Pancake 專門

营业中

休息中

返學嗰陣有個好朋友推介就去左呢一間餐廳食嘢🤩望到IG都有好多人介紹呢一度好有驚喜，就即刻去左享受下！同埋呢一度嘅裝修好有氣氛。本身我自己係一個好鍾意食全日早餐嘅人，所以見到呢度都可以食到全日早餐就嗌咗啦！果然都係非常高質，呢一度嘅全日早餐有一個好鬆軟嘅pancake，而且仲有腸，蛋，茄汁豆，大啡菇，薯餅！真係好好食！朋友就叫咗呢一個五王蟹粉丼飯！呢一個蟹粉嘅味道真係超級香，真係隔離都問得到，忍唔住試咗一啖，真係好好食，蟹粉嘅味道好好食，鮮甜味道十足！

今次去到充滿日式風格嘅Pancake專門店，餐廳裝修偏向秋季木系風，坐得舒適有種置於小京都感覺🎌，餐廳主打無麩質班戟🥞用米粉取代一般麵粉，敏感人士都可以安心食到🫶🏻另外仲有拿破崙，鹹食方面都有丼飯、烏冬等等～🔸和栗Mont Blanc班戟 $148呢款Mont Blanc班戟可以講喺餐廳主打之一，每枱必叫名物✨一共有三款口味分別；栗子、紫薯、朱古力🍫另外底部班戟同雪糕都有得選擇想要嘅味道，肥仔最後就揀咗綠茶班戟+栗子雪糕🌰賣相嚟到相當靚仔，面層栗子壓成香滑幼絲份量相當大😍切開中間喺一大球栗子雪糕，底部就喺綠茶班戟🍵！三層口感極豐富，濃郁栗子蓉再配搭鬆軟班戟，整體味道唔會太甜，果然喺人氣之選💖🔸春雪·初開 $128另一款就叫咗個名咁特別嘅班戟，底部喺原味班戟，面頭鋪上日本直送厚忌廉加草莓果醬🍓，要小心翼翼掹開蛋糕套，草莓奶蓋就會傾瀉而出🤤口感濃厚嘅牛奶香+果醬酸酸甜甜不知不覺就食晒原個😂🔸焙茶富士山 $48🔸抹茶富士山 $48兩款造型好似富士山打卡必叫🗻上面係400次抹茶/焙茶奶蓋，底部係牛奶🥛。兩款奶蓋都厚身濃稠可以用匙羹試一啖先😚之後再攪拌慢慢品嚐，抹茶味會帶點回甘，焙茶就香氣十足兩

有一個好同事拍拖啦，於是同佢食番一餐好嘅，咁就比一齊聚下舊，所以揀咗呢間銅鑼灣嘅餐廳食野，喺OpenRice度見到呢間餐廳嘅裝修都好好，非常之舒適可以俾我哋傾吓計都幾唔錯我自己今次就叫咗呢一款全日早餐！本身食唔同Cafe裏面，都會試吓唔同餐廳嘅全日早餐，呢一個全日早餐嘅pancake應該係我食過咁多款裏面最好食㗎喇！果然係一間pancake專門嘅餐廳！另外，其他款式亦都係好好食的，非常用心嘅一個全日早餐，而且營養價值都非常豐富，食完超級滿足！仲叫咗一杯湯力咖啡，咖啡嘅味道好香，而且溝埋湯力一齊飲估唔到個味道係咁特別，出面都真係好少見到，大家都可以嘗試一下！

今天表姐提議就去左呢一間餐廳食飯！望到喺IGd人介紹呢間餐廳好食，所以就今日要去試一試！同埋呢一度嘅裝修好有氣氛。 😌濃蕃茄牛肋條意粉真係大概呢一款意粉呀，本身我自己都係好鍾意蕃茄味嘅食品，呢一個真係食得好滿足，同埋加埋牛肋條嘅味道亦都係好夾，牛肋條嘅牛肉味再加埋蕃茄嘅香味，兩者配合得好好！😌松露帶子烏冬至於呢一個烏冬亦都係好好食的，烏冬點晒所有松露嘅醬汁，令到呢一度嘅意粉真係好香！😌湯力咖啡，凍Cappuccino另外仲叫咗兩杯咖啡，呢兩杯咖啡都各有特色，而且咖啡味道好香濃，大家都可以叫嚟試吓！

平時玩下電話嘅時候，咁啱見到有人推介呢一間係銅鑼灣嘅pancake專門，有一款我好鍾意嘅甜品，就係呢一個蘋果金寶pancake嗱，所以就忍唔住，帶埋一個好閨蜜過嚟呢度食！呢一度嘅蘋果金寶班戟真係超級好食，賣相好有趣！重點嘅係，上面酥脆嘅外皮，加埋入面熱辣辣嘅蘋果肉同埋鬆軟嘅pancake，再加埋上面凍冰冰嘅雪糕，就咁聽就知道口感味道嘅層次都係非常之豐富的！而且食完之後一啲都唔會有好Heavy嘅感覺！真係超級好食呀！

有一個好朋友生日啦，所以就同佢去食一餐好嘅，可以一齊聚會下！於是揀咗呢一間銅鑼灣嘅餐廳食野，就咁望落去呢度嘅環境氣氛都好適合，好舒服可以坐低慢慢咁傾偈真係好正❤️ 重點推介嘅就係除咗佢哋嘅pancake之外，主食亦都係好有心思的，今次就做咗呢一份濃蕃茄牛肋條意粉🍝呢一度嘅意粉好有日式嘅口味，係好香好濃肉嘅蕃茄味道，真係真材實料嘅蕃茄湯意粉！至於呢一個五王蟹粉丼飯亦都好好食，唔同款式嘅蟹粉溝埋一齊，令到成個蟹粉嘅味道層次更加豐富，而且真係超級超級多嘅蟹粉，所以呢一個飯真係食得好滿足！

揀左呢間銅鑼灣嘅餐廳食野，去到見到成間餐廳嘅感覺都好啱feel，十分舒適可以俾我哋放鬆吓真係好開心😎 濃蕃茄牛肋條意粉👏🏻一見到個餐牌有呢一個意粉就真係好想試吓啦，真係好開心可以食得到我最鍾意嘅兩個款式，一個係蕃茄味嘅意粉，另一款就係牛肋條，兩者我自己都好喜歡！蕃茄味香濃，牛肋條亦都係煮得啱啱好，好有口感！凍Cappuccino👏🏻至於呢一杯咖啡都係好好味嘅，咖啡味道十足，而且就算係凍飲都依然飲得出好滑同埋係好優質嘅咖啡豆！

上次有個好朋友介紹去咗呢一間餐廳食嘢！知道喺IG有人介紹呢間餐廳係抵食之選，所以就去咗獎勵一下自己！同大家分享下五王蟹粉丼飯😍呢一個五王蟹粉真係好有特色，用咗時令嘅蟹粉，所以真係特別鮮甜同埋蟹粉嘅味道特別香！重點嘅係份量好多，呢個價錢來講，絕對係性價比好高，鍾意食蟹粉嘅一定要試吓！抹茶蕨餅班戟😍甜品方面我哋就叫咗呢一個！呢一款抹茶嘅味道好香， pancake亦都係非常鬆軟，再加埋抹茶味嘅pancake，真係一個好啱啱好嘅甜品！整體來講，呢一次嘅日本餐體驗真係好好，無論係主食定係甜品都係好高質的，值得推薦！

返工時係社交平台群組見到有人推介去咗位於銅鑼灣嘅餐廳食飯！喺IG有人話呢間餐廳真係好好食，就即刻走咗去食嘢！而且餐廳環境非常舒適！  😉松露帶子烏冬一份好食嘅烏冬真係會好令人回味，呢一個松露嘅香味依然好難忘，而且呢度嘅烏冬真係煮得剛剛好，軟硬適中，加埋松露忌廉汁一齊食真係好吸引！ 😉五王蟹粉丼飯至於呢一個蟹粉亦都係好好食的， 呢一個蟹粉真係超級超級香，而且真係估唔到會有咁多嘅蟹粉用嚟撈飯食！整體來講，呢一間餐廳嘅性價比好高，食得出係好有心機煮嘢食！而且一啲都唔貴，真係好值得推介呀！

🥩雪花牛燒汁丼 連餐湯及沙律$128沙律係我喜歡嘅胡麻醬；餐湯就係香甜嘅粟米湯。至於主角雪花牛，份量毫不吝嗇，味道亦唔錯。雪花牛肉質軟稔，肥瘦均勻，味道香濃；配上燒汁撈埋白飯食一流😋🌰和栗Mont blanc班戟 $148呢個真係好值得一試！海量般甜而不膩嘅栗子蓉覆蓋住軟滑嘅日本厚忌廉、自選雪糕及自選班戟。我哋揀咗抹茶班戟配焙茶雪糕，班戟軟熟帶淡淡抹茶香，而香軟嘅雪糕配上忌廉同栗子蓉，絕對令幸福感飆升🥰🗻焙茶富士山 $48第一下飲嘅時候諗緊點解個焙茶奶蓋咁濃稠，原來係要攪勻佢，將焙茶奶蓋完全地同奶混合埋先飲到嗰種幼滑細緻。同班戟個焙茶雪糕一樣，呢杯焙茶都好香濃，視覺同味覺上都係享受😌🫖雪波茶 $38見唔少人都推薦呢款茶，所以特登點嚟試吓，又真係幾好飲！原來呢個Rooibos tea又叫做路易波士茶、南非國寶茶，被譽為南非的紅寶石。佢不含咖啡因，有研究指出佢能夠預防癌症，所以都幾推薦大家試吓呢個雪波茶👍🏻

🍁𝒫𝒶𝓃𝒸𝒶𝓀𝑒 𝒮𝑒𝓃𝓂❀𝓃 🍂好天食甜品~落雨天都要食甜品😆想食light D 就去Pancake Senmon 小店主打特色班㦸及輕食 日式木系風格 環境好舒適☺️落雨天點都要同可愛既晴天娃娃影下靚相🌰和栗班戟 Montblanc$148.0焙茶雪糕佔左好大比例 最鍾意焙茶的回甘原味無麩質日式班戟同普通班戟外表都差不多相比之下質感多了一點實在 仍然空氣感十足👍🏻🍔芝士和牛漢堡班戟$158漢堡有成1.5cm咁厚😆肉質有彈性又好juicy !食埋薯餅真係好飽輕食都有誠意💛班戟兩邊用牛油煎🧈整體上係咸既 都幾有新意🤎焙茶富士山$48💚抹茶富士山 $48淨係賣相已經💯面層係400次既焙茶同抹茶奶蓋建議先呷一口再攪拌20圈一嚐兩個層次嘅味道最後充攪勻享用幼滑細繳的口感飲品都有好多選擇🫖Tea-焙茶、抺茶、玄米茶、雪波茶️☕️Coffee-latte cappuccino blend coffee 🌟要加一🌟下次會想試下雪波茶📌Pancake Senmon (Pancake專門)銅鑼灣百德新街57號海華大廈地下B號舖電話: 2348 8889

今日姊妹介紹就去左喺銅鑼灣嘅餐廳食飯🤩望到Instagram有人介紹呢一間餐廳好有驚喜，所以就好想去放鬆一下！朝聖一下👍🏻 店員推介左我哋嘗試一下呢一度嘅濃蕃茄牛肋條意粉！於是就叫咗食下啦，果然係冇介紹錯，呢一度嘅香濃蕃茄味道真係十足，而且蕃茄嘅真材實料真係有少少嚇親！再加埋牛肋條嘅味道口感，令到呢個意粉更加昇華左去另一個層次，唔好睇小簡簡單單嘅意粉，食得出真係好用心！至於呢一杯菠蘿紅茶嘅口味都好啱我，酸酸甜甜再加埋紅茶嘅香味，好解渴好好飲！

身為一個甜品愛好者，又點會放過每一間高質甜品舖嘅機會呢，今次就去咗試吓呢一間喺銅鑼灣嘅pancake專門，試吓佢哋最有特色嘅pancake先得！一入到去呢間餐廳就覺得呢間餐廳嘅氣氛好好，好多日式嘅裝飾！同埋座位都好舒服！  今次就叫咗呢一度嘅焦糖香蕉班戟！真係唔好睇小一個pancake，好食嘅pancake絕對係會令人食上癮的！焦糖嘅香味再加埋香蕉同埋雪糕一齊食真係好正，熱辣辣嘅天氣可以食到呢一個甜品真係好吸引，而且呢一度嘅pancake亦都係非常之鬆軟！所以口感真係好好，食晒成個都唔會好Heavy👍🏻

ᴄᴀꜰᴇ 以米粉代替麵粉，主打日式無麩質ᴘᴀɴᴄᴀᴋᴇ🥞店內裝修走日本風，感覺雅緻🍁8點左右店外己經有人排隊，人氣都幾高.📍黑朱古力ᴍᴏɴᴛ ʙʟᴀɴᴄ 班戟($148)ᴅᴀʀᴋ ᴄʜᴏᴄᴏʟᴀᴛᴇ ᴍᴏɴᴛ ʙʟᴀɴᴄ ᴘᴀɴᴄᴀᴋᴇ班戟同雪糕可以自選味道班戟有原味/抹茶/朱古力，雪糕都有6款選擇我哋揀咗朱古力ᴘᴀɴᴄᴀᴋᴇ配焙茶雪糕🍨外層嘅朱古力蓉口感綿密，堆到成座山咁😍ᴅᴀʀᴋ ᴄʜᴏᴄᴏʟᴀᴛᴇ朱古力味濃郁唔會好甜🍫ᴘᴀɴᴄᴀᴋᴇ略為唔夠濕潤🥞，不過加埋ᴄʀᴇᴀᴍ同雪糕一齊食問題不大，如果中間嘅焙茶雪糕大球啲更加正😆.📍 ʜᴏᴍᴇᴍᴀᴅᴇ和牛漢堡班戟 ($158）ʜᴏᴍᴇᴍᴀᴅᴇ ᴡᴀɢʏᴜ ʙᴜʀɢᴇʀ ᴘᴀɴᴄᴀᴋᴇ原味班戟鬆軟厚身，而且蛋香幾強💛漢堡煎到外脆內軟，再唧上芝士醬，食落夠香🍔另外配有2塊薯餅、芝士🧀、生菜🥬同茄汁🥫唔會覺得好油膩，而且都幾飽肚.📍焙茶富士山/抹茶富士山($48)面層嘅焙茶同抹茶密度好高，飲落口感幼滑不過攪勻後茶味比較淡，俾奶味搶咗風頭🥛比較下焙茶會濃味啲，抹茶味真係唔多覺🍵2款都唔係好夠味，有改進嘅空間.整體上味道穩穩陣陣，未算好大驚喜環境唔錯

如果話佢係pancake專門店 我會覺得佢更加似係栗子專門店🌰佢哋地址位於銅鑼灣百德新街 周圍名店林立 主要賣時裝 所以突然有一間甜品店 感覺比較特別其實除咗甜品之外 佢哋亦都有主餐供應 下次可以嚟再試而身為栗子控 當然要去試吓佢哋嘅日本和栗mont blanc班㦸 ($148)首先佢哋表面唧上大量和栗蓉 裏面有脆餅碎同日本厚忌廉 底層係軟綿綿pancake蛋糕 而中間可以自選雪糕口味 論賣相其實同深水埗嘅十常八九不遑多讓 都係非常吸引 但我覺得佢哋嘅栗子蓉味道更加突出 而且唔太甜 底層嘅海綿蛋糕亦都可以增加第二種口感 再加上自選雪糕有栗子味可選擇 令到成件事好synchronize另外再order咗兩杯飲品 分別係抹茶富士山($48)同焙茶富士山($48) 杯型呈富士山狀 更加有日本feel (留意返menu內有建議飲法)