影片
更多
2022-05-13
1100 浏览
係一個悠閒嘅日子食呢一間餐廳都算係幾舒服。餐廳喺M+博物館對面，需要上樓梯先至到達。景色有180度海景陪你食飯。點完餐之後就會俾一盤麵包加脆片俾你，搽麵包嘅牛油有少少蜜糖味。麵包硬中帶軟好有咬口。點知我食完呢一份麵包之後，個頭盤都仲未上到過嚟。所以又可以再叫多份。麵包再叫多份，唔使加錢。終於送咗個帶子沙律上嚟，沙律有花瓣同埋甘筍做裝飾甘筍煮到軟淋淋，配上佢嘅沙律汁有種法式清新嘅感覺。沙律汁有少少奶油，係我從未食過嘅口味。帶子有四塊，被沙律汁同蔬菜圍繞。口感新鮮又有嚼勁。 由西蘭花做蔬菜，蟹肉經過冷藏再拎出嚟。然後由侍者淋上忌廉湯，跟住就會變成一道熱辣辣嘅（蔬菜蟹肉忌廉湯）。由於碟邊比較熱，所以侍者都會提醒客人小心燙手。我以為過咗11月嘅食蟹季節啲蟹就會唔好食。其實好唔好食，真係好睇廚師嘅處理手法。煮好咗蟹用冷藏保持蟹肉嘅鮮味。到咗要食用嘅時候就淋上熱湯。終於嚟到主食嘅部份，我選擇嘅係慢煮三文魚扒。今次嘅伴碟蔬菜係洋蔥同埋薯蓉。呢個係我食過最好食嘅三文魚。唔係普通咁煎起，而係用煮嘅手法令到三文魚保持原有嘅鮮味。外表睇上去好似係生食嘅三文魚魚生，但其實佢係一個熟嘅三文魚。洋蔥係被稍微煎過嘅
點完餐之後就會俾一盤麵包加脆片俾你，搽麵包嘅牛油有少少蜜糖味。麵包硬中帶軟好有咬口。點知我食完呢一份麵包之後，個頭盤都仲未上到過嚟。所以又可以再叫多份。麵包再叫多份，唔使加錢。
終於送咗個帶子沙律上嚟，沙律有花瓣同埋甘筍做裝飾甘筍煮到軟淋淋，配上佢嘅沙律汁有種法式清新嘅感覺。沙律汁有少少奶油，係我從未食過嘅口味。帶子有四塊，被沙律汁同蔬菜圍繞。口感新鮮又有嚼勁。
由西蘭花做蔬菜，蟹肉經過冷藏再拎出嚟。然後由侍者淋上忌廉湯，跟住就會變成一道熱辣辣嘅（蔬菜蟹肉忌廉湯）。由於碟邊比較熱，所以侍者都會提醒客人小心燙手。
我以為過咗11月嘅食蟹季節啲蟹就會唔好食。其實好唔好食，真係好睇廚師嘅處理手法。煮好咗蟹用冷藏保持蟹肉嘅鮮味。到咗要食用嘅時候就淋上熱湯。
終於嚟到主食嘅部份，我選擇嘅係慢煮三文魚扒。今次嘅伴碟蔬菜係洋蔥同埋薯蓉。呢個係我食過最好食嘅三文魚。唔係普通咁煎起，而係用煮嘅手法令到三文魚保持原有嘅鮮味。外表睇上去好似係生食嘅三文魚魚生，但其實佢係一個熟嘅三文魚。洋蔥係被稍微煎過嘅，所以外表睇起上嚟有少少燶。三文魚配上少少薯蓉再點埋佢嘅cream source 好正。
食完之後，我朋友就上左一個甜品。個甜品我就冇食過啦，不過都擺上嚟俾大家睇下。朱古力係伴隨着甜品送嘅。個人口味就覺得，帶有鹽嘅嗰粒菱形朱古力係最好食嘅。當中嘅鹽令到朱古力嘅甜係更加突出。食落去有鬆脆軟滑嘅口感，仲有牛奶嘅香味。帶有少少金箔嘅嗰粒朱古力，好苦。食落去感覺出黑朱古力percentage都幾多嘅。最後嘅白朱古力不過不失，感覺上好似冇乜特別。腰果好似得個咸字，侍者話有少少辛辣嘅口感，但係我又食唔出。最後嘅桂花糕好精緻，一啖一個。食得出個花香味，但係賣相上我見到有手指模。所以我覺得有少少唔開胃。
店舖喺客人食完野之後提供左牙籤。呢樣嘢又唔係好似法式餐廳咁，反而行返中方路線令我覺得有少少驚訝。
總體來講，雖然食物睇落去好少，但係其實都食得飽。冇影到個餐單有少少可惜，但係我記得兩個course要$298，三個course要$398，四個course要$498。頭盤/沙律/餐湯/主菜同埋甜品。咁我只要左沙律、餐湯同主菜，所以佢叫咗三個course。之後佢仲要收返你10%服務費，所以我成個lunch 總價係$440。
食完嘢之後去個廁所，發現原來佢個廁所都係日本嘅TOTO電動馬桶。成個廁所個環境一流，由此可見，呢間餐廳嘅衛生情況相當好。
张贴
