PHI Coffee & Pancake (屯門市廣場1期)

营业中

休息中

.🔺 PHI Coffee & Pancake 呢間新開嘅cafe位於屯門市廣場頂樓😬主打西日料理 裝修風格行文青風.煙三文魚忌廉汁扁意粉🍝忌廉汁夠濃淍掛汁 麵質熟度岩岩好雜莓三重奏梳乎厘🥞一份有三大塊 雜莓醬酸酸甜甜同梳乎厘好match😬而梳乎厘口感係比較實在🧐🤨巴斯克芝士蛋糕🍰好好味 口感輕盈 唔會太膩😆😁😁飲品方面試左檸檬特飲同熱朱古力👍🏻😬檸檬特飲加上百香果 酸酸地好岩依家夏天飲😎

屯門市廣場入面竟然開咗間簡約得黎又幾靚嘅cafe，當然忍唔住要去試吓！呢度嘢食選擇都好多，鍾意食鹹食或者甜品都得！叫左個煙三文魚忌廉汁意粉（$88），份量都大，仲好多煙三文魚！忌廉汁幾creamy，如果多啲汁會好啲依間出名食疏乎厘，第一次黎食揀咗黃金比例原味疏乎厘（$88），超級空氣！入口即融，配埋糖漿同鮮忌廉食，微甜得來唔會掩蓋蛋香。另外仲嗌多咗個Tiramisu（$78），個手指餅乾唔會浸得太淋，食落仲有啲脆，口感唔錯。個mousse做得幾好，好滑！嘢飲方面，叫咗伯爵茶鮮奶咖啡（$42）同抹茶鮮奶（$42），賣相好靚！味道偏淡，但我覺得配甜品的話都岩岩好！整體來講都食得幾滿意

屯門開左間人氣日系咖啡店 - PhiCoffee & Pancakes，新開幕經常排晒長龍，近地趁Happy Friday就同阿囡去嘆下食好西開心下。主打一定係 #疏乎厘班㦸，相信大部分人都係為佢而來，係signature 甜品。我哋點左 #雜莓三重疏乎厘，因為製作需時，都要啲時間等。一客3件，望落好Fluffy, 摇下碟邊仲震下震下架，影完相要趁熱食，放涼就會下塌影響口感。每一口都好似棉花咁，柔軟中帶微濕潤感，加埋酸酸甜甜雜莓醬一齊食，好開胃又有蛋香味，真係好滿足。蕃茄醬蝦意粉天氣熱特別鐘意食啲開胃食物，依個意粉做得好出色，蕃茄醬鮮甜夠fresh, 鮮蝦彈牙數量都唔少，意粉入味彈牙，口感好好。Strawberry Mousse Cake 囡囡見到隔離枱有一碟好像真既士多啤梨蛋糕，就心心眼想要。外型真係好得意好少女，好似真既士多啤梨一樣，其實係士多啤梨mousse cake, 好滑好香。甜品櫃仲有其他款蛋糕，一樣咁精緻。飲品雖以咖啡為主，但仍有非咖啡飲品可選。抺茶鮮奶同檸檬特飲一樣冰涼解渴，好消暑。有個女兒喜歡陪我去嘆下午茶真係好幸福呢🥰

屯門新開嘅高質素嘅Cafe🥳尋日喺OpenRice見到推介今日即刻過嚟試吓🤤見到靚靚梳乎厘班戟即刻心心眼😍心情都變好雜莓疏乎厘 $88勁香嘅雞蛋味 口感軟林林好梳乎呦😚配上草莓🍓同雜莓醬 幸福嘅味道熱朱古力咖啡 ☕️ $15（跟餐價）靚靚嘅心型💗拉花真係好鍾意朱古力同咖啡嘅配搭真係可以消除疲勞煙三文魚忌廉汁扁意粉🍝$88好creamy 嘅意粉 煙煙韌韌 好有口感但個人唔太鍾意青豆 🤣 總覺得有啲怪凍伯爵茶鮮奶咖啡 $22（跟餐價）淡淡伯爵茶嘅香味 配上香滑鮮奶 令咖啡容易入口消除那份苦澀味 😌 全日早餐$108點少得我最鍾意嘅 All Day Breakfast 🥰 性價比超高 😍 環境舒服 花系裝飾 打卡一流

等左呢間野好耐啦放假即刻約埋朋友去試，不過我無試到最出名的梳乎厘，而係食左意粉同全日早餐，睇圖好吸引，好在都名副其實，好好味黑糖鮮奶咖啡$42All day breakfast$108煙三文魚忌廉汁扁意粉$88

今日很開心跟好久沒見的朋友相聚，就約在屯門新開張的咖啡店，而且還可以吃到我最愛的甜品—疏乎厘。位置：在三樓戲院對面。環境：在中庭位置上開放式餐廳，左邊是以簡約白為咖啡櫃檯的主打顏色，並有一個蛋糕櫃，右邊是座位，座位後方是鼠尾草叢的裝飾，一邊牆身則打造成木窗，但沒有任何景色可言！服務：雖然是新開張，但人流挺多，服務員亦很忙碌，我之後入坐都要排隊呢！不過上菜速度都快！下午茶：吞拿魚沙律$72沙律菜主要是以羽衣甘藍為主、少許紅菊苣、紅椒和洋蔥，吞拿魚不是生的，是半熟黑椒吞拿魚，所以吃起來有微辣，是很開胃的前菜。雜莓疏乎厘 $88重點甜品，第一賣相出色，不同的雜莓在盤邊點綴，呈上時疏乎厘顏色微黃，散發濃濃的雞蛋味，切開就看到內部是半熟狀態，所以口感是濕潤軟綿，但空氣感較淡。而底層新鮮的雜莓醬，搭配疏乎厘，味道就酸甜夾雜，是完美配搭。經典法式多士 $78為了了解這個甜品，特意在網上搜尋了一些資料，其實工序不繁複，將吐司浸在牛奶、雞蛋、鮮奶油，放入雪櫃冷藏至一晚，把麵包煎至金黃色，最後用焗爐烤焗，柔軟麵包充滿奶香，口感是像麵包布甸，但沒有那麼濕潤。只是奇怪為什麼多士的份量像縮水了，雖然跟餐牌是一樣

PhiCoffee&Pancakes 係美孚都開左一段時間，最近係屯門都開埋分店啦，作為屯元天人，又點可以唔去幫襯呢？餐廳嘅裝潢相當日式，部分座位更以和式設計，餐廳內燈光柔和，帶埋人好舒服嘅感覺。原味梳乎厘班戟：本人非常喜歡日式梳乎厘，貪佢有一陣陣嘅空氣感，賣相一流嘅梳乎厘，一份有三大件，厚得黎又軟熟，一咬落去入面呈半熟狀態，軟綿綿。由於我地唔想俾其他味道蓋過陣蛋香味，我地特登叫左原味，佢嘅蛋味相當香濃，味道唔會太甜，唔洗配忌廉已經好好食。蕃茄醬蝦意粉：聽聞呢度嘅蕃茄意粉好出名，又點可以唔試下呢？橙紅色嘅蕃茄意粉配上大大隻嘅蝦，賣相非常吸引，氣勢十足。意粉口感煙韌，配上蕃茄醬，入口酸酸甜甜，味道濃郁惹味，令人越食越開胃。士多啤梨慕絲蛋糕：廚師好有心思，蛋糕整成士多啤梨形狀，賣相相當吸引。味道方面，士多啤梨味香濃，口感非常清新。食物加$22 可以upgrade 去set，我哋每人都揀咗一款飲品。玫瑰鮮奶咖啡：餐飲叫左Rose Latte， 咖啡味非常濃郁，帶輕輕嘅玫瑰花味，有細滑的口感。Tiramisu coffee: Tiramisu coffee 只有凍飲，咖啡上面有一層淡忌廉，咖啡

新店開張，多人到要排隊，不過排隊都算快入到蕃茄醬蝦意粉 $88 🍅🦐🍝蕃茄味幾香同夠味，食得出佢唔係淨係番茄醬，有用到茄膏。蝦份量都算多而且爽口經典法式多士 $78平時茶餐廳多士就食得多，法式好少食。食落去幾香，甜甜地。上面有啲糖箱同埋忌廉，唔會話好流，而且麵包唔會話硬，而且有紅桑子，藍莓同埋士多啤梨，中和左甜味。我比較鍾意食呢個多過茶餐廳嘅奶醬多。雜莓梳乎厘 $88上面又係好多莓，足足有三件班戟咁多，上面又係有士多啤梨，藍莓同埋紅桑子，cream。將呢啲嘢一齊食唔會話好甜都唔會好酸，成件班戟變得好match。Tiramisu coffee $48一直都覺得呢間咖啡好特別，tiramisu食得多，咖啡都飲得多。Tiramisu本身都有咖啡，加埋一齊飲就真係好出色。Con coffee $32星巴克嘅忌廉咖啡就飲過，但係出面忌廉咖啡真係第一次飲，佢呢款雖然唔大杯，但佢連忌廉都分咗兩層，好出色。可能因為嗰日係假日，而且係新開店，都好多人排緊隊，我哋都排咗一陣，佢哋主要行小清新路線，有好多花我都喺嗰度影咗好多張打卡相。

知道美孚店好出名，屯門開咗就好想好試😆餐廳開門時間係11:30，我11:15到達，已經有幾組客人排隊等緊。到左開門時間陸續安排客人入座，店員都好有禮貌，本身安排左近門口位置，但我表示想坐另一張枱店員亦都樂意安排。餐牌方面，食物種類唔算太多，因為廚房偏細。梳乎厘嘅口味有四款，我今次揀左雜莓梳乎厘，另加$22可以跟一杯咖啡。咖啡種類反而比較多，我就揀左伯爵茶鮮奶咖啡。店員送餐時會建議客人可以先影相打卡。梳乎厘一份有3塊，而且有勁多雜莓醬😆梳乎厘入口即溶，吾會太甜，加埋酸酸地既雜莓醬同鮮忌廉一齊食，味道岩岩好👍下次有機會會再黎試其他咸既食物同咖啡。

我地去屯門市廣場睇戲，睇戲前發現了一間新開Cafe，我地12點半到達，全場滿座，我地只等了一陣就好快有位。餐牌有沙律、熱香餅、全日早餐、意粉、蛋糕、飲品，仲有我至愛的梳乎厘。70%純黑朱古力梳乎厘（$92）梳乎厘一份有三件，即叫即做，製作需時，賣相非常吸引，梳乎厘夠厚，輕盈軟綿，蛋味香濃，輕力搖晃時會有彈下彈下的質感，用上70%的純黑朱古力帶一點苦，濃郁的可可味道。焦糖朱古力蛋糕（$68）外面用上朱古力脆脆，脆脆有點似金莎，包著焦糖朱古力慕絲，慕絲口感綿滑，甜而不膩。吞拿魚沙律（$72）吞拿魚半生熟，沙律用上羽衣甘藍和兩至三款沙律菜，清新又開胃，加上有杏仁，口感更豐富，而且份量足夠。抹茶鮮奶（$22）抹茶與鮮奶比例剛剛好，濃郁的抹茶味，夠香滑，不會覺得苦澀。蘋果汁（$22）餐廳用上冷壓蘋果汁，可以保留水果的營養和味道，所以蘋果味道更濃郁。

打算到屯門市中心看電影，在電影院前開了一間新的coffee，文清高雅，於是就在這裏吃下午茶。.在一個open area，感覺很自然爽朗，店員也很有禮貌，而且時不時有人龍，很受歡迎呢。.全日早餐 - 全日早餐十分豐富，麵包中間開洞再放入不同的食材，感覺跳脫。材料有溫泉蛋煙三文魚及法蘭克福腸，又有牛油果蓉，令人很滿足呢。經典法式多士 - 經典就是最好的，多士香口，我知道是很邪惡的肥，但是總是忍不了口。雜莓梳乎厘 - 梳乎厘應該是這裏的主打，幾乎每一台都叫，梳乎厘厚身又鬆軟，很香的雞蛋味，超正！這裏的飲品質素也很高，又靚又好飲，抹茶鮮奶（熱)Matcha Latte 、玫瑰鮮奶咖啡（凍）Iced Rose Latte。想必日後一定很受歡迎。

朋友好鍾意食梳乎厘，於是同咗佢嚟食😋我地一人點咗一個甜品同飲品，再share扁意粉。煙三文魚忌廉汁扁意粉都幾creamy，意粉軟硬度亦適中，三文魚份量都唔吝嗇。食完意粉，梳乎厘終於上枱喇，賣相💯。先食一啖原味嘅，好重嘅蛋香味口感軟綿綿。不過我都係鍾意食甜野，就落咗啲糖漿，更加好味。我哋嗌左榛子梳乎厘，榛子cream嘅口感非常之棉密，同梳乎厘一齊食可以增加濕潤度，更加容易入口。Strawberry mousse cake賣相真係成粒士多啤梨，好得意。切開之後有一層薄薄既士多啤梨啫喱同海綿蛋糕，令件cake 既口感更豐富。飲品方面，朋友話杯朱古力味道濃郁，口感香滑。而抹茶鮮奶係我喺Cafe好鍾意叫嘅飲品，通常奶味偏重，但呢一杯嘅顏色偏深，感覺是茶味重的。一飲，果然抹茶味超濃郁，就算一齊同甜品食都唔會過得過甜。

><見到新開裝修都唔錯幾啱行完街坐低傾下計煙三文魚忌廉汁扁意粉($88)忌廉汁都能夠掛到意粉上混入意粉內嘅煙三文魚煮至半生熟心動榛子梳乎厘($92)店員提示製作需時 所以要等15至20分鐘到鬆軟蛋香味都有嘅 自行倒入焦糖漿同搽榛子creamTiramisu($78)手指餅浸滿咖啡 好易切開加上cream 入口即溶抹茶鮮奶/伯爵茶鮮奶咖啡><><><><><><><><><><><PHI Coffee & Pancake屯門屯順街1號屯門市廣場1期3樓Kiosk 02號舖

屯門一系列商場雖多，但餐廳集中嘅樓層相信第一時間都會諗起Vcity同屯市三樓。一段時間冇嚟，記憶中嘅UA、茶木早已結業，取而代之係呢間離遠已經見到排哂長龍嘅cafe。幸好流動速度都幾快，唔夠15分鐘已獲安排入座。餐廳主打即叫即製梳乎厘，另外亦有幾款簡單三文治、沙律、意粉選擇。去得coffee shop，當然係為嘆靚啡而嚟。是日點嘅兩杯咖啡都以cold brew為基底，選用嘅咖啡豆濃淡酸甘適中，口感順喉細滑，容易被大眾接受。橘香冰搖咖啡 帶柑橘微香，有西西里咖啡嘅清新感，但又唔會令咖啡變酸。後者提拉米蘇咖啡 更似一道甜點，一半black coffee一半cream，表面灑上可可粉，再以手指餅為點綴。攪拌後入口豐盈，同Macchiato近似，唔好奶油嘅人可能會覺些少膩。吞拿魚沙律主要為羽衣甘藍同紫椰菜，拌以經微燻嘅吞拿魚，調味偏淡，略加black pepper辟腥，整體中規中矩。Tiramisu有驚喜，手指餅充分吸收咗espresso，咖啡味濃郁甘香，又無受潮變淋；配上無額外加糖嘅mascarpone，鬆化與細滑口感交雜，係一道越食越上癮又唔會過甜嘅「甜點」🥰壓軸嘉賓soufflé 登場✨

朋友相約我到屯門市廣場這間新CAFÉ，便想到之前吃過美孚那間，實屬不錯。這間的位置就正正位於戲院的對面，風格依然日系小清新的簡約風，有很多仿秋葉增添打卡感。價錢來說真的划算，沒有很多間咖啡店的飲品有做加配價錢。70%純黑朱古力梳乎厘 - $92絕對值得耐心等候半小時，每份即叫即製人手打泡忌廉。厚厚的梳乎厘充滿彈性，裡面的空氣感十足，輕盈如泡沫，入口即溶；且口感鬆軟，富有蛋香味，還有適當的濕潤感。黑朱古力醬較為濃郁，有獨特甜中帶微苦的口感。軟綿綿的慕斯同樣充滿朱古力味，好幼滑。還配些新鮮的士多啤梨和藍莓裝飾之餘，又帶點清香。蕃茄醬蝦意粉 - $88意粉掛滿香濃番茄汁，夾雜些蕃茄肉，充滿酸甜清香的味度。裡面也有十多隻已去殼去腸的新鮮蝦仁，肉質爽滑彈牙，富有鮮味。特濃意大利芝士蛋糕 - $78簡單用六根手指餅便組成如此賣相精緻的蛋糕。整個蛋糕表面充斥著濃厚的朱古力粉。每條手指餅之間的裡裡外外也有一點點的芝士慕斯餡，質感細膩軟滑，有一般霜霜的口感。手指餅本身外層裹著一層厚厚的砂糖，上層的還保持著乾爽，有酥脆的口感；而下層的吸收了大量的咖啡酒糖液，牢牢地抓著咖啡、朱古力、酒香三種風味。抹茶鮮奶