影片
更多
2025-07-01
636 浏览
最近因為同老公慶祝生日，諗住搵間特別少少既餐廳食飯，於是揀左位於如心廣場既Parkside。呢間餐廳以木化石為主題，設計走歐陸式教堂風，樓底超高，空間感爆棚！圓拱形天花同開陽既走廊空間，配埋木系卡座同巨型落地玻璃窗，自然光線透入黎，成個環境好似藝術館咁，瀰漫住浪漫既氣氛💕。特別係果個圓拱形天花，幾乎每個客人都忍吾住打卡影相！仲有，餐廳有華懋集團珍藏既木化石展品，旁邊就係亞洲最大規模既木化石藏品花園「如心園」，真係邊食邊欣賞，感覺好chill！.香辣豬肉絲中東包 $148頭盤揀左個香辣豬肉絲中東包，份量都幾足！中東包印住「Parkside」既logo，圓碌碌又大個，中間夾住半熟流心蛋、生菜、蕃茄同超多豬肉絲。豬肉絲帶少少辣，食落去香口又有咬口，配埋流心蛋既滑嫩同蔬菜既清新，成個包既味道好豐富，層次分明！仲有附上香脆粗薯條同紫椰菜沙律，薯條脆到不得了，沙律又開胃，成個組合真係好滿足😋。.辣香腸薄餅 $148呢款薄餅餅底用酸種麵包做，比較厚身，但做到外脆內軟既口感，咬落去好有滿足感！上面鋪滿水牛芝士、蕃茄同辣香腸，芝士濃郁得黎吾會過膩，辣香腸帶少少辣味，刺激味蕾，成個薄餅既滋味好濃，食完一塊
最近因為同老公慶祝生日，諗住搵間特別少少既餐廳食飯，於是揀左位於如心廣場既Parkside。呢間餐廳以木化石為主題，設計走歐陸式教堂風，樓底超高，空間感爆棚！圓拱形天花同開陽既走廊空間，配埋木系卡座同巨型落地玻璃窗，自然光線透入黎，成個環境好似藝術館咁，瀰漫住浪漫既氣氛💕。特別係果個圓拱形天花，幾乎每個客人都忍吾住打卡影相！仲有，餐廳有華懋集團珍藏既木化石展品，旁邊就係亞洲最大規模既木化石藏品花園「如心園」，真係邊食邊欣賞，感覺好chill！
.
香辣豬肉絲中東包 $148
頭盤揀左個香辣豬肉絲中東包，份量都幾足！中東包印住「Parkside」既logo，圓碌碌又大個，中間夾住半熟流心蛋、生菜、蕃茄同超多豬肉絲。豬肉絲帶少少辣，食落去香口又有咬口，配埋流心蛋既滑嫩同蔬菜既清新，成個包既味道好豐富，層次分明！仲有附上香脆粗薯條同紫椰菜沙律，薯條脆到不得了，沙律又開胃，成個組合真係好滿足😋。
.
辣香腸薄餅 $148
呢款薄餅餅底用酸種麵包做，比較厚身，但做到外脆內軟既口感，咬落去好有滿足感！上面鋪滿水牛芝士、蕃茄同辣香腸，芝士濃郁得黎吾會過膩，辣香腸帶少少辣味，刺激味蕾，成個薄餅既滋味好濃，食完一塊仲想再食，份量都好夠同人share👍。
.
特色木化石朱古力餅 $88
甜品揀左特色木化石朱古力餅，呢個甜品用左法國頂級Valrhona朱古力，整個擺盤以木化石為概念，視覺效果好有藝術感，影相一流📸。朱古力味濃郁得黎吾會過甜，質地滑溜，下面仲有朱古力蛋捲，咬落去脆脆地，口感同味道都好平衡，食完真係有種幸福感爆棚既感覺💖。
张贴
