Outback Steakhouse (尖沙咀中心) (已結業)

朋友生日出去慶祝,想食西餐又想食平DD,就揀outback la!去之前先book位,就唔洗擔心冇位! 我地帶蛋糕黎,重唔收切餅費,值得一讚! 環境及服務:暗暗地好浪漫,旁邊有個小吧枱,服務態度Good!上菜時間OK!先來個免費黑糖麵包, 咬落去個包又熱又軟,正! **麵包原本係可以繼續添食!哈哈…我地最後食左兩個 小食拼盤(包括:炸雞-小辣,醬燒豬肋骨,芝士煙肉薯條) 炸雞:小辣已經好辣,下次問下有冇走辣 醬燒豬肋骨:肉質好乾,真係柴皮之選!! 芝士煙肉薯條:有香濃芝士味又香脆!正!而成個拼盤太多唔同味道,建議大家*中途或者最後可以食西芹同胡蘿蔔,作清清味蕾!!安格斯牛排(7成熟+配黑椒汁+2個配菜),7成熟剛好,肉質軟滑,唔韌又多汁! 黑椒汁唔太辣,絕不搶牛肉的鮮味!配菜有好多選擇,我揀左薯蓉同沙律,薯蓉是必然之選,而沙律大部份係椰菜,好怪!好難食!茄汁海鮮意大利粉,海鮮好爽口,醬汁味道一般,因為加左胡椒,所以都幾辣,鍾意辣的朋友可以試下,份量十足,三個人share黎食剛剛好!*份量多,啱曬一班朋友一齊share野食啊!*唔收切餅費*環境:暗暗地好有氣氛

好耐未食過尖東呢間, 以前覺得食物, 環境都比其他分店好 但上星期同男朋友去食就覺得差左好多…. 1)嘈到傾唔到計2) 所有食物都比較咸 (我係食得幾咸既人) 果日我地食左2個main course, 因為都已經會好飽了 1)      house salad, american steak, French fries, Mashed potato2 )   Caesar salad, ribeye steak & ribs, baked Sweet potatoes, baked potatoes 重點: 所有食物都比較咸 , 其實想同waiter 講, 但因為我地已經食緊….所以算 所以應該無下次(尖東分店)

適逢友人生日，特登BOOK左尖咀間個OUTBACK，依間比較少人，所以BOOK左依間晚上730一去到就入得啦，坐SOFA 4人位都幾舒服， 暗暗地幾好MOOD黑糖係食完一條叫多條，D醬好正一打開MENU，每人叫一樣，我就當然叫芝士煙肉薯條，D醬超好食！！食幾多次都唔厭然後友人叫左愛麗絲雞胸同堆安格斯肉眼扒，配甜薯同埋雞味飯雞胸幾好食，但肉眼扒就差咁D，唔夠軟。。。4個女仔食完依D都飽啦，因為生日，再叫多個BROWNIE比友人佢有CANDLE架 XD個BROWNIE有NUTS既，但都幾好食！

由於生日同朋友相差不耐，所以一齊慶祝! 呢一間outback比起其他分店少人，如果慶祝生日又想同朋友坐耐少少，揀呢間outback就最好!!! 原本以為Outback會好貴，但四個人食每人埋單都只係百幾蚊，食物的份量仲要好多，最後仲食唔曬tim…黑糖麵包！正！雖然睇落去好似無乜特別，但好軟熟，點醬食好味道自己同朋友都好鐘意食salad，所以叫左兩款，兩款都好好味好fresh!呢個雞搥、芝士薯條同肋骨! 雞搥炸得岩岩好，又唔會太油。肋骨非常juicy，非常入味。側邊個兩個醬，一個係芝士醬，另一個係酸酸地既。兩個都ok, 不過自己就鐘意點酸酸地個個，無咁流最後仲叫左個chocolate thunder，上面係雪糕，下面係brownie，下次再黎一定會再叫!

第一次來這餐廳，預先訂座故無需等位。 一坐下侍應生就即來招呼及給了我一杯溫水，第一感覺已非常良好。我們order了芝士薯條，安格斯牛排和爆谷虾，整體都水準以上，只是牛排略為多筋了點配菜甜薯太甜呢！當然必讚是可無限免費order嘅outback bread喇，真係好食都停唔到口，好香麥味又好軟，仲新鮮到還是暖暖的😙環境算O K唔會太迫太嘈,好適合朋友聚會傾談。

好耐冇獎勵自己食餐好啦，又甘耐冇黎過。原來outback 有happy hour ,所以我友人叫左杯house 紅酒飲，不過感覺痳痳。沙律，我至愛。（昆士蘭沙律）雞胸肉粒，（2款）芝士，煙肉碎，碎蛋，配沙律菜配上蜜糖芥末汁，真係好好味，不過略厭肉多過菜。（食完麵包，沙律已經飽飽地）安格斯肉眼扒 一切開就已經失望，明明叫五成熟點知去到超過八成……而且牛肉好似連基本調味都冇，係連鹽都好似冇，認真失望。相反配菜焗薯同焗甜薯都超好味，配菜比主菜更出色。（記得幾年前食既時候我係銅鑼灣食，我覺得好好味仲偶爾會去食。但作為一個知名既扒房，最基本既牛扒都做得唔好，好難可以長存喎）（值得一提既係店員都非常好，我地前前後後問e樣，拎個樣都冇黑面，仲有就係如果於outback網頁申請做會員可享有永久9折同$50 優惠券）幸好埋單時可以$50及9折一齊用，起碼感覺冇甘赤

1st experience of this 'international' chain.  Had the steak & rack of ribs, a Caesar side salad and 2 sides (seasonal veg & fries with cheese).Overall the food was aweful to the extent it was inedible.  We had to ask for a new 'fresh' salad as the original one was clearly off & wilted, clearly visible even through the Caesar dressing.I asked for a medium sirloin steak, which I almost complained about as well - it looked like it had been frozen then fried & tasted worse - but I had given up hope

一想起在尖沙咀鋸扒便想到Outback了，早上預先打電話Book定枱，所以即晚不用等位便可入座。起初坐在餐廳靠入的卡位，Feel到近乎無冷氣，於是坐了一陣便要求掉位。而Waiter很快速地幫忙掉到另一邊，冷氣較大的4人卡位首先來碟炸香脆魷魚圈，伴上蓄茄香草海鮮醬汁，魷魚圈形狀比較細而散，並帶有葫椒味，入口脆卜卜，好味個人認為蓄茄醬汁味比較濃同酸，只吃魷魚圈，沒沾醬汁會比較好吃。另外亦叫了牛柳扒，伴焗甜蕃薯同薯蓉，牛柳七成熟，口感滑嫩，不太UN，加上配黑椒汁，味道剛剛好。配菜必備的當然是焗甜蕃薯，輕輕地帶甜，連同CREAM一起食，味道一流!! 薯蓉亦味道不錯，入口即溶，口感柔滑! 雖然兩人共只點了2份食物，但份量好大，已經食到飽飽~埋單合共300蚊鬆D~好吃豪一點又怎樣呢!

今次的復活假真的很悠長 (老公前後有11天假!!)，甜魔一家無論是吃的、玩的、買的敗的都很多，今晚繼續假日片段分享，其中一件大事是：終於補祝了囝囝的兩歲半生日!  說起來，過去甜魔媽媽對於每個家庭成員的生日都很上心，但自妹妹出世後，太忙加上注意力分散了，早前很失策的完全忘了囝囝的兩歲半生日... 結果，正日平白的過去了，事後過了幾天才記起! 雖然兩歲半生日不算是個甚麼特別日子，但遲一點也仍舊要補祝一番吧。而給囝囝慶祝的最佳地點，不用說又是有得食、有得畫又有得吹蠟燭的Outback Steakhouse；反正都是遲了，就趁這週三去完科學館後一起再訪了。　如果大家還記得，當日天暗有雨，但也更加切合甜魔一家的習慣：天氣壞的時間特別喜歡去Outback! 不過照片也因為光線不足而較差，不要見怪。壞天氣的一天妹妹沒出來，一家三口首先享用了美味的黑糖麵包，不過尖咀店只得兩件，不夠屯門店連小朋友也給一份的慷慨大方。 這裡的平日午餐較週末便宜一些，而主菜選擇也一樣有14款之多，每份午餐又有是日餐湯、沙律及餐飲，十分豐富。當日餐湯是粟米沙律湯，感地濃郁得來香濃同時帶有粟米的清甜，十分好飲。沙律襯以微甜的

朋友生日，我們一行十一大兩細到尖沙咀中心的Outback吃飯。我們點了頗多食物，由於是長枱，我們不停把一碟碟的食物傳來傳去，十分繁忙！  全份ribs，肉質軟稔，一人食一至兩條肋骨，少食多滋味！ 煙肉芝士薯條，新鮮熱辣，我吃了很多！ 凱撒沙律：可配燒雞肉或燒蝦，各點了一份。我只吃了菜，小朋友說燒蝦好味！ 點了兩份漢堡飽，落單時要求將每個飽一分為四，以方便我們分享。我嚐了芝士漢堡，芝士微熔於飽內，牛肉juicy，味道整體不錯；但麵包底部過濕，不能承托上面的餡料，吃的時候會有少許狼狽。 炸蘑菇，蘑菇大大粒，味道香濃。 炸洋蔥，一般，剩下三份一。以下食物在傳到我面前時已來不及拍照。 到這裡必食的是黑糖麵包!微熱、表皮微脆，內裡軟綿綿的麵包，配上少甜的cream，十分好味！ 雞胸肉及豬肋骨：後者全被幹掉，剩下很多雞肉。我們每人都點了飲料，很快已經飲飽食醉。由於有生日疍榚，所以沒有點甜品，唯有等下次再來試我想吃的chocolate thunder。席上有人有85折，每人平均消費在二百元以下，吃一頓愉快的晚飯，也蠻不錯呢！

電視成日係到話情人節食飯好貴，跟住又去訪問食麥當當過情人節嘅情侶....其實，情人節想揾個靚靚地嘅地方食飯，吾一定要你破產嘅...outback 係一個幾好嘅選擇，當然要早啲reserve啦，男友一個月前就reserve左入到去佢比左張四人枱我地，環境都幾好，唔算逼. 情人節套餐偏貴又唔岩食，所以散叫! 送嘅黑糖包! 夠軟熟，好味道! 層洋蔥好香口，牛肉有肉汁，yummy! 薯條非常新鮮，超脆! Size 比我想像中大! 個雞搥要左小辣，但都吾算小! 炸得都幾好食. 芝士薯條同burger個薯條一樣甘正. 個兩個sauce一個係sour cream一個係芝士醬, 兩個點野都好味! 個ribs就太乾啦，食剩好多....去outback 唔食chocolate thunder點算黎過!! 超厚嘅雲呢拿雪糕配熱到出煙充滿nuts嘅brownie, omg....其在太好味好圓滿嘅情人節，個肚都食到突左出黎哈哈

許多人會為一嚐價錢相對可以負擔得來的牛扒餐而來這裡光顧。若不想走入花園餐廳或金鳳等一類港式扒房，但又不欲走進如Morton's或Grand Hyatt Steakhouse等動不輒幫襯就千千聲埋單的話，這兒絕對會是很理想的中庸之選....不過對小弟來講，一眾扒類絕非我所好也.....反而她的前吃及甜食，才是最吸引人的....是晚一家三口入來點了不少東西，既有湯也有burger及牛扒，但最後的結論，還是以黑糖麵包以及chocolate thunder勝出了....印象中很少機會喝過這裡的湯。是夜試了普通的忌廉蘑菇及周打魚湯，前者給人的感覺是蠻罐頭feel的，湯內那半凝固的漿粉是還未完全溶掉，而且一整碗湯就只有一小片蘑菇而已....這未免有點太過份了吧....至於那chowder內的配料就豐富得多 --- 湯內有為數不少的洋葱粒、芹菜、紅蘿蔔以及蜆肉，味道自然不會太淡，但只可惜後加的黑椒落得太重手，是過份的辣了....儘管件頭份量好像是沒有從前的大，但眼前的這條黑糖麵包仍依舊好吃 --- 黑糖味十分惹甜之餘包身亦夠熱而香軟。配合着淡忌廉來吃，最後出現了搶食的混亂場面....小友一向到餐廳都

星期五的午餐在這間餐廳為同事慶祝生日.人也很多, 所以比較嘈..我們一行十四人坐一長枱..長枱很難聽到所以人的對話, 但西餐就是這樣..set lunch 最貴也只是$106, 相對晚餐平..但食物真的令人有點失望..等了很久先有湯和沙律...還要分兩批出..第一批的人食完, 其他的人還末有湯..包也是問幾次才有..湯夠熱和有很多粟米..沙律的菜也很新鮮黑糖包真的很好食..每次食也超愛!芝士煙肉薯條也是每個人的至愛, 一上枱就清了..主菜方面:牛扖七成熟, 有牛味也很淋.不錯, 比起上前有改善.蘑茹雞- 雞是雞胸但不怕乾.味道也不錯, 但我不是太愛雞胸...下次不會再叫..為什麼豬肋骨是這樣乾???我從末食過這樣乾的豬肋骨...很失望..這餐廳真的有待改善...上菜的速度也應快一點..

二人世界就當然要揀個坐得舒服又食得唔錯ge地方啦,本來以為實唔洗等,點知....去到都有幾枱人等緊...不過好在老公醒目早就訂左位 餐廳位置係一樓...大家記得係轉左 我地轉左右就兜左個大圈...餐廳坐位闊落,卡位為一大張sofa,如果係坐埋餐廳落地玻璃的卡位,環境就perfect開胃前菜---黑糖麵包.(掛住食都忘記左作為openrice食客的責任) 我就簡單介紹下啦, 黑糖麵包亦係outback其中一款出名的食品,包身外硬內軟,甜度適中,伴隨啖芝士醬,一咸一甜,作為開胃菜真係一個唔錯ge選擇跟住就係比全晚唯一比較失望....忌廉海鮮湯..太稠,而且淡而無味,只有啖啖的忌廉味..而海鮮更加係完全嘗不出來,不提也罷另一款,Outback的推介美食就係....洋蔥花球,一上枱洋蔥味己經香氣逼人,手功亦非常講究,每條洋蔥的大小都唔會偏差太遠,一入口濃列的洋蔥加黑椒味,混合埋配蛋黃辣根醬,非常可口,難怪我可以將一星期的quota都用在佢身上,btw 個洋蔥份量非常足夠,二人世界就剛剛好主菜-係安格斯(配菜:焗薯仔&焗甜蕃薯),安格斯order左5成熟,配以啖啖的洋蔥汁 ,完全唔會蓋過牛扒本身

想吃的wooloo明明沒客人但只准坐戶外，這天還在下雨耶實在太不貼心了吧，換地點到OUTBACK吃午餐，星期天的中午客人比晚上還要厲害上次吃過一次午餐...感覺不太好，而這次呢？！跟朋友各點一份，而我要了漢堡這麼多個月還是沒進步啊...漢堡的肉很死實沒肉汁之餘還乾巴巴要來磨牙的嗎？！而麵包就烤到黑黑的...看到就要倒胃口了而朋友的豬肋骨就比較好，雖然肉有點乾但中心的部位還是不錯這邊的晚餐我比較喜歡，而午餐呢...下次就算下再大的雨也不再選這