Pickabowl (荃新天地2)

营业中

休息中

呢個星期太放肆晚晚都薯片可樂🥤pizza🍕炸雞🍗甘食🤦🏻‍♀️所以尋晚決定食健康少少🤭夏威夷風格既魚生飯，配菜色彩繽紛，成件事好fresh好健康🤣 初頭以為係食沙律菜既餐廳，原來係有得揀食飯同烏冬👍🏻•Classic Couple $84有三文魚同呑拿魚既刺生粒，再配上和風組合，即係烤南瓜,玉子燒,炸豆腐,四季豆,毛豆,紫洋蔥,醬油，菠蘿粒🍍同小蕃茄🍅。飯底就揀左半糙米飯🍚望落好似細細兜，其實一個人係超夠食！・DIY自選 $86唔鍾意佢既pre-set menu, 可以自己配搭, customized your own bowl🥳首先揀2款肉，我揀左加洲三文魚同蒜辣八爪魚🐙 配菜就揀左蛋黃組合，有菠蘿🍍青瓜🥒蟹子加蛋黃醬，最後飯底都係揀半糙米飯🍚另外+$25 配combo, 有個昆布湯，溫泉蛋同布甸🍮個溫泉蛋用黎撈飯真係好好食😍😍😍 再加左$6 要罐桃汁飲，有果肉，幾好飲，不過略甜。説好的健康呢？🙈🙈🙈

依間Pickabowl感覺好清新咁😍而且店內環境都幾靚，吸引左我入嚟S.蒜片油浸八爪魚組合（泡菜組合）配沾烏冬另外加左$$中華沙律，泡菜 （抱菜控）一見到個盒，啲食物滿到呢😍 爆多份量呀 而且仲有八爪魚質感爽口鮮甜 而且多種食材一齊食 口感豐富而且蒜片油既香味慢慢滲透入黎😍N. 泰式青檸大蝦組合(蛋黃組合）配沾烏冬另外加左$$要經典三文魚，慢煮雞胸，蟹籽睇圖都見到依間鋪真係比食物既份量係好大方👍🏽 完全唔驚食唔飽青檸大蝦好爽😍 而且青檸味好岩夏天食，好清新😇三文魚入口即融，好鮮味🥺 沾烏冬好掛汁，烏冬彈牙😇鮮榨蘋果紅菜頭檸檬西柚汁依個必試🤩無估到個味咁夾😎 有驚喜👍🏽 食完成餐飯，感覺好清新 有得揀緊係揀食得有營🤩🪧 Pickabowl (荃新天地) (荃灣)荃灣楊屋道18號荃新天地2期地下G06號舖

某日同朋友黎左呢間荃新天地2期地下門面既餐廳叫PICKABOWL買外賣回家，呢間餐廳食物款式選擇都幾多,主打係美式魚生飯，食物材料以健康為主，將蔬菜及魚生分別切成細細粒,一碗碗大大碗。連飯都可以選擇糙米飯,白飯或者黃姜菜飯，黃姜菜飯口感有D粗糙，不過岩晒追求健康既人，我地仲追加額外$25升級為套餐，多了溫泉蛋、鰹魚昆布湯及甜品布甸。我地選擇左一款DIY自選自己喜愛的組合，自己鍾意食乜就揀乜，好似自助餐咁都幾特別，選左蛋黃組合薑汁松板豬,煙薰三文魚,慢煮天多利雞配黃薑椰菜飯同半份糙米飯。另一款彩虹四色飯($108)五顏六色。厚切粒配上各種食材，味道豐富,牛油果香滑原粒切片,三文魚新鮮，泰式酸辣蝦幾彈牙，幾好味,好健康。推介飲品桃味果汁,入面有果肉好濃厚既桃味。小編好鐘意。仲有其他鮮榨果汁。餐單配料，如果可以多D肉類選擇就更加開心。

呢排好鐘意去荃灣搵食 每次都會有驚喜😆當然今次都吾例外啦 係荃灣新天地發現一間有營健康色彩繽紛嘅快食小店「 Pickabowl 」餐廳裝修簡約 採用開放式廚房 睇到所有食材放哂出黎 色彩繽紛 非常搶眼🤩餐廳主打《美式魚生蓋飯》Poke的意思是將一口大小的 醃製魚和蔬菜放在米飯上然後加入醬料和調味料混合進食 款式選擇多 既營養又健康。夏威夷四重奏 (HK$108)主菜超級豐富😋有辣味三文魚、經典吞拿魚、泰式酸辣大蝦🦐、牛油果🥑仲有其他配菜 有洋蔥🧅、芫茜、菠蘿🍍、青瓜、蕃茄🍅、黃椒)全部蔬菜都非常新鮮🥬牛油果🥑熟度剛好 香而滑 蝦肉🦐大隻爽口彈牙 三文魚 吞拿魚 鮮味十足🤤配搭米飯+糙米飯底 健康之餘 仲有雙重口感 又飽肚👍。跟餐+(HK$22)蘋果🍎紅菜頭檸檬🍋西柚汁開頭見到個名以為係伏野 點知原來係正野🤫第一啖飲落口 紅菜頭味濃 蘋果味不太突出 出乎意料檸檬+西柚溝埋一齊 竟然係微酸☺️整體而言 呢樽飲品好新鮮 酸酸甜甜好開胃 值得一試👍。煙燻油辣味雙拼餡料有三文魚、吞拿魚、 青瓜、泡菜、車厘茄、莓乾、洋蔥)辣味三文魚 吞拿魚雙拼 刺身相當新鮮肥美 平時泡菜都食吾少 完全冇諗過泡菜味嘅

每次懶得煮又想食得健康就諗起hawaiian poke，而加荃灣都有🤩岩曬我呢d荃葵青友！今次二人食左兩個飯，包括經典三文魚($76)加左半份慢煮天多利烤雞(+$18)同半份薑汁松阪豬（+$18）。另外就係D.I.Y.自選($84)，揀左和風配菜組合，配菜係加州三文魚同西班牙蒜油熟蝦。野飲就揀左好健康嘅Six Green(+$45)同個人好愛嘅牛奶梳打(+$6）。經典三文魚因為加左兩個餸變得非常十分之豐盛，烤雞嫩滑多汁，無雪藏味，亦唔會好似雞胸甘乾爭爭，松阪豬就油脂甘香，無豬騷味，帶點辣味，配上新鮮三文魚相當開胃，而飯底就揀左白飯+糙米飯。平時聽到五青汁已經驚，今次仲係六青（青瓜、青蘋果、青椒、青提子、西芹 &苦瓜），不過飲落又冇想像中咁差，唔會話好苦，可以接受，最緊要係腸胃暢通，如釋重負🤫和風配菜組合即烤南瓜、玉子燒、炸豆腐、四季豆、毛豆，再配自家製醬油，而配菜就揀左加州三文魚，有沙律醬襯托，有啲食緊花之戀壽司嘅感覺 ，而西班牙蒜油熟蝦十分香口，襯白飯一流再加埋牛奶梳打就very good

今日放工，諗緊回家煮飯定買外賣好呢？途經俾一間餐廳吸引住，食物顏色鮮艷，跟住駐足看看餐牌，配搭很多，而且非常健康，有DlY組合，又有已經配搭好既精選～我就揀咗兩份DlY自選組合，我揀了全熟之食材，一個香草芥末大蝦+慢煑天多利雞配以白飯+糙米飯面層蔬菜部份揀了和風！另外一個 西班牙蒜油八爪魚+薑汁松阪豬配以 黃薑椰菜花+糙米飯面層就揀了彩虹組合～食落口感層次非常滿足，份量好夠，就算食哂都唔怕，因多菜少肉，好健康又滿足，另外不得不提仲有好多小食配搭添，我加咗隻溫泉蛋同鰹魚昆布湯，最後配多兩樽蔬果汁，真係大大大滿足~

荃灣呢間pickabowl係主打健康魚生飯， 鍾意健康飲食嘅人絕對可以考慮。店舖開揚舒適， 行 自助 選配形式 ， 可以喺門口睇完menu再 購買， 然後就可以返埋位坐， 等到有餐點，號碼器就會震動，然後就可以自己去取餐。佢有好多唔同已經配搭好嘅餐比顧客選擇。 如果唔鍾意想自己自行配搭 ，可以選擇佢嘅diy自選餐。因為本人有選擇困難症所以就選擇咗佢嘅夏威夷四重奏， 除咗有煙燻辣味三文魚同經典吞拿魚呢兩種魚生之外，仲有泰式熟蝦同牛油果。 而每一款亦都配搭住唔同主題嘅蔬菜，我呢一個夏威夷四重奏就配搭咗色彩繽紛嘅彩虹蔬菜， 喺視覺上真係一流。 至於下面嘅飯可以揀白飯，糯米飯，烏冬， 糙米飯或者黃薑椰菜花。 我就選擇在一半白飯加一半黃薑椰菜花。 不得不讚纖維度真係十分高，而且味道亦都好一流，辣味三文魚配泰式熟蝦呢兩種醬混埋飯一齊食，成個飯已經十分惹味。朋友嘅自選diy套餐就叫咗經典三文魚，芥末熟蝦同和風菜組合。 佢嘅飯底都叫咗一半白飯同一半黃薑椰菜花， 十分欣賞芥末熟蝦，味道鮮味特別。我哋每人叫咗支果汁，就係蘋果紅菜頭檸檬西柚汁， 十分好飲，而且果味十分濃郁。

行開荃灣見到呢間食健康嘅夏威夷魚生飯嘅店舖 就入咗嚟試吓叫完嘢食 仲可以望住店員即場整比你Giant’s boat $106材料非常之豐富 你食嘅每一啖都會有配料可以一齊食 唔食齋食飯呢一款係用「彩虹」做配菜 姐係有菠蘿粒 青瓜 蕃茄粒 生菜 等等配料辣味三文魚幾新鮮 辣味唔會辣到蓋過其他餸嘅味道 加埋牛油果嚟食好好食 仲有泰式熟蝦 酸酸甜甜咁 配埋中華沙律 令成個飯味道好多元 米飯即較為硬身 要咀嚼多少少時間食完會勁飽🤤Classic couple $84佢就用「和風」嚟做配菜 配菜份量亦好充足 入面有青豆 蕃茄仔 菠蘿 生菜 等呢款嘅三文魚就係醬油味三文魚 三文魚鮮甜嘅味道會較突出加咗$25加配餐有溫泉蛋 布丁 同海帶湯 好食😋布丁仲有埋焦糖醬 味道好好 加咗$12 仲有生果汁飲

星期五晏晝想食健康D，就來到呢間荃灣Pickabowl，售賣夏威夷特色魚生飯店，DIY 自選2盒外賣返屋企食。可以選2款魚生/熟肉，再選配菜和底層。我先來$84香草芥末熟蝦、薑汁松板豬，和風配沾烏冬 追加經典三文魚$18 。和風配菜有毛豆粒、豆角粒、豆卜粒，薑汁松板豬香脆照汁味濃， 三文魚新鮮，熟蝦彈牙鮮味~朋友點$84蒜辣八爪魚、蒜油熟蝦 泡菜配白飯 追加牛油果 $14，配菜見紅莓粒、生菜，上層有不少蒜粒舖滿熟蝦上，底層肉眼所見八爪魚泡菜都係紅紅辣辣，果然係朋友香辣重口味之選。蒜辣八爪魚香辣有嚼勁，而牛油果可以點綴清新味道。溫泉蛋+$6+蜜桃汁$6：有蜜桃肉粒，解辣清新~蘋果紅菜頭檸檬西柚汁$22：酸酸地好開胃，飲完排毒暢通。

晚餐決定食得健康啲，所以最後嚟呢間餐廳度食。首先一開始佢嘅餐牌十分豐富，除咗可以揀餐廳設定好嘅菜式，亦都可以自由配搭，我好欣賞呢種咁客制化嘅菜單因為想食海鮮，而且見佢嘅泡菜醬好得意係跟咗蒟蒻，所以我就叫咗S餐：蒜片油八爪魚配泡菜醬（泡菜、青瓜、蒟蒻、紅莓乾同埋韓式辣醬）跟薑黃椰菜花同糙米飯。一上枱又係俾個份量嚇親，今日食咗兩間荃灣嘅餐廳都好大份，呢一碗我食咗一半已經好飽食唔晒味道係好食同食材好新鮮，每一種配搭都保證有好多唔同營養嘅蔬菜同肉類，真係好想佢會有一間分店喺我屋企樓下

每次經過荃新天期二期，都會見到這一間Pickabowl坐滿了人。今日收工和同事去aeon買完嘢，就打算食完飯才回家，我建議他來這間試試。因為太多選擇了我和同事都選了很久，我們先坐下喝著西柚羽衣甘藍浸泡的水，慢慢研究。他的是自助形式，他有多款組合任您挑選，主菜有慢煮肉類，刺身，海鮮，素食，配菜也為你配好有泡菜，山藥，蛋黃，彩虹，和風和紅菜頭，底部可以白米，椰菜花，黃薑椰菜花，糙米飯，沙律和沾烏冬。在收銀處點菜後，他會給你一個到餐牌，弄好了他就會響起，提示你出去啦。煙燻三文魚慢煮天多利雞黃薑椰菜花加白飯紅菜頭組合煙燻三文魚撈了辣醬，惹味十足，雞肉略嫌孩咗少少。黃薑椰菜花是一個新嘗試，這樣弄起來的拌飯非常美味。香草芥末大蝦沾烏冬山藥組合，芥末醬入面香草上面還有一芝麻，食落去有少少酸味但係非常開胃。另外加牛油果，和山藥一樣就是最佳抗氧化補品，黏黏的，加上山葵青豆，感覺非常不錯。喜歡他這樣配沾烏冬，非常開胃。大家都加25蚊升級為套餐，油溫泉蛋和甜品，還有麵豉湯。日式大碗飯，為你健康出發。滿分為10分(1分最低，10分最高)食物：8環境：8衛生：8服務：8價錢: 8舒適度：8總分：8

今次配左椰菜花加穀物飯雖然個穀物飯好似係轉咗做白飯 之前都有睇過其他人食評有寫過落錯單情況不過佢幫我轉左白飯都幾好食辣三文魚加吞拿魚好食😋 應該配白飯或者沙律菜會好食～～～包裝整齊 賣相都好吸引配菜新鮮！整體來講雖然價錢有啲貴但係間中食下都無妨～

夏日炎炎好多時真係唔係好想食啲熱辣辣嘅嘢咁啱今日就見到呢一間新派嘅魚生飯而且見到入邊仲非常之咁整潔所以就吸引咗我入去試不過呢度唔好嘅就係佢非常之咁多選擇不過好彩呢度本身就有啲set好咗嘅選擇我就選擇左夏威夷四重奏因為貪佢又有三文魚又有吞拿魚而且仲有非常之咁多嘅配菜包括有中華沙律牛油果菠蘿而且個底裏便仲有唔同嘅青椒紅椒黃朝另外呢度好特別我值得讚嘅就係佢可以選擇少飯底但係另一半嘅飯底就可以轉做黃姜椰菜花碎所以食得非常之咁清新非常之咁light一打開之後就聞到非常之咁濃郁嘅麻油香味令到成個菜非常之咁開胃而且仲好香而且飯再加上醃製過嘅魚生係非常之咁入味唔使加上任何調味料都已經可以食到津津有味另外因為同行有個小朋友就叫咗個親子丼比佢我偷咗佢一粒慢煮雞肉食慢煮雞肉非常之咁軟滑而且個味道仲非常之咁好但係佢嘅配菜就非常之咁多蔬菜所以唔使驚小朋友唔食菜因為佢嘅蔬菜底都非常之咁好食同行嘅朋友就叫咗一款夏威夷三文魚再配合烏冬底呢度嘅三文魚加上佢哋獨有嘅執仗真係非常之咁好食朋友都話真係一個不錯嘅選擇

荃新天地二期裝修過後, 有不少新派的食店進駐，今天試了其中一間Pickabowl的外賣，這裡環境和食材都唔錯, 食物新鮮有質數, 選擇也多，生食如三文魚，吞拿魚, 熟食如泰式熟蝦、松板豬、慢煮雞胸等都有, 要飽肚有黃薑椰菜花半糙米飯, 要輕量有沙律，都是走健康食材的格調。店員有禮效率高, 由落單到取食物只等了不超過五分鐘。今日試左煙薰油辣味雙拼(三文魚& 吞拿魚) , 主菜辣味三文魚同埋經典吞拿魚夠新鮮, 配泡菜, 青瓜, 菩蒻, 韓式辣醬, 煙韌既沾烏冬令人食指大動。 對於有選擇困難症的朋友, 我會推薦夏威夷四重奏, 食材多款式, 有煙薰油辣味三文魚, 經典吞拿魚, 泰式熟蝦, 牛油果配以彩虹沙律，口感清新，五顏六色又美觀，當中有紫洋蔥, 蕃茄, 青瓜, 甜椒, 自家制醬油, 加25元配番個套餐，就有埋温泉蛋, 堅魚昆布湯, 及甜品，能讚上滿滿的LIKE 。

好耐冇嚟過荃灣行街，今日嚟到，原來呢頭都多咗好多新商場同埋新店，原來荃灣都開咗Pickabowl，咁啱好耐冇食，好掛住，所以就嚟咗呢度食啦。呢間個裝修同荔枝角嗰間感覺好似，成間都係好簡約嘅風格，入邊嘅位置唔算好多，但係坐落都闊落。同荔枝角嗰間一樣，呢度都係先喺出邊叫餐再入嚟慢慢坐低，我記得上次食加州三文魚好好味，所以今次我都決定叫加州三文魚，由於近來食得好多嘢肥咗好多，所以為咗減肥，我都決定唔食飯，要叫沙律，然後再加牛油果，成件事非常健康！ 我男朋友同我叫野都好似，不過佢叫嘅係糙米飯同埋除咗三文魚仲叫咗吞拿魚，如果唔想食咁多飯怕肥嘅人喺呢度真係好多選擇，又可以淨係食菜又可以叫糙米飯。唔駛等好耐已經有得食啦，我嗰碗成件事好夾，勁好味，其實分量超多，但係因為太好味，所以我好快已經食完，入邊嘅配料所有嘢都好啱我心水。因為加$25有得升級做套餐，所以我都升級左，叫咗一杯蘆薈飲品同埋佢會送個甜品，之前送嘅係包裝啫喱，今次嘅係蒛餅，感覺好似Home made 好得意。其實食完個沙律已經超飽，絕對唔擔心食唔飽，連甜品我都唔係好食得落！滿足的一餐。