Pickabowl (荃新天地2)

营业中

休息中

因為已經夏天啦，為咗有一個好嘅身材去去沙灘或者戶外活動，係時候要食得健康啲，低卡路里，keep fit haha荃灣呢一間舖呢雖然唔係好大，但係個setting好似去咗快餐店咁樣，喺櫃面就有得望入邊有咩材料。而且佢呢係有free tasting嘅，你可以試咗味之後先揀多一種材料，幾好㗎 。我就叫咗一個DIY嘅飯。慢煮天多利雞啲雞胸肉好嫩，但個汁都唔係好辣，都幾惹味，撈飯一流。經典三文魚夠晒新鮮，又夠凍，麻油味都好香，成件事好清新。薑汁松阪豬味道好似糖醋排骨咁樣，啲豬肉好脆口，都幾好味。一碗飯入邊有三種味道，撈埋一齊個感覺都幾特別，又唔會唔夾，而且我嗌左彩虹配菜，有紅椒、黃椒同青瓜，成件事都好清新。而且我加咗$25升級左一個套餐，佢包括有溫泉蛋、昆布湯同黑糖布甸。溫泉蛋撈落個飯到好好味，勁滑。昆布湯就不過不失啦。黑糖布甸甜甜地，好Q彈。至於我朋友就叫左個giant’s bowl，有牛油果、青瓜、兩色椒、三文魚同吞拿魚，加上佢配左烏冬做個base。個汁有少少辣，10分好味，又有昆布係入面，感覺10分健康，重點係牛油果撈勻一齊食令到成件事都好match。總括而言又健康又好味😋

最近行開荃新天地，見到開左間有清新配搭嘅餐廳"Pickabowl" 佢哋嘅嶄新食物好有新鮮感、結合健康和美味的元素，睇到都食指大動😅 餐廳有不同的選擇，包括搭配好的套餐，啱晒我呢啲有選擇困難症嘅人😛 還有可以自選搭配食材、醬汁等的餐單，選擇魚生或熟肉，再自選配菜，有飯、糙米飯、烏冬、沙律、黃薑椰菜花等。。。。。。 我揀左夏威夷四重奏配沙律 辣味三文魚、經典吞拿魚、泰式酸辣大蝦、牛油果, 仲有彩虹組合。彩虹組合顏色好靚，有青瓜，蕃茄，紅椒，黃椒。。。 凍蝦質地超爽口, 和風汁辣辣地好惹味😋😋😋 啖啖都食到豐富食材,  惹味又清新~ 朋友就揀左泰式青檸大蝦+蛋黃醬+黃薑椰菜花和白飯 黃薑椰菜花感覺非常清新、爽口，吃少些飯、多些菜，口感同營養都倍增👍 加$25升級要套餐：有昆布湯，溫泉蛋，同埋甜品添😍 餐廳仲有冷壓果汁，新鮮果汁從排毒到抗氧化，可以增強免疫系統，既健康有益，又清甜美味😋😋😋紅菜頭，甘筍，蘋果紅菜頭，蘋果，羽衣甘蘭，檸檬，藍莓配搭好清新，既解渴又有益，跟套餐仲可以減三蚊👍食得快餐多，都係時候要改變下啦～

相信每位女士也有一份終身事業，便是減肥了🤦🏻‍♀️這個過程真的很難捱過😪到底有沒有健康而美味的選擇？😢答案是有的！Pickabowl以健康飲食為主題🥰配合各式刺身底低GI配菜，和多款健康主食，務求令每個人條可以食到足夠的份量～#DIY自選A $86第一款DIY自選點了煙燻油辣味三文魚🐟、慢煮雞胸🐔、蛋黃配菜和黃薑椰菜花配半糙米飯🍚先說三文魚🍣，帶有淡淡的煙燻味，而不會太辣～慢煮雞胸仍然保留了肉汁😚所以肉質頗嫩～而椰菜花飯🥦帶有頗重的黃薑味～不但飽肚而味道亦不錯🥰味道小評分：😋😋😋😋/5#DIY自選B $98而另一碗小編點了經典吞拿魚🐟、香草芥末熟蝦🦐、泡菜配菜、牛油果🥑和沙律底層🥗如果正在減澱粉的話，選沙律很適合你😚牛油果是額外加配的，每份$18🙈而熟蝦很大一隻，口感彈牙～香草芥末醬不會太膩～味道小評分：😋😋😋😋/5#溫泉蛋 加配$6已經放涼的溫泉蛋♨️，蛋黃仍然流心❣️味道小評分：😋😋😋😋/5#鰹魚昆布湯 加配$6味道偏淡一點的昆布湯，但仍然能看到不少海帶在內～味道小評分：😋😋😋/5#蘋果菠蘿石榴羽衣甘藍汁 加配$22菠蘿🍍味道較突出💓而石榴帶點微酸令人更開胃，羽衣甘藍🥬味道偏淡，而不會有

去荃灣行街兼買飛睇戲～閒逛之際見到呢間好似有魚生飯食嘅餐廳，記得有同事大推，二話不説試試佢先！兩個人分別嗌左夏威夷四重奏 & 夏威夷海浪三文魚特別值得一讚嘅係餐廳(廚房位？)係用左開放式design～好乾淨好企理！ 夏威夷四重奏應該係佢哋嘅signature當中包括有吞拿魚、三文魚、牛油果同埋大蝦落order嗰時先知原來佢哋可以比食客揀埋飯嘅種類，既然係咁一於食得健康啲，叫白飯mix黃薑藜麥！個飯好有驚喜一上枱嘅時候大份到你唔信同行女友人直頭食咗一半就食唔曬🤣壽司飯配有口感嘅黃薑藜麥，好特別嘅嘗試呀😋夏威夷海浪三文魚飯嘅三文魚份量超級多！基本上係每一啖飯都可以配到一嚿三文魚，而且味道好鮮，大推！呢間餐廳好有驚喜，如果趕時間嘅話亦都可以好快食完！下次無論趕唔趕時間都好，一見到都會再入去encore😎😎！

<<Thursday couple 為食記😋👣>>今日又黎到荃灣接男朋友收工，未諗到食咩，就喺Citywalk2行下，見到一間幾特別嘅餐廳，好開揚，好新，之前經過一直都以為佢係食素食嘅，對於我啲肉食動物黎講😂😂🥳所以冇點注意，因為點知仔細一睇先發現原來佢食魚生飯，無論堂食定係嗌外賣都勁多人等。所以今次打算同男朋友試呢間，方便快捷！🥰🥰🙈佢哋好似都係開咗冇幾耐，所以啲裝修同設計都好新淨☺️😎坐低都好舒服嘅！😋你可以自己喺外面落單，出面有林林總總嘅食材俾你選擇🥰你可以揀佢預選嘅菜單，但如果好似我咁，唔係咩都中意食嘅，亦都可以自己DIY自選唔同嘅食材，任揀唔同嘅魚生或者肉類，醬汁，飯麵底等等！✔️✔️🥳幾好！😋Order 好，服務員就會俾個嘟嘟牌你！😂🤣😂你嘅食物準備好，咁佢就會響㗎啦，到時就係出去攞嘢食😎不過都好快手，因為都係煮好嘅食物！☺️☺️我同男朋友都揀咗兩個DIY嘅自選餐，分別叫咗芥末大蝦加三文魚，同埋蒜油熟蝦加松阪豬，🥳之後仲可以揀蔬菜嘅組合，然後就可以揀埋你想食飯，定係食烏冬，或者佢仲有唔同種類嘅底，再揀埋你嘅醬汁，咁就會完成咗一份自選晚餐😋都已經好豐富嫁

朋友之前o係過夏威夷留學，佢話自己成日食一樣叫「poke ball」o既o野，個名聽落超搞笑，唔知同小精靈有無關係……諗起夏威夷菜式，我就淨係噏得出夏威夷薄餅，點知朋友表示香港都有得食，仲話一於帶我試下！哦～原來係poke 「bowl」，係魚生飯o黎，我諗我平時見過的，不過一直以為係日式。根據餐廳塊板介紹，呢d 係亞、美fusion o野，同日式刺身飯不同在於會有多好多配菜，同埋附以醬汁。餐廳列出多款已經較好晒formula o既組合，亦都可以自選餸砌一配飯出o黎，而且個飯底仲可以揀糙米飯、純沙律或者沾烏冬，自由度好高。我選o左一份white dragon ($84 無加一)，主食係香草芥末熟蝦，另外追加o左半份薑汁松板豬(加$18)。多隻飽滿鮮蝦鋪上微甜o既醬汁，而o個d 豬肉粒則非常油香惹味，一淡一濃，一次過品嚐到多個口感。山藥係呢個set o既配菜，除o左山藥仲有秋葵同埋一d 豆類之類。我揀o左配烏冬，d 麵沾上上面配菜d 醬，滿口清新o既氣息。朋友叫慣叫熟，嗌o左份夏威夷四重奏giant's bowl ($108)，明顯比我o個個靚好多呀！有住辣味三文魚、吞拿魚、我o個款蝦同埋

前嗰幾日去咗荃新天地睇戲，睇戲之前想快快脆脆食啲嘢，之後就去咗荃新天地二期底層，食一間一直都想試嘅餐廳，分量剛剛好，食完覺得好健康同埋都幾飽肚，最啱就係趕時間食，間餐廳好貼心，全部食物都係方便進食。

係荃新天地經過呢間Pickabowl幾次想試 但成日驚會中伏 早兩日係楊屋道附近行到身水身汗 終於走左去試下夏威夷四重奏有煙燻油辣味三文魚 吞拿魚 泰式熟蝦同牛油果配菜Set好左係彩虹combo 入面有蕃茄 青瓜 甜椒配自家製醬油底層可以自己揀 我地揀左黃姜椰菜花加半糙米飯 成件事涼浸浸 好fresh 加$25要左個set 有溫泉蛋 堅魚昆布湯仲有甜品 抹茶蕨餅 都幾抵另一碗試下DIY自選先揀2款魚生或者熟肉 然後揀一款配菜同一款底層我地揀左日式照燒汁薑汁松阪豬同印式香料汁既慢煮天多利雞 配山藥combo(山藥 毛豆 秋葵配芥末醬)松阪豬比想像中香口 幾好食 份量比想像之中多，食到好飽最後仲有剩，食完之後個人煥然一新，覺得自己身體上面嘅所有毒素都冇晒。

放工經過荃灣，想買一些外賣回家吃。留意到這間餐廳，人頭湧湧，早已座無虛席。餐牌的菜式也非常吸睛，有很多菜式可供選擇。還可以加25元升級套餐，有湯有糖心蛋和甜品。加州三文魚配黃薑椰菜花糙米飯三文魚口感嫩滑，也非常鮮味，配上特製醬汁，更令人垂涎欲滴。椰菜花和糙米的配搭，很有口感，適合愛好健康怕肥之人。薑汁松板豬配黃薑椰菜花白飯松板豬一粒粒，口感分明，也很有豬味。同樣配搭椰菜花白飯，健康清新。溫泉蛋滑嘟嘟有蛋香，溶入米飯中，更帶出滑嫩口感。堅魚昆布湯昆布味濃郁又有堅魚味，兩種味道配搭得天衣無縫。甜品是抹茶布丁，很適合作為飯後甜品。蘋果紅菜頭檸檬西柚汁用22元加購飲品，絕無人工添加成份，天然得來又健康。蘋果菠蘿石榴羽衣甘藍汁綜合多款水果的味道，其中羽衣甘藍味道突出，是我的至愛。

近排食得多燒肉，都想轉下口味，今日行過這裡見到間幾特別嘅店舖，先要賣票，餐牌有兩種類別，以自選方式自定或跟餐牌內選擇，兩者都可以升級加個溫泉蛋、堅魚昆布湯、同甜品，不過對於選擇困難嘅我望吓就有了。點了夏威夷四重奏，一望四款食物都啱口味，個底就選了沾烏冬，貪佢夠煙韌，呢個四重奏裡面有煙燻油辣三文魚、經典吞拿魚、泰式熟蝦、牛油果，本身嘅配菜就係彩虹，樣樣都啱食！加埋升級套餐咁就夠晒完美！朋友就點了個蜜汁松板豬和風口味配菜，一樣都係沾烏冬同升級套餐！落單店員即做，在不同嘅食物按單將食物放進個bowl內，可以回位等個取單機響後取餐，嘅方便，又唔使企定定，還可以到自助水吧，到杯水濕濕個口！等了一陣就已經可以取餐，個碗內放滿了個沾烏冬上，視覺效果一流！完全先滿足視覺打卡行先嘅原則！四款配料各有特別煙燻油辣三文魚入口香滑味濃、切成粒粒嘅經典吞拿魚夠晒口感、泰式熟蝦帶點辣味入口彈牙刺激、香滑牛油果加埋個彩虹配菜蕃茄、青瓜又紅又綠嘅色調入口又係另一種感覺！而沾烏冬彈牙煙韌整體十分滿意同滿足！朋友的蜜汁松板豬一樣好味，松板豬香濃入味之餘還十分肥味，喜歡濃味推介之選！和風口味配菜亦有烤南瓜、炸豆腐、四季豆等

又一次黎到荃灣食好西喇^^黎到荃新天地二期地下發現 Pickabowl記得之前係荔枝角分店食過一次覺得好好味 決定再食多次^^呢間細細間 估唔到有卡位坐而且可以望到開放式既廚房 感覺開陽 裡面既裝橫 光線夠曬充足 餐牌上基本上無乜改變 有生食 熟食 DIY自選選擇有選擇煩惱既人不彷可以揀預定既餐飯落單就要去到櫃台落單疫情之下仲有口罩袋同搓手液提供方便大家將口罩放入口罩袋裡面,保持衛生我就揀左夏威夷四重奏配白飯糙米套餐 有汽水,麵鼓湯,甜品,溫泉蛋成個飯砌到色彩繽紛有青瓜,菠蘿,紅婌做配襯  令人大開口胃泰式熟蝦好大粒 爽口彈牙又唔會辣牛油果剛剛好熟 煙燻油辣三文魚及辣味吞拿魚都相當入味全部都好新鮮溫泉蛋蛋味香濃,有少少櫻花蝦碎係上面,幾有風味食完個飯就飲麵鼓湯 當中有豆腐,海帶,清淡中帶一點咸味,幾好飲甜品係黑糖布丁 入口都幾嫩滑 都幾甜下飲埋支忌廉奶梳打 食到好飽 飽腹

✨夏威夷四重奏 $108四重奏完全滿足到我既需要🤩有齊辣味三文魚同經典吞拿魚 仲有泰式酸辣大蝦同好大舊牛油果😝 對我黎講三文魚有啲太辣但好惹味😋大蝦好爽👍🏻加埋彩虹組盒(彩椒青瓜生菜等等)成件事勁健康😎配埋黃姜椰菜花+白飯 超大碗好飽😂 重點一提一定要+ 蟹籽 ($8)!! 撈飯好正😆✨DIY 自選 $86男朋友就揀左DIY BOWL~自選經典吞拿魚 慢煮天多利雞同Wasabi組合😋慢煮雞都好嫩👍🏻👍🏻佢都加左蟹籽🤪✨蘋果菠蘿石榴羽衣甘藍汁 +$22見到有石榴就嗌左😆雖然貴左少少 但真係飲得出有齊咁多種味道得黎又好夾☺️飲落都好fresh!✨蜜桃汁 +$6罐裝果汁黎講幾出色!唔會超甜又多果肉😆

最近天氣炎熱🥵, 胃口一般😵, 所以今日收工就去左買d涼浸浸清爽嘅野做午餐☺️! E間餐廳主打健怡輕食, 款式多樣化亦可以選擇自行配搭, 除此之外仲有好多野菜汁可以追加, 如果將套餐升級仲會有埋鰹魚昆布湯, 溫泉蛋同甜品🌟蘋果紅菜頭檸檬西柚汁入口紅菜頭味好濃郁, 之後檸檬味開始湧出嚟, 酸酸甜甜幾開胃!🌟野菜生活蔬菜汁🌟夏威夷四重奏配黃薑椰菜花/半糙米飯份量十足, 入面有大量煙燻油辣味三文魚🐟, 經典吞拿魚🐟, 泰式熟蝦🦐同牛油果🥑, 十分開胃惹味, 底層嘅黃薑椰菜花同半糙米飯味道特別, 口感豐富🌟蒜辣八爪魚配沾烏冬🐙🍜醬汁質感濃稠帶黏性, 蒜味濃郁, 辣辣地幾開胃, 八爪魚爽口彈牙而且幾入味!🌟鰹魚昆布湯鰹魚味濃, 湯汁清清地, 味道不錯!

DIY $86叫左兩個diy, 試左三文魚、吞拿魚同八爪魚，配薑黃椰菜花糙米。份量幾大，椰菜花同糙米底好多，夠飽。魚生份量都唔錯的。可以響新界區解下夏威夷碗嘅癮係唔錯嘅，不過呢間魚生嘅調味就好一般，唔夠香，係蒜油八爪魚比較濃味，三文魚同吞拿魚無乜味。未必會回頭了，除非要頂癮。夏威夷碗都係Pololi好食啲～

一路食一路減，見到主打健康既餐廳忍唔住試一下。車仔麵配搭式玩法，自選兩份蛋白質、一大份纖維類、再配一份澱粉質。.Pacific on fire 💲76⭐️ 3/5自己揀左餐廳配搭好嘅泡菜系bowl，有生三文魚生吞拿魚粒。份量唔欺場滿滿既蛋白質。底揀左白飯溝黃薑椰菜花。家陣潮食椰菜花飯代替白飯減carb，貪得意試下。無黃薑味職員話純粹調個色，椰菜花係凍食，硬硬的，我就唔太喜歡😓。揀錯base加上泡菜比想中多同辣，所以下次會試其他。但真係色彩繽紛同非常大碗好夠食。.另一個揀左自選慢煮天多利雞+西班牙蒜油熟蝦+ 紅菜頭系列+ 沾烏冬 💲84⭐️ 4/5呢個好食好多，雞夠嫩，其他所有野正常發揮。我地要求唔高已經夠力食哂。.另外再叫左枝紅菜頭、甘筍蘋果汁。跟飯+💲35⭐️ -同行者話還好但我覺得係好怪嘅藥水味，飲咗一啖果斷放棄。個人唔多岩飲