PAN de PAIN Pancake & Sweets (K11購物藝術館)

营业中

休息中

今日同姐妹食完飯, 就決定食埋個甜品先交人!特登黎K11 呢間食Pancake 專門品!老實講自己本人一早已經食過Original Pancake 同 All-day Breakfast Pancake, 如果你係第一次黎, 我就好強烈推介以上兩款啦.今次黎就想試下新野! 分別叫左Caramel Apple Souffle @ $95, Berry Cheesecake Souffle @ $95提提大家呢到係有每人最低消費, 叫一樣食物OR飲品就得Caramel Apple Souffle 真係好好食!!! 食完都已經飽飽地..另外Berry Cheesecake Souffle 就真係好甜... 可能我本人唔係太好士多啤梨. 上面既係Cheesecake 碎, 如果多返D就可以同士多啤梨醬中和得好D啦!環境方面, 我就鐘意坐BAR台多D, 2/4人台相對比較窄, 貼心既係有準備一個竹籃俾你將手袋放係櫈底!

次次經過呢度都排哂大隊，難得有個平日放假經過呢度，終於可以試下～😚這杯Green tea latte的拉花圖案很可愛😍奶味很重！等左15分鐘左右，主角出場！一碟有兩塊pancake，質地偏向疏乎厘多於pancake，空氣感重，不過個人喜歡偏向實小小既質感，唔會好似食左啖空氣咁！😂味道ok，好有蛋味，不過果醬略甜，而且價錢偏貴。Overall 覺得都可以既，但如果要排好耐就唔使預我了～市面其實都有好多其他選擇！

哈哈，終於等到冇乜人排隊，可以一試😍可惜，口感有點似未熟的蛋糕😅我覺得同類型的Flippers 、Holly Brown 和 幸福pancake 更好食😎不過環境和服務亦是日系的好和舒適👍🏻

去嘅時候出邊都要排隊。排左半個鐘左右入到去就即刻落單。再等30分鐘左右就有食物送到。無論係味道定係影相女仔都一定會好鍾意。個人覺得真係好好食。同行嘅男士都覺得好好食

2019年 原本以為孤獨靜靜地的情人節, 卻成了一個充滿意外驚喜的一天.那天, 餓了想起這店（ 這天很適合吃甜品呢）. 踏入商場已聽到舞獅的鼓聲. 怎麼今天是初十尚有舞獅？時間早, 只有幾個客人在門外排隊等候入座. 安排入座的職員禮貌地逐一向每位正在排隊的客人詢問人數和派發menu. 等了十多分鐘, 鼓聲越嚟越大. 舞獅隊已上了這層！獅子向商店逐一拜年！ 我真係好驚舞獅㗎！！當牠正要步向pancake店, 剛好有位可以入座（好彩...）一坐下, 店員送上一支大大的玫瑰花説：「新年快樂~」 每位女食客都有份呢~賞🌹之際, 那那獅子進店, 還繞場一周才到門外採靑！！😵甜蜜又特別的 2019 情人節 💗🌹

自從係日本食完gram既pancake之後，一直都好想再食！所以特登黎到k11呢間pan de pain到試！我簡左原味，真心拍得住日本水準！而且佢仲有好多味試，下次再試其他🤤

最近咁興梳乎厘，呢間都想食好耐，但經常地門外排長龍就冇去排，之前聖誕附近嘅平日下午茶時間去，終於少返啲人，可以唔洗排黎到點可以唔叫梳乎厘食呢! 我好中意焦糖，就叫左caramel apple souffle。即點即製，帶有好濃嘅蛋香，質感鬆軟，又熱騰騰的，勁好食!眼闊肚窄，一叫就叫埋其他野食試下Strawberry signature pancake，一上枱見到簡直靚到嘩一聲，有好多心心圍住個碟，個pancake食落唔會乾，啱啱好，配埋d cream同士多啤梨食，真係好鮮甜好開胃。仲有個望落好好食嘅toastPAN de PAIN french toast呢3樣食物都好好食，不過由於我地都係食左午餐就直接黎食咁多野，會好飽，但係好滿足侍應仲會幫手倒水，啲水仲係暖的，真係好窩心嘅感覺。

今日我地一行5人，去了尖沙咀，食個tea，不過真係諗唔到食乜嘢，諗諗下，不如去K11嗰一間pancake店，去試吓，由於黃色暴雨，所以冇人排隊，正呀⋯平時排到癲。。。餐牌上，唔算好多選擇，但係都有好多唔同嘅pancake 款式實物嚟到， 我們認為廚師整得好靚，又可以無限呃like😅厚原味pancake佢地嘅pancakes, 分量不算好大，岩哂地個兩母女，食就算我一個人都食得晒！佢嘅pancake，我覺得比起幸x更加好味，或可以話，更加有空氣感以下的款，一定要食喎。。。生果茶價錢，的而且確係有啲，不過，一餐平餐。。。貴OK啦

在星期四的下午茶時段, 我和友人在尖沙咀尋找這間傳說中的甜品。^_^餐廳在扶手電梯旁邊, 有一個排隊的地方, 不要傻傻的站在門口啊。我們拿着餐牌看了一會就有位置了。坐位的地上有個籃子, 用作放女生的包包。餐桌和餐具是整潔的, 這是讚。我們點了Original souffle 和士多啤梨pancake。Souffle 的中文可能是奶蛋酥吧, 她是熱騰騰, 很軟的感覺。可以根據自己吃甜的濃度加點糖醬。再來的士多啤梨pancake 比較有口感, 果醬混合了新鮮的士多啤梨和調較過的果醬。個人感覺這果醬不算很酸, 還有一點甜。但女友人覺得比較酸。店員說每人最低消費一個項目, 可以坐2個小時。其實這份量的食物立刻就吃完了, 除非你想繼續跟友人談心, 哈哈。(85+88) x 1.1 = $190.3

well... 我認我比較out date 而家先試到最出名既pan de pain 不過...遲到好過冇到啦😆 6:30黎到, 唔洗排隊, 做運動前食一個pancake感覺light d 同可以減少罪惡感吧 冇做任何research, 我以為呢到有意粉架...but 原來冇...hahaha想食d唔係甜既野食, 款式只有4款, 2種pancake 2款sandwiches 我地選擇左avocado and salmon pancake 都幾快就整好, pancake 比較唔洗等咁耐, avocado 得3小片...實在比較小 ! salad 菜都好fresh, 都有食唒, smoke salmon 好似都係2-3片, 份量係唔多既...不過...夾埋pancake 食, 味道又幾夾, pancake 蛋味香 ! 同M連鎖店比, 已經厚身好多, 同埋又唔乾, 好食 !! 另外再叫左一個dessert, 見呢個最多人recommend, 應該係signature dish la ! caramel apple souffle  餐廳得一半人都冇...我知 souffle  要等, 不過.

平時經過好多人排隊，一直冇機會試…今日下午茶時間終於冇咩人，終於可以試到人氣pancake叫左杯雜莓特飲，呢到要讚一讚侍應非常貼心，落order果陣提我呢杯係冇添加飲品，唔會落糖漿、色素等等，所以成杯都係酸味味，作為雜莓愛好者既我，點會介意 到pancake主角喇，又係雜莓味 外觀非常之靚！個pancake震騰騰咁，勁可愛囉。講返味道先，最頂層係cream cheese，混合埋pancake + 雜莓+糖脆碎食，完全唔會膩，酸酸甜甜，十分好食！pancake口感好鬆軟，充滿空氣感，食完都唔會滯。整體黎講唔錯，但價錢有點偏貴，2個人食已經要2百幾蚊，會間中再黎食！

這間位於k11的pancake 店數年前已吃過，那時候已很多人排隊，想不到到了今天，人潮仍是有增無減。這個賣相很吸引，有三層，pancake比較薄身和硬身，夾心的是士多啤梨cream，很綿很滑很邪惡。相比疏乎里的一款pancake，蛋味其實係較淡的，可能是凍吃的關係吧 其實我更喜歡以下的一款疏乎里pancake，這個是熱食的，一上枱就震騰騰，很吸睛空氣感十足，口感軟綿，濕潤，入口即散發陣陣蛋香，。肉桂配蘋果非常match，pancake再加上焦糖醬，又不會太甜，味道很夾。還有冰凍的雪糕，一口凍，一口熱，感覺大滿足。是日消費連加一 ，$201。

💙Monday同友人食飯後，又再去尖沙咀食甜品! 今次再去尖沙咀pan de pain!! 好幸運今日冇乜人排🥰🥰 我同友人叫左焦糖蘋果梳乎里pancake同tiramisu pancake🥞梳乎里pancake無得輸！一咬入口，好香蛋味，同埋好鬆軟，好似空氣咁係口入面融化☺️☺️ 加埋我至愛既焦糖蘋果(利申:偏愛焦糖🤭) 同埋合桃，加埋一齊完全係味覺享受，食到多個層次！食完唔會覺得滯！好滿足好舒服！🥰🥰

每次見到呢間pancake店都排長龍，轉灣又轉灣，灣位仲多過頭文字D😓今日終於有時間排一個鐘喇。梗係要叫招牌原味pancake啦！個梳乎厘發得唔算好厚身，但一咬落有個種香香軟軟的感覺，加埋糖漿仲正！一個人可以食晒，其實都唔洗同朋友share🤤跟著再叫埋個切粒的焦糖焗多士，d焦糖好脆痴係多士粒度，外面仲有一絲絲的糖絲，愛甜的朋友可以一試👍🏻呢個焦糖黎說都算是可以接受但我本身不太受甜..怕有糖尿病呀🤣🤣🤣

今日經過K-11 , 平時見到哩間大排長龍， 但今日竟然冇人排隊， 男朋友就話不如入去試下。 見到餐牌中寫住大約要等半個鐘⋯ 於是問一問侍應， 佢話今日冇乜人， 但就岩岩出完一爐， 所以要等20 分鐘左右。 叫我地就叫左杯Detox water 飲住等。 杯野飲都冇咩特別之處好講，只可以話如果比我要簡我會簡D再特別d既去試，杯野飲普普通通冇咩特別。然而等等等， 格離枱遲過我地入黎既都食緊啦， 我地最後真係等左30 分鐘，個pancake 先送到黎⋯ 我地點既係berry 味。一望上去係好有彈性， 但搖一搖即刻冧左一邊⋯ um⋯ 一食， 係好有入口即溶既感覺，好有蛋味，好軟林林，好soft 既感覺， 配埋berries 既醬係開胃既。 但我男朋友最後比左句comment , 佢話：「 好似食左啖空氣落肚咁⋯」 哈哈哈！ 哩D甜品店可能都係岩女仔黎食， 男仔可能未必識欣賞。但口感係唔錯既，係真係等耐少少咁囉⋯ 未必會有下次再黎食。