影片
港铁铜锣湾站 E 出口, 步行约4分钟
继续阅读
电话号码
23488889
营业时间
今日营业
11:30 - 22:00
星期一至日
11:30 - 22:00
公众假期
11:30 - 22:00
公众假期前夕
11:30 - 22:00
以上资料只供参考，请与餐厅确认详情
相关文章
见网上多好评，menu卖相唔错同款式多就谂住去试吓。店内环境睇落系几好，几有日本西式风味，夜晚去时冇乜人，咁就入去试吓。Menu选择众多，最后拣咗个黑朱古力mont blanc Pancake，内里可以配唔同味雪糕。甜品到啦，对我嚟讲卖相都OK。先食外层黑朱古力，初头几啖系OK的。不过可能系选配问题，再食落去就感觉比较腻，唯有夹住雪糕嚟食，中和一吓，唯一可惜Pancake食落好干，夹住一大堆黑朱古力食落更干。
继续阅读
平时甜品店都系食甜品，但呢间竟然有手工意粉！竟然味道都唔输蚀，几有趣～。浓蕃茄牛肋条孖辫粉 $128 / 蟹肉卡邦尼孖辫粉 $138见到呢度有孖辫粉，应该系手工意粉嚟，平时市面上都唔常见，所以叫咗嚟试吓😛口感 Q 弹，似变奏版嘅通粉，都几得意！蕃茄牛肋条味道正常，蕃茄酱偏薄身～而且牛肋条嘅份量偏少……感觉上系得一条，再切开成四粒🙏🏻蟹肉卡邦尼更值得一试！蟹肉份量多，每啖都有蟹味，捞埋生蛋黄食都好夹！。熟成芒果麻糬拿破仑 $148超推荐！！啲酥皮做得好出色，非常松脆，虽然价钱唔平，但我都愿意为咗啲酥皮再食！上面嘅芒果份量都多🥭，啲cream重奶味，但系感觉轻身的，唔会好腻～入面仲有几粒麻糬球，感觉系餐厅自己做嘅，都好有诚意！。MONT BLANC 麻糬班戟（配雪糕） $138有几款唔同嘅口味可以选择，我哋拣咗金时番薯配焙茶雪糕～由班戟做底，上面放一球雪糕，出面仲有大量嘅番薯蓉包围住🍠。啲番薯蓉质感绵滑，而且香甜，都好好食！但系感觉上同班戟唔系好夹😣分开食嘅话两样都唔错，但放埋一齐嘅话就差啲～。焙茶富士山 $56 / 抹茶富士山 $56打卡一流🗻！饮落都唔错，上面𠮶层好似系用茶打出嚟嘅泡泡，两杯嘅味道都好浓，而且口感绵密，之后连埋下面啲奶捞埋嚟饮成件事好Creamy！喺一杯会饱肚嘅饮品🤣
继续阅读
叫左一个苹果pancake同芒果pancake Pancake口感 同外观 同普通蛋糕无分别 好似一个蛋糕底攞出黎切开佢 上面加啲果酱同水果就当系pancake咁 Pancake上面既水果明显系罐头水果开出黎 两个都系劲甜 死甜果种感觉 苹果味就真系不得了 。焗完变左饼干咁 😓😓啲配塔又唔衬托二人去食两份pancake埋单$280，从未食pancke有如此差既体验，永远都唔会再去。大把好食又平既性价比更值得我去
继续阅读
今日嚟到铜锣湾，趁着崇光百货感谢祭仲有四日继续血拼，买完嘢梗系要揾个地方坐低休息吓啦，今次我哋就拣咗喱间来自日本人气的班戟专门店纱织叹甜品，简约嘅日系风配上小庭园，犹如置身京都一样，嚟到一定要试佢呢度最出名嘅甜品和栗布朗尼，标榜劲幼细至1mm嘅紫薯条，包住厚忌廉和松软嘅班戟底，净系卖相都100分啦！入口劲Creamy劲好食！朋友𠮶款系香印提子大福班戟，首先我觉得佢个设计系劲有创意，外层系烟靭嘅大福馅皮，入面包住佢哋最出名嘅班戟、香印提子、麻糬和厚忌廉，多层口感，每一啖都系幸福嘅味道！头两款甜品实在系太好食，我哋决定试埋佢地既得奖甜品韩国草莓拿破仑！每层都铺满甜丝丝嘅士多啤梨，松化香脆嘅酥皮劲香牛油味，十级推介主食我哋拣咗芝士和牛汉堡班戟，佢个口感有少少似M记神物既McGriddles，我钟意佢个班戟冇麦记𠮶个咁死甜，配埋个芝士和埋和牛个味啱啱好唔会太腻！跟住就系期间限定嘅龙虾泥倾泻乌冬，佢系龙虾泥用咗新鲜嘅龙虾肉同埋龙虾膏制作，浓厚既龙虾泥劲挂汤，每啖都充满住海鲜的鲜香味，好正！最后一款就系松露带子意大利面，带子大大粒劲鲜嫩，白汁和黑松露香味完美配搭，好好食！
继续阅读
见网上最近好多人介绍呢间餐厅嘅甜品，有巴斯克界嘅chanel??甘夸张？！但明明人哋叫Pancake 专门，应该pancake先系招牌？！🤣餐牌的确甜品款式好多，净系pancake已经分做雪山系列、大福系列、蒙布朗班戟、水果系列、瀑布熔岩等。🥴不过我同朋友食完一致认同：食物卖相靓 纯粹适合打卡、食下Tea，味道争啲，未必太值呢个价钱，只此一次！👓开心果 Tiramisu $68面头嘅cream好明显有开心果味，大量开心果碎，其实都好食嘅，不过真系唔太似Tiramisu因为例如冇乜酒香，只系一层嘅手指饼+cream，无咩层次同埋比较单调，亦都偏漏 好多cream，而且唔算大杯 依个价钱性价比唔算好高。👓开心果咖啡 $58面头有pat开心果酱，好稠 但唔觉有开心果味，反而咖啡味好香浓好出，整体系比较重咖啡香。搅匀杯饮品后，反而底部嘅焦糖酱出咗嚟，变咗杯焦糖咖啡… 👓MONT BLANC麻薯班戟 $138口味有四款选择：和栗、紫薯、黑朱古力、金时蕃薯；另外雪糕亦有六款选择，例如焙茶、栗子今次拣咗和栗栗子蓉+抹茶雪糕pancake比较实心、蛋糕质感，叫做pancake专门店，但佢嘅pancake系咪真系好出色呢？我唔太识欣赏😳我个人钟意食梳乎厘班戟多啲🥲Pancake中间有旧麻糬，面层系雪糕球，然后铺上一层薄忌廉+再淋上大量栗子蓉。栗子红一定会会钟意因为超级多栗子蓉，稍微甜咗少少，不过都几漏，加上又有忌廉。但如果斋睇卖相 佢又的确几igable打卡！👓抹茶蕨饼班戟 $128有少少失望因为冇太大特别，同样只系𠮶款实心、扁踢踢嘅班戟，连空气感梳乎厘pancake都不是。洒上抹茶粉、几粒蕨饼伴碟，两球抹茶雪糕+一球云呢拿雪糕，再摆啲红豆。整体唔算好出色，对唔$128依个价钱🥲唔建议大家叫！👓Dark Mocha $48真系好黑朱古力味，唔甜 好重朱古力。👓焙茶拿铁 $48👓牛小排牛骨汤乌冬 $98其实一嚿水一碗乌冬都唔平，所以都有少少期望。我只会话系一碗正常发挥嘅普通乌冬，就系高汤底 唔太咸/清清地，有啲牛肉片，热辣辣嘅乌冬😂因为太肚饿饿想食主食所以先叫～
继续阅读