Pancake 專門

营业中

休息中

我同好姊妹終於黎食啦！之前經過見到，已經好想試，但一係趕時間，一係就撞正人龍大排長龍🙈今日終於食到👏🏻睇睇個menu先，原來餐廳唔只食班戟架喎，仲有好多其他日式飯料同西式全日早餐👍🏻但我地此行係食班戟，所以主食就留返下次啦🤗黑摩卡班戟：咖啡味剛好，帶有少少苦澀味道，但又有雪糕同朱古力中和😳朱古力焦糖燉蛋班戟：呢度甜品真係滿足晒我幾個願望，又有朱古力醬，又有燉蛋，仲有個pancake添❤️呢個甜品外型真係好靚側邊個cream仲要整到成隻兔仔咁搞到我唔係好捨得食佢，另外嗰個朱古力醬朱古力味超香濃，燉蛋連pancake一齊食兩種唔同口感混合估唔到係超夾👏🏻

相信愛食班戟嘅朋友都知銅鑼灣呢間班戟專門店，備有多款精緻嘅甜品班戟，每款都夠哂特別，而且好味👏🏻仲可以用黎打卡，黎食一次，已經滿足你好幾個願望，好抵呀❤️餐廳坐得好舒服，環境濶落👍🏻最有特色嘅係竟然有好多日本招財貓擺設☺️我今日揀左日本楓糖洋梨班戟，唔好以為好甜好漏，結果甜度非常和諧😍忌廉滑，班戟鬆軟，洋梨爽甜，全部野加埋好夾！法式溶岩朱古力班戟: 呢個班戟配合朱古力醬既味道, 岩岩好可以中和到班戟既甜味, 朱古力既微苦味同班戟既甜味, 互相融合, 好合適既配搭!

今日同大家介紹間靚靚打卡日式小店🥰店舖以無麩質日式班戟為主打，以全日本空運食材🇯🇵，及製作出極具日本風味班戟🎎🥞而且除咗食物有質素，由店面至餐具都有相應既格調👍稍後大家睇照片就會睇到，客人離開會有一隻大頭貓貓同你講拜拜👋其實貓貓係有糖果比大家臨走清一清口氣😆而且店舖有好多細微嘅打卡位，唔知大家可唔可以好似我咁發現到呢？😆地理位置亦相當方便，位於銅鑼灣百德新街🕺1️⃣松露香燒帶子意粉🍝松露忌廉汁香濃，不會有膩既感覺，意粉軟硬適中，唔會太淋，而且份量剛好到位🙆‍♂️帶子非常爽口，清甜👍👍2️⃣春雪·初開🥞今次既重頭戲，日式班戟🥞在原味班戟上，舖上奶香味十足的日本直送厚忌廉，再以紅莓果醬精心點綴，進食前拿起蛋糕套，呈現出花朵盛放的感覺，仲有隻小蝴蝶飛出黎既感覺絕對是色香味俱全🥰🥰😘😘而且係無麩質嫁，所以能適合更多朋友仔🙆‍♂️🙆‍♂️3️⃣抹茶富士山🍵🗻外觀真係好似富士山😆以手工發打方法製作出綿密奶泡，口感綿密，細緻幼滑，茶味香濃之餘，配上特濃日本牛奶🥛，每一口都喝得到香濃醇厚🥰一定啱哂鍾意濃厚味道的奶蓋朋友🙆‍♂️🙆‍♂️4️⃣湯力咖啡☕️🥤咖啡充滿咗焦糖同果仁既香味，配合埋tonic water令味道提升另一層次，

聽好多人推介依間餐廳，可能太有期望，反而試完覺得普普通通…主食叫咗一份雪花牛日式燒汁丼($128)、香燒牛小排蘑菇汁意粉($128)。- 兩份都係牛，比較之下雪花牛好食啲，牛小排整得好油膩。- 但個丼啲汁太多，變咗好似食緊湯飯咁 浸淋晒- 意粉嘅蘑菇汁就好稀，食落無咩味黑摩卡班戟 $118- 班戟聽聞係用無麩質麵粉做，感覺口感無平時嗰啲咁滑- 溶岩效果打卡一流，但個朱古力味好淡- 不過味道好一般，且唔香蛋味抹茶富土山 $48- 即係抹茶牛奶- 個抹茶好苦，底層嘅奶又好淡黑豆茶 $38- 飲落有啲燶燶地嘅味，唔知係咪黑豆本身係咁間餐廳叫Pancake專門以為pancake會好好食，但食完只係覺得好普通… 主食仲要係唔好食嘅，好失望

喺ig成日見到mont blanc pancake覺得好吸引，呢日終於有機會嚟試啦🥹平日嘅下午唔需要等位可以直入，一場嚟到就梗係試最signature嘅Mont blanc pancake(˶‾᷄ ⁻̫ ‾᷅˵)🍽食物👍🏻和栗Mont blanc班戟 $148 7.5/10賣相真係冇得彈，外面係一絲絲幼細嘅栗子蓉，入面係焙茶味雪糕同傳統班戟。我哋影相影左好耐佢都未溶，可見保溫能力幾勁🤣 班戟嘅質地比較紥實，我哋揀左綠茶味，同焙茶雪糕幾夾。不過栗子蓉真係有啲甜，連我係螞蟻人食到最後都唔係好頂得順😂 👍🏻紫薯花園班戟 $138 8.5/10面頭嘅紫薯cream紫薯味好濃郁，食完岩岩好甜嘅和栗之後再食紫薯，即刻覺得佢哋嘅甜度相差左十倍😂 入面同樣有cream同埋傳統班戟，可能呢個班戟係即整，比較食到有蛋香同埋更濕潤，整體可以品嘗到更多食材原始嘅味道👍🏻玄米茶 $38 8/10用玻璃樽裝住清茶嘅setting好岩打卡🤣好似人哋飲sake咁。玄米茶夠清香，係食完咁多cream之後飲好解膩～ 配pancake食真係好夾👍🏻焙茶富士山 $48 7.5/10用400次咖啡方法整嘅400次焙茶奶蓋，質地濃厚，

*抹茶蕨餅班戟 $118*比蕨餅吸引咗所以揀咗呢款味，Pancake好香抹茶味，唔係入口即溶果種，但質感好軟熟。*伯爵茶無花果班戟 $138*一款好特別既味道同配搭，出面一般食班戟既地方都好少有。伯爵茶味雖然唔太出，但下面嘅班戟好香蛋味，配合上面清甜既無花果感覺好refreshing!*焙茶富士山 $48**抹茶富士山 $48*打卡一流既飲品，上面係濃厚醇滑既焙茶奶蓋，配合下層既鮮奶係幼滑細緻既口感，味道唔甜，整體感覺好濃郁好滑👍🏻

最近見到好多人打卡哩間食佢既班戟而且仲有我最鐘意既紫薯所以就特登黎左試😋🥞紫薯班戟Montblanc $148見到勁多人打卡食哩個📸而我都係比佢吸引左黎😋班戟同雪糕既味係可以自行配搭😉我簡左配原味班戟同焙茶味雪糕先講個外觀 一上到黎真係好靚好精緻🤩紫薯蓉係偏甜既調味班戟唔係梳乎厘個隻但食落都有蛋香味 厚身得黎夠鬆軟😋焙茶雪糕茶味偏濃雪糕外圍仲有啲cream包住成個班戟真係好多部分組成好豐富😋但食落又幾夾幾正👍🏻紫薯量真係幾多所以就咁食其實都幾飽😉岩哂平時鐘意甜品當正餐既人Btw因為個紫薯蓉真係偏甜😂建議大家叫哩款個時可以好似我咁簡番茶味既雪糕balance番😉👍🏻推薦指數4.5/5🍔芝士和牛漢堡班戟 $158班戟隔離有加左胡麻醬既配菜配菜正常不過冇乜特別😂去去到主要既班戟漢堡首先層牛肉十分厚🤩聞落非常香 切開都有啲肉汁出黎😋牛肉仲加左少少胡椒調味食落微辣再帶點後勁 係加分位👍🏻下面仲有層薯餅同樣都幾大同夠厚可惜唔夠脆 脆啲會好食啲😗至於牛肉上面層芝士可能因為個牛肉同薯餅個味太出雖然聞落好香 但食落冇乜芝士味🧐層pancake 就同montblanc個款一樣厚得黎夠鬆軟 唔錯😚整體都ok

今日約左朋友出銅鑼灣行街傾計，但發現大家生活上和工作上都有些沈重。於是決定食D 甜野，令自己開心D。最近見到IG 經常出現呢間PANCAKE 店在附近，一於去試試。MENU 的PANCAKE 種類有好多種而且仲有咸食和甜食的PANCAKE。相信一定有一種岩你。餐廳的佈置好日系和風。以木系和貓貓的裝飾為主，比人一種好溫馨好舒服的感覺。感覺置身在日本中。我同朋友最後只叫左2個甜品，兩杯飲品。和栗Mont Blanc 班戟 $148呢款的PANCAKE可以自選PANCAKE 底，有三種味道，而班戟中間的雪糕有六種口味。我就揀左栗子+原味班戟底+焙茶雪糕，呢三種配合埋一齊，簡直係Perfect match！ 班戟有著濃厚的蛋香，口感輕盈軟綿，配上濃濃的焙茶雪糕，雪糕竟然係我地傾計和影相期間都唔會滆得太快，正！加上大量嘅栗子蓉，栗子蓉香滑順口，入口即化，充滿栗子香，甜度稍高三種的層次感，非常滿足，有一種幸福的感覺！焦糖燉蛋班戟配72%黑朱古力醬（$148）焦糖燉蛋的蛋味濃郁且香滑，燉蛋面上有著甜甜香脆的焦糖味。班戟有著濃厚的蛋香，口感鬆軟偏實，配上濃濃帶少少苦甘的黑朱古力，口感層次豐富。焙茶富士

今日去到銅鑼灣呢間日式Cafe，裝裝得充滿日式風情😉如果隔離枱係日本人，我真係以為去咗日本🤩而且服務態度好好，嘢食又好味，食完好滿足🤤日式叉燒飯：超好味❤️個醬油味好惹味，咸甜咸甜同啲飯粒一齊食，香氣圍繞口中！而叉燒又多塊，應該係豬五花，有少少肥膏，厚度亦適中，有咬口，唔似出面啲餐廳食入口好似一陣風就無左🤣日式雜錦便當：有啲似關東煮🍢風味！但當然好味好多啦，入面啲配料都有好多款！尤其係塊漢堡扒，juicy又足料🤗兩個餐都跟左沙律加餐湯，食完真係好飽飽🙈

呢排只要出開銅鑼灣，諗到要食甜品就一定諗起呢間餐廳，印象中今次已經好似食咗第三次啦，咁就梗係食物高質先會再返轉頭食啦☺️我對佢嘅班戟真係愛不釋手，減肥都唔理啦，哈哈😆黑摩卡班戟，班戟軟熟充滿蛋香味，聽店員講係搭配左香濃嘅可可粉，甜而不膩，上面啲朱古力粒簡直係畫龍點睛，成個口感層次更豐富😎法式溶岩朱古力班戟: 朱古力味好香, 班戟夠鬆軟, 混合朱古力一齊食, 相當好味另外間餐廳其實仲有好多唔同類型嘅餐飲提供，唔係只係食班戟咁單調，下次大家經過可以黎試吓😎

今日小妹自己一個人出嚟搵食，記得之前食過呢一間嘅班戟，非常好味😋印象之中除咗班戟佢仲有提供其他日式便當食，於是就上網睇吓，結果果然冇錯！咁我今日就試吓佢嘅丼飯先😚餐廳環境好得意，有好多好可愛嘅招財貓作伴😍呢個套餐係有得跟一個餐湯同沙律，餐湯係粟米忌廉，濃郁又creamy🤗而沙律菜又勁新鮮，好開胃！主角係雪花牛日式燒汁丼，牛肉好食😋肉質鮮嫩好入味，隻燒汁係甜甜地，好啱我口味！而且佢仲有啲洋蔥做配料，洋蔥又係好鮮甜！係一個高質嘅牛肉飯🥰

銅鑼灣呢間班戟專門店真係長期都好多人排隊，今日難得早咗嚟，唔理啦，照排隊等食啦🙈餐廳嘅環境佈置非常之得意，因為佢有好多貓貓裝飾😳同時佢哋嘅裝修都好和式，感覺好似係日本咁💕服務人員都好好服務態度👍🏻日式雜錦便當🍱，呢個雜錦便當都幾特別，又有炸雞快又有漢堡扒，又有獅子狗同蟹柳等，都幾多款式😍呢個餐仲配有餐湯同沙律，好日本楓糖洋梨班戟，呢個賣相好靚，又有高貴嘅感覺☺️而且味道一流！洋梨香甜，配埋啲忌廉一齊食，好幸福🤭

喺銅鑼灣食完飯 想去食甜品搵到呢間專門食日式pancake餐廳嘅裝修充滿日式風格以木系設計為主感覺幾舒服 好和風🎏而且仲好多打卡位📸一場嚟到當然係食甜品啦甜品多選擇 招牌當然係pancake🥞Pancake款式都好多 賣相吸引😍除咗甜品亦都有鹹食供應不過今次就主要食甜品所以就冇叫到鹹食和栗Mont Blanc班戟有冇人同我一樣超鍾意食栗子茸🌰🫶🏻一見到有呢個栗子Mont Blanc已經被深深吸引住🤤Mont Blanc班戟可以自選班戟同雪糕口味班戟味道有原味、抹茶、朱古力雪糕就有抹茶、焙茶、石板街、雲呢拿、黑芝麻、栗子而我今次就係原味配石板街雪糕栗子Mont Blanc好似一座山咁栗子茸一絲絲咁口感有啲似雪花咁😳入口即化好輕身好綿充滿栗子香 唔會太甜！中間嗰層有層忌廉夠滑又帶奶香～再加埋石板街雪糕😍凍冰冰雪糕加暖暖班戟又唔錯喎底層就係原味班戟質感都算鬆軟 偏似蛋糕但未至於梳乎厘班戟嗰種空氣感如果蛋香重啲就更好食！黑摩卡班戟食完栗子Mont Blanc甜品梗係要打孖上✌🏿一係唔食一係就肥仔到盡！賣相夠哂邪惡🫶🏻班戟淋上朱古力醬 再加雪糕超濃郁朱古力味 帶苦甜🍫中間仲會夾雜朱古力碎味道幾好

開頭以為店舖個名淨係可以食pancake,估唔到原來係臥虎藏龍，仲有好多日式嘅丼飯或者便當可以食🙈我今日就嚟挑戰佢嘅日式叉燒飯😳啲日式叉燒鹵得勁入味😋醬汁係甜甜鹹鹹，非常好味！雖然好入味，但肉質依然好嫩，一咬就開👏🏻而且有六大塊，好抵食呀！呢個套餐仲包左個餐湯同埋沙律菜，沙律菜仲要好新鮮，抵讚👍🏻我嗌咗杯薄荷青檸特飲，啲薄荷葉勁清新，飲完真係有Fresh嘅感覺🤭題外話，餐廳嘅佈置有好多招財貓喺度，勁有特色！好卡哇伊呢❤️

係IG碌到有人食呢一間專門店 一見到雪山班戟就好似好福密好想食下🏔️🥞💚抹茶雪山班戟🥞🤎粒粒椰青咖啡☕️見到嗰名比較係其他店少見就叫嚟食下，見到實物係淺綠 本身以茶味應該唔太重 一食落去抹茶都好香 再加埋入面雪糕同底嘅pancake 一個甜品滿足好幾個願望 啱晒我呢啲想試特別嘢嘅人🍵加埋好清爽嘅椰青咖啡 又會好refreshing 咖啡唔會偏苦 又有啲粒粒咬下 加上嗰杯又會好special 好IG-able 有啲想買返個返屋企自己用下回頭指數:8/10