PHI Coffee & Pancake (屯門市廣場1期)

营业中

休息中

同媽媽撐枱腳，試試屯市新開Cafe。其實都唔算新，屋企人之前食過幾滿意先介紹中午時份需要排隊，少等咗一陣入得。假期瞓得晏早餐午餐一齊嚟，兩個大胃王有理冇理叫咗先辣蕃茄蟹肉扁意粉鍾意食辣嘅朋友可以一試，辣中帶酸夠開胃，比想像中更辣邊飲水邊食，都幾過癮（鍾意食辣又唔太食得嘅朋友實明）蟹肉份量都幾多白色聖誕車厘子疏乎厘Pancke應下節揀咗呢款，個樣真係幾有聖誕feel，成功吸引媽媽勁影一輪。鬆軟度夠，蛋香夠，呢款配車厘子果醬酸酸地唔會太甜，再有白朱古力同曲奇碎口感豐富少少。總體評分幾高，會想試埋原味再食真啲塊pancake。超鍾意呢隻杯，鮮奶咖啡icon 好可愛！食食吓飯都引到個購物慾出嚟，搞錯！焦糖脆脆鮮奶咖啡冇咩特別，想像到嘅味道，唔算好識咖啡對我嚟講最緊要飲落開心；提拉米蘇造型加分見到好多人叫。最尾仲叫多件咖啡mouse cake，幾香滑帶少少肉桂香，咖啡味再濃多少少就更好啦～大胃兩人組全部完食，行屯市又多一間啱口味餐廳揀。睇Openrice見餐牌好似時不時轉，放喺度俾大家參考

曾經好紅既空氣pancake,估唔到隔咗咁耐熱潮仲未減退，今日係平日都要等10分鐘先有位。杯咖啡分開食，兩樣都好味，但咖啡夾埋提拉米蘇就唔係咁識欣賞啦。朱古力梳乎厘好味，好輕盈好清爽，食2件都唔膩，配碟嘅朱古力都好正，學佢話齋係70%朱古力，所以唔係死甜既甜品。下次都要黎多次呀！

我係一個tiramisu 控只要間餐廳有tiramisu 我都會同一餐叫重覆嘅甜品今晚放工後 本來想去同場嘅泰國餐廳點知去到門口 入面有枱都話full 咁轉場啦 本身係想食pancake 但剩食甜野 男友個胃一定唔夠所以叫左個意粉出奇地味道唔差 而且蟹肉仲要幾多所以都好滿意根住叫左甜品梳乎厘pancake 蛋味濃但唔食雞蛋嘅我接受到佢鬆軟到適中 唔會好快就塌而且呢個價錢有3塊算reasonable 至少合理過元朗某餐廳 由3塊變2塊之後到Tiramisu 平時食開嘅手指餅滿滿咖啡及酒香但手指餅會淋晒而呢個係唔會淋晒 仲係手指餅原有硬到男友話佢鐘意食呢種tiramisu 但我就略嫌硬左少少但味道係ok 至少有85分而咖啡我都叫左Tiramisu coffee混合左tiramisu 嘅cheese 嘅咖啡唔會太甜 而且咖啡唔酸 幾好飲總括黎講 我會再encore 佢地嘅pancake

今日食評有✍🏻 PHI Coffee & Pancake試食指數⭐⭐⭐⭐店舖衛生⭐⭐⭐⭐侍應態度⭐️⭐⭐((每項5⭐️為滿分)) ·店舖位於屯門市廣場1期戲院旁邊人流旺座位多但唔算寬敞韓式田園風的裝修好啱少女們打卡📸·侍應態度好好可惜出品時間太耐Pancake 及 疏乎厘非繁忙時段要等15分鐘週末期間要等30至40分鐘更有耐性嘅顧客都會發火😮‍💨·我哋點了1️⃣抹茶紅豆疏乎厘配無花果梳打抹茶紅豆疏乎厘等了接近40分鐘賣相幾靚都食到一肚火😮‍💨不過我哋都會客觀陳述✍🏻三大舊疏乎厘咸甜味道配合得宜食完唔會覺得「漏」有綠茶醬+綠茶忌廉兩個唔同口感嘅配料仲有丸子🍡加抹茶啫喱🍵伴碟夠豐富👍🏻 值⭐⭐⭐⭐/5🍹無花果梳打⭐⭐⭐/5為健康可以點嚟飲吓未味道嚟講就一般·2️⃣Benedict pancake配熱朱古力Benedict pancake賣相幾靚⭐⭐⭐⭐/5每一個層次都分明不馬虎👍🏻三大塊薯仔伴碟如果可以切粒上就更好☕️朱古力賣相欠奉⭐⭐/5而且唔夠熱又細杯成杯飲晒啲食物都未到🤭扣分👎🏻·二人少少貴🤏🏻食物質素尚可👍🏻可惜等待時間太長👎🏻拉低左整體分數🤭·599Eat疫情下的食肆怕多人辛苦排得嚟又唔好食食

🔖外賣咖啡多時買一送一👍🏻🍽原味梳乎厘每次食疏乎厘我都係揀原味多🤣一黎到超濃烈既蛋香味，食落去空氣綿密，口感逢鬆，但又唔係得啖空氣咁，係我喜歡既口感，食哂3塊都唔膩。🍽 福鼎白茶味道清淡清甜清新，泡耐少少就覺得有d甘甜。杯細細，慢慢一啖啖飲都幾relax😆😋食物：️8/10🤵🏽‍♂️服務：8/10🍴環境：8/10💰人均消費：$90🤩性價比：8/10

經過呢間屯市咁文青嘅cafe，仲要主打疏乎厘pancake，梗係要試吓啦🥰環境：店舖以大地色為主調，座位係open area間開，坐入面位置嘅話都尚算可以，近大街位置的話就略嫌有點開揚。整體來講都係可以俾人感覺放鬆嘅Cafe，現場都見到好多年輕人同好友結伴同行。食物：店舖主打疏乎厘pancake同咖啡，但都有其他甜品同少量意粉選擇，大家可以叫多幾款同朋友share✌🏻1. 卡邦尼煙肉意粉🍝而家非主打意粉嘅cafe來講，呢個意粉簡直比到我好大驚喜。意粉份量適中，忌廉汁完全可以掛在意粉上面，配埋雞蛋同芝士好香濃🥰值得一試🤩2. 雜莓疏乎厘pancake🥞個pancake一嚟到就聞到好香蛋味🥚，口感亦都好鬆軟綿密，味道令我重拾番係日本食疏乎厘pancake嘅感覺☺️😇接近$120食三件pancake，價錢係香港價錢，但絕對令你食到日本嘅味道🥰總結：食物有水準，適合同三五知己一齊坐低嘆杯咖啡食件cake。行文青風嘅你，又點可以唔試吓呢😚🌟評分（5粒⭐️為滿分）環境設計：⭐️⭐️⭐️食物質素：⭐️⭐️⭐️⭐️服務態度：⭐️⭐️⭐️⭐️性格比：⭐️⭐️⭐️⭐

係商場人來人往既位置 有限時 再者當日店員話梳乎厘pancake需要等50分鐘 而你前面仲有兩枱客等緊 你仲會唔會幫襯？😅😅我既答案係會 雖然食物未到驚豔 但佢既裝修同食物給人一種療愈既感覺🙇🏻‍♀️ 加上我地坐係餐廳唯一既bar枱位置 擁有一個二人世界既角落👩‍❤️‍👨 其實都幾享受👏🏻👏🏻蕃茄蝦意粉- 份量偏少 🦐蝦為雪藏蝦 無鮮味可言 蕃茄汁味道很淡 意粉亦偏硬 唔太推薦大家點呢個🙈提拉米蘇咖啡- 呢度既招牌 唔鍾意tiramisu既我都堅持要一杯打下卡 上面既lady finger保持到脆身 同cream一齊食 已經係一個小小既甜點😇 咖啡偏酸 同上面既cream好夾雜莓三重奏梳乎厘班戟- 係梳乎厘pancake氾濫既年代 呢個價錢算好公道 有三大塊 再配合旁邊既雜莓 好味😋

屯天元嘅各位又係我介紹野食嘅時候！呢間PHI Coffee & Pancake係屯門開左分店，同朋友經過見到啲野食勁靚，一於去食！-豬肉腸迷迭香蕃茄醬扁意粉 ($88)味道不過不失，正常水準，不過可以食其他意粉，可以話係無乜特別，而且食唔出迷迭香香味。推薦指數:✨✨-橘香冰搖咖啡 (原價$42 跟餐$22)比較普通，無乜橘香味，不過咖啡聞落好香推薦指數:✨✨✨-玫瑰鮮奶咖啡 (原價$42 跟餐$22)比較普通，可打卡用，比較靚推薦指數:✨✨ ✨-雜莓三重奏梳乎厘 ($88)個人黎講覺得好靚，好色彩繽紛，令人好有食慾，但係可惜無乜蛋味，不過入口仲係好軟，一入口即化，以我第一次食梳乎厘黎講算唔錯！不過同行朋友有食過比較出名嘅梳乎厘店，就覺得有啲唔值得黎食🧐推薦指數:✨✨✨-環境靚，員工服務好，咖啡師手勢純熟，亦好有passion~-地址：PHI Coffee & Pancake屯門屯順街1號屯門市廣場1期3樓Kiosk 02號舖

早前經過屯市時發現有間新開既pancake cafe，所以特登放假時去試吓。係平日大約3點去所以唔需要排隊就有位。點左一個70% Chocolate soufflé & 一杯Early grey latte & 一杯Rose latte。咖啡同甜品都唔係等左好耐，大約15分鐘就ready上枱了～個soufflé 咬落去好鬆軟，入口好重蛋香味，配朱古力醬食都唔太甜，只係略嫌個soufflé唔夠熱。杯咖啡就比較失色，可能始終係latte，奶同cream蓋過咖啡味。

係屯門想食甜品總避不免嘆甜品或者有料案內所 其實連鎖店雲集嘅市中心頂層都開左一間甜品鋪😛我成日食梳乎厘都係厚實嘅熱香餅 冇乜生蛋清feel 但係呢間就可以滿足我想食creamy嘅口感！🥞心動榛子梳乎厘💰92梳乎厘唔係疊高高 而係三層好似被咁一個冚住一個 三個都肥嘟嘟咁充滿氣！中間就有一團榛子奶油 上面撒有榛子碎 風味十足 仲配有焦糖榛子醬 可以自己淋上去決定份量！而梳乎厘每一啖撥開都係軟淋淋嘅質感 好似啱啱打發完咁 清甜十足 外層有蛋糕體口感 入面係蛋清質感 好推薦喔😙🍰焦糖朱古力蛋糕💰68呢個係專for外賣嘅玻璃櫃度睇到 入面好多整好嘅蛋糕😍我地就揀左呢個出面係朱古力脆皮嘅蛋糕 覺得好似金莎🤣上面都有兩塊朱古力同埋焦糖醬 出面全部都係朱古力脆皮 所以都幾甜膩 而入面其實係朱古力慕斯蛋糕 整體口感就係朱古力味 仲以為會有D厚實feel 其實就全部都係mousse咁 所以口感唔太豐富喔😿整體來講呢度甜品價錢其實唔算出面咁高 選擇都幾多 記得仲有French toast都好吸引！而想食正餐其實都有意粉同全日早餐 所以想食D甜野relax下都可以來呢度坐下嘅😛📌PHI Coffee & Pa

眼見美孚店評價幾好，除左食物外表睇落打卡幾靚之外，都幾多人正評味道不錯。難得cafe唔止得pancake咖啡仲有主食，而且價錢都唔係好貴，開張無耐已經帶住略高期望到訪。-🍝蕃茄醬蝦意粉 $88無期望下反而有啲驚喜，番茄醬酸酸甜甜夾雜蕃茄蓉好開胃，三扒兩撥好快就清碟。-🥞榛子梳乎厘 $92好香蛋味，入口軟綿濕潤有空氣感又不至於一陣風，配埋糖漿同cream甜度恰到好處，屬於有回頭之作。-☕️Tiramisu coffee $48因為賣相太吸睛關係，一早已經決定必點呢杯打卡飲品。面層大量cream飲左幾啖都淨係飲到cream…最後頂唔順畢走左先飲到咖啡🙉啡底偏酸同苦，cream無乜甜味兩者好似唔太夾，完全唔係我杯啡😖-總結：選擇唔多，對比食物質素價錢尚算合理，到此一遊 🉑

打完風，晚上悶悶地想出街行下，同男朋友嚟呢度食Soufflé Pancake 🥞 8:30pm 到達，先發現Open rice 寫營業時間到9:00pm。向店員查詢，9:00 先last order，可以坐到9:30。先order 呢杯外觀吸引既Tiramisu Coffee $5X 普普通通，非常濃既expresso 再加份朱古力Soufflé Pancake有三片pancake，$100+，聞落食落都有蛋香，但內部流質似未熟咁。真係要再講⚠️⚠️⚠️係香港處理既soufflé pancake，好多店鋪誤以為內部唔熟就係「空氣感」。❌錯錯錯！有烘焙經驗既人就知，用牙籤測試，吉落去再抆番出嚟發現仲有粉糰/液體黐住，就代表未熟。呢間同銅鑼灣 希慎flippers 爭好遠，流質到仲有空氣卜卜.... 最近試埋土瓜灣HeySoNut 都有同樣錯誤🚫失望

行開屯門市中心，發現咗新開嘅咖啡店，望落去幾有日本feel，同朋友仲未食晏晝就行過去試吓。舖頭係開放式咁樣開喺商場入邊，咁啱去嗰陣時過咗食晏時間唔多人，一入到去就可以坐啦！同朋友好肚餓一人叫咗一個意粉，我哋叫咗一個青醬煙肉蘆筍意粉，覺得佢意粉煮嘅質素唔錯，唔會煮得太林，但係覺得煙肉嘅份量比較少，可以多啲會開心啲另外一個蕃茄肉醬意粉，佢俾佢醬汁好多，識落有啲鹹，比較重口味我哋仲叫咗一個pancake一齊分享，雖然個價錢有啲貴，但係見佢食pancake咁出名，咁就同朋友叫一個試吓，識落真係好友空氣咁，Pancake仲要好夠蛋香味，好軟熟，送想來嘅時候係熱辣辣㗎！我哋仲叫咗一個係雜果配搭，加埋生果酸酸甜甜咁，好開胃。我哋都食過唔停口！除此之外我哋仲叫咗杯鮮奶咖啡，飲落順滑，想飲咖啡嘅你不妨試吓！

早前見呢間新開梳乎厘pancake店開又未試過，見啲post賣相ok，評分又高，滿心期待！2個月前假日嚟試，大約下午兩點，排30分鐘左右。70%純朱古力梳乎厘 $92唔試猶自可，一試就出事⋯呢個話係70%純朱古力，原來只係梳乎厘上面啲朱古力碎，個梳乎厘一食覺得個味怪怪地，味道就好似係啲萬年油味咁🤢，唔知係咪咁啱嗰日先係咁，不過已經好大陰影，唔會有下次⋯

自從Starbucks執咗之後, 成個商場都冇coffee shop，由於Pacific Coffee啲嘢唔啱食，唯有試吓呢間PHI，排晒隊咁。好快就有位坐，座位都幾舒適，唔會好似快餐店咁迫，價錢中規中矩，就試吓pancake🥞同埋all day breakfast🍳抹茶latte🍵賣相吸引，鮮奶香濃，抹茶味啱啱好，唯獨入面有少少抹茶粉，Americano 咖啡比較酸，中規中矩。疏乎厘pancake超快到，不過好快做收縮，可能一早整定，上面雜莓都算多，冇乜蛋味，非常普通。All day breakfast 🍳 有煎西多士，唔知點解咁多油，配上蜜糖，好似怪怪地。其他嘢都好油，唔知點解成個碟底都係油，煙肉又係比較肥，味道麻麻地，隻蛋好生，由於頭先pancake嗰啲蛋都唔似日本嚟，應該係中國蛋，所以都冇食到隻生蛋整體來講，啲嘢食真係麻麻，不過地點非常方便，行街行到攰就可以坐吓