷的一種飯，以魚生切粒再加上其他蔬菜為特色。夏威夷飯當然有它的特色，70幾蚊作為日本魚生飯不算貴，不過普遍香港人未必知道這個概念於是70幾蚊一個飯其實都不算平，如果下午茶有優惠會更加吸引！質素而言真的不錯，魚生很新鮮加入其他菜五顏六色營養均衡。

自從呢間店開咗無耐，我就已經boomark住要試。因為望住餐牌有咁多款魚生飯，身為魚生迷嘅我點都會試下。望住餐牌，選擇困難症發作，揀咗一陣先揀到。價錢其實有啲貴，不過整體份量都算多，久唔久食下都未嘗不可。據我觀察，當日餐廳店員好似多數係中年叔叔，但感覺佢地好多都好有禮貌，有種去咗日本餐廳嘅感覺，值得讚賞。-夏威夷海浪三文魚 $76呢款除咗有我最愛嘅三文魚，仲有甜椒、蕃茄粒、青瓜粒、菠蘿粒、生菜等，最特別係夾雜咗提子乾，夠營養又顏色豐富。三文魚大大粒，新鮮嫩口。不過我揀個陣無留意到彩虹款係包咗甜椒，食完成碗硬係覺得好重口氣，一大浸椒味。下次再試我估我揀和風或者蛋黃好啲，驚食完個口有味道嘅朋友要留意返。可以隨個人喜好揀飯、沙律或者烏冬做底，白飯有4款選擇，紫菜飯配糙米飯都唔錯。為減少同人接觸，我選擇咗外賣自取，出食物速度都幾快。

健康又豐富之選今晚返教會開會，和朋友去D2 1搵食，原來哩間新開！就試佢！友人說他食過三次😲我問要不要轉場，他說可以再食，因為好味😂😂即是我選得好👏🏻好多不同的餸係晒個碗，好正！我最鍾意勁多餸，每口有飯有餸😋😋😍泡菜味嗰個重口味送飯一流！可惜我喜歡的牛油果很少很少，份量不算太多，女孩子足夠，男孩子應該不太夠呢，不過可以當減肥，都不錯呀😂🤣👍🏻ps: 比錢掃社交平台QR code平$10❤️

今日同朋友去左荔枝角個邊上堂，上完堂就順便去到D2 Place到食dinner。由於朋友話今餐想食得健康d，行過見到呢間餐廳嘅餐牌散發着健康嘅感覺，所以就決定入去試下。我叫左呢個慢煮雞肉配海苔飯。雞肉煮得好到位，雖然係雞胸肉，但係就一d都唔實同柴，食落仲有少少肉汁，配上一個微辣嘅醬汁，攞黎送飯一流個飯除左雞肉，仲配有大量蔬菜，例如牛油果，青瓜，菠蘿，提子乾等，真係多菜少肉，非常健康。而朋友就叫左呢個三文魚配沙律。三文魚數量都算多，而且配上自家制和風醬，淡淡酸味，食落非常之開胃。沙律嘅份量都好多，仲有秋葵，毛豆，豆腐，玉子燒等。總括黎講，呢間餐廳可以話係健康人士嘅首選，平時少食蔬菜嘅朋友都可以得閒嚟試下，誠心推介

最近鐘意食呢種Hawaii PokeStep 1 揀Base 有海苔飯 半糙米飯 沙律 沾烏冬Step 2揀bowl 定好咗每款醬汁配咩餸Step 3 追加半份大蝦 八爪魚 吞拿魚 牛油果 蟹籽 車厘茄 等等飲品加 $6做緊promo share fb可以減$10Classic Coupon 經典雙拼 $82最經典就緊係三文魚拼呑拿魚“和風”配有有烤南瓜 玉子燒 炸豆腐四季豆 毛豆 紫洋蔥 秋葵自家制醬油好好食 全部配料都係我鐘意的食材Base揀咗紫菜飯 👍🏻👍🏻 健康又夠飽肚 啱晒女仔香草蜜糖芥末大蝦 $82蝦控必揀 肉質非常爽彈

蒜辣八爪魚配海苔飯$70另加可樂$6FB share優惠減$10$66 in total.-係D2經過，睇門口以為係食沙律，認真望多陣先知原來係有飯有烏冬食既有啲似揀配料既撈撈麵。首先可以揀左個底先，有海苔飯、半糙米飯、沙律、沾烏冬。然後揀配搭好左既主料，可以額外加錢加配料。我點左蒜辣八爪魚，店員仲好細心咁怕我太辣食唔到，叫我試食左粒睇下辣度先決定叫唔叫😳加分加分.個飯入面有八爪魚、生菜、泡菜、蕃茄、菠蘿、蒟蒻、青瓜，配搭有啲意想不到但出奇地夾！話明蒜辣，再睇下個飯啲汁，都知個味好濃，正常食到一半已經會濃味到麻木左味覺，但佢就加左啲蔬果落去，refresh一下你味蕾，所以食完竟然冇覺得好heavy。而且雖然佢濃味，但都加入左好多纖維落去，算係好味得黎都可以顧及健康，幾好。

今晚去D2Place附近吃晚餐 1樓有間新開嘅Pickabowl 主打健康魚生飯除左魚生飯之外 仲有熟食 😌仲有4款口味咁多 分別係和風口味 配料有烤南瓜🎃玉子燒、炸豆腐、四季豆、毛豆、紫洋蔥、秋葵配自家製醬油另一款口味係彩虹口味 配料有洋蔥🧅、紫洋蔥、蕃茄、青瓜、甜椒另外有蛋黃醬口味 配料有菠蘿🍍、牛油果🥑、青瓜、蟹籽 配蛋黃醬最後一款口味係檸檬🍋口味配料有南瓜、青瓜、芫荽、牛油果、洋蔥、蘿蔔、黑胡椒配檸檬醬汁😋我揀咗The Omega 經典三文魚 配海苔飯以三文魚作主打 三文魚用日式醬油醃過 十分入味再選用烤南瓜🎃玉子燒、炸豆腐、四季豆 唔同配料撈埋更加滋味啊！三文魚配海苔飯 紫菜配飯好好味🥰朋友揀左蛋黃醬口味嘅香草蜜糖芥末大蝦賣相好吸引 顏色十分豐富！配料有菠蘿🍍、牛油果🥑、青瓜、蟹籽等等牛油果🥑感覺好清新 口感軟滑 同芥末大蝦味道十分配合😋芥末大蝦大大粒 口感爽口彈牙 十分新鮮！配蛋黃醬好開口 酸酸甜甜咁 突出返大蝦鮮味✌🏻✌🏻

首先自己要簡左個base先(4選1), 分別有海苔飯, 半糙米飯, 沙律同沾烏冬💁🏻‍♀️之後就再係唔同系列入面簡toppings組合, 口味都幾多👍最後就可以再追加配料同飲品☺️今次試左以下2款👇🍴ᴍᴀɪɴ·慢煮天多利雞 配半糙米飯 $70﹟睇相都見到配料1d都唔野少, 十級足料🤗有青瓜同薯仔粒粒🥒牛油果🥑蕃茄仔🍅同中華沙律🥗至於個雞呢, 用慢煮方法但個人感覺淋左d...用左類似d七味粉之類既野去調味, 少少辣🤏個雞同飯都係微溫, 其他料都係凍既, 同埋原本係叫左糙米飯但最後比左海苔飯我🥺不過都係好味既😂🍴ᴍᴀɪɴ· 泰式酸辣大蝦 配海苔飯 $82 +蟹籽 $8﹟組合方面都係一樣豐富, 多左d提子乾, 菠蘿, 南瓜等等, 個蝦既調味係用左d泰式既方法, 食落酸酸甜甜, 係幾開胃, 蝦都夠彈牙, 有成7隻😮👍最後仲追加左有爆爆口感既蟹籽🦀2個飯都超級飽肚🤣

早排同朋友嚟到荔枝角嘅D2 place行街， 行完街諗住喺附近食下野，估唔到呢度都有一間專賣Poke Bowl既餐廳，賣相好吸引所以就同朋友嚟試吓😋最近香港好多專賣poke bowl既餐廳，夏威夷傳入黎既poke bowl 喺夏威夷人用嚟料理生魚嘅方法，佢哋會將魚生切到四方小粒，再落唔同既醬汁一齊食，色彩繽紛望落去都十分開胃_我同朋友都揀左Mr Green ($72)想食沙律嘅朋友仔可以叫呢個，因為佢係以沙律菜做底，另外我哋再加左好多配料令到成個bowl更加豐富，包括有香草芥末白蝦仁（$18）、蒜辣八爪魚（$18）、菠蘿（$14），食落去非常豐富有口感，特別推介八爪魚，食落去辣辣地好香口，另外呢度仲有其他選擇係以飯或者烏冬作為base，能夠照顧到不同人嘅食量，非常貼心_鮮榨蘋果菠蘿石榴羽衣甘藍汁（+$22）店員推介話叫我地可以試吓呢個，飲落去好清新，羽衣甘藍本身亦都好有營養價值，配埋嘢食一齊飲很不錯😋

健康速食之選🌟 Pickabowl健康 Fusion 菜🥗早前同哥哥去荔枝角買野見到呢間健康又有營養嘅速食店🥗環境好舒服出品又快所以我哋就食咗個速lunch🥬除咗沙律之外， 仲有熟食，可以配以海苔飯/半糙米飯/沾烏冬🍜點餐之後唔使10分鐘嘢食已經到齊🌟期間我哋仲可以坐係側邊睇住點樣點樣整我哋份沙律添🥗食得安心又放心💗我哋揀咗三文魚同埋大蝦主菜🥗配菜有菠蘿、牛油果、青瓜、蟹籽🥬份量非常充足🥑配埋自家製蛋黃沙律醬酸酸甜甜非常醒胃🌟餐廳仲提供自助水，裏面有鮮橙、羽衣甘藍、非常健康💗

🌟🌟🌟🌟🌟🌟🌟🌟🌟🌟🌟🌟🌟🌟🍽 Pickabowl (荔枝角)📍荔枝角長義街9號D2 Place 一期1樓112號舖🌟🌟🌟🌟🌟🌟🌟🌟🌟🌟🌟🌟🌟🌟D2行完市集之後，就同閨蜜搵嘢食，見到呢一間有埋我最愛嘅poke bowl，就建議佢一齊食下啦Spicy Couple Salad $82+ 1 Avocado $14+1 Roe蟹籽 $8. + 1 Cherry Tomato $8我叫咗呢一個Spicy Couple，除咗有我最鍾意食嘅辣嘅元素之外，仲有我最愛嘅三文魚同埋吞拿魚，簡直無敵啊！我再加埋至愛嘅牛油果同埋roe增加口感hehe，揀咗沙律底，食落去好Fresh好新鮮so yummy！White Dragon $82 +$25 配套餐閨蜜就陪左個套餐，佢鍾意食蝦，所以就叫左呢一個，佢都話啲下好爽彈，食得都幾滿意💕✨如果喜歡我的文章，可以關注我及讚好以作鼓勵喔✨

今日和同事去荔枝角辦點事，之後佢話去D2Place的Pickabowl買晚餐，店裡設有堂食和外賣，主打健康魚生飯。從玻璃柜見到已調味的食材，客人落單後，即叫即做，食材新鮮，種類清新健康。多款味道中我比較喜歡蛋黃醬，所以選了加州三文魚：材料有三文魚、菠蘿、牛油果、青瓜、蟹籽配蛋黃醬，材料想豐富一點可加錢添加材料，我加左香草芥末白蝦仁、煙燻辣味三文魚。飯底可選海苔飯/糙米飯/沙律/烏冬，我選了烏冬，加7蚊升級有温泉蛋、堅魚昆布湯、甜品。主角三文魚切粒狀，伴上蛋黃醬，新鮮肥美，蝦仁爽口。與其他材料伴均匀，口感和口味層次豐富，健康又美味。味噌湯熱騰騰，温泉蛋滑溜，甜品甜美。蒜辣八爪魚：材料有八爪魚、泡菜、青瓜、蒟蒻、韓式辣醬。另外加左香草芥末蝦仁、蟹籽、溫泉蛋。八爪魚鮮嫩唔會韌，蝦仁爽口，加了韓式辣醬，辣辣的好惹味，加左蟹籽，令口感更豐富。外賣回家都好方便快捷！

health take away@PickabowL地址: 荔枝角長義街9號D2 Place 一期1樓112號人人自危的, 因為多得肺炎同政府啦, 平日家中沒有煮飯習慣, 但唔食野會餓死, 積極由堂食變做外賣, 回家享用美食。碗飯好多料, 五顏六色多蔬菜, 見到都流口好, 仲有肉同撈唔同架醬汁。海可跟海苔飯/半糙米飯/沙律/沾烏冬天多利雞跟蛋黃細同糙米飯，黃蛋醬好滑酸中帶甜同樣教人開胃，撈埋糙米健康無負擔的，多纖維又飽肚低卡檸檬 (烤南瓜，青瓜，芫茜，牛油果，紫洋蔥，紫蘿蔔，黑胡椒 配檸檬醋汁) 泰式蝦跟udon ,酸酸辣辣好開胃架，食完悶氣全消和風 (烤南瓜，玉子燒，炸豆腐，四季豆，毛豆，紫洋蔥，秋葵 配自家制醬油) Lazy Ginger 配薑汁松板豬當然要紫菜飯做底啦，整體好輕盈，春夏天食一流欣賞係每個汁都溝得好好味，提升了整碗東西的味道，colorful 的襯托，悶熱時就好自然想食佢啦

去D2shopping Mall，原本打算返屋企叫外賣，中途見到餐廳Menu配搭新鮮，配料有很多蔬菜、蔬果。雖然價錢不便宜，但一於試試Menu選擇多樣化，除了日式、西式、還有魚生、素食 等配搭開頭很怕像沙律一樣冷冰冰，幸好這款比較日式，口味不會太西式，太多香料，而且豬肉是暖暖的！賣相精緻，看得出食材都是新鮮、飽滿。蔬菜包括南瓜、玉子燒、炸豆腐、四季豆、毛豆、紫洋蔥、秋葵等大推松阪豬，超好食，肉質超嫩滑，脂肪比例較多，帶有點點蜜糖香氣，口感有點像吃叉燒，好吃！我點了海苔飯，跟配菜同吃，零違和感，很夾而且好吃。

香港人越來越注重自己健康，尤其是抗疫期間。除了很多人走去做運動，買健康用品、健康器材外，食得健康都好重要！經過荔枝角，被一間主打健康食肆餐廳吸引眼球，餐牌有很多不同款式的選擇，有些是魚生，有些專為素食者而設，亦有些較為健康的肉類。我點了慢煮天多利雞，配料有菠蘿、牛油果、青瓜、蟹子配搭蛋黃醬。份量比我想像中多，顏色配搭亦十分鮮艷。雞肉切成一粒粒，味道有點像咖喱雞，微辣。由於是慢煮，肉質較為嫩滑，不會太鞋口。質感有點像吃芝士般，咬下去有點粉狀的感覺。其他蔬菜亦很新鮮，跟咖喱雞配在一起可以減低咖喱雞的飽滯感。