PAN de PAIN Pancake & Sweets (K11購物藝術館)

营业中

休息中

PAN de PAIN Pancake & Sweets地址: 尖沙咀河內道18號K11購物藝術館B1樓B111B及B111C號舖作為K11嘅pancake始祖一定有 @pandepain ，仲記以前得呢間野排到癲咗，而家終於唔係好洗等位啦，一於就入咗去試試啦😚凍士多啤梨班戟 🍓$88士多啤梨班戟外觀好靚，好岩打卡，但士多啤梨偏酸再少少，pancake又偏煙韌再少少，而且蛋味唔係好夠，所以CP比較中規中矩。宇治抹茶疏乎厘 🍵🥞$95 即叫即整嘅疏乎厘火候控制得好好，鬆軟度入口即融啱啱好，香濃嘅蛋味再加上抹茶醬和紅豆蓉，口感真係幾夾，不錯。如果係抹茶控嘅你一定會好鐘意🤟～Tiramisu 班戟 🥞 $98Pancake底鬆軟有好香咖啡味，點埋周圍嘅楓糖漿非常match，而且唔太甜，不錯。#nicefoodie尖沙咀 

又係食完飯想食甜品的時候，揀左食疏乎厘Pancake，尖沙咀都有好幾間可以食，最後去左Pan de Pain。宜家多左個舖位，等起位黎都算快😺😺兩個人叫一份，加一壺茶🫖留意返，每人都要叫一樣野啊！🔸 𝐶𝑎𝑟𝑎𝑚𝑒𝑙 𝐴𝑝𝑝𝑙𝑒 𝑆𝑜𝑢𝑓𝑓𝑙𝑒 $98🔸 𝐴𝑝𝑝𝑙𝑒 𝑀𝑖𝑛𝑡 $45 疏乎厘Pancake 一貫水準🥰蘋果煮過，好入味，而且仲有少少爽脆，加埋焦糖合桃，都幾好食！茶飲就略嫌普通，唔係好夠味🥲而且唔係茶包，無得加水架🙈

這家排隊pancake店是一直很想試，不過尖沙咀美食實在太多所以一直沒有試，今次同男友來拍拍拖食個下午茶，星期六三點多不用排隊，餐廳唔大，小小侷促，無計啦香港寸金尺土，不過環境乾淨梳化舒適，也是值得來朝聖的下午茶地方！岩鹽卡布奇諾梳乎厘佢喱個食落去好棉滑，好濃的蛋味，口感實在，配埋佢梳乎厘上面既糖面小蛋糕，食落去好鬆軟，雪糕味道偏淡，配埋個朱古力力醉醬，好甜好夾，如果要同幸福pancake同Flippxrs比較，佢算做中間，我個人好喜歡果陣陣蛋香的味道，是不錯的，有點像我之前起東京食過bills，推介喜歡pancake的朋友一試！

其實一直都係呢間甜品店嘅fans,因為真係好好食。但尋日對服務同衛生都有啲失望😕一入到去，侍應俾咗兩個位我，兩張椅都係好污糟，好多好明顯嘅污漬，而張枱都好明顯係無抹。講真，真係坐都唔想坐落去食物方面，味道一回以往好食，但唔知係咪太忙關係、個pancake明顯擺得唔靚，仲有移過位嘅感覺呢款吐司賣相就好返少少😢😢味道亦都好食，外脆內軟講真，環境同衛生同服務真係扣咗好多分我應該之後都唔會再幫襯😢

次次路過都聞到好香蛋味🍳🥞😍勁想試終於去左試 叫左個焦糖蘋果梳乎厘 真係好好食🥺🥰梳乎厘蛋味偏重 再加少少甜 10分鐘內jap jap jap咁ko左佢🤣不過佢嘅焦糖完全唔焦 似係普通糖漿🥶蘋果都係冇燒過咁 都幾失望😞下次可能食番原味/抹茶味算啦🤣另附上一張焙茶latte相🤣ok嘅 冇咩特別

餐牌上每一款甜品都好吸引，甜品即叫即製，大概等咗20分鐘左右。Pancake、甜品賣相好吸引，食落好fluffy，而且蛋味香濃，配埋cream同雪糕好邪惡，口感豐富。⭐️ Strawberry Pancake⭐️French Toast⭐️Original Soufflé ⭐️Caramel Apple Soufflé

今日出開去尖沙咀K11剪頭髮💇不過未夠鐘，所以就係K11搵D下午茶試吓跟著見到呢間經常PAN De PAIN 好幸運吾需要排隊就可以食到，不過我忘記咗影低餐牌有好多款Pancake都要等30mins+由於我趕時間，只係叫左一個Orginal Pancake 呢款Pancake 雖然係最基本個款，不過都真係幾好食pancake 鬆軟，味道甜甜，我自己吾係一個喜歡食甜野嘅人不過都覺得不錯最需要Highlights 既位，係個個Cream 微甜，配合Pancake係一流味道有機會會再試其他

有日無野做入去食個tea 本身好期待佢個soufflè 入到去分別叫咗Berry Cheesecake soufflè同Caramel Apple soufflè 等咗勁耐先有 兩款都無乜特別就係好普通嘅疏乎厘pancake 本身諗住焦糖蘋果會好特別 個蘋果唔好食 Berry嗰款就更加普通 食完一次唔會想再返去食

本人就好懶嘅，好少寫評語，通常都係印象特別好或者特別差先會動動手指。今次呢間野就屬於後者。我朋友今日就俾呢間野激到紮紮跳。我唔知你份三文治有幾難整要等半個鐘。就算真係要等咁耐，你都唔好俾個錯expectation我朋友話等15分鐘就有。佢當時已經好肚餓，但又趕時間，所以先想食個輕食快餐。點知你仲慢過一般快餐！仲要態度極度惡劣兼黑面！你舖頭四周大把選擇，佢係因為相信你好快整好先等落去。其實佢大可以轉身去隔離買現成麵包或者蛋糕，而唔駛等你件三文治，浪費半個鐘而差D miss左重要事情。最後我朋友係連試味嘅心情都冇，將件野送左俾人。奉勸各位趕時間千其唔好揀呢間，側邊大把選擇。

話說呢度曾經排晒隊等住要試今日行過就入黎試試佢嘅日式人氣梳乎厘班戟🌟岩鹽焦糖cappuccino梳乎厘唯一覺得個岩鹽焦糖係幾好味嘅。但係對比之前試其他同類型餐廳，今日個梳乎厘就唔啱我心水。唔知係咪我唔好彩，梳乎厘淋得好快，唔多夠滑，都冇講到咁外脆內軟，伴碟汁又唔係好多🤦🏻‍♂️🌟All Day Breakfest pancake食甜品地方都係專心做甜點。咸點就真係唔好亂試。pancake好似老麥仲整得好味啲。唔講太多「完」真係好普通。試一次夠晒數。

今晚食完飯先8點半，意猶未盡，嗰個都想去食返個飯後甜品🍮我就提議行去K11食返個入口即溶梳乎厘班㦸，一直想試吓係咪真係咁鬆軟彈下彈下行到去仲有檯，可以即時入，真係好彩早一步去到，坐低吾夠5分鐘，出面已經排晒隊等位，開頭仲以為熱潮已過，冇乜人食添，原來嗰個都係食完飯過嚟再食甜品PAN de PAIN每一件梳乎厘班戟都即叫即整，花足心機及時間,所以一定要耐心等候。手機scan QR code落單！我地叫左宇治抹茶及salted caramel cappuccino 梳乎厘班㦸當中宇治抹茶梳乎厘班㦸比較香濃，宇治抹茶味有濃郁的抹茶醬，與紅豆及抹茶雪糕一齊食，層次豐富，冷熱交雜好刺激，甜度剛好冇得輸必食推介飲品凍朱古力味道吾會太甜、水果茶ok下次有時間再嚟食其他款式，yummy😋Dessert time yummy👍Pancakes

平時食pancakes一定係諗起甜pancakes, 配上cream & 楓糖漿。🤤 配咸點既pancake好似比年少人嗌。平日下午，正當我想好好享受一個人既afternoon tea time~去到呢間位於k11 ge人氣pancake店，咁啱唔使排隊就入咗去食啦。今日唔係好想食甜野，所以嗌左 smoked salmon and Avocado Pancake. （$98）賣相十分吸引，擺盤十分漂亮，很吸睛。pancake比較實正一些，富有蛋香而且帶有淡淡牛油香，出奇地同牛油果&煙三文魚好夾。沙律菜都算新鮮，餐廳仲貼心地將油醋汁分開上，唔會令到pancake吸晒味。

🧚🏻‍♀️ 世上99%嘅女仔都有第2個胃，前2分鐘話好飽，下1分鐘可以叫你陪佢食甜品🍮今次就嚟到吃貨嘉嘉好喜歡嘅一間pancake店🍨🥞🥞 焦糖燉蛋Pancake之前試過喺呢間店到食過唔同款式嘅pancake (包括宇治抹茶、蘋果、士多啤梨pancake），但係都唔夠呢一款驚艷🙈🙈即叫即整嘅熱辣辣pancake，加上焦糖燉蛋鋪喺上面，再用火槍燒到表面嘅糖脆卜卜，簡直想比二百個like 🥲🥲🥲配合埋隔離嘅雲呢拿雪糕，一熱一凍超！級！幸！福！😋😋你唔鍾意食甜品嘅男朋友，都忍唔住一口接一口🤣🤣☕️ Premium Earl Grey Tea 如果係兩個人食，超級建議叫一個pancake加茶👩🏻‍🏫 因為一個pancake實在太飽，加埋茶就岩岩好解膩，順便暖下胃🥰🥰

之前食過PAN de PAIN的Souffle Pancake🥞，鬆軟度及空氣感非常驚艷，今次試試它的全日早餐。早餐的Pancake比較薄身，口感會實正些，味道不過不失，香腸、煙肉🥓、煎蛋等等正常發揮。Cappuccino的心型拉花很可愛💗記得以前這裡會提供含英文及日文的實體版餐牌，加上餐廳的氣氛，會不覺意以為自己去了日本🇯🇵，落單時更衝口而出講日文🤭，不過現在這裡改為QR Code落單，少了些人情味呢😕

同朋友行到攰佢帶我食甜品佢話呢間pancake幾好食咁就試下啦選擇唔算好多我都未睇佢就快快手手叫左焦糖蘋果pancake...有無問過我想食咩？啲職員都幾友善我話落單系統有少少問題佢都即刻幫係人都知排毒水得個靚字好睇唔好飲我得飲落同檸水差唔多咁嘅價錢出面係買到成樽甜味主要來自藍莓但我打開蓋攞啲紅莓嚟食浸爛曬嘅紅莓質地果然唔討好個pancake…真係好普通唔太夠熱又勁快塌落去而且配料勁少得2，3細嚿蘋果雪糕都勁少我朋友都話退步左好多