PAN de PAIN Pancake & Sweets (K11購物藝術館)

营业中

休息中

行開尖沙咀, 想食甜品，想來呢度試左好耐，見唔係太多人排隊就入去試吓。個signature pancake冇疏乎厘hot cake 咁好味，但係都唔錯，好香士多啤梨味。個咖啡有啲驚喜，好香咖啡味。個疏乎厘hot cake 真係好好味，好香好fluffy😋

PAN de PAIN Pancakes & Sweets 吃著 soufflé 好像空氣也是甜的終於食到來自沖繩的人氣甜品店PAN de PAIN Pancakes & Sweets每次經過都大排長龍, 難得平日下午人不太多, 緊係要試試芒果色調的裝潢令人感覺很有活力同夏日氣息點了限定飲品, 因為忘記拍攝, 所以不知道名字但兩杯都好清新好好飲我們兩個女生都很喜歡杯飲料, 大家交換飲都異口同聲說「好飲啊」之後就一起哈哈大笑起來~哈哈哈~~~Pancake 也有很多味道選擇看門面一直都打算吃 Pancake 多口問問店員這裡最出名的是那一款她回答是 soufflé 哈哈哈哈~~~我們想那麼久, 原來想錯方向了~哈哈哈~~就直接點了原味 soufflé 試試嘩~兩件厚厚的 soufflé , 好鬆軟彈彈下的感覺女生嘛, 都忙著拍照, 但不要拍太久啊~會看著 soufflé 越來越軟下來的soufflé 上淋少少蜜糖再放入口中好像空氣也是甜的, 好甜蜜幸福的感覺真的會開心到笑到咪咪眼的~^^~ (雖然本身都眼很細長, 哈哈)真的十分推薦大家試試, 十個讚, 好香好滑的空氣~^^~整個吃完的感

周日，專門黎試人氣班戟店，排左陣隊就入到去，軟綿綿的Souffle pancake，製作時間20至30分鐘食落口 好似食咗一嚿雲咁，好得意既口感，甜度適中，好有蛋味，有埋牛油 糖漿 cream比你配，值得一試～Chocolate Dorayaki Pancake焦糖香蕉偏甜，班戟甜度適中，口感唔錯，配埋上面大大舊嘅cream，幾好食，旁邊仲配埋苦苦哋嘅朱古力醬，中和返焦糖香蕉嘅甜，而且依個班戟好似銅鑼燒咁樣夾住朱古力，唔會太dry～呢間店冇話一定要迫你飲杯嘢，唔錯店內環境都乾淨 坐得舒服

我真的好喜愛食pancake, 喜愛到每年都會去日本食足五日pancake。係香港都有好多pancake店, 爭相模仿日本技術, 但始終好難做到日本既高水平。Pan de pain pancake店來自日本, 果然水準是高的, 所以每日都有咁多客人排隊, 當然我也不例外, 同老公排咗45min, ㄧ坐低就叫咗個招牌souffle pancake , creme brulee pancake 及lced matcha latte, 兩款pancake都好鬆軟, 尤其招牌souffle, 好似食梗空氣咁, 可惜杯matcha抹茶味濃到唔夠。係k11既舖租實好貴, 所以pancake店安排枱與枱之間既空位好少, 基本上客人既对話會聽到, 值唔值就見仁見智喇!

雖然依家好多soufflé pancake mix 自己可以整 不過試下街外既都唔差依度煩在要排隊 撞岩唔使排就入左去食Soufflé pancake $65無日本咁好食 但比自己整既好食蛋味濃 有空氣感Matcha latte $45我覺得一般 偏甜環境舒服 女仔食下野傾下計 都唔錯

認識我久的朋友都知道甜品不是太好，唯獨是很喜歡軟綿綿好似一雲一樣嘅感覺的東西。這個梳乎厘pancake . 說真的我望穿秋水了好耐。好多時因為太多人，要排隊，或者真係食得太飽。好多原因令到我至今未能朝聖。上次去日本本身有機會食嗰間大排長龍嘅pancake 店，但係食完晚飯返到去已經過了營業時間。莫非要食一個班cake真係咁難？今日有啲野要喺尖沙咀做，係連續一星期嘅壓力之下，覺得自己需要有啲甜野，特登嚟到呢一度碰碰運氣，唔知係咪上天永遠都唔會比我咁慘。唔使排隊直入。呢個班cake即叫即做，需時大概15分鐘，我有嘅事時間，先點左一杯抹茶latte ，邊飲邊等。。。大杯到呢。。味道香濃，唯獨是比較甜。仲要配上我最喜歡嘅貓貓拉花，上天睇嚟都唔會比我行絕路呢，見到心情都好返晒，40幾蚊咁大杯，抵飲。我坐嘅位置剛好睇到佢哋點樣整班cake，首先要欣賞呢一度嘅廚師全部都着得好整齊，感覺成件事好專業，要專業地整到一個疏乎厘輕盈pancake ， 又整潔嘅廚房，專業嘅外型開始。本身佢哋話要等半個鐘，但其實大概15分鐘就有架啦。一碟碟排定隊出泥。見到嘅時候真係覺得有啲感動，每一件都又圓又可愛，嗰種輕盈嘅感

呢間餐廳其實都開左一段時間 到今日條人龍都係咁長 好彩今日有時間 決定等！一等等左成個中 但條隊都係咁長入到去座位舒適 叫左士多啤梨pancake 同兩杯野飲賣相一流 相機食先！一來 佢有好多cream 岩晒我 而且佢係一層牛奶cream 一層士多啤梨cream 層層都咁足料 真係好滿足 個pancak仲要整得岩岩好 好soft 好好味 好有日本的味道 佢旁邊的心心士多啤梨醬整得好有心思 好靚 而且配埋pancake 一齊食簡直絕配 野食叫左雜莓 因為我見好多人推介 賣相係好靚好健康咁 但味道不及旁邊的波蘿青瓜檸檸菜好飲

一講起Pancake，好多朋友都會問有無試過尖沙咀個間Pan de Pain呀!? 係日本手製既Pancake店黎。好多人以為係日本神級Pancake店襲港! 其實係高度日系既甜品店, 仲係似日本代官山Café個種，不過如果有質素又何須理出處呢。 平日下午去，吾係好多人，好在排左10分鐘就入得去啦，因為假日要排成半個鐘至一個鐘。 據知年輕老闆娘為左籌備新店，親自去日本取經，花左大半年時間到當地班戟名店試食，用日本人個套模式去做，連個MENU都有日本插畫同日文，裝潢簡潔，以黃色為主調，連餐具都係用上金色。 Soufflé班戟 HKD$68 – 賣相無特別花巧，夠厚身，而聽聞選用優質日本麵粉及3.6牛乳新鮮，讓Pancakes分外鬆軟，散發牛乳甜香。切開後呈半流質，無論外同內都有定濕度，唔洗點用力已經分開左。加上蜂蜜同CREAM一食落口，口感好滑好輕盈，好快就溶左落口，蛋味好香，蜂蜜又不會太甜，只可以講句，真係好Soufflé。 Original Pan de pain HKD$68 - 試食個原味，真係好原味喎，牛油同Cream配上薄薄既PANCAKE，有

Had an Ice Cappuccino and I would say it was good. One of the better ones I had for cappuccino in a while. Ordered souffle pan cake, thought it would be as good as Gram in Japan, but was disappointed. Not work that price for it here for the pan cake.

Having seen people queuing outside the store several times and heard about good comments this store ,me and my mom decided to give it a go last night. It was around 7pm so we didn't need to wait.we ordered the renown soufflé with a cup of iced latte as we're gonna have dinner later. It was a pretty long wait (around 15 to 20mins),most customers were waiting as we were . As soon as our orders arrived, the smell of the soufflé was phenomal seriously. We were given syrup and butter so that

女士一定係愛甜品既，食完晚飯，都一定要食埋個甜品先安落。士多啤梨pancake，對於女孩子泥講真係decorate得好靚。首先講下pancake，三層既pancake中間仲夾埋啲cream，一切落去其實都已經散哂，食得有點狼狽。個人中意啲pancake係實心，咁先至有飽肚既感覺。其次就講下啲cream，又係有成三層。中間果層好有士多啤梨味，好欣賞。不過有咁多cream，成個pancake食落去就好似食緊忌廉蛋糕.... 啲cream有點肥膩既感覺，不過好彩有新鮮士多啤梨中和返啲味道。再試下期待已久既souffle pancake，彈下彈下睇落都覺興奮。再配埋牛油同糖醬，味道同一般既pancake無異。食左第一啖，口感係好滑，不過同時都感覺食左好多空氣，就只有面同底層係有少少實心既感覺。成件事好新奇，不過就唔係好啱我口味喇....

因為lunch食唔飽所以搵下甜品tea time~ 一眼就被soufflé pancake吸引～好好味😍有蛋香，食落其實同soufflé 一樣好似食空氣，所以唔會內疚怕肥..飲品同樣不錯，summer special pineapple lemongrass 那個很清新～因為媽媽點了這個我掙扎一會還是選green tea latte, 綠茶濃郁，算是最近比較滿意的～其實價錢都算貴，但食物飲品我是滿意的～所以還是可以再來😂

難得今日同男朋友都唔洗返工 就決定去 K11 試下呢間 pancake大約下午一點鬆d去到餐廳餐廳裝修以白色同黃色為主 簡潔又清新咁岩餐廳有位 唔需要等就入左去坐低左之後 餐廳員工就馬上幫忙抹枱 聞到有d清潔劑味 (但唔"公"鼻既)感覺好乾淨 呢個絕對係加分位👍🏻餐具亦很精美正夕 lunch time 肚仔餓餓所以就嗌左一個 lunch set - all day breakfast pancake 同 一個 strawberry pancake 🍓跟餐會有埋一杯飲品 我地就揀左熱既 matcha latte🍵等左約五分鐘 食物就到個 all day breakfast 份量有d小男朋友食就唔係太夠味道就正正常常 唔算好特別Matcha latte 綠茶味濃 帶有一點點回甘唔錯唔錯跟住就輪到主角 strawberry pancake 賣相一流 影相一流 呃like一流我呢個港女都忍唔住影左好多相😝餐廳員工仲好friendly 主動幫我同男朋友影相👍🏻 Cream 都幼滑而且甜度適中士多啤梨新鮮 一d都唔酸夾埋成件事都幾夾幾好食食完pancake都可以坐多陣傾下計絕對唔會趕您走 我地見餐

打風天落大雨天陰陰，想食啲甜野令到自己開心啲於是嚟到依度食個tea2點3嚟到唔駛等位，裝飾好簡單以黃白色為主。睇到餐牌比strawberry pancake 吸引住，於是叫左strawberry pancake 同signature soufflé pancake!Strawberry 等左10分鐘度就嚟到，賣相呃like一流😍😍根本就係一件藝術品❤️ 靚到唔捨得食☺️☺️但可惜永遠期望愈大，失望愈大🙁Pancake應該係一早整好，唔熱而且仲放到有d乾身同硬😑裡面全部都係甜到漏嘅cream同好酸嘅士多啤梨😑😑再嚟到signature soufflé彈下彈下好鬆軟，雖然好似食左陣風咁，不過依個堅得，難怪個個都叫😋😋下次再嚟都係食signature soufflé pancake 算啦😁

係呀，靚丫，好靚丫！勁靚丫！咁又點丫？但真心，得個靚，俾完錢，相就影完啦。但我好似食左陣風，食評巳經講完！好多人排隊架，人氣都好好，就係咁，我就加入左香港人排隊系列。人一世物一世，咪一試一次。不過。又可能有期望，先會咁失望。無計啦，自己唔試過。唔會死心既。而家可以feel到啦。就寫返個小小心聲出黎啦。未排過既你，可以歡迎您去排返半個鐘！又有可能。當您排到好肚餓。食乜都會覺得好食呢。本人就唔會再去啦。抱歉。