PAN de PAIN Pancake & Sweets (K11購物藝術館)

营业中

休息中

Brûlée French Toast （$88）味道正常，份量太少，得一件，而味道冇咩特別之處，性價比的確唔高。而旁邊嘅cream入口比較油膩，影響口感。Iced Hojicha Latte （$56）黎到隻色嚇一嚇😂 同menu 太大分別。店員解釋因為用咗soy milk 唔係full milk 所以就係相入面嘅顏色。 如果想影相打卡就唔好叫soy milk 啦😂🙈。另外，食具感覺有啲殘舊。整體而言，勝在唔洗等位，空間OK，坐得舒服。留意番：每位客人最少要叫一樣食物/飲品。

今日同朋友係尖沙咀食完晚飯 就揾甜品食經過K11【 PAN de PAIN Pancake & Sweets】竟然我一可人排隊就立即一衝入去 ✌✌ 自己用手機落單超方便 📱尼間疏乎厘係我一直好想試，但之前次次都大排長龍，今次終於有機會試到 🥞 Original Souffle 疏乎厘大大又好厚身，好好好有空氣感！雞蛋加空氣配襯糖漿同小忌廉，真係好看滑好好味 🥞 Uji Matcha Souffle 疏乎厘上面有的綠茶漿加小忌廉，抹茶味好香濃 🍵 加埋好夾既紅豆，再有綠茶雪糕做配襯 抺茶空必食 🤗完全冇令我失望 下次會再食 👏👏 碟上圖案好可愛 🥚

疏乎厘班期係其中一樣自己喺屋企整極都冇出邊咁好食嘅一種食物。我嗰日試過自己係屋企打蛋白，但係打唔起，整出嚟嘅pancake同平時嘅唔同，一啲都唔疏乎。呢一間疏乎厘班cake都算始祖，喺尖沙咀商場成日大排長龍。pancake上邊有一嚿牛油快要似滑梯咁滑落。Pancake本身已經好厚，望落都有一個手指位咁高，可想而知佢空氣感十足。只係麵粉同蛋，但係都充滿雞蛋嘅香氣乙簡簡單單配襯糖漿同埋小忌廉就已經滋味十足。再嚟多一盒抹茶紅豆疏乎厘pancake呢一個綠茶漿杰撻撻，而且漿嘅深綠色，茶味十足！再有綠茶雪糕去配襯，冰火交融。飲埋呢一個綠茶豆奶布甸，就係完美嘅配搭。今次幫襯主要係因為我係商場會員，生日優惠嘅時候可以有pancake買一送一，所以折後都非常抵食。

疏乎厘pancake已經興起好幾年，雖然個材料好簡單得麵粉蛋白砂糖，成日都會失敗，一定要出去食至得，喺K11呢間pancake店咁多年都咁多人，水準依然保持到焙茶Latte☕️ （$52）今次都係第一次飲焙茶Latte，都有個靚靚拉花，焙茶味係十分之香醇，有少少回甘，濃需不澀，茶控一定會鐘意😍，但係口感唔會好滑身原味疏乎厘班戟🥞 （$88）唔好睇少剩係得兩塊，其實一人份量已經好足夠，有好香嘅蛋味🍳，雖然未至於動L，都好有空氣感🌬，口感鬆軟綿密，食落好輕盈，加埋牛油同糖漿，令蛋嘅香味更突出，側邊個忌廉會比較硬身少少，好重奶香味又creamy，配埋班戟一齊食，味道完美😊

杯水果茶難飲過水，飲水冇咁嬲，啲生果極唔新鮮，士多啤梨完全冇味🤢🤢🤢，飲到懷疑人生，唔知係今次失準定係一路以嚟都係咁，100個負評加反白眼🙄🙄🙄🙄因為個生果一入口就知擺咗好耐，好彩個pancake唔難食，蛋香味出眾，質感鬆化，加埋雲呢拿雪糕，已經好好味。🥞🥞🤤🤤至於服務態度，很好。員工很有禮貌，值得一讚。👍🏻👍🏻👍🏻希望下次試吓其他嘢飲，會令人有眼前一亮嘅感覺。🙊🙊

🥞人氣甜品店 一行4人20:00到店 等左15分鐘就入座了係用手機scan QR code落單既 落單後過左15分鐘左右先有人過黎提醒有最低消費:每人一個甜品/飲品而當時部份食品已售罄了 🥹🥹當然會有人話 QR code單上寫明左有最低消費啦 客自己唔睇~ 係既! 真係自己無留意到🤦🏻‍♀️但如果餐廳入座時提醒一句 服務會更好更加分~ ☺️🍎𝐶𝑎𝑟𝑎𝑚𝑒𝑙 𝐴𝑝𝑝𝑙𝑒 𝑆𝑜𝑢𝑓𝑓𝑙𝑒 $98即叫即做既梳乎厘 蛋香味好重 口感軟綿有空氣感 入口即溶 又不會過於濕潤梳乎厘配合埋焦糖蘋果 甜度剛剛好 唔會太甜 ❣️🍌Banana Chocolate Parfait $88牛奶味雪糕香濃幼滑 芭菲層有朱古力醬 朱古力吉士 朱古力脆脆 海綿蛋糕 及士多啤梨醬口感味道層次好豐富 食完都唔會覺得漏❣️🧁Tiramisu Signature Pancake$98比較普通 呢款Pancake口感少少似熱香餅係Tiramisu味既熱香餅 但無左Tiramisu綿密既口感🫐Detox water $68 勁普通 無任何調味 就係水+藍莓+紅莓藍莓好甜 紅莓好酸飲品既甜味就係來自生果本身既少少甜味適合健康人士PA

2022.5.8母親節的3:30pm，人都算多，不過吃甜品不用太長時間，所以入座不用等，甜品也很快上枱~••••••••••••••••••••| Hokkaido 8.0 Milk Strawberry Custard Parfait $88 |🍨頂層的牛乳味雪糕上淋了煉奶和士多啤梨醬，令雪糕更濃甜。士多啤梨醬汁酸甜適中，是特別調製的味道，不是假甜味🍓下層就有餅碎、雲呢拿吉士醬、士多啤梨蓉，雪糕分量如果多一點就更好🍦| Strawberry Cold Pancakes $88 + Vanilla Ice Cream $25 |雲呢拿吉士醬+士多啤梨醬拉花很美，整個形態都很穩，很好拍照😍另加的雲呢拿雪糕有分杯另外上，雪得夠冰不會溶得快🍦這個熟悉的味道，似是某M字頭雪糕~班戟厚薄適中亦不乾🥞士多啤梨新鮮不會酸🍓忌廉幼滑，有原味和粉紅色的士多啤梨味，層次豐富，有多種食法😋••••••••••••••••••••甜品質素高，擺盤很好，份量夠，性價比高😋環境清潔，店員服務不錯，反應快。加一服務費值得，絕對是會一去再去的甜品店👍🏻

第三次食，一次比一次差。第一次明明正常，仲覺得幾好。但係上次同今次，都係今年嘅事，梳乎里pancake 個心都係唔熟，唔係空氣感，而係真係濕笠笠嗰種唔熟。但係今次仲衰過上次，因為等上餐等超耐。20:12落單，20:50 pancake先上枱。送上嚟嗰時pancake已經傾斜，pancake 淋到連面嘅雲糕同配料都托唔住而傾側。同幸福嗰間差好遠。唔會再比機會，無下次。

之前排晒長龍～我哋去嗰日冇人排隊唔使等位可能因為晚飯時間冇咩人Cappuccino大大杯都幾香Salty caramel cappuccino soufflé~ 疏乎厘即叫即整配以咖啡汁、咖啡雪糕、donut波波一開二、fresh cream～薄荷葉做裝飾～食落濃濃嘅咖啡味～可能因為疏乎厘即叫即整熱嘅關係雪糕好快溶～整體都好夾Berry cheesecake soufflé～原味梳乎里配fresh cream、士多啤梨、藍莓、果醬、crumble~唔會好甜好Heavy尖沙咀舖租貴呢個價錢算係咁

Set Smoked Salmon and Avocado Pancake Set Caffe Mocha(Hot)煙熏三文魚牛油果煎餅套餐 Set Caffe Mocha(熱)我係鐘意睇外表嘅人🤣見到呢個套餐嘅相，對腳好自然就入去坐低。好味嘅配搭:煙熏三文魚配牛油果(牛油果🥑唔係太熟我鐘意，大熟質地太林，就唔好食)加埋新鮮蔬菜，好正。我等陣要做運動呀！忍下口先，飲埋杯熱摩卡，望落去唔大杯，以為好濃，錯覺，冲得啱啱好。

呢間pancake一定係出名呀，今日試咗兩款味道係非常之好！週末雖然條排隊龍都幾長，但係流量都算快！10幾廿人排緊，10分鐘到到已經可以入座！一望餐牌就點咗兩個最eye catching ! 1. Cream brûlée 班戟真係除咗樣靚，實質都係Yummy yummy！ 個糖面係好脆！加雪糕食真係回味無窮！比較抵食亦都有幾片香蕉同士多啤梨只係$88！2. 抹茶疏乎厘班戟呢個我覺得係全店最好食嘅！可能本身我係抹茶控！本身呢度嘅疏乎厘班期已經係正正正！好香嘅蛋味！抹茶嘅cream、醬、同埋雪糕真係令到成件事係完美！💯抹茶係好香濃帶少少苦味，係完美嘅味道！再加上有同抹茶嘅絕配紅豆蓉，同埋綠茶麻薯！呢個真係必試我係推薦兩個人嚟食，就點呢兩款啊！

原本諗住去K11 MUSEA嘅日本人氣pancake店試梳乎厘pancake, 點知佢未到8:30pm , 已經全部售出。唯有即時轉場去K11，搵呢間人氣亦非常高的pancake店試吓啦。Uji Matcha Soufflé（$95）等左好耐，終於可以晚上食到日本的抹茶梳乎厘Pancake, 好正！ 梳乎厘Pancake 好Furu Furu (日本人成日用此日文叫法來形容食物），好有棉花糖入口即融嘅感覺。抹茶的醬係採用宇治抹茶粉制成，超有茶香同宇治抹茶特有的苦澀味👍🏻 旁邊再陪埋超燶抹茶味的蕨餅、北海道紅豆同抹茶雪糕😍 滿足晒抹茶腔的願望💕Earl Grey Premium ($46）原來呢間pancake店除咗order pancake之外，仲要至少order一杯飲品。 我哋二話不說就點左壺英國伯爵紅茶飲， 超燶佛手甘的香氣，茶色亦非常燶。 一口甜甜地嘅宇治抹茶疏乎厘班cake，再陪一口超香的伯爵紅茶，簡直Perfect match。

呢間pancake店🥞可以話係尖沙咀開鋪都好耐下😂個陣時Gram 幸福pancake都未嚟香港我都已經食過好幾次依然對佢念念不忘☺️因為佢地既pancake真係好重蛋香味🥚不過佢地就有低消🙋🏼‍♀️每人需要一個甜品/野飲———————————————————🍴Uji Matcha Soufflé($108)平時我都係食原味居多今次呢就試下佢地既宇治抹茶🍵抹茶醬係極濃☺️而且濃得嚟唔會苦👍🏼加埋抹茶雪糕🍦一齊食😆真係超正抹茶控真係必食‼️重點抹茶醬同雪糕一啲都唔甜🤩不過如果想感受多啲蛋味🥚🤣記住嗌原味試左先啦😉———————————————————🍴Tiramisu Signature Pancake($98)而呢款就係佢地signature pancake🥞 個樣有啲似熱香餅咁😂食落無正常熱香餅咁實Tiramisu味幾重🍫面頭仲幾多可可粉下旁邊仲有糖漿可以點嚟食食落都幾夾👍🏼唔會太甜

今次黎係因為有K11會員優惠，會送一份原味soufflé，佢味道都唔錯吖蛋味好香，而且都幾動L，不過呢個價錢（成88）只有兩塊，仲要加一，就貴左D咁。如果有得選擇，下次可能就去第二間試下了。

生日月份係特別多優惠🥰今日就黎到K11 Art Mall用個會員生日優惠，PAN de PAIN會送出一份原味pancake，就同埋朋友一起過黎！記得以前佢係要等好耐位先食到，今次去係平日唔洗排隊😙◦ Original Souffle ($88) (Birthday Souffle)個Soufflé算幾厚身，蛋味好香好濃郁，口感都夠綿密，再淋上糖漿再搽D cream都真係好好食😍不過只有兩塊梳乎厘確實唔夠喉😬◦ Uji Matcha Souffle ($108)抹茶控可以一試🍵梳乎厘上面嘅抹茶忌廉好輕盈，唔會食落好油膩既感覺😍梳乎厘口感同原味既一樣，都係蛋香味好重好香🤤 再配埋與紅豆、抹茶雪糕、抹茶蕨餅一齊食，多種配搭都幾豐富；唯獨係抹茶蕨餅味道較淡，作為抹茶控幾我就覺得抹茶味唔夠濃🤫◦ French Toast PAN de PAIN ($95)呢碟一粒一粒既西多士疊到高高，仲有脆脆嘅糖槳拉絲圍住西多士，賣相好吸引同埋幾有心思！一食入口超級香牛油味，外脆內軟，入面既口感係有D似麵包布甸咁，而且甜味適中，都幾好食💛◦ Japanese fried rice with noodle ($