Outdark (H8)

营业中

休息中

去咗尖沙咀行街😛然後食咗間好抵食嘅韓國嘢~入面裝修韓國風，原來係來自濟州嘅outdark，7:00已經坐咗八成，一定有佢自己嘅口碑！辣炒豬肉份量好多 豬肉配埋我最愛嘅芽菜一齊炒好好食，調味岩岩好，少少辣一啖接一啖好快清左🥰爐邊有芝士、紫菜飯、腸仔同少許泡菜，請大班朋友聚會叫呢個就啱海鮮炒粉絲有蝦有魷魚，炒粉絲煙韌🙌🏻味道剛好唔會太咸，仲有好多配菜，冬菇、紅蘿蔔絲、椒絲等配料，令到味道口感更加豐富海鮮蔥煎餅推介，煎餅外脆內軟🤤🤤yumyum裡面包著滿滿海鮮，有蝦同埋魷魚，好有咬口味道都好香，煎餅一定要配辣汁先會更好食，口感層次非常豐富！香蒜蜜糖炸雞Yumm🥰蜜糖炸雞🍗呢個口味係最正我最鍾意😋好多蜜糖芥末十分香口，甜中帶香令炸雞生色不少，醬汁甜甜地好好食。雞肉嫩滑食落甜甜地，外脆內軟。

嚟自韓國釜山呢間韓國餐廳非常推薦同朋友嚟食飯Openrice仲做緊優惠🩷-🔸雙拼炸雞（$208）揀咗甜辣同香蒜蜜糖炸雞兩款口味甜辣炸雞辣勁唔會太強甜中帶辣，味道有層次惹味到食完一件又一件而香蒜蜜糖炸雞味道就較為濃郁外層雞皮都搽滿蜜糖🍯仲有蒜粒呢！兩款炸雞口味都非常出色咬落外脆內嫩肉汁豐富👍🏻炸雞仲配搭咗雪糕、薯條同薯格香脆可口勁鍾意呀！🔸串串魚糕湯（$228）魚糕串有唔同款式湯底仲有野菜、香菇、青口、蘿蔔、韓國年糕份量十足😋湯底清甜充滿魚糕香味！🔸柚子/青蘋果梳打（$48）梳打好夠凍 加上密密啲氣泡 入口超爽柚子口味會有柚子果肉酸甜解渴

今日同朋友去咗尖沙咀嘅Outdark食韓國菜，環境有啲暗暗地，掛滿星星同月亮吊飾，幾有氣氛。我地叫咗韓式烤牛肉，$198一碟，份量幾多。牛肉切得唔厚唔薄，燒起來外層有少少焦香，內裡仲keep到juicy嘅口感。佢同炒年糕一齊上碟，調味偏甜，牛肉味濃，咬落好嫩。加咗$20嘅蔬菜包住一齊食，肉汁同生菜嘅清新味混搭。年糕炒得軟糯，吸咗啲醬汁，食落有咬口又唔會太黏。🥩我地再叫咗忌廉海鮮炒年糕，$328一鍋，真係幾大份。鍋入面有大大隻魷魚、蝦同魚糕，仲有年糕同蔬菜，忌廉醬汁好濃郁。魷魚炸過再放落去，咬落爽脆，海鮮味好出。年糕軟中帶韌，吸滿咗忌廉同海鮮嘅鮮味，食落creamy又唔會太膩。旁邊仲有粟米芝士同紫菜飯，芝士熱熔咗可以拉絲，配年糕一齊食，紫菜飯就帶少少麻油香，幾香口。🦑

位於尖沙咀韓式料理餐廳「Outdark 」來自韓國釜山，主打各式各樣新派韓式美食，例如不同口味的炸雞、海鮮蔥餅、串串年糕、辣炒豬肉鐵鍋拼盤、芝士豬肋骨、DIY飯團，另有多款韓式飲品，絕對在這裏可以體驗韓國文化👍▪️辣炒豬肉Busan Jeyukbokkeum $ 288超級豐盛的拼盤，分別有辣炒豬肉、芝士粟米、紫菜飯、香腸和泡菜，薄豬肉非常香口，味道甜辣甜辣甚有韓式風味，可以配合拉絲芝士或紫菜飯一起吃，滋味無窮▪️半份炸雞 Half size chicken $ 138韓式炸雞一向甚有水準，最鍾意食原味，外層特別香脆肉質嫩滑，味道大少少甜香，仲有一系列的脆薯格、薯角和炸薯條，配炸雞一流▪️柚子梳打Yuza $ 48味道清新，充滿柚子香，非常配合香辣食物和炸物▪️新鮮士多啤梨乳酪 Fresh Strawberry Yogurt 新鮮現打，質感濃厚，味道帶有濃濃的士多啤梨味道，而且奶香濃郁

同個frd想搵個地方邊食邊吹水，見食評唔錯就揀左呢間入到去環境偏暗嘅，但氣氛唔錯叫咗三樣嘢加個side dish，樣樣都好好味同好大碟泡菜煎餅 料好足，唔會太酸同埋煎得好脆魚糕湯 除咗魚糕之外，仲有好好多其他配料，粉絲好彈牙，就算不斷heat住都唔會到淋晒蜂蜜牛油炸雞+炸番薯芝士一上枱已經好香牛油味，個炸雞沾滿醬汁，一咬落去好脆同好Juicy，連埋d 醬汁味，絕品～炸番薯芝士甜甜地，咬落去仲拉到絲成餐飯好似食到韓國食咁，味道好好味同埋份量好多，值得再同三五知己一齊去食

來到尖沙咀食韓國菜！呢間Outdark由韓國人主理&煮料，菜單上面嘅各種菜式都係餐廳自製嘅！一去到門口就見到大量彩色愛情鎖，仲擺放咗一部免費嘅韓式自拍機添！舖頭裡邊掛滿星星燈飾，環境非常之浪漫有情調～✨半份原味炸雞+ 芝士條原味炸雞外皮酥脆，內裡鮮嫩，用咗特別嘅調味料去醃製，味道鹹香可口！芝士條中間充滿住香濃嘅芝士！仲有埋薯格同薯條添，真係好邪惡啊～✨串串魚糕湯一鍋有齊晒唔同形狀唔同口感嘅魚糕！魚糕湯底味道清甜又正宗！另外仲有魷魚、青口、鵪鶉蛋、皇帝菜、金菇同韓式粉絲等等，份量十足～✨烤牛肉炒粉絲烤牛肉柔軟多汁！炒粉絲煙韌Q彈！仲有冬菇、紅蘿蔔絲、椒絲等配料，令到味道口感更加豐富～✨Honey Yuza Tea (Hot)味道香甜，帶有陣陣嘅柚子清香～

上到去餐廳，有一種意想不到嘅感覺裝修很有心思，我哋坐咗喺一個掛滿愛情鎖嘅架旁邊，燈光都好柔和，掛燈都好靚廚師及店員都係韓國人餐牌有唔同食品介紹，我哋用電話落單蕃薯芝士條 4條 $38熱辣辣上枱，一咬落去芝士拉絲，番薯味道香甜，幾好味嘅前菜泡菜煎餅 $128估唔到個份量勁多！煎餅係好多料，好厚身嗰種，有好多泡菜，仲有青椒、洋蔥、韭菜等等芝士炒雞 (少辣) $328一上枱有大量嘅芝士碎，同埋感覺醬汁濃郁嘅雞件，賣相已經好吸引除咗雞同埋芝士，仲有腸仔、年糕、泡菜、蛋、紫菜飯等等之後開火加熱，差唔多嘅時候店員會過嚟幫我哋將芝士及雞混合😊仲幫我哋整埋爐邊蛋😊新鮮士多啤梨乳酪 $48乳酪同埋士多啤梨嘅味道配合得好好，好濃郁餐廳位置交通方便，食埋份量都幾大，下次可能約多幾個朋友一齊食嘢都好適合😊

今日同朋友去咗一間韓國餐廳，真係好有驚喜！呢間餐廳嘅菜單上所有食物都係自製嘅，仲要係由韓國人親自煮㗎，真係好正宗！首先，一定要試吓佢哋嘅「雙拼炸雞(原味+辣味)」，真係無得頂！原味炸雞外皮脆卜卜，入面啲肉好嫩滑，完全唔會乾。辣味炸雞就更加正，辣得好過癮，但唔會蓋過雞肉嘅鮮味，食到停唔到口！跟住試咗個「韓式烤牛肉」，牛肉醃得好入味，烤得啱啱好，肉質好嫩，仲有啲甜甜哋嘅醬汁，可以配埋生菜包住食，真係好滿足！最後仲有個「泡菜豬肉炒飯」，炒得好香口，泡菜嘅酸辣味同豬肉好夾，飯粒分明，食落好有口感，真係令人食到舔舔脷！呢間餐廳嘅食物質素好高，味道正宗，服務又好，絕對係香港必食嘅韓國餐廳！#outdarkhk #香港美食 #香港必吃

今日同朋友係尖沙咀行街，口痕想食韓國菜，於是就試左呢間頗有名氣嘅餐廳outdark。佢係樓上鋪，一開lift已經被佢嘅裝潢驚艷，係掛滿哂愛情鎖嘅牆。同時間，招呼我地嘅係貨真假實嘅oppa。未食已經覺得有種正宗嘅感覺。入邊環境幾大，裝修好有心思，天花板掛滿星星，燈光亦都校暗咗，好有情調。睇佢個Menu有好多選擇，而佢嘅餐單係主打全部都係自家製同埋係韓國師傅親自整。海今次我哋就叫咗海鮮炒年糕同埋泡菜煎餅。嘢飲就叫咗個原味馬格利米酒。海鮮炒年糕一上枱，好誇張，真係同menu張相一模一樣。有一隻好大嘅炸魷魚喺中間，然後窩邊亦都有粟米芝士，泡菜、腸仔同埋紫菜飯團，好豐盛。個醬汁係玫瑰汁，係帶辣嘅卡邦尼汁，惹味得來一啲都唔會好膩。店員亦都好熱心，為咗方便我哋進食，會用鉸剪喺我哋打完卡之後幫我哋剪開炸魷魚。除咗炸魷魚之外，亦都有其他海鮮，例如蝦同帶子，全部都好彈牙。而年糕質地亦都做得啱啱好，軟腍腍適中，亦都配上一啲蔬菜，帶有口感同埋清爽。夾埋路邊嘅粟米芝士，真係好好食。而紫菜飯團配埋玫瑰醬汁，亦都令我食過唔停。而泡菜煎餅份量相當大，佢煎得來外邊好脆入邊亦都有煎餅嗰種煙靭口感，材料亦都覺得相當足，每一

今日喺尖沙咀H8呢座大廈入面搵嘢食，因為呢度出名好多特色樓上鋪，喺地下嘅招牌入面，見到一間韓國餐廳，於是就上去睇睇，發現餐廳裝修好靚，燈光暗暗地，仲掛咗好多星星燈，非常浪漫，座位舒適，而且寬敞，好適合情侶拍拖，或者一大班朋友聚會。今日我哋兩個人，叫咗一份炸雞雙拼（香蒜蜜糖味、甜辣味），炸雞除咗有炸雞之外，仲有三款配菜，分別係薯條、薯格、薯角。炸雞同幾款薯仔配菜都炸得非常香脆，特別係薯格，上面鋪滿調味粉，非常惹味。第二味菜式係「韓國辣湯麵」，韓國公仔麵粗身，而且彈牙，好有口感。湯底唔算太辣，配菜非常豐富，大大份，好抵食。接着係「海鮮煎薄餅」，用了十足，好多款海鮮同埋蔬菜拼埋一齊，澱粉質唔多，薄餅只係用嚟將海鮮同蔬菜連接成一片薄餅狀，好特別，配合調味，好好味。食韓國嘢一定要飲番杯凍飲，我揀咗一杯「熱情果梳打」，大大杯，好冰凍，非常解渴。

今日同朋友去尖沙咀厚福街搵食，見到呢間韓國餐廳嘢食好吸引、裝修又靚，一於嚟試下🇰🇷一入餐廳覺得好有情調、掛滿星星月亮嘅燈飾、仲有特色牆佈滿鎖頭，猶如置身喺韓國一樣💫 🌙 🔒睇menu原來Outdark 喺韓國一共有54間分店，創辦人Robin喺2014年開拓業務喺香港，唔怪得有啲店員係韓國人，都係佢哋整嘅家鄕菜呢🇰🇷✨韓式烤牛肉（Bulgogi）成塊鐵板上，佈滿鮮嫩嘅牛肉片，上面仲有焦香嘅韓式年糕，加埋入哂味嘅金菇、醃青瓜、紅椒、青椒、蔥段嘅配菜超正🥩🥒🌶️ 🫑 我哋仲叫咗一份生菜，可以按自己喜好加辣椒、蒜片及醬料，包埋牛肉一齊食好正呀😋🥬💫炸蝦紫菜飯卷（Kimbap）紫菜飯卷包住炸蝦、芝士、青瓜、醃蘿蔔 、紅蘿蔔等配菜，面頭灑滿黑芝麻，口感豐富、炸蝦脆度啱啱好🍙 🍤 🧀🥒🌙豚肉炒粉絲（Japchae）鑊氣十足嘅粉絲煙韌得嚟唔會一patpat，加上肥瘦均勻嘅豚肉片，夾雜住木耳、洋蔥、紅蘿蔔絲、紅椒、青椒。🥤🥤梳打雙雄▪️藍檸檬梳打：Tiffany blue超igable！檸檬酸香撞擊梳打氣泡，仲有粒粒寒天增加口感🍋▪️青蘋果梳打：朋友話飲落青甜、飲完成個胃refresh晒🍏彩蛋係門口嘅免費P

最近我去咗尖沙咀的韓式餐廳Outdark，真係令我非常滿意，呢間餐廳由韓國人經營，菜式全都係自製，而且係由韓國人親自煮，無論係味道定擺盤都好有水準，真係100分推薦。一入到餐廳，就被佈置吸引咗。牆上掛滿咗顏色繽紛的鎖，好似南山塔咁，好浪漫同溫馨嘅氛圍。店裏面生意好好，已經有幾台喺門口等緊。等緊嘅時候見到有個Photo box,幾得意喎，好似影貼紙相咁，不過影出嚟嘅係黑白嘅同埋係用普通嘅紙print出嚟，免費嘅，我覺得都可以玩吓Menu成本雜誌咁，每道菜都好吸引。我哋點咗辣炒豬肉。哇！真係望落都流口水，中間超大盤豬肉同芽菜，辣辣地，加埋芽菜口感爽脆，側邊有芝士粟米、泡菜、紫菜芝麻飯、腸仔😍超豐富！！側邊嘅每一道菜都好好食好新鮮，腸仔有少少似芝士腸嘅口感，泡菜新鮮，可以配埋嗰紫菜飯一齊食，真係食得停唔到口。😍我哋叫埋kimbap（牛肉），用左牛肉、蘿蔔、豆腐、青瓜、青瓜包成一卷，大大舊，都幾飽肚。叫埋香蒜蜜糖半份炸雞，原本諗住半份吾會好多，點知好大份，有埋薯條薯格，炸雞充滿蜜糖醬，肉質鮮嫩，但真係好大份，超飽。飲品我叫左七喜同strawberry makgeolli。而strawberry

誠意推薦呢間餐廳！好味！😋😋呢間韓國菜館嘅烤牛肉炒粉絲真係好吃，牛肉啲味道入面，粉絲口感啱啱好。炭豚紫菜飯卷清新又唔錯，係一款好適合當餐前小食。香蒜蜜糖炸雞半份配蕃薯芝士條、薯條同埋薯格，炸雞好juicy，款式多元！好適合一班朋友一齊食。柚子梳打清爽唔會太甜，同餐中嘅菜食好夾好。最尾嘅士多啤梨乳酪酸酸甜甜，俾一餐完美嘅ending。整體嚟講，菜式精緻好味，服務又好周到，真係令人好滿足嘅用餐體驗。

What a surprisingly nice and worth-trying restaurant in TST which offers good food😍 I enjoy the dinner so much !!! We ate for 1.5 hrs… so jeng 😍 . Worth to give it a try. 👍🏻 The only environment and food are so beautifully decorated. We found the restaurant is fabulous so we seat in and had super nice catch up . I chose this restaurant for celebrating my fd’s birthday 🎂. My fd likes it so much .First, we ordered this Cheese 🧀 Chickem . A bit spicy but acceptable 👍🏻Must order dish !!!! Love it s

✨Outdark (尖沙咀)呢間韓國餐廳同男朋友一向都幾中意食 佢地嘅炸雞真係好食同埋好香脆 😍食物有質素 menu上嘅食物都係自家製 由韓國人煮料餐廳燈光較暗 燈飾都幾有心思同埋有鎖牆 都幾浪漫💕✨辣炒豬肉份量好多 豬肉配埋我最愛嘅芽菜一齊炒好好食！調味岩岩好唔會好辣 一啖接一啖好快清左😛爐邊仲有芝士、紫菜飯、腸仔同少許泡菜✨半份無骨醬油炸雞🍗加配蕃薯芝士🧀條第一次食蕃薯🍠芝士條 食落有蕃薯味 又有芝士拉絲 男朋友都話好好食～炸雞一如既往出色 熱辣辣好香脆 無骨炸雞啖啖肉真係好正 配菜仲有薯條、薯角、薯格～✨藍莓乳酪藍莓乳酪酸酸甜甜都幾正🥳✨柚子米酒初嘗米酒～都幾易入口 柚子味道清新～出面仲有部photobox機比大家打卡架😚