PANO

营业中

休息中

再兩個颱風之間有1日好天,抓緊時間dining out.餐廳其實很細，枱與怡之間亦都很密，建議坐戶外，環境比較開揚，加上270度維港夜景，係chill嘅。Good food.Good service.Great view.略為over price.order 兩個988Menu A, main course 選和牛原來要另加268擺盤好靚，每道dish都好photogenic . 甜品最有驚喜，屬分子料理。和牛真係用炭燒住出嚟，仲用把大葵扇撥D味比我聞，但份量超少(看圖)食風景。

📍𝐏𝐀𝐍𝐎 記錄一下周年紀念係西九海濱長廊食嘅嘅晚餐🥰一嚟到嘅環境唔錯，我哋今次就坐咗普通位🪑因為窗口位需要最低消費$3500❗️由於我哋唔飲酒所以唔到太多就冇揀到窗口位，去到嘅時候都覺得好彩自己冇揀到窗口位，因為離海景有點遠👀 我同男朋友分別嗌左七道菜（$988)同十道菜($1288)，七道菜只係少左海膽油甘魚、帶子同辣意粉🍝 以下係我對食品嘅小評價📝第一道菜💁🏻‍♀️：𝐀𝐦𝐮𝐬𝐞 𝐁𝐨𝐮𝐜𝐡𝐞 應該就係煙三文魚脆餅，脆卜卜，好好味，有D牛油果吊下味，不錯👍🏻第二道菜💁🏻‍♀️：𝐒𝐞𝐚𝐬𝐨𝐧𝐚𝐥 𝐕𝐞𝐠𝐞𝐭𝐚𝐛𝐥𝐞係翠玉瓜，本身唔太喜歡食翠肉瓜，但呢舊冇咩草青味，對翠肉瓜改左觀😆第三道菜💁🏻‍♀️：𝐏𝐚𝐧-𝐬𝐞𝐚𝐫𝐞𝐝 𝐑𝐚𝐳𝐨𝐫 𝐂𝐥𝐚𝐦魚子醬香蔥泡沫香煎蟶子，老實講，連D泡我都覺得幾好味😋蟶子好鮮甜🤣第四道菜💁🏻‍♀️：仲有個包唔知佢有冇名😂佢個蜜糖牛油同海鹽牛油上網都係話好正，我自己覺得佢個蜜糖牛油好味啲，可以牛油就同一般嘅油鹽牛油一樣只係偏鹹，小多士有D淋，牛角包就正常發揮🥐第五道菜💁🏻‍♀️：𝐘𝐨𝐮𝐧𝐠 𝐆𝐢𝐧𝐠𝐞𝐫 𝐂𝐫𝐚𝐛 𝐁𝐢𝐬𝐪𝐮𝐞 蟹姜湯🦀，係面前倒湯入碗到😍好似係長腳蟹黎😍

約會朋友仔同佢食生日飯，又想揾靚景可以影下相，又想揾少人些地方，又想揾少少新鮮感，最後選了西九的pano,但老實說,地方不算易找，在九龍站行過來也要一段時間，因附近也是一片裝修工程，相信之後會更容易找， 本來想試他的下午茶，可惜booking要去到12月了，所以約了朋友仔午餐，前菜叫了生蠔，用了青瓜加香料用汁，很清新口感，朋友仔叫了蘆筍帶子，鮮嫩蘆筍加新鮮帶子，主菜叫了慢煮三文魚和雞卷，三文魚做得10分出色，非常嫩，配上特製醬汁非常美味，雞卷外脆內軟，吃得出他的精緻，餐湯也10分幼滑，當中魚肉經過煙熏，最後甜品也10分出色，如餐廳知道有人生日會送生日牌在甜品上，餐廳服務也尚算細心滿意，相信晚上過來會有另一番感覺

老婆生日，成日經過呢間，終於有機會試下，吾係廣告，評價真係高。1）地點一流：閒雜人等欠奉，適合異性約會。2）夠浪漫：燈光、環境、氣氛，無懈可擊！3）服務細心有禮：細心講解每道菜式，有禮貌，絕對有賓至如歸的感覺！4）性價比高：高質法國菜來講，算是抵了！感覺上比其他老牌法國餐廳更吸引5）食材豐富：宮崎牛、龍蝦、帶子、雪場蟹、聖子，十幾道菜，數之不盡，無得頂！6）絕對是生日飯之選：I’ll be back !!!

已經食咗三次，每次都十分滿意！靚景，食物質素又高，服務又好，性價比就是高！以我嘅經驗，咁高性價比嘅餐廳，會好快執，可能因為高得滯，成本划不來。建議坐室外位，維港景盡收眼簾。

BFF 生日，諗住搵間坐得舒服，環境又靚嘅餐廳同佢傾吓計，影吓相，氹吓佢開心，於是就嚟咗呢間大家都冇試過嘅PANO。餐廳location超正，自成一角，室內佈置亦好有格調，即使坐喺入面都可以透過落地玻璃欣賞270度嘅維港景觀。今次我哋每人叫咗一個4 course lunch set $498 + 10%✧ Oyster Tartar with Sicilian lemon foam (+$48)頭盤叫咗個生蠔他他，要另外再加$48，估唔到加咗魚子係會將生蠔嘅鮮味提升咁多，再加埋西西里檸檬泡泡，成個感覺勁Fresh！講真，呢個頭盤真係surprisingly好味！✧ Mushroom soup 蘑菇湯味好濃，亦都好重料，每一啖都有粒粒嘅蘑菇蓉係入面，質地唔係好creamy嗰隻，所以飲唒都唔會覺得漏。✧ Slow cook french chicken leg roll主菜方面係慢煮雞髀卷，外層嘅雞皮煎到脆卜卜，內𥚃肉嫩多汁，其實仲有啲菇菌喺入面，不過味道唔係好出，整體來講都令人有喜出望外嘅感覺。✧ spaghetti with clam & Garlic 另一個主菜，係蒜香蜆肉意粉，雖然

如果跑馬地、中環等等的高級餐廳你都已經試過，沒有新鮮感的話，相信這家位於西九文化區的餐廳一定能夠滿足你。簡單來說，這裏要環境，它擁覽超過180度維港海景，要氣氛這裏高貴靈靜，想要帶給你新鮮感的菜色這裏都有。菜單有分七道菜和十道菜，素食和肉食的餐牌。10道菜的會比七道菜多了意粉和兩道特別菜單。如果是食量較大的男士，相信需要點十道菜的菜單才足夠飽肚，因為部份菜色真是只有一口的份量。食物質素方面，每日色彩的配合到相當高，其中特別喜歡他們的餐前麵包，松葉蟹薑湯和炭燒和牛。麵包上枱時環帶有相當的溫度，吃起來香脆可口配合海鹽和蜜糖牛油，滋味倍增。松葉蟹薑湯是在碗來先放好松葉蟹再倒入火熱的薑湯，蟹的鮮甜和辛辣薑湯應承強烈的味蕾衝擊，而且最欣賞的是湯的溫度，湯還是熱騰騰才好喝呀⋯⋯炭燒和牛油脂分布平均，不會只會吃到一口脂肪，品嚐到油脂芳香之餘，肉味也調校得不錯。由於炭燒的關係，肉質保持嫩滑，是當晚覺得最好吃的一道菜。總括來說，食物有四星半，加上環境，當日非常滿意，絕對是一個適合浪漫拍拖或者周年慶祝的好地方。PANO (尖沙咀)尖沙咀博物館道24-26號西九文化區藝術公園1樓1號舖

今年生日，老公找了這間位於西九文化區內的Asian French fusion餐廳- PANO吃飯，原本是想和我吃晚飯的，但我自減肥後都習慣午餐吃得多，晚餐吃得非常少，就改了吃午餐。預約了下午12時正，我們早了來到餐廳，還沒有開門，就在門外坐著等了一會：開門了，我們被安排坐在對著窗附近位置，風景很美：Lunch menu:我們每人叫了一個有3 courses的lunch set:先來餐前麵包，麵包是熱的，牛油好像加了煉奶，有些少甜味，芝士脆片很香：跟著是前菜吞拿魚牛油果他他，吞拿魚本身沾了醬油，配著淡淡的牛油果及紅菜頭脆片，很清新：另一款前菜，我們選了法國生蠔，新鮮的生蠔，配上青瓜乳酪汁，亦是十分清新：之後是慢煮帶子，味淡的帶子沾上醬汁後入口味道濃郁：今天的是日餐湯是蕃紅魚湯，湯充滿濃郁的魚香；另有一小炸魚球附上伴湯吃：老公點的主菜慢煮雞腿，肉質鬆軟：我點的主菜慢煮三文魚，肉質非常鮮嫩，配上法國綠茴香酒汁，非常美味：我們最後沒有點甜品，但都很滿足了，感謝老公選了這間有美食和美景的餐廳為我慶祝生日呀！二人共六道菜，結賬九百多元。

這是我第一次和朋友一起去試這間餐廳，價錢雖然偏高，但值得，環境也很好，如果晚上到這餐廳吃晚飯，還可以看到對面海的建築物，非常舒服，很值得推薦大家一試！餐廳服務員態度很好，很專業，因為可以介紹餐廳那樣食物比較可以一試！

去食下午茶唔一定要去酒店嘅，呢間係西九文化區嘅餐廳Pano有下午茶又有無敵大海景🌊最緊要食物質素同服務都有好好嘅評價🎖又無其他受歡迎酒店咁難book，嚟嘆個下午茶，打下卡，再去出面海濱chill下行下，咁就消磨半日，好relaxed。呢度嘅下午茶set 人均三百幾，份量適中夠飽但唔會好濟，鹹點好食，甜點都唔錯，服務都唔錯，性價比好高👍🏻👍🏻Oyster, Salmon Roe 未上下午茶之前先上個頭盤，大大隻賣相又靚嘅生蠔做頭盤都覺得豪氣😆生蠔鮮甜有海水味但唔腥，大隻厚肉，好食。Sweet Corn BisqueLobster Brioche, Tartar Sauce兩款鹹點用另外嘅盤盛載，粟米湯網上評價好好，我自己覺得幾creamy飲到天然香甜粟米味都唔錯。變奏版龍蝦包就無乜特別，不過下面嘅麵包帶牛油香還可以。Balik Salmon Sandwich, CaviarFoie Gras on Toast, Wild BerryTruffle & Wild Mushroom TartBurrata Cheese, Tomato Basil, Iberico Ham層架上嘅鹹點普遍都唔

在social media group網上搜尋High Tea建議，跟閨密談心兼打卡。發現PANO位於尖沙咀西九文化區，可以眺望維港，二話不說就決定訂位，但訂位人數太多，需約一個月前預訂。我是電話預約，之後有SMS跟進，臨近到期日，店員打電話再確認是否出席。下午茶前一日再，店員再打電話確認。應該是預約很滿吧！不要步行前往！ 的士站和小巴站就在店後方！而圓方到西九的小巴，網上資料，2時至3時沒有班次（如有資料錯誤，請更正）。以為很容易在圓方找的士到PANO，可惜差不多快到high tea時間都找不到，最後決定步行。步程約15至25分鐘，所以到步已經是3：30點，下午茶時間時3：00至5：00。去到已經汗流浹背，原先要求座窗邊位都沒有了...但之後問店員那裡搭的士，他們說的士及小巴站就在店的後面，如果私家車的話，那裡都有泊車位！😭😭所以我覺得那冤枉，其實可以輕輕鬆鬆到達，我走時都在後面搭小巴走的。因為我見有些食評說很難找，希望這篇食評可以幫大家。不過我都覺得不枉此行，因為Afternoon Tea Set真的很過質，是我最近吃過最好的頭1、2位。我就是被餐廳的外型吸引，好像是西九唯一一間一

星期日一大班人黎慶祝生日一去到人唔算多大家都叫左set lunch 我揀Oyster tartar + Grilled Pork Chop 食物還可以接受，但又唔係話好特別咁。。似係中環200蚊內可以食到嘅嘢朋友揀咗seafood pasta好味好多最不能接受係 因為生日想叫個侍應幫我哋一大班人影相，點知個侍應超唔願意。。叫佢影多張都要求佢咁 全場坐滿一半都冇 既然啲侍應又唔係忙 點解影張相都唔得大佬咁遠水路嚟都係食過景 想影多幾張相啫（我哋都冇好過份 真心只係影咗幾張，而佢影既嗰幾張相都影得超求其）而且個侍應嘅嘴臉同態度係令我哋唔想再影有啲倒米Overall 每人埋單HK$4xx 食lunch來講我會覺得係市面上中上嘅價錢但無論食物嘅味道、或者服務 都唔覺得值咁嘅價最慘係食完之後 所有叫oyster tartar嘅都肚痛我到宜家夜晚12點都仲屙緊。。嬲得滯寫咗呢篇review

暴雨中浪漫法國菜fine dining🤣 bookmark左依間餐廳好耐, 終於有機會business meal食 結果落大雨🥲🥲🥲 係另類體驗 lol fine dining黎講價錢幾抵食, 係值得一試既約會/慶祝生日/周年餐廳-🦁 環境｜係西九 望海景！ 不過室內景有野擋住 outdoor會正d. 夜景比日景靚 不過都貴d. 要九龍站步行/轉小巴 係幾唔方便-🦁 服務｜唔差 staff有d生澀-🦁 Meal｜Lunch 2 Courses ($328)🦁 Appetizer-Red Prawn Carpaccio-Scotland Balik Salmon with Burrata Cheese 兩個都唔錯. Salmon好新鮮-🦁 Main Course-Slow Cooked French Chicken Leg Roll with Stewed White Beans-Grilled Pork Chop with Port Wine Sauce (+$58)-Roasted U.S. Beef Short Ribs with Tai O Shrimp Sauce (+$98)

忙裏偷閑嚟到呢間位於西九嘅法式餐廳，食個簡單但精緻嘅 2-course lunch😋😋Red Prawn 🦐 Carpaccio - 8.5/10單睇色彩豐富嘅擺盆就已經藝術感滿分💯 鮮甜嘅紅蝦配上清新嘅車厘茄🍅，好食得嚟又唔大負荷，作為前菜非常合適！Slow Cooked French Chicken Legs 🐥🍗Roll - 9/10意料之外嘅美味！慢煮嘅雞肉嫩滑多汁就理所當然，但估唔到嘅係外面包住一層煎得酥脆嘅雞皮😍 令口感更豐富有層次😋

☆𝘗𝘈𝘕𝘖 🍷繼上次fine dining後今次到訪西九海傍高級法國餐廳🇫🇷景觀當然一流，面對整片維港夜景，食物精緻，不介意熱少少其實真的建議坐outdoor，環境氣氛浪漫很多，很適合約會/慶生/紀念日～-Les Hors D’oeuvre:🐙 𝙍𝙤𝙖𝙨𝙩𝙚𝙙 𝙎𝙥𝙖𝙣𝙞𝙨𝙝 𝙊𝙘𝙩𝙤𝙥𝙪𝙨 𝙬𝙞𝙩𝙝 𝘼𝙜𝙚𝙙 𝘽𝙖𝙡𝙨𝙖𝙢𝙞𝙘𝙤（$198）前菜點了烤八爪魚，口感煙韌帶鮮味，加入黑醋配上沙律酸酸的挺開胃點餐前亦送上餐包和粟米脆片作小食，要讚一下自製的牛油蜜糖醬🧈塗上多士後味道特別令人難忘(˶‾᷄ ⁻̫ ‾᷅˵)推薦指數: 8/10.Seafood:🐚 𝙎𝙚𝙖 𝙐𝙧𝙘𝙝𝙞𝙣 𝙍𝙞𝙨𝙤𝙩𝙩𝙤 𝙬𝙞𝙩𝙝 𝙂𝙖𝙧𝙡𝙞𝙘 𝙁𝙤𝙖𝙢（$368）主菜之一點了海膽意大利飯，處理得好的是海膽不重海水腥味，反而食得出幾新鮮意大利飯口感濃郁亦幾creamy，不過份量的確精緻，幾啖就食完🙈(˶‾᷄ ⁻̫ ‾᷅˵)推薦指數: 8.5/10.Meat:🐓 𝙎𝙡𝙤𝙬𝙚𝙙-𝙘𝙤𝙤𝙠𝙚𝙙 𝙔𝙚𝙡𝙡𝙤𝙬 𝙁𝙧𝙚𝙣𝙘𝙝 𝘾𝙝𝙞𝙘𝙠𝙚𝙣 𝙬𝙞𝙩𝙝 𝙈𝙤𝙧𝙚𝙡 𝙅𝙪𝙨（$368）另外點了慢煮雞肉配羊肚蕈汁，雞肉鮮嫩多汁，口感煮到已經不像雞