PHI Coffee & Pancake (屯門市廣場1期)

营业中

休息中

經過屯門終於試下呢間見佢新開早幾個月時非常多人排隊，今次見吾算多人就入去食過tea 😋叫左卡邦尼意粉，芝士粉適中，忌廉汁唔會太少，加埋有隻溫泉蛋嘅蛋黃汁比較滑身配料都十足，濃郁嘅香味點左一個tiramisu 疏乎厘pancake，pancake真係好有空氣感🤣超疏乎！旁邊仲有tiramisu 加手指餅，好香咖啡酒🤩叫咗一杯mocha ,好香嘅咖啡味

晚餐.呢間小cafe都開咗一排一直想試佢個豆花咖啡今日終於有機會喇估唔到星期一夜晚都有幾多人嚟食pancake😆.1) 提拉米蘇梳乎厘梳乎厘唔錯太甜 但質地有啲唔一致一塊比較實身 係我鍾意嘅口感另一塊就空氣感比較大提拉米蘇比較脆硬 同平時食開濕濕軟軟嘅口感有啲唔同.2) 羽衣甘藍青醬橄欖意粉個綠色醬都幾好味 意粉都幾夠大碟有啲黑色嘅粒粒 以為係菇 食食吓先醒起係欖欖唔係我喜歡嘅味道.3) 巴斯克芝士蛋糕個蛋糕好凹呀 成張櫈咁 哈哈食落唔會太油膩 味道都唔錯.4) 豆花咖啡呢個係我一直想試嘅白色牛奶 入面有啲豆腐花 上面灑咗啲黃糖咖啡就自己加落去味道都幾夾 真係唔錯可以試吓自己整😆.5) 暖泡沫鮮奶 (焦糖)個奶泡打得好高好挺身 高過晒隻杯 外型好得意不過味道就唔算太特別 就係奶加咗啲焦糖漿要攪勻先飲 唔係啲甜味就唔夠平均了.整體味道同賣相都幾好仲有個橘香冰搖咖啡都幾吸引 要等天氣熱返啲再嚟試吓😂

聖誕期間，好想食下日式班㦸，就揀左人氣嘅 PHI Coffee，佢主打梳乎厘班戟🥞 白色聖誕車厘子梳乎厘 🍒🥞聖誕節日限定嘅白色聖誕車厘子梳乎厘，軟綿綿梳乎厘，配合特製嘅忌廉，仲有車厘子🍒，好有節日氣氛🎄 班尼迪蛋熱香餅 🥚🥞Egg benedict 配牛油果加三文魚簡直超夾，再有班㦸底更美味😋 巴斯克芝士蛋糕Creamy 嘅芝士蛋糕好美味😋 給白色聖誕的咖啡☕特色聖誕節嘅咖啡，有肉桂同白朱古力，香味中又帶點白朱古力嘅甜味係咖啡中 聖誕老人的梳打🍹梳打配車厘子特飲，好fresh🥰

✅PHI Coffee & Pancake呢間pancake店係屯門都開左一段時間終於有機會去試吓啦！佢有別於一般既pancake店除左pancake同甜品外 仲有供應意粉 多士 沙律等照顧哂唔同客人既需要😆見到唔少既食客都會叫一個意粉同一個pancake 開心share😚🔆Tiramisu Souffle $118梳乎厘班戟真係好吸引 個種動L既質感😆味道都有多款選擇😆 打卡一流！我就揀左有埋tiramisu既呢個味道一份有三個梳乎厘班戟 仲有一細份既tiramisu梳乎厘班戟好軟熟 食落口有軟綿綿既口感飲落都好有蛋香 唔會太甜👍🏻加埋忌廉食就更加好味💛 個忌廉係好香奶味的另外tiramisu既味道都調較得恰到好處 手指餅浸滿左咖啡 好香濃咖啡味 苦澀中帶少少回甘但佢又可以維持到手指餅本身既口感 仲係好香脆個忌廉又唔會太甜太漏👍🏻整體來講成個配搭都唔錯 感覺就好似食左兩款甜品咁😝味道: 3.9/5賣相: 4.1/5🔆Spaghetti with Mussels and Bacon $88雖然呢到係班戟專門店 但都有幾款意粉選擇意粉既味道絕對拍得住出面cafe既質素！我叫左煙肉

今日我哋去咗屯門市廣場一間梳乎厘pancake PHI專門店食晚飯餐廳採用開放式座位設計，左邊擺放蛋糕櫃，右邊為座位，座位旁邊到處係打卡位，以乾花為題，部署都可以影到靚相我哋叫咗聖誕限定白色聖誕車厘子疏乎厘$122就嚟聖誕節梗係要試限定款式，呢度嘅梳乎厘好動L好鬆軟，車厘茄再加上白朱古力、忌廉、車厘子醬，成個賣相真係好似白色聖誕一樣主食方面我哋揀咗辣蕃茄蟹肉扁意粉$88估唔到日式甜品店都會有熱食，扁意粉上面鋪滿新鮮蟹肉，大滿足仲叫咗一個士多啤梨慕絲蛋糕$48 ，係整粒士多啤梨造型，而唔係士多啤梨味，真係好精緻，完全唔捨得將佢切開，旁邊仲有新鮮士多啤梨果肉同埋果醬飲品方面我哋叫咗玫瑰鮮奶咖啡同埋福鼎白茶，呢間餐廳嘅飲品都唔係剩係得賣相，款款都好飲！Menu

#三重芝士火腿三文治配沙律 ⭐️⭐️⭐️⭐️⭐️#70%純黑生朱古力疏乎厘 ⭐️⭐️⭐️⭐️⭐️#士多啤梨慕絲蛋糕 ⭐️⭐️⭐️⭐️呢間Cafe開咗一段時間，成日都要排隊，今日趁着放假就去呢間食食佢最出名嘅疏乎厘啦💕仲要見到我最愛嘅黑生朱古力！仲唔係叫呢個？😍⭕️黑生朱古力好滑同疏乎厘勁夾⭕️個cream都好滑好濃朱古力味真係啖啖滿足⭕️朱古力醬係用真朱古力令成份甜品升級⭕️呢個70%純黑生朱古力疏乎厘朱古力控必試⭕️三文治好香好濃芝士味⭕️樣樣野都好足料令每一啖都好有feel⭕️蛋糕都好香士多啤梨味，而且仲有士多啤梨伴碟⭕️咖啡都好正好有誠意

屯門真係愈黎愈多好野食！係市中心戲院對出有一間半開放式嘅cafe ，主打特色飲品同埋梳芙里，睇餐牌都知勁打卡able ，店面聖誕裝飾仲好靚添！除咗有甜品食之外，仲有意粉、All day breakfast 等主食添！今晚就係係過黎食輕晚餐同甜品🤩先叫咗份辣蕃茄蟹肉扁意粉份量對女士黎講啱啱好，但係男士就未必夠啦，不過黎得呢度都係想食埋甜品㗎啦！計埋甜品就perfect! 😋蟹肉意意想不到嘅好味，蕃茄味好濃，辣味提到蟹同蕃茄嘅鮮甜，意粉軟硬適中！Tiramisu 梳乎厘🤩🤩🤩🤩賣相真係勁吸引呀！即刻相機食先啦！梳乎厘鬆軟，一啲都唔漏，因為佢唔係落勁多糖，3塊輕鬆食完！而且最值得係tiramisu ！咖啡酒味好出，塊手指餅外潔內脆，勁好味呀！ 我覺得比梳乎厘更好味添😝士多啤梨慕絲蛋糕上碟就見到呢件趣緻嘅蛋糕，跟足士多啤梨嘅造型，慕絲甜度適中，口感非常軟滑！食到中間仲有果醬同埋海綿蛋糕，口感好豐富，亦都好有心思。夜晚費事再飲咖啡🥲唯有叫咗兩杯唔同口味嘅Baby Cino 賣相好別緻！奶泡打到好高！玫瑰味同焦糖味都好濃！ 但我有少少後悔冇試到咖啡，始終甜品配返啲偏苦嘅飲品會再好食啲嘛！唯有下次啦

🧚🏻‍♀️超人氣空氣感疏乎厘pancake🤍屯門市中心3樓有好多餐廳最近戲院對面有一間coffee and pancake shop 主打梳乎厘班戟♪(´ε｀ )提拉米蘇梳乎厘🤎 充滿空氣感之餘仲有濃濃嘅蛋香 配埋充滿冧酒嘅提拉米蘇 分量十足 配搭得宜～仲叫多咗一個巴斯克芝士蛋糕做甜品 簡單直接 芝士味香濃配上烤得照向的外層 芝士愛好者嘅最愛🧀🧈除咗甜品當然唔少得主菜啦～睇見好多食客都叫咗青口煙肉意粉賣相吸引 醬汁掛麵 配上煙肉味道略鹹 但麵質煮得煙韌 絕對係意粉不可或缺嘅一點♪( ´θ｀)ノ跟餐可以加錢點飲品☕焦糖脆脆鮮奶咖啡（熱）🍵抹茶鮮奶（熱）📍PHI Coffee & Pancake屯門屯順街1號屯門市廣場1期3樓Kiosk 02號鋪#coffee #coffetime #屯門 #西式餐廳 #屯門咖啡店 #美孚 #美孚咖啡店 #咖啡 #必食之選 #pancake #souffle #food #hkfoodie #foodblogger #pasta #意粉 #phi #phicoffee

冇得旅行過聖誕✈️唯有係香港🇭🇰搵多𝐝有聖誕節🎄𝐅𝐞𝐞𝐥既野食🍽留係香港🇭🇰都可以過得🎄🎅🏻好有氣氛❄️☃️~•~•~•~•~•~•~•~•~•~•~•~•~•~•~•~•~•~•~•▪辣蕃茄蟹肉扁意粉 ($88)面頭蟹肉🦀比𝐌𝐞𝐧𝐮📖張圖見到既仲多，扁意粉即整，夠熱🔥，軟硬適中🍝辣辣🌶中帶有少少🤏🏻酸酸甜甜，幾過癮🤪嗱嗱嗱，咪話唔提你，唔係辣到食唔到🤭但唔食得辣既朋友，就唔好揀依個🤣.▪白色聖誕車厘子梳乎厘 ($122)(製作時間⏰ 大約𝟏𝟓 - 𝟐𝟎 𝐦𝐢𝐧𝐬)本身𝐏𝐚𝐧𝐜𝐚𝐤𝐞已經打卡一流📸依款仲要🎄聖誕限定❣️梳乎厘班戟🥞有𝟑大件，蛋香味幾出🥚旁邊🤍𝐂𝐫𝐞𝐚𝐦奶香味🍼好重，車厘子冇藥水味🍒仲有𝐝類似𝐂𝐫𝐮𝐦𝐛𝐥𝐞既脆脆粒✨.▪ 巴斯克芝士蛋糕 ($68)做到中間凹，表面冇裂紋🤎巴斯克外表雖然唔會好靚，面頭烤到焦焦🤎🖤黑黑，令芝士味更香 • 更特出🧀不過我覺得質地稍為鬆散左少少🤏🏻.▪野飲▪▫️給白色聖誕的咖啡($52)( 𝐖𝐡𝐢𝐭𝐞 𝐂𝐡𝐨𝐜𝐨𝐥𝐚𝐭𝐞 • 𝐂𝐢𝐧𝐧𝐚𝐦𝐨𝐧 • 𝐂𝐨𝐟𝐟𝐞𝐞 )聖誕限定❣️真係勁有聖誕𝐅𝐞𝐞𝐥🎅🏻本身怕有白朱古力🤍會好甜，又冇喎😛嗅落勁香肉桂味🤎，飲落好滑

位於屯門的PHI Coffee & Pancake，是間以日式梳孚厘班戟打響名堂的餐廳。餐廳的裝潢加入秋意概念，以紅白色為主調，簡約設計，令人感覺舒適。 還記得剛開幕時，餐廳人頭湧湧，沒想到過了這麼久再訪，人客依然好多呀~ 白色聖誕車厘子梳孚厘班戟 $122 聖誕節限定的白色聖誕車厘子梳孚厘班戟，賣相好吸引哦! 班戟由人手每日打發忌廉、雞蛋、麵粉和牛奶製作而成，又厚又大，空氣感十足，口感一流。班戟造得相當有水準，如果蛋香重一點更好~我另加雪糕和雜莓，味道更好吃! 辣蕃茄蟹肉扁意粉 $88 餐廳的意粉，味道想像中更好吃! 意粉裏滿辣蕃茄醬汁香，又香又辣又惹味。蟹粉量多，份量慷慨。 巴斯克芝士蛋糕 $68 蛋糕選擇甚多，水果口味的蛋糕更是水果造型，打卡一流。 雲南滇紅 $38 抹茶鮮奶 $42

好耐無去屯門睇戲，睇完先發現原來新開左間cafe☺️坐嘅位置都算寬敞，open area嘅風格比較開揚～🔸 Tiramisu梳乎厘（HK$118）3大塊嘅梳乎厘口感十分鬆軟，食落唔會過於空氣感😗旁邊伴有Tiramisu嘅手指餅同可可粉，配埋梳乎厘如果咖啡味再重啲就更滿足啦🔸辣番茄蟹肉扁意粉（HK$88）微辣嘅番茄醬好開胃，有蟹肉點綴下，兩個人share就啱啱好🍝🔸 巴斯克芝士蛋糕（HK$68）蛋糕表皮有焦焦嘅風格，芝士蛋糕質感都細膩，配埋咖啡幾match呢🍰🔸 Tiramisu咖啡（HK$52）見好多人都飲呢款，上面佈滿可可粉，仲插住左條手指餅，忌廉好厚滑，配埋齋啡一齊飲好特別，好似將甜品變成左飲品咁呀🤩🔸 抹茶鮮奶（HK$42）抹茶味都突出，唔會太甜，帶點回甘味🍵

呢間開左都有半年，次次經過都多人排隊，莫講話假日，閒日都係一樣。我已經揀啲最少人嘅時間搏一個機會，好不容易，終於見到飛雲...餐廳枱就唔多，張枱細細張，2個人去啱啱好。我就叫左個梳乎厘pancake同一杯Tiramisu Coffee,自己慢慢嘆。餐廳好啱我呢啲慢活之人，啲嘢慢慢黎，唔好急。如果諗住等睇戲前搵個位坐食少少嘢，攝果少少時間，真係勸你唔好啦～又要催人，又食得急，真係品嚐唔到食物真正嘅味道。pancake整嘅時間預15至20分鐘。所以可以慢慢嘆住coffee等，寫意寫意。到上碟啦～present出黎好靚，pancake整到啱啱好，如果compare日本果啲係爭少少嘅，但整體上係好食，造到空氣感，唔會有雞蛋嘅腥味，又無太粉嘅感覺。

聖誕老人的梳打 $42我第一次飲車厘子味嘅梳打，好彩唔係藥水味亦唔算好甜，我覺得幾得意。宇治抹茶紅豆梳乎厘 $112兩邊煎得乾身，中間係半熟狀態仲好濕潤，幾有蛋香。配料豐富，有紅豆、蕨餅、団子同綠茶忌廉， 我一開始以為pat忌廉係雪糕，諗咗好耐點解影完相佢一啲都唔溶。🙈Tiramisu $78芝士忌廉綿密幼滑，lady finger 冇浸到腍曬，仲有少少脆，有咖啡味得嚟又唔會好苦澀。辣蕃茄蟹肉扁意粉 $88辣番茄醬酸酸辣辣好開胃，扁意粉麵質煙韌，蟹肉嘅份量都幾多。

同媽媽撐枱腳，試試屯市新開Cafe。其實都唔算新，屋企人之前食過幾滿意先介紹中午時份需要排隊，少等咗一陣入得。假期瞓得晏早餐午餐一齊嚟，兩個大胃王有理冇理叫咗先辣蕃茄蟹肉扁意粉鍾意食辣嘅朋友可以一試，辣中帶酸夠開胃，比想像中更辣邊飲水邊食，都幾過癮（鍾意食辣又唔太食得嘅朋友實明）蟹肉份量都幾多白色聖誕車厘子疏乎厘Pancke應下節揀咗呢款，個樣真係幾有聖誕feel，成功吸引媽媽勁影一輪。鬆軟度夠，蛋香夠，呢款配車厘子果醬酸酸地唔會太甜，再有白朱古力同曲奇碎口感豐富少少。總體評分幾高，會想試埋原味再食真啲塊pancake。超鍾意呢隻杯，鮮奶咖啡icon 好可愛！食食吓飯都引到個購物慾出嚟，搞錯！焦糖脆脆鮮奶咖啡冇咩特別，想像到嘅味道，唔算好識咖啡對我嚟講最緊要飲落開心；提拉米蘇造型加分見到好多人叫。最尾仲叫多件咖啡mouse cake，幾香滑帶少少肉桂香，咖啡味再濃多少少就更好啦～大胃兩人組全部完食，行屯市又多一間啱口味餐廳揀。睇Openrice見餐牌好似時不時轉，放喺度俾大家參考

曾經好紅既空氣pancake,估唔到隔咗咁耐熱潮仲未減退，今日係平日都要等10分鐘先有位。杯咖啡分開食，兩樣都好味，但咖啡夾埋提拉米蘇就唔係咁識欣賞啦。朱古力梳乎厘好味，好輕盈好清爽，食2件都唔膩，配碟嘅朱古力都好正，學佢話齋係70%朱古力，所以唔係死甜既甜品。下次都要黎多次呀！