PAN de PAIN Pancake & Sweets (K11購物藝術館)

营业中

休息中

疏乎厘質地軟綿綿，牛油香滑，伴碟的奶油忌廉不夠輕身細緻，可以選擇只用牛油塗抹來吃已經足夠！喜歡比較甜的可加入糖漿來吃。比較起日本的雖然還有少許距離，但也值得一試！要有心理準備，吃風一樣，沒有飽足感是正常的。

女仔之間約會當然要揀間靚cafe 影下相呃下like 喇！今次揀左呢間位於K11 PAN de PAIN 食下梳乎厘pancake ~~~上網見到評論都知道要等位，但估唔到要等齊人先可以入座，OK fine 唔排都排左，咁唯有硬住頭皮等，結果門口企足50mins 先可以安排入座-_-或者真係等左咁耐我預期它的食物質素真係有番咁上下all day breakfast with pancake 以all day breakfast 黎講真係唔合格，份量少，款式少，價錢仲要唔平，ok 個pancake 係唔錯的！空氣感pancake 夠鬆軟~~smoked salmon and avocado pancake 都係一般，唔太特別，只係咸點的pancake 而已，煙三文魚唔新鮮，沙律菜的配料有點求其，味道及賣相都扣分！唯一我覺得好食係呢個strawberry sweet pancake, 賣相可以呃下like ,味道又唔會太甜，食完唔覺得好漏好滯！唔錯！整體黎講，名大於實的pancake ,不過不失，喜歡pancake 的朋友係可以試試，但要我排成差不多一個鐘先可以入座，當然對它期望有番咁上下

完全失望，名過其實，價錢好貴，兩個人食兩款 pancake 加一杯凍飲，二佰幾埋單，早知去食一品雞煲無噤嬲，唔值得去排隊，有人仲要排個幾鐘先食到，實在不會有下次了。非常失望，同日本食完全兩回事，失望..............................失望..............................失敗.................失望..................浪費錢同時間去試

次次經過都有條長龍排隊, 今天不知攪甚麼鬼, 只有三、四人在店外等候, 又見店內未坐滿, 友人又好想食, 於是... 等了3分鐘便有位了.餐牌推薦項目: Signature Pancakes, 第一項: Strawberry ($88), 下午茶, 吹水時段, 大家各自一杯飲品, 甜點...一件就夠了.友人選了西茶, 口味是蘋果薄荷, 我聽目個名...就唔想飲了..., 搵暈成本餐牌, 都無我最喜歡既奶類飲品, 退而求其次, 點了其中一款Detox Water特飲. Detox Water有三款, 三款同樣價錢 ($68), 這是其中一款, 名為: Tropical (Pineapple, Pear, Apple), 六十八蚊的這杯.... 所謂 "天然維他命水", 市面也有人稱Detox Water 為: "排毒水", 一聽個名, 你就知搵老襯啦..., 味道??? 浸了生果的水, 飲一啖, 接近無味, 好似係高級餐廳提供的清水, 加咗片檸檬, 再試那些生果..., 真係太神奇了, 連果堆生果, 都係無味道既...., 頂! 都唔知係嘜家伙飲品, 六十八蚊, 飲杯咁既嘢.... 天呀

吃完雞脾，又吃完墨丸，當然要吃些甜點平衡一下。 我想不用介紹也知道這個Pan de Pain，這間乜嘢時候都要排隊的店，排到傻，當然閒日去試一下。 其實，依舊有人龍，只不過，沒有六日咁恐怖，星期一的下午，前面幾張枱，四五張在前面，廿分鐘完成。 記得，要排一定要齊人，好似我媽媽去行左一陣，累到要多十分鐘。 坐底不用想，已經可以叫菜。 當然要吃soufflé，這個是目的，在大阪吃不到的悲傷在這裡解放釋懷。 Soufflé 沒有gram的那個可以彈下彈下，不過呢度一啖咬下去，那種如甜甜的空氣在你口中轉又轉的那刻，甜蜜得很。 加上糖漿和牛油，成件事更加甜美，就如可愛的嬰兒，穿上了可愛的童裝，增添了那可人的感覺。 沒有bills的好，我還未吃到台北最有名的jamling cafe，我覺得這間可以讓我思念在外國吃到完美pancake的經歷。 如你覺得太甜，可以叫杯Detox water berries，滿滿的莓肉和清新的感覺，叫你解開甜甜的膩，為一會的大佬作準備。 來這裡之前做過功課，知道soufflé 不甜不太膩，但這個cold strawberry 是非常有力量的，滿滿的cream，

其實都開左好耐但每次經過仍然見到會好長龍所以每次都無機會食終於我朋友捉左我去食個靚甜品teaSoffule ($68)呢度既招牌pancake係日式既鬆芙厘 因為入面打左好多空氣好鬆軟好滑好好味食落去雖然其實只係m記pancake味但個動L超軟綿綿質地真係好正一入口就即溶 真心嗚呀終於明點解咁長龍另外仲嗌左Strawberry Pancake ($88)d士多啤梨好甜好新解同埋d cream再加埋pancake一齊食成個組合實在太好味一啖咁樣食 真係太幸福了兩款pancake都等左頗耐 不過都值得的同埋定價都頗貴 偶爾想氹自己開心既話都係好選擇

今天同友人搵間cafe 食晚飯，搵左這間位於商場內的曰式pancake店。雖說熱潮已過，但晚飯時間仍見人龍。這店子主打pancake, 價錢由$68-$88不等，而飲料由$38-$48. Smoke salmon avcando pancake $78這pancake 有兩片，另有smoke salmon 同半個牛油果。這pancake 和平曰食的有少少分別，質地比較軟身，配上煙三文魚同牛油果，鹹食的pancake 還是第一次。煙三文魚唔腥，加埋牛油果清新的味道，夾起來味是不錯，但還是覺得甜食比較討好。Soufflé $68嘩啦！兩件厚厚的soufflé , 切下去軟綿綿的，食一口，真的好像吃空氣一樣的質感！這soufflé 旦味好濃，奶香十足，富極香的牛油味，再加上甜蜜蜜的糖漿，甜甜的味道加上旦香 相互交融，正呀！一陣風的甜美感覺，食囇都唔膩！highly recommended! 必食！Apple mint $45這茶有一壺，足有兩杯，這茶味道清香，滿有蘋果果香，隱約有淡淡的薄荷香。Matcha latte $45這個超讚！綠茶味超濃，十分奶滑，沒有一般綠茶latte 的甜膩，飲落

<REAL FUN FOODIES>開左咁耐 終於黎食左喇～呢間係開係尖沙咀既pancake！！！去到門口已經見到勁多人～其實今次又係誤打誤撞行下街見到多人排又排下點知有驚喜！！好開心呀hahaha由於我地係星期6黎～so 要排好耐！但其實又唔係好耐，今次只係半個鐘咋！！！yeah！！！我地叫左兩個pancake 同埋兩杯野飲！！！呢個唔係成日有架～～～～＄78～～～呢個味道真係同日本既Bills 有得比呀只係$68咋！！！又平又好食 令人好懷念日本喔！埋單都係＄300有找！！！如果無記錯～日本都係差唔多價！！！一定會再黎囉！！真係好好食！！！

同男朋友係佐敦食完晚飯，即興話想去食呢間好出名，排好耐隊既pancake。行到去，出面無人排隊，入面仲要即刻有位，梗係衝入去啦。點知無哂多士同出名既梳乎厘pancake。本身想走，但一場黎到都要食下pancake既。經過介紹就叫左個snow white pancake。面有層白色醬鋪住，有d nuts既野係面。個醬甜甜地，有ddd酸，但都好好味。個pancake邊脆脆地，入面鬆軟，加埋個醬甜甜地，好夾。真係好好食，好想試埋個梳乎厘呀！不過每人都要叫一個item 所以男朋友逼住要叫一杯咖啡。因為兩個人食完飯食5落兩碟甜品。

每次黎到都大排長龍，終於今次食完飯之後唔使等好耐都食到（15分鐘到啦 話唔使排係呃你既）d員工都好有禮貌，你排隊既時候已經會俾埋menu你揀野食，一陣一坐低就有得食我同朋友點左兩碟，要左梳乎厘同埋pancake梳乎厘整得勁好食我覺得pancake就一般般如果唔算太多人都值得試下架

放假同友人食好西，簡左呢間一直都好多人排隊嘅甜品店，想試佢個'震騰騰'嘅梳乎厘班戟。店面唔大，我地排第2都等左15-20分鐘。好中意黃色嘅店面裝修，感覺好夏天，清新。就係呢個啦，樣子吸引，價錢唔貴。本身我地全係中間位，點知店員話要讓俾接住落黎嘅4個客，調左我地去bar台位，不過呢度都唔錯，有插頭可叉電，設計貼心，而且擺設感覺好muji。因為友人好想食士多啤梨班戟，所以我地都叫左，一上台真係好靚，即刻心心眼，同埋好岩忌廉怪嘅我，雖然兩個人食，感覺好邪惡，看來減肥又離我遠了嘩嘩嘩，終於到左梳乎厘班戟出場，齋睇到佢個樣已經覺得好治癒，配埋糖漿同忌廉食好好味，但真係好似食左陣風咁兩個人食就10分鐘唔使就食完，但係齋幫佢地影寫真都影左成15分鐘，咁就過左個開心又滿足嘅週末啦！

因為要公事，搵個地方坐低靜靜地傾，見到呢度條隊好長好長⋯⋯坐低就已經話有min charge😅無所謂，反正都係為咗個招牌疏乎厘pancake來就叫左先，諗左陣叫個法式焦糖西多士。等左好耐差唔多成半個鐘，個姐姐走黎問我地諗到食咩未😱😱😱😱唔是未落單嘛⋯⋯咁講完睇黎佢就插單😅因爲即上，疏乎厘成吋幾厚好軟好震～～拍左十秒片已經覺得唔對路要快食，怕佢塔⋯⋯靠糖醬既甜味，叉落去軟到好似無叉野咁，食落一陣風入口即溶，但味道單調無層次，佢唔係好似pancake嘅做法既話，當佢係普通疏乎厘（因為口感其實一樣）佢就真係唔特別。法式焦糖西多士，賣相靚過疏乎厘，有啲生果雪糕，焦糖絲，西多粒粒疊起，有幾點糖醬響碟裝飾，擺盤好立體。食呢就麻麻地因爲多士硬左啲仲唔夠熱。🙄仲唔平，兩碟加埋160

性價比其實唔錯，因為環境整潔，整體服務員態度都好好，服務貼心，而其實之前上網搵過呢間店既資料，知道食物價錢會較貴同要等一陣，但因為知道即叫即整咁都想試下，一放工即刻去食，即刻有服務員問我幾位準備坐底另一服務員幫我拉開椅，而且主動即刻交上餐牌，服務也太好了。一坐底即刻叫梳乎釐，太好食了，質感軟，比布丁較易弄碎的質感。牛油既鹹再加甜甜的糖漿沾上這個梳乎釐會更加好食。我明點解排隊都要黎啦，因為食物係真係賣相好同有心機整。💋💋💋

這是我第二次光臨此店！是次是自己一個人來用餐的。店舖環境很舒適，還有提供basket供作放手袋的，很貼心！服務員的態度也很好，充滿著笑！用餐時，旁邊來了一個客人，她完全不了解這餐廳的食品，還問了服務員一堆問題，但服務員不旦沒有覺得麻煩，還每一個是食逐一解釋，非常有耐性和細心！這次我點的是chocolate dorayaki和ice latte! Chocolate dorayaki十分推介！pancake上的creme完全不會膩！加上旁邊還附有暖暖的巧克力奶來伴pancake，真的很好吃呢！另外，latte方面，我個人覺得熱的比較好喝！因為這次喝冰的感覺有一點苦，可是上次喝熱的就完全沒有！而已奶泡也打得很香！

Soufflé pancake因為係新鮮即製，落單後大概等左20分鐘。聞落好香蛋味，望落已經feel到果種鬆軟，好想一刀切落去呀！融化緊嘅牛油叫我快d食佢落肚啦！Pancake口感好輕盈，唔油又唔太甜，淋上糖漿都唔算甜。如果嗜甜的話，可能會覺得佢唔夠邪惡！不過就好啱想食甜品，但又怕肥嘅朋友啦。French toastToast外層係焦糖化左嘅薄脆糖衣，每啖都有奶香蛋香同焦糖香，加埋vanilla 雪糕一齊食，一冷一熱又脆又軟，係我喜歡的味道！再hap一啖咖啡，好治癒呢食到最後，將toast 浸落半溶嘅雪糕，好美味呀！不過略嫌麵包唔太夠軟，但就唔似一般日式麵包咁好重牛油味，所以感覺唔算膩！