PARKSIDE@NINA

营业中

休息中

早前成為網紅打卡點的 Parkside，其實大家可能忽略了餐廳本身的菜色。 早前終於有機會一試，其實有種“被打卡點忽略了”的感覺。 餐前先來一份非常健康的‘’牛油果雞胸凱撒沙律‘’，材料新鮮已勝過一切，雞胸脂肪又低，最啱追求健康的朋友。 意式生牛肉薄片很傳統的味道，牛肉薄切而不改濃郁的肉味，很輕盈的一道菜。 川辣西瓜沙律非常有趣，些微的川辣感，與冰涼多汁的西瓜結合，令人有生津的感覺，我喜歡。 栗子忌廉湯質感滑溜，栗子磨得細膩，加入忌廉更是錦上添花。 原隻烤豬手賣相好澎湃，份量真係好足，烤得豬皮份外香脆，皮下脂肪又滿有油香，伴碟的即炸薯條更是必食，送啤酒無得輸。 薑蔥紅酒糟虎蝦卷意粉揉合了中西菜色的特點，意粉煮至al dente，蘸滿了薑蔥的香味，效果出奇地好。 原隻烤鴨說是烤鴨，卻非傳統的中式處理手法，而且是斬件上，可以話係啖啖肉，略嫌太大件，吃起來不太方便，蘸點了醬汁會更惹味。 風乾火腿蘑菇薄餅火喉控制得宜，薄餅邊位微焦，咬落好香口。 特色木化石朱古力蛋糕很喜歡朱古力片的濃郁，甘甜的感覺份外吸引，有黑森林蛋糕的氛圍，對於很喜dark chocolate的朋友大可一試。

社交平台見到好多人介紹，餐廳環境好，所以同朋友去試。餐廳裝修很用心，玻璃窗透光，空間長又深，感覺在一個教堂內用餐，另外值得一提，侍應服務態度非常差，同朋友睇完menu 叫貝殼粉和三文魚，跟住叫侍應落單，因為聽到侍應講意粉，所以再確認多次貝殼粉🐚，侍應小姐即時黑面，餐飲我地之後先叫。我地還未食甜品，另一位女侍應過來問我地飲咩，我同我朋友一齊感覺佢態度很差好冇禮貌，之後另一位男侍應過來，問我們叫了餐飲也很有禮貌。同埋我明白餐廳有限時，但很多餐廳如果沒有其他客人在等位，是可以繼續坐的，但這裏不可以，餐廳有一半座位是沒有客人的。我不推薦這餐廳也不會再回來，他上菜速度很快收碟的速度也很快，是剛剛好去限時的時間給你用餐完成，這一點好厲害，佢人均$200@一個lunch，這個價錢我可以去其他地方慢慢食慢慢坐，而且不用受氣。

今晚下班，和同事去了荃湾 PARKSIDE@NINA 吃晚餐，真的太棒了！餐厅在如心广场一期，一进去就感觉很高档，设计又漂亮，灯光柔和，还有轻音乐，整个氛围很放松。空间感十足，座位宽敞，坐得很舒服，服务员态度周到，让人很安心。 我们点了风干火腿蘑菇薄饼，饼底酥脆，火腿咸香，蘑菇鲜美，搭配在一起超好吃！红酒糟虎虾卷意粉也很出色，虾肉爽弹，意粉吸收了红酒香气，味道浓郁。牛肝菌蘑菇汤香滑浓郁，喝下去很暖胃。还点了一杯 Baby Boy，蓝柑糖浆加酸奶和苏打水，清新又解腻，很适合夏天喝。 这顿饭吃得很满足，环境和食物都没得挑，绝对会再来！ #荃湾PARKSIDE #香港荃湾杨屋道8号如心广场一期2楼201号铺 #PARKSIDEATNINA #NinaPark #如心園 #荃灣 #如心廣場

冇諗過今時今日香港嘅服務可以差到咁，真係唔好怪話香港人唔留港消費， 2:40pm入座，門口帶位同我哋講用餐時間90分鐘（呢個我絕對明白冇問題），食完之後冇叫埋單，3:30pm有個侍應放低張單係我枱面就行左去，如果淨係想打卡，唔介意食物味道一般同唔介意受氣，絕對推介你去呢間餐廳！

以木化石為主題嘅餐廳，必影打卡位係特高樓底加圓拱形設計天花，食晚餐嘅氣氛都幾浪漫，但太多人出嚟影相，有時要閃避吓鏡頭😅~🔘原隻香蒜迷迭香烤雞 $208隻雞幾肥美厚肉，雞皮香脆，切開有肉汁，尤其是雞髀位幾滑，迷迭香醬汁有淡淡嘅酒香，配粗薯條同烤蔬菜，都幾飽肚~🔘夏威夷薄餅 $148一上枱非常香芝士味，feel到佢落咗喪多芝士，叫呢個Pizza就係貪佢有菠蘿，酸酸甜甜好開胃，手工餅底有煙靭口感，邊邊夠香脆唔硬~ 整體服務、環境同食物都幾唔錯~

食過兩次 一次晚飯 一次下午，環境真係好靚，食物不過不失…服務兩次都覺得仍需努力，失望！感覺係食物同地方都係高級，但服務係茶餐廳水準。前後提醒單點甜品記緊放生日牌給朋友驚喜，上枱依然忘記，仲要全無歉意。

Parkside餐廳樓底極高，環境寬敞有氣派，無論閨蜜飯局還是朋友聚會都很適合。吃了signature 菜式有以下🥰*牛油果雞胸凱撒沙律*雞胸肉嫩滑，牛油果新鮮，沙律醬汁調味平衡，整體清新健康。*紅酒糟虎蝦捲意粉*虎蝦彈牙，紅酒糟帶來淡淡酒香，意粉彈牙味道層次豐富。*特色木化石朱古力餅*外脆內軟，朱古力味濃郁而滑溜略帶堅果香氣，甜度剛好，令人驚喜🥰飲品方面😎*Purple Pink（紫薯拿鐵）*色澤夢幻，紫薯香甜，奶味濃厚，口感順滑，適合我喜歡甜品😆*Yuzu Lemonade*柚子味清新，酸甜適中，非常解膩。整體來說，食物和飲品水準高，環境舒適，是聚餐好選擇。👍

最近因為同老公慶祝生日，諗住搵間特別少少既餐廳食飯，於是揀左位於如心廣場既Parkside。呢間餐廳以木化石為主題，設計走歐陸式教堂風，樓底超高，空間感爆棚！圓拱形天花同開陽既走廊空間，配埋木系卡座同巨型落地玻璃窗，自然光線透入黎，成個環境好似藝術館咁，瀰漫住浪漫既氣氛💕。特別係果個圓拱形天花，幾乎每個客人都忍吾住打卡影相！仲有，餐廳有華懋集團珍藏既木化石展品，旁邊就係亞洲最大規模既木化石藏品花園「如心園」，真係邊食邊欣賞，感覺好chill！.香辣豬肉絲中東包 $148頭盤揀左個香辣豬肉絲中東包，份量都幾足！中東包印住「Parkside」既logo，圓碌碌又大個，中間夾住半熟流心蛋、生菜、蕃茄同超多豬肉絲。豬肉絲帶少少辣，食落去香口又有咬口，配埋流心蛋既滑嫩同蔬菜既清新，成個包既味道好豐富，層次分明！仲有附上香脆粗薯條同紫椰菜沙律，薯條脆到不得了，沙律又開胃，成個組合真係好滿足😋。.辣香腸薄餅 $148呢款薄餅餅底用酸種麵包做，比較厚身，但做到外脆內軟既口感，咬落去好有滿足感！上面鋪滿水牛芝士、蕃茄同辣香腸，芝士濃郁得黎吾會過膩，辣香腸帶少少辣味，刺激味蕾，成個薄餅既滋味好濃，食完一塊

環境真係冇得輸！成間餐廳以木化石做主題，樓底超高，配埋落地玻璃窗，日光透入嚟好舒服，成個feel好歐陸。環境靚、食物高質，價錢合理，絕對會encore！尤其係個烤豬手，諗起都流口水~▫️燴牛腩粗大管粉 $148 牛腩炆得超淋，入味得嚟又唔會過鹹，粗管粉吸晒啲汁，咬落去爆汁好正！醬汁濃郁但唔膩，抵讚。▫️原隻烤豬手 $228 外皮脆到咔嚓聲，入面肉質嫩滑，仲要juicy到漏油！配埋芥末醬同酸菜，完全中和咗油膩感，大件夾抵食😋。 ▫️風乾火腿蘑菇薄餅 $158中意餅底，餅底煙靭!!!火腿鹹香十足，蘑菇份量多到癲，加埋拉絲芝士，每啖都係滿足！唔會好似某啲Pizza咁得個鹹字，平衡得好好。▫️巨峰提子檸檬汽水$58 清新之選！巨峰提子味好出，甜得嚟帶少少檸檬酸，解膩一流，飲完成個人都refresh晒。

之前已經食過一次,但係真係覺得個環境坐得太舒服,同埋嘢食高質,而且服務超級好,忍唔住再去食多次🤣雜錦香腸拼盤本身諗住叫兩個main再加個香腸拼盤嘅小食同甜品就啱啱好,完全冇諗過佢個香腸拼盤百幾蚊就有咁多,仲要腸嘅種類都有好幾款,條條都好Juicy,有啲仲要有芝士餡,真係好正💕四色芝士薄餅芝士迷一定唔可以錯過呢個四色芝士薄餅,佢哋係即叫即烤,一上到嚟成個芝士味好香,仲有強勁嘅拉絲效果,食落鹹鹹甜甜,口感豐富🥰紅酒醋虎蝦捲意粉其實真係好欣賞會幫手挑蝦腸嘅餐廳,真係誠意滿滿,仲要啲蝦係勁彈牙,食得出好新鮮🥹而佢個意粉汁都調得好好,同各樣材料都好夾😙三色誘惑甜品上到嚟賣相就已經好吸引,配料都好多🤩雪糕有成三個口味咁多,真係超級滿足😻香蕉都食得出好新鮮,而且唔會生😝

呢間餐廳因特別嘅環境裝潢為人熟悉，以木化石為主題，入面再配合歐陸式教堂設計，比人一種莊嚴華麗嘅感覺⛪網上唔難見到大家嘅靚相，今日襯住朋友生日，特登著靚啲嚟呢度打卡📸▫️紅酒糟虎蝦捲意粉 ($178)捲意粉用上中式紅酒糟做調味，呢個fusion菜估唔到咁夾！酒糟帶有獨特酒香同輕微酸味，食落冇咁膩。虎蝦分量多而且蝦肉爽口彈牙，捲意粉煙煙韌韌，幾鍾意呢個口感🤤▫️風乾火腿蘑菇薄餅（$158)即叫即整要等耐啲，薄餅夠薄脆，搭配風乾火腿片、蘑菇同新鮮嘅火箭菜，鹹香味幾惹味美中不足係夜晚燈光較暗，影嘅相效果都一般，日頭有自然光影出嚟會靚好多🤢唯有下次週末再過去，晏晝食完飯再順便參觀隔離嘅木化石藏品花園啦🪨

今晚到訪Parkside Nina，首試夏威夷薄餅，餅底係手工製造，香脆又煙韌，菠蘿酸甜與火腿鹹香平衡得宜，熱辣辣上桌有加分！原隻烤豬手外皮有啲硬，肉質軟嫩膠質豐，無搭配酸菜，取而代之係酸酸甜甜嘅肉汁，將豬手沾上醬汁既解膩又令到外皮無咁硬。可選配薯條、薯蓉或焗薯，我地揀左焗薯，巨好味，必點！薑蔥紅酒糟虎蝦捲意粉，蝦肉彈牙鮮甜，紅酒糟醬汁濃郁帶微醺香氣，意粉捲成小束吸附醬汁，中西合璧創意十足。整體份量慷慨，環境悠閒得黎又浪漫，適合情侶到訪。

呢間喺如心廣場嘅Cafe ，超高樓底，有歐式建築嘅感覺☺️啱晒約埋閨蜜打卡或情侶慶祝🍾 我同朋友order咗set lunch🤩𝐒𝐞𝐭 𝐥𝐮𝐧𝐜𝐡 忌廉蘑菇湯蘑菇菇湯口感濃郁順滑～意式薄切油甘魚🐠配青蘋果車厘茄等，再加埋有子汁口感好清新開胃🙂‍↕️烤西冷牛扒🥩配菜有炒蘑菇薯角等等，西冷牛扒好粉嫩煎得岩岩好👍🏻麵包布甸呢個甜品上面有雲呢拿雪糕配麵包布甸🍮冷熱交織，口感好豐富🥰餐廳仲有好多打卡位，個樓底走廊喺邊打卡之一，仲有其他木化石等裝修～

荃灣如心廣場嘅Parkside Nina，餐廳裝修真係靚到嘩一聲！成間餐廳設計係歐陸式教堂風格，高樓底配上弧形的拱頂，柔和的燈光，坐低已經覺得好有格調。紅酒糟虎蝦捲意粉有好香紅酒糟味，虎蝦大大隻，肉質爽口彈牙。意粉捲成一個個小卷，索晒紅酒糟醬汁，味道濃郁得嚟唔會太鹹。加咗少少香草，令成個味道更加有層次。原隻烤雞雞皮烤到金黃色，脆卜卜咁，但入面嘅肉仲好嫩滑多汁。配菜有薯條同雜菜，薯條外脆內軟，好味但好熱氣。單骨雞翼配香芒辣汁呢個小食好好味，雞翼拆成單骨，食起嚟好方便。配嘅香芒辣汁，甜甜地又帶少少辣，好開胃。雞翼炸得啱啱好，外脆內嫩，食到停唔到口。

位於荃灣西嘅《PARKSIDE@NINA》，以木化石為主題嘅餐廳，環境優雅又自然，設計感十足。餐廳主打多元化菜式，無論中西美食、甜品抑或特色飲品都好有驚喜，啱晒打卡和朋友聚餐🍴風乾火腿蘑菇薄餅薄餅皮厚薄適中，外層微脆，咬落去有煙韌口感，火腿鹹香，配上新鮮火箭菜和蘑菇，味道層次豐富🍴鹹蛋黃卡邦尼意大利粉醬汁夠creamy，鹹蛋黃香味突出又唔會太heavy，煙肉和蘑菇令口感更豐富，每條意粉都掛滿醬汁，食落有驚喜🍹抹茶荔枝檸檬汽水賣相好吸睛，翠綠色調加上檸檬片和荔枝裝飾，入口先有抹茶微甘，跟住荔枝和檸檬嘅清新甜酸，氣泡感令飲品更refreshing